عشق بدوي

غادي قلبي على خلّي شرايح ليت رعايةْ وخيمه مارعوها محتمين الطّرش روّاد المدايح فقّروْ لأم الوصايف وعقلوها خايفين من العواقب والفضايح ومنعوها من قصيدي وحرموها - الغفال اللي ندايدها طرايح اوسموها ومحقوها وسحقوها - عاقبوها بالقهاوي والذبايح الله ياخذ شايبينن عاقبوها :)

وش الذهب و المسك لولا رقبتها ؟ و وجهٍ عليه الشعر كلّه ينوّه الحفله إن راحت لها خربتها أتسرّي الحلوات و الليل توّه :)

" من ابرز المخاوف الشعريه " "أنا أخاف من طاري المفارق بشكل عام" مثل ما تخاف الجن من رقية الراقي • حزمي بن سعد مثل ما يخاف الذيب من ريحه البارود "أنا أخاف من طاري المفارق ومن وقته" • فهد بن خشمان

فاقد اللي .جعلها الله لـ قلبي .علاج لو تجيني ..جميع جروح ..قلبي برت اسمها صار له من بين الأسماء رواج وهي صغيره اجل و شلون يوم كبرت من حلاها تسبب لـ العقول ارتجاج تأخذ عقول خلق الله وهي ما درت فاتنٍ ..كل ماطبت بـ حفلة ..زواج ارفعت ضغط ربات الجمال وسرت

من ذاق خمرك قضى عمره وهو طينه يـ الي بتاج الحسن والذوق توجتي مايضفي اللبس لو انش توطينه مكشوووفه الستر وانتي ماتبرجتي فيك الدلع طبع والكشخه بلّا زينه وفيك التغنج لو انك ماتغنجتي امانةً معك كان الصوت توحينه حبي جبين العجوز وقولي انتجتي :)

تمسك بالحيا دام الحيا شعبه من الايمان ترى وقتك يحد الذيب ياكل لحم ذرعانه - صالح النشيرا

بدوي ماشي درب ممشى الاولين مايغيره التطور وفن .. انشايته ومايكدر صدره وفكره الا حاجتين موت من يغليه ولا مفارق ناقته

يالفاتنه يا ام الجَمال اللي يليق والله يازين فيك ماعمره جرا جمالها يحتاج للوصّف الدقيق ويقرأ علِيها الفاتحه و ألم ترا الخصر كنه لابس خاتم عقيق القوس من قـدام و الفصّه ورا :)

عودها رواي وبالصدر المصايب كن برق الصيف يلمع في نحرها كل ماهبت نسانيس الهبايب قام نسناس الهوى ينثر شعرها مهرة صفرا عليها اشقر ذوايب عنقاً ابيضها تخالط مع حمرها خصرها معزول من حد الترايب لو تعرض للهوى يمكن كسرها هايفة خصر وحشا فيها العجايب مابقى الا بطنها يلمس ظهرها ..!

رسمها القصيد و خصرها يلوي الرسام لاجيت رقبتها وقّف الوصف وأرهقته هنوفً شعرها داعب الريح والأنسام يغار الشجر لاشمّت الورد ونشقته ترا من ستر ربي علينا عليه لثام عسى الله يعين اللي معه قلب وسرقته عطاها الله الأخلاق والذوق والهندام و شايب يحرق المال بالقدر ومرقته :)

اللي ذبحني لبته والشفه يوم التفت يمي وذب الشيله رعبوب في رغد الحياه مرفّه نادر وصايف في عذارى جيله الليل الاسود في جديلٍ ضفه ثقله على ناب الردوف يشيله غطى على اللي واقفات بصفه ما كن غيره زول هاك الليله ان ما حصل للقلب غاية شفه ؟ ولا حياتي كلها وشهي له ؟ :)

ماني بـ ناسي جميلك يا فريد الجمال مدام لك فـ المحاني طلة باهيه اشوف فـ عيونك الثنتين ساحة قتال لاصارت اسمن معاذير الغلا واهيه طيوفك احلا مايمكن ينوجد فـ الخيال  و عيونك الامره فـ القلب و الناهيه وشلون اشوفك و أعامل لهفتي بـ آعتدال والداهيه لو يشوفك راح في داهيه ..!

جادلِ فرّق هدبها جيوش عن جيوش مدهشه في كل شي والمفاتن مدهشه كل خدٍّ مستظلٍّ هدب سود الرموش ردفها ثقل ووقارٍ وفي الخصر خْرِشه ناقز الوركين خطرٍ يشوش الثوب شوش كم تمزّق فوقهن من جديد الأقمشه في النحر عرشين ماهن مثل باق العروش كلّ نهْدٍ فوق عرشه تطربش طربشه :)

ياناقش الحنا على كفك الزين كفك عذاب قلوب من غير حنا اخلفت عقّال العرب والمجانين خلق الله تباريك منّا ومنّا وعادك تمشّى في المحلات بزين وتغريف وبرموش عينك تجنّا بنظرتك ترسلهم يسار ويمين احدٍ تبنّج معك واحدٍ معنّا

غـروٍ عيونـه تسيل دمـوع ، ومحابـر والقماري على نبرات صوته تغنـا الصبـايا مزايا .. والنشامـا مخابـر مير لامن ضحك منا ، غدا العقل منا قلـت له والكفوف تنوش بيض الصوابر الحنين امتحنـا يابوكـفٍ محنـا مد لي من قناد الحب ماكنت خابـر لين اكيف بكيفٍ ما انـزرع في يمنـا عزام الشعيفاني

هنوفٍ لها في اطرف الخد حبّة خال فديت العيون اللي ذبحّتني محاجرها لها بالهدب صوره ووسط الحشا مدهال احشم غلاها واحترمها و اقدّرها ولها طلة القمرا وممشى الظِبي لا اختال ولها نظرة تذبح عيون تخازرها تهزّع ما كن بالسوق حرمه ولا رجال تباهي بزين كن محد يجاكرها ..!

على عنقك الفضه تحقر الذهب والألماس ويزداد ثمنها ويتضاعف مية مره دخيل الوساع اللي تناعس بدون نعاس ترفق علي ان كان ماهي بمضطره بشفتك خمر ،،، مايوصفه ابو نواس ولا أنكره مالك في الموطا ولا اقره اشوف الليالي ماتشابه وجيه الناس وأشوف لشهر شوال في غرتك غره

سقى الله ديار الجادل الفاتن الرعبوب تجلى تضاريس الخطر في مفاتنها ركايز نهدها يوم تشلع زرار الثوب شفق شمس انحت والسحاب متبطنها هنوف ليا منها مشت مشية المغصوب تحذف الردوف تقول متبريه منها انا كيف ابسلا عن هواها وكيف اتوب وانا كل ما تحداني اشواقي ازبنها

شفايفه عناب وعيونه وساع ولو ماله ردوف قلت ميت من الجوع اليا وقف ثوبه تطوى عن القاع واليا مشى كنه عن الكعب مجبوع وخدن بياضه كنه البرق لماع وليل الجدايل فوق الامتان منسوع واليا ابتسم جميع ماجمعه ضاع كني على اللي اودي اقول ممنوع مششعان براق

طلّتك فالعيد شي أجمل من العيد أنتي خطيره . . وأنا أحب الإثاره ! ورّيني " البسمه " اللي كلّها ، كيد واللّولو ، اللّولو .. اللي فالمحاره ياضيعتي ضيعة السلسال فالجيد يلف ، ويدور ، ما دقّ ( الإشاره ) ، مساحة الخصر ، تكفي قفلة الإيد خلّي حزامه ، وحطّي له سواره !