إيمان _تسويق رقمي

هل تعرف منافسينك أفضل مما يعرفون أنفسهم؟ قالب تحليل المنافسين الجاهز + 7 أخطاء تسويقية شائعة تسرق مبيعاتك في 2026 كل هذا أقدمه لك مجانًا في ملف Documents اكتب كلمة (قالب) في الـ DM وسأرسله لك فورًا #تسويق_رقمي

@Lowlip2 تقصد شخصية رقمية كما صممتها حضرتك صحيح ؟

المهارة القادمة بالذكاء الاصطناعي هي عمل توائم والمساعدة لرواد الأعمال بصناعة محتوى وللمتاجر بعمل محتوى يوجي سي وغيره أتقن هذه المهارة واطلقها ضمن عرض لن تندم

@Lowlip2 مليون ريال في حسابات المنصات الاعلانية لأني تقدر احولها ل 10 مليون في أسوأ التقديرات

لو خيرتك بين 500 ألف ريال كاش بين يديك ومليون ريال في حسابات منصات اعلانية تقدر تسوي عليها اعلانات ايش تختار وايش السبب ؟

العقل البشري يعاني من Paradox of Choice يجب تمييز الخدمة الأكثر مبيعاً بـ badge "الأكثر طلباً" مع تقليل الخيارات أو تجميعها.

@APLUSELIVE إيش بتخسر؟ حرفيا لا شىء وإن رفضوا ف الرفض للخدمة وليس شخصي ، لكن لو ما جربت بتبقى تلوم نفسك أنك ما أخذت خطوة ف توكل على الله لعلها تكون فاتحة خير ورزق جديد

فيه جنب شقتي على طول كوفي جديد ودي امسك له المحتوى والتسويق بالمحتوى والخ لكني بسبب الانقطاع بديت اشكك في مهاراتي 😅 وصار عندي رهبة من الرفض لان اكيد من حقه يقول لا ! هل ارمي نفسي واغامر ؟ واذا ماطلعت قدها ؟ اليوم انا في مكان العملاء تقريبًا ! 👹

@Raghad_Turki2 الله المستعان يا رغد بعض الناس ما عنده مشكلة يستحل تعبك ومجهودك عادي وكأنه لاشئ وممكن تلاقيه نفذ الخطة اللي قدمتها له في البداية مع شخص تاني أقل أجرا، هذا النوع من العملاء علمني ما اشتغل إلا بعد تحويل الأجر كامل مقدما

موقف يتكرر بشكل مستفزززز 🤯 تتعبين وتسوين استراتيجية كاملة، وراك فريق كامل يصمم ويكتب ويصور.. وتجيبين للعميل خطة ترفع مشروعه لسابع سماء! وبكل برود يقول: ليش السعر كذا؟ لقيت واحد يسويها بـ ٥٠٠ ريال! 💔 يا حبيبي روح له الله يوفقك.. بس لا ترجع بعد شهرين تبكي وتقول الشغل ترقيع والبراند حقي تشوه! الجودة العاااالية لها ثمنها، واللي يسترخص بالبداية بيدفع الدبل بعدين عشان يرقع كوارث الرخيص!

@JihadAbuMustafa المشكلة فعلا هي الإلتزام وهو ما يميز الناجحين 👌

لا أحد يخبرك أن أصعب جزء في بناء مشروع ليس العمل نفسه. بل أن تعود كل يوم إلى نفس المكتب، نفس المشاكل، نفس الضغط؛ وتختار أن تكمل :-). النجاح ليس لحظة واحدة كبيرة. النجاح هو أن تظهر كل يوم ولا أحد يراقبك.

@APLUSELIVE أتوقع صدقا إنه حملة تسويقية ، لكن ذلك ما ينفي إبداعها وعفوية أسلوبها ، المحتوى العفوي القريب من القلب يوصل للناس بسهولة

هل ممكن ترند ريري رول من دانكن يكون كمبين اعلانية منهم ؟ بما انه طلع ان الوصفه منتشره بين الموظفين في دانكن من وقت ماهي جديدة يعني ! ممكن انهم صنعوا ترند و صنعوا ( بطلة ) روجوا لها وكافئوها وكل هذا ترند فقط ؟ مثل ترند الحطب ؟ 🤔

@AaskTers عزيزتي المهام المطلوبة تشكل أكثر من تخصص وهي مرهقة تتطلب جهد كبير يعني ف راتبك لا يفترض أن يقل عن ٨٠٠٠، أما بخصوص التسويق تتعلمين أكثر شئ مع التجارب 👍🏻 إذا عندك قدرة استثمري في نفسك ب دورات مع مختصين ناجحين في المجال + ابدأي بتعلم استخدام أدوات الذكاء الاصطناعي لمجالك موفقة❤️

السلام عليكم انا اشتغل في تصوير المحتوى وادارة الحسابات وطلبوا مني تسويق وانا ماعندي خبره في هالموضوع كيف ممكن اطور نفسي في التسويق ؟ و كم ممكن يكون الراتب في ادارة الحسابات؟

@SEONAWAF ممتاز ، الأول كان فيه تفاصيل كتير وحوسة خاصة للتجار المبتدئين الآن المنصات تطورت وتقدم خدمات تسهل الموضوع على التاجر👌

تعبت من ضياع ميزانيتك بسبب اختلاف الأرقام بين منصات الإعلانات ومتجرك؟ ربط الإعلانات المباشر في زد مع تيك توك وسناب وميتا ينهي هالمعاناة الربط يرفع جودة مطابقة الأحداث (EMQ) ويقلل تكلفة الاستحواذ ويخلي الخوارزمية تجيب العميل الصح.... الداتا الموحدة تنقذ ميزانيتك وتختصر وقتك

@jamalalfadhli فعلا التجارة الالكترونية فيها فرص وخير كبير ولكن تتطلب شخص بعقلية مرنة متفهم عنده ميزانية واستعداد يستثمر في البحث عن المنتج ودراسته و التسويق له

استغرب من اللي يبغى يستثمر راس ماله في التجارة ويفتح مشروع تقليدي بميزانية ٥٠٠ الف﷼ ونص المبلغ رايح على ايجار الموقع التجارة الالكترونية فيها فرص واللي عنده ميزانية بهذا المبلغ بيحصل على أضعاف المبلغ إذا عرف يختار السوق الصح والشريحة الصح والمنتجات الصح يعني تسويق ✔️

@JihadAbuMustafa بالضبط وكل ما سهّلت الخطوة؛ زاد عدد التوصيات👌👌👌

أغلب المسوّقين يبنون حملاتهم على سؤال واحد: كيف أستحوذ على عملاء جدد؟ ويتجاهلون سؤال أهم بعشر مرات: كيف أخلّي العميل اللي عندي يبيع لي؟ آلان ديب في كتابه خطة تسويقية في صفحة واحدة؛ خصّص المربع التاسع والأخير من خطته التسويقية لهالنقطة بالذات: كيف تحوّل عملاءك لمسوّقين لك. ومعظم اللي قرأوا الكتاب ركّزوا على أول 8 مربعات: الاستهداف، الرسالة، الإعلان، جمع البيانات، التنشئة، البيع، التجربة، وقيمة العميل، وتجاوزوا المربع الأخير كأنه إضافة مو أساس. بينما المربع التاسع هو اللي يغيّر اللعبة بالكامل. آلان يقول بوضوح: لا تنتظر التوصيات تجي لوحدها. التوصية العفوية مثل انتظار الغداء المجاني ممكن يجي وممكن لا، لذا لازم تبني نظام يولّد توصيات بشكل مستمر. هذي الاستراتيجية اسمها Referral Loop؛ وهي أقوى نظام تسويقي لأنك ما تدفع فيه ريال إعلانات. الفكرة بسيطة لكن تنفيذها يحتاج نظام: كل عميل اشترى منك وعاش تجربة ممتازة عنده دائرة من الناس تشبهه في الاهتمامات والسلوك والقدرة الشرائية، يعني عميلك المثالي يعرف عملاء مثاليين ثانيين. لكن ما بيرشّحك لأحد لمجرد إن منتجك حلو. يرشّحك لما يحس إنه يحتاج يشارك التجربة أو لما يحصل على سبب يحفّزه. كيف تبني هالنظام؟ 1. التجربة الاستثنائية هي الأساس. وهذا بالضبط اللي يتكلم عنه Dib في المربع السابع' قدّم تجربة استثنائية أولاً، وبعدها اطلب التوصية.. التوصيل أسرع من المتوقع، التغليف يفاجئه، رسالة شكر شخصية مع الطلب، متابعة بعد الشراء تسأله عن رأيه. بدون تجربة تستاهل تنحكى ما فيه نظام توصيات ينجح. 2. اطلب التوصية بوضوح وبتوقيت ذكي. ديب يقول: أقوى استراتيجية في عالم الأعمال هي ببساطة أن تطلب. اطلب من عملائك الراضين يرشّحونك, لكن كن محدد: مين تطلب منه ونوع التوصية. والتوقيت مهم: لا تطلب بعد الشراء مباشرة. اطلب بعد ما العميل يستخدم المنتج ويحس بالنتيجة. لو تبيع منتج عناية بالبشرة؛ اطلب بعد أسبوعين مو بعد يومين. 3. اعطه سبب يحفّزه. ديب يقترح شراكات مع منتجات مكمّلة تخدم نفس الجمهور، وهذا نوع من التوصية المتبادلة. لكن الأسهل تنفيذًا: أعطِ عميلك رابط أو كود خصم باسمه. كل واحد يشتري من خلاله؛ العميل الأصلي والعميل الجديد يحصلون على مكافأة. والأقوى من الخصم: شي حصري.. منتج محدود، وصول مبكّر لعرض جديد، عضوية VIP. هذا يخلّي التوصية تحس كأنها هدية مو إعلان. 4. سهّل العملية لأقصى درجة. لا تقول رشّحنا لأصحابك، هذي غامضة وما تشتغل، لكن أعطه رابط جاهز يرسله بضغطة وحدة. أو كود باسمه يشاركه في سنابه أو واتسابه. كل ما سهّلت الخطوة؛ زاد عدد التوصيات. 5. قِس مثل ما تقيس أي حملة إعلانية. كم توصية جتك هالشهر؟ كم منها تحوّلت لشراء؟ كم تكلفة العميل اللي جاء بتوصية مقارنة باللي جاء بإعلان؟ في أغلب المتاجر اللي اشتغلت معها العميل اللي يجي بتوصية يشتري أسرع ويصرف أكثر ويرجع أكثر؛ ببساطة لأنه جاء وهو واثق.. صاحبه ضمن له التجربة قبل ما يوصل لمتجرك.

المحلات التجارية يناسبهم استخدام: 1- اعلانات قوقل 2- اعلانات ميتا 3- اعلانات سناب بسبب خاصية 📍الدبوس على الخريطة تقدر تستهدف مثلا محيط 5 كيلو ما يناسبهم استخدام: 1- اعلانات X 2- اعلانات تيك توك لانها ما توفر خاصية الاسقاط على الخريطة

الفكرة ما جت ببالي رغم اني استخدمه بشكل دوري لمهام أخرى 💡

@saraBusiness2 تحديد الفئة المستهدفة أولوية ابني شخصية عميلك أولا عشان تعرف كيف ومتى تبيع له🙌

عميلي يشاركني فئته المستهدفه .. اللي هي الكل بالنسبة له انتبه .. هذا أكبر خطأ حدد فئتك المستهدفة ولا تحاول تبيع للكل الجمهور العام ما يشتري

@AaskTers وعليكم السلام ، ك خبير تاريخ وتملك قاعدة متابعين ف اشجعك جدا تستثمر شغفك بالتاريخ وتحوّله لمصدر دخل وأنصحك باقتحام عالم صناعة المحتوى المرئي في يوتيوب و تيك توك ركّز على سرد القصص التاريخية بأسلوب مشوق (الStorytelling) فالمحتوى التعليمي والقصصي هو من الأكثر طلباً وانتشاراً

السلام عليكم،انا استاذ تاريخ عندي صفحه فيسبوك فيها متابعين اساتذة كثير ومحتاج فكرة لكي يكون عندي مصدر دخل منها

@mahmooud_2009 من قلب المطبخ بيحصل بالفعل لأن العائد مجزي أكثر بهذه الطريقة. سواء في التسويق ، التصميم أو البرمجة حتى بعض من معارفي أصحاب شركات اشتروا شركات في الدول المذكورة تقوم بالتنفيذ لهم لأن التكاليف عالية والشركات بالنهاية هدفها تحصل على عمل عالي الجودة بأقل تكاليف ممكنة وتحقق ربح جيد

٩٠٪ من شركات التسويق في السعودية تودي عملاؤها لشركات أخرى في فلسطين ومصر والأردن يعني شركة تسويق تخلي شركة تسويق أخرى هي اللي تشتغلها ! هل برأيك هذي الاستراتيجية صحية وصحيحة ؟

@AaskTers إذا ميزانيتك تسمح ف الاستثمار في تفويض أعمالك لمختص ضرورة وهو محرك نمو يختصر عليك سنوات من التجربة والخطأ

السلام عليكم اللي عندهم متاجر الكترونية، جربتوا تخلوا احد مختص يمسك حساباتكم بالسوشيال ميديا اعلانات وغيره بعد مايفهموا هويتكم وجمهوركم؟ وهل شفتوا نتايج حلوة وتنصحوا؟ اذا اي ياليت تحطوا حسابات او اسماء الاشخاص او الشركات اللي فعلاً مو خساره الواحد يستثمر معهم

@REALTY_2030 بعد تفكير ٥ دقائق : أنا إنسانة طموحة تسعى للتميز وترك أثر حقيقي و لطيف في هذا العالم رسالتي هي استثمار وعيي وقدراتي لتجاوز حدود المألوف وصناعة واقع أفضل لي ولأولادي ما أريده حقا هو الوصول ل التوازن بين النجاح والسلام الداخلي وعندي شغف لا نهائي للاكتشاف والنمو والتعلم المستمر

سؤال عميييييق جدا لكن للاسف اتحدى اي شخص يجاوب بسرعه بدون تفكير 👌🏻

@FarajFE أتمنى صاحب السؤال يتواصل معي خاص وبرسله تحليل مفصل مجانا يا صاحب المشروع أنت مش خاسر لكنك حرفيا قاعد توزع أرباحك على تطبيقات التوصيل والمصاريف اليومية غير المنضبطة وأعتقد في كم زاوية لو ضبطهم بتقفز ب صافي ربحك إلى أكثر من 12,000 ريال شهرياً بسهولة

سؤال من صاحب محل خلية نحل وشاي أبيع يوميًا وأشوف كاش يدخل الحمدلله بس نهاية الشهر ما أعرف أنا أربح أو قاعد ألف بمكاني! تكلفة المشروع كانت حوالي 90 ألف الإيجار الشهري 6 آلاف وعندي عاملين رواتبهم 6 آلاف أبيع تقريبًا: 120 خلية نحل يوميًا بـ 8.5 (نصها على تطبيقات التوصيل) و80 كوب شاي بـ 8 وفيه طلب على أباريق شاي ومكسرات تكلفة الخلية علي تقريبًا 3.2 والشاي يكلفني حول 1.2 المصاريف اليومية (مواد وتشغيل) توصل تقريبًا 900 إلى 1100 غير المكسرات وأباريق الشاي اللي داخلة بالحسبة المواد أشتريها بشكل شبه يومي سؤالي: هل أنا كذا قاعد أربح فعلًا؟ ولا الربح شكلي بس من كثرة البيع؟ هل التطبيقات قاعدة تاكل الربح بدون ما أحس؟ ولا الأرقام تعتبر ممتازة؟ وين الغلط اللي مو شايفه؟

@HeHu99x لو اللي نفذه مصمم فنان بيطلع مقنع صدقيني

في شي حابه اقوله من فتره ومتردده فيديوهات ال ugc الي معموله بالذكاء الصناعي 😭😭😭😭😭😭😭😭😭😭😭 ماهذااااا !!!؟؟؟ اسفه لكل الي طبل لها ومدحها ولكنها جدا سيئه معليشششش فوق انه المجال اصلا من اسمه هو فيديو تقييم المنتج من العميل تخيل يقييم منتجك ai 😭 لا مصداقيه ولا جودة ولا شرح ولا لهجه وتعال اقنعني كيف مقتنع انه ممكن يبييع لك 👀 ايش رايكم ؟!