أحمد الحميد

«ريك¹» من مغرور وشايف نفسه الى مذلول آكل للجرذان. اللي قاعد يسويه رامزي فيه شيء مرعب ويبدولي ان رامزي الكتاب راح يكون أعنف وأقسى من رامزي المسلسل. ما أخفيكم اشتقت لثيون المغرور💔. «بران²» واخييييرًا وصل بران للهدف من رحلته ووصل للكهف وقابل طفلة الغابة اللي شكلها غريب. تقريبًا مشابة بنسبة كبيرة للي صار بالمسلسل. الحماس الان عالي لاحداث بران، مع اني عارف ان بعد هالفصل مافيه فصل بأسم بران لكن متأمل ان فصلين (أمير وينترفيل&شبح في وينترفيل) يكون بران له علاقة بهم. «تيريون⁴» فصل ممل الى عادي وللاسف فصول تيريون رغم اني كنت متحمس لها بالبداية الا انها للان عادية جدًا. استفدنا اننا عرفنا ان جريف قاعد يجبر تيريون يكتب كل شيء يعرفه عن التنانين وكيف تتزاوج والى ذلك، وفي نهاية الفصل تيريون قال جملة غريبة. يوم ظهرت السلحفاة العملاقة قال تيريون دايم ماتظهر الآله لتشهد مولد الملك الجديد. هل هو يقصد نفسه كا ملك؟ ام انه استوعب شيء في اليونق جريف واعتبرها تلميحه؟ ماندري نشوف الفصل الجاي «دافوس²» فصل تمطيطي فقط الفايدة منه اننا عرفنا اكثر عن آل ماندرلي ومشاكلهم وهل راح يقبلون ام لا نعم رحلة جميلة في الميناء الابيض وجورج ابدع بالوصف وكأني انا اللي امشي ماهو دافوس بس برضوا كان ممل نوعًا ما. «دنيرس³» فصل عبارة عن هرمونات دنيرس شابه معها + هدية ذاك اللي من تارث عالعموم لازلت معجب بتطور دنيرس بالتفكير وانها فعلًا الان قائدة على الجميع وحاكمة صالحة قفاز دامي يعني الحرب. احداث دنيرس بتكون مشعلله اكثر🥶🥶🔥🔥🔥 «جون⁴» ابسلوت متعة ابسلوت عظمة. فصول جون للان هي الأفضل والأعظم والأمتع وفوقها حوار كامل مع ستانيس؟ ياساتر من الفصول اللي راح اعيدها، سنو رغم انه لايجب أن يتدخل بحروب الملوك الا انه ماقدر يمسك نفسه عن إعطاءه النصايح وتمرير معلوماته الشمالية لهم وفوقها الان رايح يجيب العشائر لـ لستانيس. شدني ان ميليساندرا قالت انا مكاني هنا عند الإخوة السود، هل ممكن يعني انها عارفة انها لازم تكون موجوده عند غدرة الحرس بجون؟ «تيريون⁵» يقلعم الجنووون وانا كنت احسبها نظرية بل طلع تيريون هو اللي متوقعها اليونق جريف كان المفروض يكون هو اللي لفه تايون لانستر وقدمه لروبرت!!! انا كنت احسبها نظرية بس على ذا الفصل لا رسميًا هو ايغون او اي ورع من وراعين ريغار وحتى بالأخير قالوا احموا الأمير. والله صدمة بالنسبة حسبتها نظرية بس طلعت حقيقة وابن ريغار الشرعي من زواج شرعي لايزال حي ويوجد اخت لريغار تمتلك تنانين وتسعى للحكم ويوجد كذلك ابن مزعوم لريغار من ليانا ستارك. مدري ليه إحساسي يقول ان في نهاية العمل راح يكون قتالي ثلاثي بينهم على من يحكم. «دافوس³» مقابلة وايمن ماندرلي والحوار والحدث بكبره رهيييب جدًا ولو اني ما اعرف النتيجة والحدث اللي راح يصير بعدها كان راح تكون اعصابي مشدودة ومتوترة صديقة دافوس الوحيدة في البلاط واللي كانت تنطق بالحق، حفيدة وايمن قالت مايجول في خاطر كل الماندرلي وبالذات وايمن الفراي واللانستر حاكمين قبضتهم على اللورد السمين لذلك ما الومه يوم يطلب من دافوس الطلب هذاك. «ريك²» سيطرة كاملة على عقل ثيون. مايجرؤ على خيانته بل انه يبدع بالإقناع والكذب لأجله، خدع شعبه وجعلهم يذهبون لفخ وسلم رامزي قلعة بدون معركة. وأصبح ثيون غريجوي أمير الجزر الحديدية مجرد كلب لدى نغل اسمه رامزي. كذلك زي ما كنت اعرف ذي ماهي آريا وذي هي جين بول صديقة سانسا. متشوق اعرف كيف اقنعوها تعيش هذي الكذبة.

• تحيه كبيرة للمترجم

الشرف عمره ماكان غباء + مافيه شخصيه في عالم جورج ماعندها اخطاء لازم الكل يعرف هاذا الشي