فالح بن مهل

عليك من الرضا يا دارنا اللي بالدعا محيوف تزاورك النسايم كل مطلّع صبح وتهبّك وليلك يبتسم للأرض ما يجتاح ليلك خوف شف الايام وش سوّت بمن يكرهك و يسبك يفتّق جرحك اللي ينكر الإحسان والمعروف ويطلع من ترايب قاعك مدوّر على طبّك طهور من الاذى ومن الخيانه والتعب مخلوف تهادى في يدين الشعب وأنعم في حما ربك لو أنّا نغترب منك .. نجيك بلهفة الملهوف ما تلقى في ثراك الطاهر اللي مثلنا حبّك

عليك من الرضا يا دارنا اللي بالدعا محيوف تزاورك النسايم كل مطلّع صبح وتهبّك وليلك يبتسم للأرض ما يجتاح ليلك خوف شف الايام وش سوّت بمن يكرهك و يسبك يفتّق جرحك اللي ينكر الإحسان والمعروف ويطلع من ترايب قاعك مدوّر على طبّك طهور من الاذى ومن الخيانه والتعب مخلوف تهادى في يدين الشعب وأنعم في حما ربك لو أنّا نغترب منك .. نجيك بلهفة الملهوف ما تلقى في ثراك الطاهر اللي مثلنا حبّك

اسر يا ليل ماهو وقت حزن وملامه فاهقك ناحلٍ رايح لجدّه يعايد لا تحلوى قليل الذوق لذة منامه قمت اغنّي على شانه جداد القصايد اطرقٍ في عيوني عز ربي مقامه عن ذوات المفاتن والبنات الخرايد كل ليلة تقول انْه البدر في تمامه وكل صبحٍ تقول انّه عن البدر زايد القلايد على جيده تزايد زمامه والغوايش تزايد باليدين القلايد آتلهّف على صدفة لقاه وكلامه لو كلامه قليل وصدفته بالمصايد كل ما يرسل بخدرات سوده سهامه راحت علومي اللي جيت فيها شرايد يشبه بـ عينه اللي طَرْفها فيه شامه عين ظبيٍ على جول اعفر الريم قايد اتلقّاه كنّه راجعٍ بالسلامه ونتوادع تقول ان راح ماهوب عايد

يبين الغل والا ما يبين الغل انا رجال اعرف المخطيه والمقديه واقدّر الخوّه واعرف ان الليالي زايله وان الوفا لا زال واعرف ان الحسد والكذب شر وفقدة مروّه الا يالله بجاهك من غضبك وفتنة الدجّال والا يالله بجاهك من تضيعافٍ بعد قوّه خبيثين السراير لو يحطون القصار طوال حصايلهم من الدنيا واهلها ذكرٍ امشوّه خليط من النذاله والكراهية والاستغفال مثلّث منت قادر توصفه لو انّك مفوّه تبين في الوجيه الكلمه اللي ماتبي تنقال يميّزها الضمير اللي مهوب يكيد ويموّه وكيف الحال بلسان العدو ماهيب كيف الحال تراها الميسم اللي مندفن في قاعة الدوّه خليين المكارم يحسبون ان الكلام افعال على غش الضعيف من الاوادم فيهم اجروّه ترى المحروم من ربي عطاه الجاه والاموال وعلى ما الله عطاه من المزايا ما شعم ضوّه لا شفت اللي يعبد المال ينصحنا ببذل المال تجنبت الكلام وقلت لا حول ولا قوّه خذوني للشعيب اللي توطاه المسيل وسال ولأنسام الصباح اللي غيومه تارسه جوّه غريبات الليالي مالها وزنه ولا معدال احسب انّي سلمت من الغثا واثر الغثا توّه

ان روحنّ بنات الأفكار وان جنّ شيٍ .. ماهوب يقال لك ما نقوله اسما من التشكيك وأبعد من الظنّ وأصعب من اللي ماتجي بالسهوله وألطف من النسمة ومن ضحكة السن وأعذب من الصيّب على اول هطوله على الجمال الفذ شاكر وممتنّ تستاهلين .. اللي يتعّب ذلوله مشاعري يوميًا لـ قربك تعن يا مقربك مني .. لو انك جفوله مافيه ليلٍ .. مرني فيه ما حنّ نفس الشفاوي ما تعوّد ملوله مرّي جراهيدٍ لها البرق ما حنّ ويقوّم وردٍ كان يشكي .. ذبوله يا سيّدة بال القصيد وهل الفنّ يدين .. ما تدرك يديك مغلوله لو يدري الحنّا ، من انتي ؟ ومن منّ عيّا .. لا يطلع من يديك بسهوله

@Nmnaa7y اسأل الله العظيم أن يشفيه شفاءً لا يغادر سقماً وأن يجمع له بين الأجر والعافيه ، ويفرحنا بسلامته

السلام عليكم يرقد اخي فهد في العناية المركزة من اكثر من اسبوعين على اثر جلطة في الراس اسأل الله العزيز القدير ان يشافيه ويعافيه وهو بأمسّ الحاجة للدعاء لعل من بينكم من هو مستجاب الدعوه والله لا يريكم مكروه في غالي

@KwtTelevision يا مربى الصبا لا زال لك خاطري ميلاف لو ان خطوتي سعياً ورى العلم مبذوله من المستحيل اعرض إنسامك الاكتاف وانا كبدي اليا الحين من ماك مبلوله يمر السؤال، اللي ليا مرني ما طاف على نفسٍ من العز جسره ومجبوله انا دولتي مرتع طموح ومغن أنصاف ولاهيب تشبه في عيوني ولا دوله

لأهل الشعر هذي مساحة للإبداع و المنافسة ننتظر مشاركاتكم ..

@Sarrmd_ الله يصح بدنك ، يا الغالي ويامرحبا

@Falehmhl الله يصح السانك يابو مهل

والله اني يوم اعدّي في حجى مشرافي ساعةٍ كن الشفق لونه نحر رعبوبه أتمادى للنسايم لين اقول الخافي تطلع الكلمه يسيره ماهي بمغصوبه كل جرحٍ فالزوايا .. ما لقى له رافي كل رغبه في ضميري عايشه مسلوبه ما تداركت الطموح ولا بلغت اهدافي حاجةٍ ماهيب تقسم .. ماهي بمكتوبه تاركٍ جلّ أمنياتي كلبوها " خلافي " سامحٍ منها سماح التايب من ذنوبه

@KwtTelevision فالذاكرة ما بقى إلا صوّره وجرحه واللي على بالي بيبقى على بالي القلب من مات حسّه وانهدم صرحه ما عاد اسولف لحالي وابكي لحالي من يفقد الحزن ما يقدر على شرحه يعيش بين الحزين وضحكة السالي فقدت حزني .. وماتت نشوة الفرحه لا اضحك معَ غالي ولا ابكي على غالي

لأهل الشعر هذي مساحة للإبداع و المنافسة ننتظر مشاركاتكم ..

حبيبي بعد طول الزعل والقطيعه طلّ على قلبٍ يفوع .. و على روحٍ تنادي احبك ٫ وابيك اقرب علي من حدود الظلّ انا فكل شي احبّه اصير .. متمادي تشوف الزعل في خاطرك .. زاد ولّا قلّ وانا اشوف وجهك ملحي .. وضحكتك زادي عيونك تدوّر مشكله .. ما تدوّر حلّ مثل ما تدوّر عيني البارح .. رقادي تملّ القلوب .. وقلب من يعشقك ما ملّ بعد ما غرق بـ احساسه .. فـ بحرك الهادي على كل صدّه جات منك .. تراك بحلّ وعلى كل جرحٍ من جروح الهوا .. عادي اشوفك حقيقة عمر .. لو الليال تزلّ مثل منسبي واسمي وموتي وميلادي عسا من يضيع بنون عينك .. ماعاد يدلّ ومن يحسب انه دلّ في نونها .. غادي و عسا كل عام يمرّك احلا من اللي زلّ فدى ضحكتك حسّاد عمرك وحسادي

@KwtTelevision رهين العجاف من السنين ورهين التيه تفشَى المرض فيني وخلاني أعاني من الذاكرة في كل يومٍ تطيح وجيه والا عاد ينبت حرف واحد على لساني هذا وجهك اللي مستحيل اني اخطي فيه احبه .. وأحب اقولها بس ما امداني اعرف انك اللي طحت عنده وبين أيديه لو ان المرض عن كل الأشياء نسّاني

لأهل الشعر هذي مساحة للإبداع و المنافسة ننتظر مشاركاتكم ..

@ruw2is الله يسلمك ويطوّل عمرك وصح بدنك يابوفليّح

@Falehmhl ياسلام صح الله لسانك يابو مهل

في ليلةٍ كنّ المسا عيّا على نور الصباح

الله يسمّح خطوة اقدامك على الهجر الصحيح تدلّ دربك .. واعذَب طعونك ( تدلّ دروبها ) وانا عسا الله يغفر ذنوب الهوى .. والله يبيح نفسٍ .. تشلّ من الجروح ذنوب فوق ذنوبها اخترت راحة خاطري والناس فالكون الفسيح ماعاد اطالع في ( مزاياها ) ولا في ( عيوبها ) حتى الشفوف اللي وراها كنت اقوم وكنت اطيح اليوم .. والله لاني ( بصوبك ) ولاني ( صوبها )

يبعث اللـه في نفس القنوع الصبور شي .. ما مرّ تبّاعة " ملذاتها "

اللي من الضيق وهموم العمر ما شكا حتى لو ان الليالي ضيق وقت ومحك ان طرّوا الموت وحفرّ المقابر بكا وان طرّوا المغفره .. مشّ الدموع وضحك

يا دار الملوك وديرة مجرّي الهيّاب خذيتي من التاريخ ما يشبع عنادك مليتي مسافاتك من المجد والإعجاب تماديتي .. وخليتي الغيم يرتادك يا سبحان من حطّ بمداراتك الترحاب وخلاك حرّه رغم عن انفّ حسادك نسانيسك تعلّمني ان الهوى غلاب واطوّق قصيدي بين عنقك وميادك من الود .. حتى المغترب عاش باستغراب يمرّه شعور .. انه من ابناك وأحفادك الايجاز فيك يعافّ في حضرة الإسهاب تحت بشت من غمّض عيونك عن سهادك وريث اول اللي قاتلوا " فكرة الاحزاب " وخطب ودّك .. وعادك ليا الحين بمهادك #اليوم_الوطني_السعودي_95