Ahmed Elkady

الشاب ده اسمه احمد شغال سباك، كان في طريقه لشغله ل طنطا، وفجأة شاف عربية ملاكي انقلبت في الترعة علي طريق طنطا قطور . من غير تردد، نط وراهم على طول في الترعة مفكرش هو بيعرف يعوم ولا لأ.. كل اللي كان بيفكر فيه: "لازم أطلع الناس اللي جوه". العربية سرجون كل أبوابها والمياه بتغرق العربية ببطء، كسر الزجاج بإيده عشان يدخل، أنقذ الأب المفاجأة انه لقي طفلة رضيعة مكملته 11 شهرًا أنقذها الحمد لله ، وبعدها خرج الأم، التي كانت في حالة صدمه وتمسكت به بقوة وكادت تتسبب في غرقه. الأهالي رموا ليهم الحبال، ونجحوا في إخراج الجميع، ثم وصلت سيارات الإسعاف، ونقلوا الأسرة لتلقي الرعاية اللازمة، ونجوا جميعًا. أما أحمد فأصيب بجروح في إيده وشظايا زجاج أثناء الإنقاذ، ويتلقى العلاج، لكنه قال بكل بساطة: "مش مهم.. المهم إنهم عايشين." جدعنة شاب خاطر بحياته عشان ينقذ أسرة ما يعرفهاش.

في يوم كنا في قعدة طلاق ...أيام بقى ما الواحد كان عنده مرارة ...فالمهم قعدات الطلاق دي ليها طقوس كدا أهل العرف و اللي بيقعدوها عارفين إننا بنخلص كل حاجة و يجي مشرعين و تاخد حقوقها و كل حاجة و بعدين نحدد يوم للطلاق بتحضر الزوجة و الزوج و كام واحد من أهلهم و يرمي اليمين و خلاص خلصت و بناخد كل التعهدات اللازمة اللي تضمن إن ما يحصلش مشاكل بعد كدا من الطرفين و حقيقي أفضل كتير من طرق المحاكم و عادة الوضع حقيقي بيكون متعب نفسياً لأي حد ، و حتى بقيت أقعد في قعدة التشريع فقط لو حد لجأ ليا أو قعدة بنسعى فيها للصلح بدل خراب البيوت ...لكن بحاول قدر الإمكان أبعد عن يوم رمي اليمين دا ...ما بحبوش بيبقى في الغالب دموع و بكاء و كسرة خاطر كدا و أنا و الله بتعب يعني أفتكر والله بنت الله يحفظها يوم رمي اليمين دا بصت لزوجها و قعدت تبكي و مغمضة كأنها مرعوبة و أنا أغمز فيه يتلحلح كدا و يقوم ياخدها بالحضن كدا و يمسح دموعها و يعمل أي حاجة و أنا هتكفل بالباقي أنا و الناس ، البنت حقيقي كانت باقية على العشرة بس هو اللي جلنف الله يسهله بقى هو و أهله ....فحقيقي الموضوع بيبقى صعب إلا مرة من أغرب المرات اللي حضرتها البنت دخلت و كان معاها إخواتها ، و كان عندها ثبات من عجب ، نظرة عينيها بتقول إنها مش باقية على حاجة في الجوازة دي المهم خلصنا كل حاجة و أخونا رمى اليمين و قبل ما تقوم و قدامنا كلنا قالتله كدا خدت حقك؟ ، قالها أه ، قالتله و أنا كمان خدت حقي ..بس ناقص حاجة ما خدتهاش و لو سبتهالك قلبي هيتعبني طول عمري كلنا بصينا لبعض كدا اللي هو ايه و إحنا مخلصين كل حاجة قالتله القلم اللي ضربتهولي وأنا طالعة من بيتك آخر مرة و في لمح البصر كانت ضارباه قلم أنا لحد اللحظة بقول تمكنت من وجهه إذاي التمكينة دي ....و قالت كدا يبقى خالصين و حقي وحقك يا أبن الناس ...روح بقى للحاجة... المهم في لمح البصر كان إخواتها شالوها من عليه و طلعوا بيها من بيت الناس و حصلت قعدة تانية بسبب اللي حصل دا بس للأمانة ما حضرتهاش و لكن طلعت حب روس في الآخر.... أصل هيتعمل إيه يعني ...اللي حصل حصل فمواضيع الخلافات الزوجية و الطلاق دول بالله الواحد شاف فيهم أمور لو ما كانش قاعد و شافها كان قال لا لا مستحيل .....و لكن للأسف ما بقاش فيه مستحيل في زمن كل الغلط فيه بقى مباح

قومى قبل جوزك من النوم بنص ساعة كده اغسلى وشك وسنانك وسرحى شعرك وحطى ميك اب خفيف بلاش تسيبي نفسك شبه الغوريلا شغلى Quraan - قرآن جهزى الشاى والفطار الخفيف كيك بسكويت جبنات بيض عصير الموجود يعنى مينزلش من غير فطار حضريله الحمام يعنى غياره والفوطة وعطريهم بالبرفيوم واملى البانيو لو عندك يعنى ولو فى وقت ادخلى بقى صحيه بس احذرى الصوت العالى وشد الغطا بوسيه من جبينه قوليله حبيبي بطوطى قلبى عسولة ارفعى الغطا بالراحة وهو فى الحمام تكونى مجهزة هدومه ولما يخرج ساعديه يلبس مش عيب تلبسيه الشراب مش هيقلل من قيمتك يعنى انك تتفرجى عليه وهو بيسرح انك تختاريله البرفان اللى يحطه انك تعجبي بيه وتقوليله كلمة كويسة مش هتخسري حاجة والله افرديله سجادة الصلاة والله هتاخدى ثواب وهو بيصلى حطى الفطار عالسفرة حضرى جزمته نضيفة ومتلمعة افطرى معاه وصليه لحد الباب بوسيه طبطبى عليه ادعيله قوليله هتوحشنى متغبش عليا والله هيرتاح نفسيا ويشوف شغله ببال رايق وهيبقى ملهوف يرجع علشان محتاج حنيتك بعد ما ينزل نامى ارتاحى بس اعملى حسابك تقومى قبل ميعاده بوقت مناسب روقى بيتك وحضرى اكلك والبسي وسرحى شعرك وحطى برفان واتمكيجى ورشى معطر جو او ولعى عود بخور واستقبليه بابتسامة مهما كنتى تعبانه ومهما كان فى مشاكل خبيها لحد ما يرتاح قدمى الاكل بشكل يفتح النفس ذوقيه وحطى جنبه عصير فريش برتقال يوسفى تفاح لمون فراولة كنتالوب كيوى اى فاكهة عندك متساليهوش مالك بصيله وخليه يشوف السؤال فى عنيكى بس مش عاوزة تكلمى حسسيه انك قلقانه عليه لما يتكلم ويحكيلك متسخنيهوش اسمعى منه وخليكى عاقلة اعرفى الوقت المناسب للطلبات وحدود الطلبات على قد امكانياته فى كل الاحوال جمالك مش بس انك رسمة عنيكى حلوة جمالك فى هدوءك وطيبة قلبك ونضافتك وريحتك استغلى كل امكانيات البيت فى تزيينه من غير تكاليف مرهقة خلى دايما ليكى بصمة كلمة حركة يفضل فاكرها ومعلقة فى باله مثلا تعاكسيه بطريقة لطيفه ركزى بقى فى الى جاى لانه السحر الحقيقي لما يزعلك مترديش كلمة بكلمة عدى فى سرك لحد ميه وبعدين بصيله بلوم لما تناموا خدى راسه على صدرك واقرى قران وادعيله بصوت هامس بس مسموع لو زعلك وجه يعتذر متسمحيلوش يعتذر قوليله متعتذرش بمجرد ما طبطبت عليا قلبي صفي ليك او مقدرش ازعل منك البسى أنسيال فى البيت البسى اكسسوارات رقيقة حطى فى شعرك توك ملونه وورد طلعى انوثتك ورقتك لزوجك واخيرا حافظى على صلاتك ودايما شغلى قران فى البيت من الاخر انتي ام واخت وبنت وحبيبة وعشيقة قبل ما تكونى زوجة ربنا يصلح حالكم ويهدي أزواجكم جميعا ياااارب

كنت ماشي انا وصاحبي لقينا بنت خرساء قاعدة ، بتشحت شكلها خواجاية ، شقرا وعنيها ملونة و زي القمر .. قلت لصاحبي : سبحان الله شوف البنت الشحاتة قمورة إزاي ؟ .. فوجئت بالبنت اللي كانت عاملةالخرساء بتتكلم وقالت لي : والله ياباشا إنت اللي قمر وشيك وريحة بارفانك تجنن .. ضحكت وإديتها خمسة جنيه .. رجعتهالي وهي ماسكة في هدومي وبتضحك وقالت : لااااا ، أقل حاجة هاخدها منك ٢٠ جنيه .. قلت لها : إشمعنى ؟ .. قالت : علشان إنت بوظتلي الشغل وهديت النظام .. قلت لها إزاي ؟ .. قالت علشان كل الناس اللي إدوني فلوس على إن أنا خرساء وشافوني وأنا بكلمك هييجوا ياخدهوا ويعرفوا إن أنا ضحكت عليهم ويمكن يضربوني ، وبعدين ياباشا دا مش مقامك .. طبعاً الناس إتلموا علينا ، وأنا إديتها أكتر من اللي طلبته وصاحبي إداها ٣ جنيه ورق .. ومشينا ، وهي من ورانا بصوت عالي جداً تقول : ربنا يزيدك ياباشا ياقمر ياشيك يابو برفان حلو ، وتشاور على صاحبي وتعض صباعها ( اللي هو بخيل وجلدة يعني ).

من فترة سحبت ٣٠٠٠ جنيه من ATM اللي عند البنك الأهلي وبعدها إشتريت حاجات من كذا بياع من البياعين اللي عند عمر أفندي عندنا في شبين .. كان معايا شنطة كتف ( فيها باقي ال ٣٠٠٠ جنيه وكراتة فيها البطاقة وكل كروت الكريدت وكارنيهات ومفاتيح وخاتم دهب بتاع المدام كنت واخده أغيره لها ) كل ماأقف عند بياع أفتحها وأحاسب البياع وأقفلها وأعلقها ف كتفي .. مشيت شوية بعد ما خلصت مشتريات ، إكتشفت إن الشنطة مش في كتفي .. رجعت سألت كل البياعين مالقيتهاش عندهم .. واحدة بتبيع ذرة مشوي قالتلي إنها شافتها مع الشاب اللي كان واقف جنبها بيبيع عيش على تروسيكل ، وقالت إنها شافته فتحها وفتش فيها وبعدين قفلها وركب التروسيكل ( تروسيكل مانيوال تعبان جدا ) وطلع يجري .. لما فقدت الأمل قلت أرجع البيت وأشوف حد يوصلني لبيت الشاب بتاع تروسيكل العيش دا .. وطبعاً الشيطان طول الطريق عمال يوسوس لي أعمل إيه في الولد دا وانتقم منه إزاي ؟ . روحت عند البيت وكانت المفاجأة إن أنا شوفت التروسيكل قدام البرج .. قلت كويس إنه جه لمصيره برجله .. أول ما دخلت العمارة لقيته واقف مع البواب ، والبواب أول ماشافني قال له : أهو الدكتور محمد جه أهوه .. ولقيت الولد فرح وإداني الشنطة وقال إنه فتحها ، عرف العنوان من البطاقة وسأل علي العنوان وجه جري .. خدت الشنطة فتحتها وإتأكدت إن كل حاجة تمام .. شكرته وطلعت له ٣٠٠ جنيه علشان أديهمله .. رفض بشدة رغم محايلتي أنا واللي واقفين ومحاولة إقناعه إن دا حقه عشر الحاجة .. قال لا لا يا باشا ، ماتضحكش عليا .. قلت لا والله مابضحك عليك ، طيب قولي طلباتك .. قال طلباتي إنك تدعيلي .. ياباشا إنت عايز تديني العشر ١٠/١ من الفلوس وربنا هيديني عشرة أمثالها يعني أكتر من ٣٠٠٠ جنيه ، وضحك وقال دا غير الكروت والمفاتيح .. لقيتني بحضنه وابوسه وقلت له ربنا يبارك في أبوك اللي رباك . قال والله ياباشا أبويا مات وانا عندي ٤ سنين وأمي اللي ربتني أنا وإخواتي .. قلت له : سلملي عليها وبوسلي إيديها ورجليها زمبؤولك كدا

عربيات احدث موديل وشاليهات ومليون جنية وغيره وغيره اكيد مبروك لاعبى ومدربى المنتخب المصرى تستحقوا فرحتوا مصر كلها للسادة رجال الاعمال زى ما اتبرعتوا لناس ممكن مش محتاجين ممكن حضراتكم تمدوا ايايكم لناس محتاجة هدعيلكم من قلبها عشان ربنا يبارك ارزاقكم الصور لبطل مصرى حقيقى اسمه محمود عنده ٢٧ سنه محمود قدم على تلاتين شغلانة فى ايام قليلة بس اترفض لانه برجل واحدة عشان لقمة العيش الحلال محمود جاب عجلة وبيوصل لطلبات للمنازل يوميا بيسوق العجلة حوالى تلات ساعات برجل واحدة وممكن يطلع ادوار عليا عشان يوصل الطلبات. اعتقد طرف صناعى او عجله الكترونيه ممكن تخلي محمود يفرح وكمان الشعب يحس اننا ادنا كاس العالم فى الانسانية.

لما مرت عليا فيديوهات الرقص بتاعة بنات ٣ ثانوي النهاردة بعد انتهاء الامتحانات، ومنها فيديوهات آباء هم اللي بيرقصوا مع بناتهم .. أول شيء دار في بالي، هي دي هتبقا زوجة صالحة ازاي؟ هو الشاب هايختار بنت محترمة من وسط المجتمع ده من أين؟ هو الأب ده مش حاسس ازاي بمسؤوليته تجاه بنته وعرضه؟ هو ازاي الأب وصل للمرحلة دي من الدياثة؟ المجتمع محتاج فتح إسلامي من الصفر، محتاج دعوة من جديد، محتاج ناس تتعلم ألف باء دين وقيم وأخلاق .. والله يكون في عون كل شاب عايز يتجوز ويعف نفسه بالحلال وبيدور على زوجة صالحة ..

اكتشفت ظاهرة غريبة بتحصل من حوالي عشرة خمساتشر سنة في المجتمع و هي ظاهرة( الاستبضان اللاارادي) تحس انه الناس و خصوصا الحريم الصغيرة بيحاولوا يستبضنوا الناس بكل الطرق .. كلام بضيوني علي حركات بضيونية دة لان العدو كان زعلان من النمو السكاني و الثروة البشرية تحت ف حطوا سائل منوي من بضان حمار ميت من كفر الشيخ في ماية النيل و من ساعتها و تفشت حالة الاستبضان في البلد لدرجة اننا اول مرة بنشهد في انخفاض النمو السكاني في العصر الحديث النظرية بتقول انه لو استمرت الحالة دي هنشهد انقراض الفلاحين و الكمايتة خلال ١٠ سنين و انتهاء الحضارة البيضونية .. اهم اعراضها انك تحس ان الخصيتين بيصقفوا في بعض مما ينتج حالة من العقم العام ..اتمني كل شاب محترم واعي يشاركنا في استبيان عن حالة لغاليغه لانقاذ ما يمكن انقاذه

الصورة اللي قدامك دي لعامل مصري بيشيل طوب وواخد ابنه في ايده رايح جاي عشام فاقد بصره وابنه بيعرفه الطريق وبيتعكز عليه وبيشيل علي كتفه وبيطلع سلالام عمارة عشان يوفر لأسرته تمن وجبة غدا او عشا مش لأجل اي حاجة تاني غير كدة هي دي الضغوط الصعبة في الحياة اللي رجالة كتير بتعاني منها ومع ذلك اغلبهم ساكت ومبيكلمش لأن مفيش فرصة انه يكلم لأنه مش فاضي اصلاً يكلم عشان مستمر في عجلة الحياة الدايرة اللي مبترحمش هي دي الضغوطات مش تقولي لاعب كورة بيسافر امريكا يلعبله ماتشين بيقعد في أحل فنادق بياكل احسن اكل رصيده في البنك نصف مليار جنية وطالع يكلمنا عن المعاناة والضعوطات

@amirakadi قمر

@safaasakr1 طب يلا بينا

@ahmedelkadyx على فكرة ممكن يلاقوا فيه ناس كتير مش لاقية تاكل

يعني انا ابقا دافع تمن عدد الجيجات اللي هستخدمها مقدما وعشان ادي لصاحبي أو جاري رقم الواي فاي بتاعي لازم اخد إذن من الشركة وإلا ابقا بعمل حاجة حرام !!! يعني لو اشتريت بطيخه وحبيت أعزم علي جيراني وصحابي اروح استأذن الفكهاني الأول !! ولا الشركه اللى بتسرقنا دى بييقا حلال

الراجل اللي شكله محترم ده دخل ستور في مول و اشترى حاجات ب 25 ألف جنيه و قال للبنت اللي في المحل أنه سعودي و مش معاه غير يورو ف البنت استأذنت صاحب المحل في التليفون و وافق أنها تحاسبه باليورو و طلعت العملة اللي إدهالها هي العملة اللي فوق دي ، و بعد ما صاحبة المكان نزلت تفاصيل الواقعة على إنستجرام و أرفقت فيديو ليه و هو بيشتري داخل المحل و لابس نضارة و كاب إكتشفت إن في أماكن تانية بتعلن عن نفس اللي حصل و بيقولوا إنه إداهم عملات مختلفة .. يعني الباشا نصاب و بيمشي يلم مقتنيات بآلاف مقابل عملات زهيدة من دول غريبة ، المكانين عملوا محاضر و واحدة منهم جابت جزء من عربيته لونها أبيض لكن النمر مش واضحة ف يا ريت أصحاب المحلات يخلوا بالهم.

استشهد في غزة منذ قليل، عمر أبو قاسم. وزوجته أسماء أبو قاسم، وابنتهما حبيبة (6 سنوات). وانتشل من تحت الأنقاض طفل هو الناجي الوحيد إثر قصف مروحي صهيوني لشقة سكنية في دير البلح بغزة. اللهم رحمتك ورضوانك ولطفك وفرجك لإخواننا واجعل من إثم دمائهم لكل مشترك فيه نصيب، من قاتـ.. ل ومحاصِر ووسيط وممجد لطاغية

دلوقتي دخل زبون عندى فلاحظت إن كف يده اليسري مقطوع وهو من فترة قريبة كان سليم تماماً وكنت بشوفه باستمرار قعدنا وخلصنا الكلام فى الشغل ولقيته بيضحك وبيقولى انا متابعك على الفيس بوك وبشوفك وانت بتشرد لأصحابك خد الموقف ده أكتبه عندك يمكن يبقى موعظة لحد قال أنا شغال فى مصلحة .......... وفى يوم شهدت زور على زميل كان معانا فى الشغل انا و٣ كمان وكتبت فيه مذكرة ومضيت عليها انا وزمايلى اللى معايا فى نفس المكتب والمذكرة دى كانت سبب فى فصله من الشغل بطريقة مهينه بعد ما اتفصل من الشغل عرف إن انا اللى كتبت المذكرة اتفاجأنا بيه داخل علينا المكتب وبكل هدوء قال انت يا فلان كتبت انى عملت كذا وكذا وكذا لو كنت صادق ربنا ينتقم منى ولو كنت كاذب ربنا يقطع إيدك إن شاء الله وقال لواحد تاني لو كنت شهدت زور ربنا يبتليك فى بيتك وعيالك وإن شاء الله تموت بحسرتك قال أنا بدون أسباب بعد أيام أيدى ورمت وحصلت فيها مشاكل فى الأصابع وبعد كدا ظهر الكف والعلاج منفعش معاها وتم قطعها وصاحبي التاني كان واخد قرض علشان جايب عربية لإبنه يشغلها اوبر،ابنه كان بيتعاطى مخدرات وحشيش وراح باع العربية وصرف فلوسها ومات فى إحدى المصحات وهو معرفش يسدد القرض خد قرض كمان من شركات تانية غير قرض البنك علشان يسدد الأول وحالياً هربان من الأحكام اللى عليه #دعوة_مظلوم

صاحب شركة سياحة بيحكي و بيقول إنه قبل موسم الحج بأيام شاف في المنام راجل صالح قال له :خد فلان معاك الحج السنة دي على حسابك وإداله رقم موبايل الراجل ..صحي من النوم فكر يطلب الراجل بس نسي الرقم ..تاني ليلة نام شاف نفس الرؤيا بس بردو لما صحي نسي الرقم ..تالت ليلة صحي سجل الرقم والصبح طلب الراجل وعرف إنه في مدينة تانية .. راح له وقال له : إنت هتحج معانا أن شاء الله ، قال له منين ؟ دا انا البطاقة بتاعتي منتهية ومش معايا فلوس أجددها ..أخده عمل له بطاقة وجواز سفر وحجز له وأخده معاه الحج ..خلصوا مناسك الحج وعند طواف الوداع الراجل الطيب قال له : نفسي أصلي ركعتين في حجر إسماعيل ..رغم الزحمة قدر يوصل وصلى الركعتين وبعد التسليمة الأولى وقع على الأرض وروحه صعدت لخالقها .. دفنوه في مكة .. ولما رجع الراجل صاحب شركة السياحة راح لأسرة الراجل الطيب وسأل زوجته : ايه اللي كان بين الحاج وبين ربنا علشان ربنا يعمل الكرامات دي كلها ؟ ..قالت له : كانت جارتنا أرملة فقيرة عندها ٤ اطفال ، من يوم جوزها مات ، الحاج تكفل بهم( كان يجيب كيلو طماطم يقسمه على كيسين إحنا كيس وهم كيس .. يجيب فرخة يقسمها نصين ، هم نص وإحنا نص ، وكل حاجة يشتريها يقسمها في كيسين يدي الست جارتنا الاول قبل مايجي البيت ويجيب الكيس بتاعنا )

في ديسمبر الماضي كان أعلن ضياء العوضي على صفحته وفي فيديو إن عنده مريضة زارعة كلى من 12 سنة هو وقف أدوية المناعة لها من سنة وشهرين وإنها كويسة وزي الفل ومكملة حياتها طبيعي . تدخل دكتور اسمه محمد ممدوح عبد الباري مدرس طب الباطنة والكلى في طب المنصورة واتكلم معاه تليفونيا ودخل معاه في جدال وتواصل بعدها الدكتور محمد مع المريضة اللي اسمها ايمان وفوجئ إنه وقف لها أدوية المناعة بدون عمل أي تحاليل للكلى ولا كرياتين وتكتفي فقط بالأشعة التليفزيونية * معنى كدا والأطباء يردوا علي لو كلامي فيه غلط إن الكلى هتتدهور بشكل تدريجي بطئ بدون أي تعب وهيخلص فجأة بحمضية في الدم أو ارتفاع في البوتاسيوم وغسيل لو مش وفاة حتمية في الاخر موضوع تواصل دكتور محمد ممدوح مع المريضة حكاها ضياء العوضي في فيديو من فيديوهاته بنفسه ساخرا إن عنده مريضة زرع كلى دكتور تواصل معاها وطلب منها تحلل كرياتين وإن اللي بتعمله غلط فهي ردت وقالت له اللي هيقوله دكتور ضياء ويوافق عليه هسمع كلامه فيه . الايام دي بعد شهور من التواصل اللي حصل بين التلات أطراف قرر دكتور محمد ممدوح يتصل تاني بالمريصة عشان يشوفها وصلت لفين ويحاول يقنعها بالذات بعد تكشف أمور كتير ورحيل الراجل ، إلا إن الموبيل مكانش بيرد وحتى الواتس مش بيفتح ، وقدر يتواصل مع جارتها اللي أكدت له إنها رحلت في يناير وتعبت وكان أكلها رز وبطاطس والسكر والضغط في السما وظلت أسبوع في المستشفى قبل الرحيل ، وحاولوا ينقذوها وأهلها نفسيتهم متدمرة لإنها مكانتش بتسمع كلام حد غيره وبالطريقة اللي رحلت بها

بصي يا اسمك ايه .. انتي حره تقلعي تلبسي انتي حررره من اهتدى فإنما يهتدى لنفسه الله غنى لا ينفعه عباده أحد ولا يضره معصية أحد بس سؤالي هنا تعلني ليه؟؟ هنستفاد اي من ام الخبر دا لما تعلني عنه؟؟؟ شغل الترندات وحشك فجايه تخصينا يعني ولا ايه 🤷

نفسى اعرف صاحب الشغل اللى لسا بيقبض الموظفين ٥ و ٦ و ٧ الاف جنيه ، بيعرف ينام بالليل ازاى لما بيصلى لربنا لو يعرف ربنا يعنى بيقوله ايه لما بيسجد ، مبيفكرش ازاى ازاى الموظف دا بيمشى بيته بـ ٦ الاف جنيه ف الشهر يعنى ايه مواطن مطلوب منه يفطر و يتغدى و يتعشى بـ ٢٠٠ جنيه فى اليوم ؟ لو جاب ساندويتشين فول بس فى كل وجبه بالمواصلات كدا يوميته خلصت ! دا هو مجرد فرد مش مسئول عيله صاحب الشغل اللى معاه عربيه و فيلا و عياله بتدرس فى مدارس انترناشيونال هل بيفكر ان العامل له ابن عاوز يتعلم و ياكل اكل كويس و يلبس و يلعب زى الاطفال و يعيش طفولته لما انت يبن الاحباب بتديله المرتب دا و بتسلب منه يومه لا بيقدر يخرج ولا يقعد مع عياله و لو قعد فا مش معاه فلوس يفسحهم لان مرتبه هيخلص ف الخروجه ، قادر تقابل ربنا تقوله ايه ؟ طب لو شاب مش متجوز هيتجوز ازاى و منين ؟ و لو متجوزش و وصل لسن التلاتين و عدى ، مطلوب منه يعف نفسه لحد امتى و هو قدامه الميديا فتنه و الشارع فتنه ، و لو جبتوه ناطت ع حد ف الاتوبيس بتفضحوه مع تأييدى انه فعل غلط بس لحد امتى الشاب هيكون عبد لشركه بتمص سنين عمره بدون مقابل ، و ف المقايل الشركه بتكسب منه ملايين و مليارات و المديرين ع حسه بياخدوا علاوات و حوافز ان الشغل اللى الموظف عمله كان مميز و هو ملوش اى امتياز لحد امتى الشاب المصرى هيعيش يومه بشكل طبيعى ، وشه سعيد رايح شغله مبسوط بيقضى يومه يرجع ل اسرته يكمل حياته ، مش يشتغل ١٢ ساعه و فيه اللى بيطبق ع شغلانتين علشان يعرف يلبى احتياجات بيته و ميكونش مكسور قدام اهله فا بالتبعيه لا بيتهنى ب اسرته و عياله و مراته و يبقى عباره عن طور ف ساقيه طول عمره إلا ان يجد جديد بيشتغل يرجع من الشغل ينام علشان يصحى يشتغل الشغل اللى لسا نايمله علشان يصحى يشتغله لحد امتى