NGM🫀

راح امارس صيام الدوبامين لـ ٧ ايام متواصلة ابتداء من اليوم ١. استخدام الجوال لمدة ساعة فقط باليوم ٢. مافي يوتيوب ولا X ولا نتفليكس ابدا ٣. مافي قهوة ٤- عشر دقائق تأمل القاكم بعد ٧ ايام اصدقائي بروح خفيفة وعقل هادئ ونفسية مستقرة اكثر.

وظيفتي في العيد: امدح واتغزل، وارقع للناس، واجبر خواطر الخدم -اي انسان كان له نفس هالوظيفة انا احبك والله يكثر من امثالك

اغنية العيد لسنة ٢٠٢٦ 🇸🇦🇶🇦🇧🇭🇴🇲🇦🇪🇰🇼

@_smiramis كفو

@FITN99 في كم ثانية ايضا 🤝🏻

لاصدقائي الشطرنجيين ♟️ ابغى اعرف كم اخذت وقت منكم عشان تفهموها انا اخذت مني ثواني وفهمتها 🥳 اتمنى محد يحرق الجواب في التعليقات🙄

٣٠ رمضان ١٤٤٧ الحمدلله الحمدلله الحمدلله ان عيدي هالسنة بيني اهلي وناسي 🇸🇦💚 كل عام وانتم بخيررر وعيد سعيدددد على الجميع يارب 🥳🥳🥳🥳🥳🥳🥳🥳🥳🥳🥳

تدرون… انا انسانة ما يناسبني اجيب " خادمات منزل" لأن مجرد فكرة ان وحدة تترك اولادها واهلها وتغترب و تعيش عند ناس غرباء بس عشان تخدمهم … والله تكسر وتفتت لي قلبي من الحزن والشفقة وكل ما اشوف عاملة تشتغل لاشعوريا اساعدها أو على الأقل أثني على شغلها وأجبر بخاطرها ودايما اقول، اللي مخليني سالكة في حياتي هو رحمتي في الناس لذلك تذكير لطيف لكل وحدة عندها عاملة منزلية: ١- عاملوهم برحمة، ولا ترتجون منهم شيء، توووكلوا على الله مااافي خير يضيع ٢- حددوا لهم ساعات عمل … اما انهم يشتغلون طوال الوقت والله حرام :( ٣-فرحوهم بالعيد بملابس جديدة أو بأي شيء يدخل الفرح في قلوبهم وحتى لو هربت لا تقولين: والله انا عاملتها بالطيب وما بان فيها نعيد ونزيد ماافي ماااااافي خير يضيع عند ربي وكل عام وانتم بخير 💓💓

انا من جيت والاجواء حلوة، مسستحيل صدفة 😂

يااازين السعودية ويازين رمضانها وياازين عيدها ويااازين اجوائها معليش،، مطر السعودية له طعم غيررر مستحيل ينزل مطر ومااطلع واخليه يغرقني ويغرق عبايتي وجوالي 🥹 ايش هذه الاجواء الحلوووة 💚💚💚💚 لو ماوراي سحور جلست لين يوقف😂

لمن اتذكر ايام كورونا… واتذكر كيف رغم اني كنت بكل ماتعنيه الكلمة (( لحالي))) لا صديقات ولا اهل كنت مغتربة، وادرس وصحتي ماكانت في افضل حالاتها الا انها عدت علي (بردا وسلاما) وفعليا مااثرت بنفسيتي ابدا ولا انجازي ابدا ابددا والله على العكس تخرجت بمعدل جدا عالي والسبب انه: • اولا، ماكان عندي (تويتر) ولا كنت حتى محملة التطبيق، فعليا هذه المنصة اسرع طريق للدمار النفسي في الازمات.. انواااااع التضخيم والمبالغة لأن غالبية اللي فيها عبدة لايكات واقولها وبأعلى صوت ايووه (عبددة لايكات) وقتها كانوا كل الناس حولي مرتعبين لدرجة وحدة من صديقاتي ماكملت دراسة ورجعت لأهلها (ماالومها طبعا)، وانا كنت هااااادئة وماني خايفة ابددددا لأني اصلا ماكنت اقرأ اي اخبار ففعليا ماني دارية عن الدنيا ثانيا، سويت لي نادي منزلي بادوات جدا بسيطة وكنت اتمرن ماقطعت التمرين ابدا ،، لأني اعرف انه نجاة ثالثا، وقتها قررت اهرب من التفكيرر.. فقررت ان اخلي وقت الصلاة وقت الهروب من العالم المادي فزودت خشووعي لدرجة انه صار افضل اوقات اليوم عندي وقت الصلاة ، اول مااصلي ماااااااااافي تفكير ابداااا رابعا، هذيك الاوقات تعلمت وقرأت وتعمقت في التأمل، (قبلها ماكنت اعرف عن التأمل الا انه حق الهندوس ) 😂 آه بس يازين العلم المهم وقتها دخلت التأمل بروتيني وكنت اتأمل ١٠ دقائق اول مااصحى من النوم مع التنفس العميق. وفعليا قضيت كل فترة الحجر في المذاكرة والعبادات والتمرين والمشي والتأمل ومرت سنتين بدون مااشوف اهلي الا اني كنت في اعلى مراحل قوتي الخلاصة: الازمة اللي نمر فيها راح تنتهي باذن الله لأن عندنا دولة عظيمة وشعب عظيم 🇸🇦🇸🇦 لكن انتبهوا تنتهي وتنتهي معاها نفسياتكم واهدافكم وصيتي: ١- احذفوا x واذا اضطريتوا افتحوه من المتصفح ( زي مااني مسوية الآن، اذا جا ببالي اشارك بوست، افتحه من المتصفح واقفله على طول) ٢- ثقوا بالله وبدولكم لأن تفكيركم مارح يغير 0.000001 % ٣- اقضوا هالايام في العبادات والدعاء ٤-اجتمعوا مع اهاليكم اكثر وانبسطوا في العشرة الاواخر، ترى مارح تجي هالايام الا بعد سنة استغلوها ❤️❤️❤️ ٥- مارسوا التأمل والله انها عادة وعبادة عظظظظظظظيمة عظظيمة عظيمة ٦- سووا اي فعل يزود التركيز ويوقف التفكير زي الشطرنج او اي العاب او هوايات (شوفوا تطور مستواي 🥳 انا الابيض ) ٧- اخيرا، اتررررررركوا الجوال، ابعدددوا الجوال، احرقوا الجوال لو قدرتوا اتمنى ان تنتهي الازمة عاجلا غير اجل يارب احمي اوطاننا يااارب العالمين

أحسن ماقيل في مقاومة الخوف بالتوكل على الله كلام ياسر الحزيمي يقول الحزيمي: لو نتفكر في صفوف الناس عند (( قطار الموت)) في مدينة الألعاب، بنتعجب ونستغرب! صح يعني عدد كبيررررر من الناس رايحين بكامل ارادتهم عشان يخوفون أنفسهم، ودافعين فلوس بعد؟ لأن هالشيء عكس الفطرة فطرة الإنسان تخليه يهرب من الشيء اللي يخوفه، وهذول رايحين بأنفسهم لمصدر الخوف! تدرون ايش السبب؟ السبب هو ثقة الناس بالشركة المصنعة للعبة، وثقتهم بإجراءات السلامة والجودة يعني النتيجة عندهم ( مضمونة) يعني هم متأكدين 💯 انهم مارح يموتون وإذا كانت النتيجة مضمونة؟ يتحول الخوف المانع إلى إثارة دافعة يعني الإنسان لمن يخاف وهو "ضامن النتائج"، يقدم بقلب قوي وبدون تردد فتخيلوا لو وثقنا بالله بالضبط زي ثقتنا بالشركة المصنعة وإجراءات السلامة؟ راح تتحول حياتنا كلها لمجموعة من "الإثارات" يعني عادي جدااا نكون خايفين لكننا مقدمين بحماس بل بالعكس، يكون الخوف دافع لنا ومحرك، مو عائق يمنعنا لذلك في أوقات الخوف الشديد، والله ما راح ينقذنا ويقوي قلوبنا إلا ثقتنا الكاملة بالله بالضبططط زي ثقتنا بالشركة المصنعة للألعاب الخطيرة

راح احذف X الى ان يشاء الله أتمنى من كل قلبي أن كل انسان يصحي ضميره ومبادئه وعقله لااا تنقلوا الأكاذيب أو الشائعات لاااا تصوروا أو تنشروا مواقع فيها أحداث أو نيران. لاتساهموا ولو 0.1% في خراب بيوتكم وبلادكم قولوا خيرا أو اصمتوا

انحرق قلبي، الله لايوجع قلب انسان

كنت في رحلتي من استراليا الى قطر والآن اخبرنا الطيار اننا راح نرجع الى استراليا الحمدلله على كل حال ان شاء الوضع مؤقت وتعود المياه الى مجاريها اكتب لكم من الطيارة الآن

نقطة جداً مهمة اذا كنتِ تشيلين هم تقولين شيء وتجيبين العيد.. عادي جداً جداً جداً انك ما تقولين ولا شيء! ما يقلل من قيمتك ابداً، بالعكس قد يكسبك هيبة وغموض او قولي شيء بعد ما فكرتِ فيه كثير في "دقائق الصمت".. كلام قليل لكنه محسوب، احسن من كلام كثير ماله معنى. ———— وبس حبايبي اتمنى استفدتوا.. خصوصاً الانطوائيين، لأني جددا افهمكم.

٧- أكثر مشكلة يمكن يواجهها كثير من الناس في الاجتماعات، خصوصا الانطوائين إن يكون ما عندهم شيء يتكلمون عنه. فاللي يصير إيش؟ يحسون بشعور غير مريح من سكوتهم، فينتهي فيهم الأمر قايلين عن أمورهم الشخصية، ويرجعون البيت متندمين ويحلفون ما عاد يطلعون مرة ثانية. عشان كذا بقول لك حيلة ممكن تنقذك من هالدائرة الجحيمية: هي إنك قبل تروح مناسبة اجتماعية، اقرأ عن أي موضوع وتعمق فيه حبتين 😂، واقلب أي سالفة له وابدأ تكلم عنه. غالباً بتكون الأكثر خبرة فيهم عنه. (يعني مثلاً: الهرم الغذائي الجديد) فـ اذا جات سالفة عن الاكل او الوزن او او. هنا تقدرين تدخلين "الهرم الغذائي الجديد" بكل سهولة وتتكلم بتمكن، خصوصاً لو فعلاً كنت قارئ من قلبك وكلامك مدعوم بدراسات صحيحة وحقيقية لا احكيلك كمية الثقة اللي راح تكون فيك، وهالثقة توووووووصل للناس لأنها حقيقية، وبكذا راح تلقى احترام من اللي حولك. ——————————- قاعدة ذهبية اذا احد تكلم، من الاحترام انك توجهين جسدك عليه، ومعناه (كمل كلامك انا كلي اذان صاغية). تذكري دائماً: الشخص اللي يحترم الآخرين يخلي الناس غصب يحترمونه! ———————— ٨- حركة اليد (Hand Gestures) اكثر حركة يد عند الناس المؤثرين والكارزميين هي الـ Steeple تعطي هيبة وكاريزنا مو عادية. ( شوف صورة ٣) ————— نبرة الصوت: جداً مهمة! لا تستخدمين طبقة الـ Vocal Fry (اللي ما يعرف هالطبقة هي طبقة هيفاء وهبي 😂). استخدمي نبرة صوت واضحة، لا عالية ولا منخفضة.

تجمعات رمضان و العيد… كثير ناس يكرهون الجمعات وأنا أتفهم هالشيء لأني إنسانة جداً انطوائية، ووجود الناس ونظراتهم يخلق فيني الكثير من مشاعر عدم الراحة. وكنت انطوائية للحد انو معلماتي مايعرفون صوتي 🙆🏻‍♀️ لين ماخلصت البكالوريس وهذا وضعي من المواقف اللي جدا عالقة بذاكرتي لمن كنت ثالث ثانوي، اذكر مربية فصلنا سألت وحدة وحدة ايش راح اختار تخصص في الجامعة ولمن جا دوري، ماجاوبتها 😂 حقيقي سكتت لأني ماكنت اقدر اتكلم قدام ناس كثيرين ، ومتأكدة الانطوائيين فاهميني رغم اني كنت متوفقة على الورق بس كنت مااشارك ابدا ليش؟ لأني مو اقوال، انا افعال😂 المهم من الأمور اللي ممكن تحسن جداً جداً الوضع في الاجتماعات وتقلل وقعها عليك، وممكن تمنع تنمر أحد عليك وبالعكس تعزز من احترام الناس لك.. هو فهمك للغة الجسد وبعض الأمور ولغة الجسد علم جمممممميل وأبداً مو صعب لو الواحد يحط كم شغلة بباله قبل أي مناسبة اجتماعية سهل جدا انه يطبقها.. حتى إني سمعت أخصائية في دراسة صفات ولغة جسد الناس القيادية و الأكثر فعالية تقول (إن مكانك في المناسبة يفرق جداً في كيفية تعامل الناس معاك) بكتب لكم أهم ٨ نقاط في هالموضوع مررره مرره راح تفرق مع اي شخص يطبقها