sefiane EL ALAMI

مجرد تخليل شخصي المرجو قراءته حتى النهاية قبل التعليق🙏🏻 أكيد الكثير منكم استغربوا من العداوة اللي بدات تتشكل بين الصبليون 🇪🇸 وميريكان 🇺🇸 وشفتو زيارة سانشيز الأخيرة للصين باش يعتقوه من ميريكان سبب العداوة طبعاً ماشي حب لغزة ولا حرب إيران السبب الحقيقي هو قراءة إسبانيا لفين غادي العالم ورفضهم لبلاصتهم فالنظام العالمي الجديد العالم يتجه لنظام متعدد الأقطاب يتوزع على ثلاثة اقطاب رئيسية القطب الأمريكي والصيني مع الحفاظ على النفوذ الروسي في منطقته شافت ميريكان أنها لا تستطيع وقف بروز الصين كقوة عالمية تنافسها ولذلك قررت الانخراط في خلق فضاءات لكل واحد منهما والخط الفاصل اللي حطيت بالأحمر 👇🏻الجانب الغربي منو هو الجانب الأطلسي بقيادة امريكا ويقدر يرجع شوية لور بعد دخول جنوب أفريقيا.. الصين غادي تسترجع تايوان وتولي قائدة الجهة الشرقية الاتحاد الأوروبي يقدر يبقى رمزي او يتفتت ويولي مجرد ملعب للقوى العالمية الثلاثة إسبانيا سيتم سلخها من الاتحاد الأوروبي وإجبارها على ان تكون جزء من القطب الغربي الجديد وفهاد القطب لن تكون رائدة في الجزء الشرقي للأطلسي بل ستكون فقط احد الدول اللي داخلة فالقطب الجانب الشرقي الشمالي غادي يكون تحت قيادة بريطانيا والجزء الجنوبي الشرقي بقيادة المغرب وأمريكا اللاتينية بقيادة البرازيل وأمريكا الشمالية هي ميريكان شخصياً وفهاد التقسيمة كاين كندا التي تعاند بحال إسبانيا ولكنها مربوطة اقتصاديا بأمريكا وما تقدرش تخرج من الجماعة والسماح للصين باسترجاع تايوان غادي يكون بالتوازي مع حصول امريكا على جرينلاند وروسيا على جزء من أوكرانيا الحروب الحالية هي مجرد وسيلة لإطفاء التوترات باش تخرج ميريكان من عدة مناطق وتخليهم يحميو راسهم براسهم أستراليا غالبا غادي تبقى الحديقة الخلفية لميريكان وسبب ترجيحي لذلك إرغام ميريكان لأستراليا على إلغاء صفقة الغواصات الفرنسية مع وعد بتمكينها من غواصات نووية أمريكية هاد الأقطاب الثلاثة بعد تقسيم العالم غادي تعاون بيناتها لإطلاق الطرق العالمية سواء الحريرية أو الطاقية وغيرها من الطرق طبعاً إسبانيا لقات راسها فتكتل أوروبي هش لا يستطيع حمايتها و مستقبل لن يكون لها دور قيادي فيه رأيكم في القراءة يهمني 🙏🏻