Abdelrahman.

وفكرة إنَّك تحكي عن كل حاجة جواك مش سهلة، مش سهلة فعلاً، خصوصاً لو حاجة حاسسها بجد، صعب انك تتطلع اللي بتحس بيه ف مُجرَّد كلام.

انا معنديش مشكلة خالص مع الغياب بس عندي مشكلة كبيرة مع الوجود الناقص.

خشوا قولو للي بتحبوهم انكم بتحبوهم،ممكن ميكونوش هنا بعد دقايق،عشان متندموش.استغلوا كل لحظة كأنها اخر لحظة، عيشوا اللي فاضل من غير ما تكابروا

لما تسيب شخص وترجعلة كذا مره هيجيلة برود وفي مره مش هيفرق تمشي او لا هو خلاص هيبقي رتب حياتُة علي انك بتمشي دايما. هياخد علي غيابك مهما طال.

أتعلمت إن مينفعش ازعل ع غياب حد لإنه لو عايز يفضل كان فضل، ومحدش مجبر يمشي، اللي بيمشي بيكون ببساطة عايز يمشي وأنا مقبلش إن حد يفضل غصب عنه.

متحاولش تثبت لحد انك كويس، سيبه اللي بعدك هيثبتله انك قد اية كنت كويس.

أنا أكتر واحد بيتوه منه الكلام ومابيعرفش يرتب جملتين علي بعض والدنيا بتعوم منه لما بابقى فعلا عايز اقول اللي جوايا، يمكن عشان كده باسكت أسهل

انا دايماً مابعرفش اروح اقول لحد انا زعلان منك في حاجة، او اني اطلب انة ميعملش دا، بشوف كل واحد شايف وفاهم هو بيعمل ايه كويس.

ماتفوّتش فُرصة تحضُن فيها حد بتحبّه، حتى لو وسط زحمة الناس، ماتحسبهاش بسَبب خوفك من الناس وتقول بعدين، عشان اوقات كتير مابيبقاش فيه بعدين.

عاوز أخدك بعيد عن كل إللى حواليك افهمك إللى جوايا، افهمك معنى تصرفاتى و نظراتي، افهمك إن سكوتى وراه كلام كتير، افهمك معنى إحتياجى ليك. بجد.

جوايا كلام ليك كتير نفسي اقوله بس لو قولته هاتزعل علي نفسك. اوي والله.

لو فكرتوا لثانية إن اللي قدامكوا ده فيه حد بيتمنى كان يقابله قبلك أو حتى تسيبوا بعض علشان هو ياخد فرصته معاه. حاجات كتير أوى بينكم هاتتغير.

اللي خلاك تبقي في يوم كل حاجة وتبقي من احسن واهم من أي حد، يقدر يخليك ولا كأنك كنت موجود من اساسة. كأنك ولا جيت. ماتبقاش ليك اي وجود. بسيطة.

بقّي عندي إكتفاء بنفسي وبس، مش مستني حاجة من حّد، ولا عايز حّد يطلب مني حاجة، وجود اي شخص بقّي زي غيابوا، لاني كّدة كّدة مُكتفي بنفسي. بس.

معنديش أسباب و لا عاوز يكون عندي، انا حابب اكون لوحدي بس، مش كارهكم.. يمكن العيب فيا مين عارف. متشغلوش بالكم.

بلاش توعد بحاجه انت مش قدها، ببلاش تحسسنى انك غير اى حد وانت عادى زى اى حد.

المُعافره كانت هتبقا احسن لو كانت بنتيجه أو إن الشخص اللي قدامك يستاهل المعافره، غير كدا المعافره هتبقي مجرد قلة قيمه وقلة كرامه. وتضيع وقت.

مع الوقت كل حاجة بترجع لمكانها وحجمها الطبيعي، متقلقش.

مُشكلتي أني دايماً بخاف وبهتم على مشاعر اللي قدامي مهما شوفت وحش منه.