Faleh Alajmi

﴿ وَذَكِر فَإِنَ الذِكرَىٰ تَنفَع المؤمِنينَ ﴾ - سبحان الله - الحَمد لله - لا إله إلا الله - الله أكبر - أستغفِر الله - لا حَول و لا قوة إلا بالله - سبحان الله و بِحمده - سبحان الله العَظيم - لاَحولَ وَلا قوة إلاَ باللهِ العظِيم

يا مزن هلّ بدار خلّي هـماليل واسقِ الديار اللي غلاها ذبحني يا علّ سيلك فوق ذيك المداهيل يروِي ثرى خلٍ بـ حبه غمرني أقدّر دياره كـثـر نجمات هـالليل وأفرح لـ سيلٍ يمّ دارة خـذني يا سحب صبّي فوق ريف المـظاليل بأمر الولي يـسقي حـبيبٍ وحـشني : @Faleh_Aimj

نرفع مقام اللي بـالأصل واطي لين الـردي صدّق بـأنه عـمامه عـرق النذاله في حـباله مـواطي والطـيب في مثله فـقـيدة كرامه . ✍🏼 ،

يا طاغية بالزين يا قبلة العين يا اللي حلاها معجز كل مـلّه سبحان من صورك من طين ولين وأعطاكِ مُلك الزين ودقه وجلّه والله لو صفـو جـميع المـزايين انـك وحـيـده الحـسن والـزيـن كـلّه ✍🏼 ،

يا روح روحي ليه في حسنك تشكّين وليه الزعل لا صرتي بـ ليا مكياج إنتي بليا كحل تسحرني العين ونورك يبدد ظلمة الليل لا داج تقولين شكلي ما يجمّل وتخفين وجهٍ صُفا صبحه وللزين منهاج والله لو شفتي اللي قلبي يشوفه الحين ما كان لـ سناب وفلاتره تحتاج . ✍🏼 ،

يا فارقه بالحسن بين المزيّين يا اللي جمعتي الزين دقه وجله قوامك اللي يسلب العقل والعين غصن رويّ والهوى يستغله وخصر نحيف يتعب القلب والبين من رقته كنه على غير حله والعنق عنق اللي تقود الغزالين جفول صيد ما حد قد وصل له أنتي فريدة مالك اليوم ثانين تاج الجمال و منبع العز كله ✍🏼،

أشوف في لهبك ضياع و ركوعي وأشوف في صمتك حكايا عن فراق يا حزن مالك في حـياتي فـروعي أثمرت في صدري تناهيد وأعماق حطبت من عمري لـ كـسرٍ يـروعي وشبّيت في صمتي مكاتيب وأوراق يا نار لو تاكلـين صـبري وجـوعي ما أقول كافي دامني صرت محراق . ✍🏼 ،