لامرتك لفحه من اعراض الجنوب
هذي تراها من صواديف العمار
مير استعن بالله علام الغيوب
متوكلً بامره ولله الوقار
محدً في ذا الدنيا خلي من العيوب
وان ضامتك دنياك بدلها بدار
ياصاحبي لاتضيق من ضيق الدروب
المؤمن اليا ضاع صلى واستخار
ترا القدر ناصيك ما منه هروب
ارضى ولا تعرضك نفسك للدمار
اقدم على عزك وهبي ياهبوب
والعاصفه ماتقدر عزوم الحرار
الشمس لو تشرق تعود للغروب
والليل لو طول يجي عقبه نهار
ولو المصايب تحرزك من كل صوب
ماتحرمك جنه ولا تدخلك نار
#سعود_بن_صنت
العربية
