فهد آل صبيح

كل عام و ال مره و يام بخير و عيد الله عليهم مبارك يكتب التاريخ مجد العزوه الياميه ان كتبها بـ الفصيحه و ان كتب عبرياً يخلق الله كل مري سيرته مجديه جل شان اللي خلقنا لـ الفخر ذاتياً .

حقوق و مواجيب .. عندي قناعه فـ الشعر خل الرقيب لو كل شاعر له رقيبٍ ما كتب يا اصحابي الشعار فـ الوضع الصعيب ما ودي انكم تصرفون الا ذهب ما كل شاعر ينخلق شاعر و اديب لله حكمه فـ البشر الا وهب اللي يهيم الواد بيهيم الشعيب اهم حاجه مانبي قلة ادب

@ni1i اسلوبي الراقي معا كل رجال يا مبدع

تعال ياللي تحسب إنك على البال أنا ندمت اني لـ شخصك تعرفت الخوه اللي ما هي بـ بضعة ليال من أجلها .. عديت زلاتك وطفت أشوف وأسمع غير أنا مثل ما قال أسوي أن كني ما أسمع ولا شفت عندك سوالف غير ما عندك أفعال وأجبرتني أسفهك لا منك سولفت من طاول أطول منه ماهب محتال لو حاول بسلم ولو حاول ب لفت حبيت أوضح موقفي بكل الأحوال يا اللي علينا مسوي فاهم الكفت طبعي .. وذا طبعي وباقي وما زال لا عفت من حاجه أجنب ليا عفت أسلوبي الراقي . . مع كل رجال ماهو مثل أسلوبي الي مع الزفت

@eovon14 صح بدنك

@FBH_590 صح الله لسانك يبو حمد

رسالة مبطنة .. من يحط الظلم نهجه فـ الحياه و في طريقه والله ان يسخط به اللي رحمته تسبق عذابه

انتصار الذات .. عقب انحدر ليلٍ من القبله حدور يزف غيثه في ديار المسلمين يوسع افاقه على وسع الصدور اللي تحرا جيته في كل حين اخايل مزونه و انا كلي سرور و اسامر بروقه وانا جرحي دفين يقيني ان الارض و الدنيا تدور والله ما مثله على الدنيا يقين ليه التكبر و التغطرس و الغرور ؟ والله لو ان حن من ذهب ماهو بطين يا اول محطة من محطات العبور توي عرفت اني بعد بُعدك حزين واللي خلق من منحرك مطلاع نور اني خلصت من المحبه و الحنين معاد عندي لـ الغلا ذرة شعور و معاد تكسرني دموع الراحلين يمكن كبرت؟ وصار في قلبي فتور ولا جزعت و صرت ضمن الصالحين! الله خلق لي قلب لـ الفرقا جسور والله خلق لي ضلع لـ الدنيا متين انا فقدت اهم حاجه لـ الظهور اللي بنيته من ثلاث اربع سنين

لـ أولي الألباب . لولا الوفاء ما عاش فـ الارض رجال و لولا الحمايا ما بقى لـ عرب شي الغدر لو خلد على مر الاجيال يبقى غدر لو زينوه البشر لي

الى ارواح اباء الشعر و المرجله الشاعر : محمد الشمالي الله يرحمه و يغفر له و الشاعر سيف مهنا الله يرحمه و يغفر له لله حكمه فالبشر وانت يا سيف موتك مثل موت الشمالي غبينه

الداء و الدواء .. معي حمل همٍ ما يقارن حصاة رزاح و معي قو دينٍ يثلج الصدر و يسره تهون الكوارث و الليالي تبي ترتاح مادام القدر خيره يجي من بطن شره

الى صديقي الغالي : عجاب الحميداني و لكل من يرا ان الصديق نعمة .. مواريك يا ذنبٍ جنيته بدون اسباب من اسبابه دموعي من العين منذرفه انا اقترفه بقلبٍ شقي وجهل منصاب يا ليت الزمن يرجع ولا والله اقترفه

طلعني الليله لو اطلع بتهريب لو ما اصبح الا محتوىٍ لـ الصحافه

كل طيب راس في شبه الجزيرة انتمي له من وفاي اشوف كنه من نسل جدي و صلبه

بلوغ التصالح مع النفس .. يدرك الرجال حلمه بـ اليقين الوافي لا انطلق من مربط ايمانٍ يعز امراحه

طرّف الليل ياللي كل ما الليل طرّف ..

@saadalspoq انت يا سعد مبدع و يعلم الله على محبتي لك فيه

@tmaah_ والله ان كلامك لحاله اكبر من القصيد و الساحه يا طماح اولا احبك فالله لني مومن انك صاحب مبدا و حر و اعرف توجهك

فهد آل صبيح من المُبدعين الي تطرب لـ جديدهم وتستمع في كل بيت ينصاغ ف القصيده وابو حمد شهادتي فيه مجروحه مُعلقته فـ ابن الذيب يوم يقول ؛ الولد وان زاد طيبه ينشدونه من خواله بس هو الي جعلها تفتخر ب انه ولدها ماسكٍ مبداه مسكة شايبٍ لـ اطيب عياله مستحيل يسلمه عوج الظروف ولا نكدها وايضاً من موضوع آخر يقول ؛ انا حزمت القرار اللي يناسبني حتى لو اني حزين و دمعتي زرقا لاعاد تشره علي ولا تعاتبني انا لي ايام و انا مذهب الفرقا حتى فـ المحبه وصياغتها مُبدع مُبدع ؛ تمرين و يصير السماء خيرها صباب و تزين الاراضي كل ما انتي تزينتي فداك الشعر و الناس و الحلم و الاحباب و انا و السنين المقبله وين ما كنتي وعن البلاغه فـ المحبه يقول ؛ وصيتي من قلبي الـ قلب شرواي حن الكريمه لا تماديت و اتق وشلون ما احبك و اجيلك من اقصاي و من مفرعك نور الصباح يتفتق ؟ وتساؤلاته بعد ما طال الغياب ؛ نثرت الشعر في غيبتك من على القرطاس غريبٍ نثر دمعه على جرت الساري اذا مرك الطاري و جابك علي لاباس انا فـ انتظارك بس ما مرك الطاري ؟ وقصيدته الجزله الي تكلم فيها عن الصبر والصواديف الي تمرّ الرياجيل يقول ؛ الرجل تمخض به بطون الصواديف و تالده في ظهر البسيطه مثابر ما حنت الدنياء بعاد المحاذيف تاكل ولا شبعت بطون المقابر وايضاً قصيدته الجميله جداً في العيد يقول ؛ اغلب هل الساحه من الفقد يشكون ؟ و انا و قلبي و المساء فاقدينك طلي علي مع طلة العيد و اكون اسعد رجل و اللي خلق وجنتينك وهذي صور بعض القصايد حطيتها لكم تحت واستمتعو ؛)

رغم ما أملك من طهارة نفس و عزومٍ طليقه ما أدعيت أني نبيٍ عاش من بين الصحابه الى أن قال : ما عرفتي قيمة أحساس المحبين العريقه و ما جهلتي غير رجلٍ كل عدوانه ( تهابه ) و النهايه مسك : من يحط الظلم نهجه فـ الحياه و في طريقه والله أن يسخط به اللي رحمته تسبق عذابه

@R_binsalem يا مال السلامه يا سلام يا ابو سالم

ياوجودي كل ماجا ( تتش ) من بينك وبيني وجد من طارد نهار الحرب خيّال النعامه لاتحط الشمس في يسراي والبدر بيميني ! ألتفت لي كل مامرييييت مايمال السلامه

@3zfW ياسلام عليك يا عياش 👍🏻👍🏻👍🏻

@FBH_590 معاد عندي لـ الغلا ذرة شعور و معاد تكسرني دموع الراحلين يمكن كبرت وصار في قلبي فتور ولا جزعت و صرت ضمن الصالحين ي سلام يبو حمد 👏🏻