فهد الجهني🇸🇦

قصة المجرم #نايف_اليوسف كاملة دون فلاتر "مع وثائق محاكمته في امريكا" وكيف تم التآمر وقتل المبتعث #عبدالعزيز_الكوهجي رحمه الله على يد المجرمين #طارق_الدوسري ونايف اليوسف وابن خاله #مشعل_السويدي و #راشد_اليوسف حسدًا لانه غني، ولسرقة امواله ثم الهروب ! في 10 جانيوري 2001 عاد الكوهجي الى دينفر بعد اجازة قضاها مع اهله بالرياض، وكان الكوهجي (20 عام) ابن عائلة غنية عكس اصدقائه الثلاث متوسطي الحال .. فكان الكوهجي هو اللي يباشر لهم بالطلعات، يحجز لهم الفنادق، يعشيهم، وكانت صداقتهم له فقط لانه غني لكن واقعًا مامن معزة. حتى انهم كانوا يفكرون كيف يسرقون بطاقته نظرًا لضعف الامن ذيك الايام، وياخذون الفلوس اللي يبون ويهربون من امريكا. بمجرد وصول الضحية، الكوهجي، للمطار استقبله مشعل السويدي و راشد اليوسف، الاول يصير ولد خال المجرم #نايف_اليوسف والثاني اخوه. تم استدراج الكوجهي رحمه الله واخذوه لشقتهم اللي يسكن فيها نايف اليوسف والسويدي وطارق الدوسري قالوا عشان تريح شوي عندنا وناكل ونعين من الله خير، والمسكين وافق .. مايدري ان القروب متفقين انهم يسرقون امواله ومفتاح سيارته ومفتاح شقته وبطاقاته، ياخذون اكبر كم من الفلوس ثم يهربون للسعودية .. ومن جهلهم وغبائهم ذاك الوقت انهم يظنون السعودية ماعندها علاقات امنية مع امريكا ومن ثم السعودية ماراح تدري وش صار !! بمجرد وصول عبدالعزيز الكوهجي الى الشقه، قال نايف اليوسف بروح اشتري اغراض من السوبرماركت وارجع .. وبمجرد خروجه جاء طارق الدسوري ووضع الكوهجي في كرسي وربطه بمعاونة الموجودين وتبيّن من خلال التحقيقات اان الدوسري قام بتعذيب الكوهجي وطلبه يعطيه معلومات حساباته البنكية، فحاول الكوهجي استمالتهم وقال بعطيكم 1000 دولار واطلقوني، لكنهم طمعوا بالمزيد بعد الحصول على جميع المعلومات البنكية، قام الدوسري بخنق الكوهجي في حبل على رقبته حتى الموت بينما اخو وولد خال نايف اليسوف يتفرجون، ثم قام طارق الدوسري ومشعل السويدي بحمل جثة الكوهجي بعد قتله الى الحمام. بمجرد عودة نايف اليوسف قام هو وولد خاله مشعل السويدي بوضع جثة الكوهجي في كيس زبالة بعد ذلك اخذ نايف اليوسف سيارته الايجار وقام هو والدوسري والسويدي بأخذ جثة الكوهجي رحمه الله من الحمام وتخلصوا منها في مكب النفايات الكبير في مدينة ايري في ولاية كولورادو. بعد الحادثة مباشرة ذهب #طارق_الدوسري الى شقة الكوهجي وسرق كل مافيها من اموال ومفتاح سيارته وغيره ثم راح هو و #نايف_اليوسف للاوكشن وقاموا ببيع سيارة عبدالعزيز الكوهجي، واخذوا 1000 دولار من صرافته، وكتبوا شكيات بقيمة 19,900 دولار من حسابه البنكي وصرفوها، وماكانوا يدرون ان كاميرات البنك راح تطلقهم .. سحبوا الفلوس وهالرقم كان كبير في عام 2001، يعني حول 60 الف ريال لكن هل يستحق تقتل انسان عشانه ؟ اول ما اخذوا الفلوس وتقاسموها، قرروا المجرمين طارق الدوسري و مشعل السويدي يهربون الى السعودية، اما المجرم #نايف_اليوسف قرر يهرب الى ولاية كاليفورنيا بحكم انها ولاية مستقلة قضائياً، وكان يعتقد ان النظام زي GTA يروح هناك وتروح النجوم ملاحظة : بنهاية الثريد راح تنصدوم اذا عرفتوا وش صار على طارق الدوسري ومشعل السويدي، حطيت صورهم كذلك ! لاحقاً، راشد اليوسف اخو #نايف_اليوسف كلم اخوه وقال ارجع لكولورادو، الوضع تمام، فقرر نايف يرجع .. بمجرد رجوع نايف اليوسف الى كولورادو تم القبض عليه من قبل المحقق #جين_جيلي وبينما هم بالطريق الى مركز الشرطة قال نايف اليوسف "اعرف ليه قبضت علي، اعرف القصة كاملة" بدأت التحقيقات في مركز الشرطة (مسجلة فيديو) وهذا ماحدث المحقق : انت تملك حق ان تبقى صامتاً، واي شي تقوله راح يتم حسابه كدليل ضدك نايف اليوسف : هز رأسه موافقاُ المحقق : انت تملك حق طلب محامي قبل نتحدث نايف اليوسف : هز رأسه المحقق : اذا ماعندك فلوس محامي، ترى بنوفر لك واحد على حسابنا. نايف اليوسف : هز رأسه المحقق : فهمت كلامي، هل كلامي واضح لك، اذا واضح وقع .. نايف اليوسف : نعم، وقام بالتوقيع وكتابة اسمه المحقق : هل احدت هددك او غصبت بالضرب او نفسياً عشان تقول كلام او تعترف بشي ماتبي تقوله ؟ نايف اليوسف : هز رأسه وقال لا ما فعلتوا ذلك المحقق : نبدأ التحقيق الان؟ نايف اليوسف : مابي اتكلم لين خال الضحية يجي، خال الكوهكي. المحقق : مانقدر نسوي كذا، لازم اول شي التحقيق. نايف اليوسف : ماودي اتكلم لين ما يجي خاله المحقق : ما نقدر نسوي ذلك، ممنوع الخال يجي للتحقيق الان، الان قل لي وش صار على جثة الكوهجي، وش القصة ؟ نايف اليوسف : الكوهجي كان صديقي، وانا كلمت خاله وقلت له اني بشرح له كل ش صار اول مايوصل لكلورادو .. اكمل نايف قائلاً : وانا بعد ما اشرح لخال الكوهجي القصة، والدين الكوهجي بيقررون مصيري بالسعودية اما قصاص او عفو .. ملاحظة مني ( ابو دانتي ) : ( لاحظوا انه مصر يكلم اهل وخال الضحية عشان يقنعهم، وربما بيقول لهم انا قتلناه لانه كذا او كذا لعلهم يعذرونه .. وقال ودي ارجع للسعودية ( لعله يطلع في دية ) او واسطات .. يحسب الدنيا سبهللة ) عودة للتحقيق المحقق : هل كنت متوقع انك بتروح للسجن بناء على عملتك هذي؟ نايف اليوسف : طيب لو جاء خال الولد وقرر يعفو عني هل بتطلعوني؟ يعني لو قال مابيكم تعاقبون نايف هل راح تطلعوني ؟ المحقق : حنا عندما محاكم زي هذي اللي قطع الشارع، واللي يحدد هو القاضي وهيئة المحلفين مو انا ولا خال الولد. بعد 90 دقيقة من التحقيق قرر نايف اليوسف اخيرًا اخذ المحقق الى مكب النفايات اللي رمى فيها هو واخوياه جثة المرحوم عبدالعزيز الكوهجي. رجعوا لمحطة الشرطة بعدها وسأله احد المحققين، هل فهمت كل شي انقال لك وكم لك في امريكا .. قال نايف انا بامريكا من 96 يعني لي 5 سنوات وفهمت الكلام وفي بعض الاحيان ما افهم بعض الكلمات واسأل المحقق عن توضيح وهو يوضح لي، يعني وضعي تمام بدأت المحاكمات طلب نايف اليوسف محامي وبدأت المحاكمات وحاول نايف اليوسف التلاعب وقال انا ماكنت فاهم كلامكم اثناء التحقيق. جاب شاهد، دكتور هندي مسلم من مدسينه وقال :: كلمة Right ترجمتها ممكن تكون حقوق او تكون الاتجاه اليمين، وهز الرأس قد يكون معناه "كمّل كلامك" وليس الموافقه ونايف مايعرف انجليزي ( مع ان نايف من عام 96 بامريكا ) يعني له 5 سنوات وما يفهم هالكلمات البسيطة؟ طقطقة. فقال المحامي ان نايف اليوسف صحيح فهم كل كلامكم لكن ماكان فاهم فكرة انه يبقى صامتاً وانكم صورتوا التحقيق دون اذنه هههههه لاحقاً، المحكمة طلبة شريط الفيديو .. وتم مشاهدة ووجدوا انه كان يفهم المحادثة الانجليزية بشكل جيد، فارست محكمة كولورادو الشريط الى المحكمة العليا في امريكا وتم اقرار ان اقواله في التحقيق معتبره وانه يظهر جليًا فهمه لكل كلمة انقالت وانه كان يتخاطب بوضوح في اكثر الاسئلة تم الحكم على #نايف_اليوسف بالتالي - جريمة قتل من الدرجة الاولى - سرقة - الاشتراك في جريمة - التستر على حالة قتل ووفاة - الاستيلاء الجائر على ممتلكات الضحية وتم الحكم عليه بالسجن مؤبد وبدون امكانية الافراج المشروط. خاصةً ان اصدقاءه حينها كلهم هربوا الى السعودية وتم القبض عليهم هناك ومحاكمتهم. تتسائلون وش صار على المجرم الاكبر #طارق_الدسوري والمجرم الاكبر الثاني #مشعل_السويدي ؟ حسناً تجهزوا للمفاجئة .. المجرم مشعل السويدي من رأس تنورة والمجرم طارق الدوسري ابن الخبر اطلقوا لحاهم وتابوا الى الله توبة نصوح وتزوجوا وجاهم عيال ويرفلون بالنعم ويعيشون حياة جيدة، عكس المجرم نايف اليوسف. السبب؟ قبل سنوات كثيرة صارت حملة جاهيات ضخمة ما تقدرون تتصورون وقتها، دخل فيها سعد بن عبدالعزيز العثمان، الشيخ محمد بن زايد ال سليمان رئيس محاكم المنطقة الشرقية حينها، وغيرهم من الشخصيات المرموقة .. بعد جاهيات وطلبيات واحراجات كثيرة وافق ابو عبدالعزيز الكوجهي على التنازل عن كل القتلة .. قبل شهر : في 8 ابريل من عام 2025 تم اطلاق صراح المجرم #نايف_اليوسف لانتهاء محكوميته في كلورادو وبعد السجن قرابة 23 سنة ووصل الى السعودية .. فهذه كانت جريمة واحدة بعقوبتين، وهو شي غير مسبوق ! لكن الاكيد رحم الله احمد الكوهجي. الان مع فقرة الصور - الصورة الاولى، المطاوعة الثلاث بالنصف المرشد الديني، وعن يمينه ويساره المجرمين طارق الدوسري و المجرم مشعل السويدي (بعد الهداية) والتوبة النصوح .. بعد ما اخبروهم انه تم التنازل قال السويدي كنت ادري، لاني رأيت رؤيا تقول انه سوف يتم التنازل .. فقال مشعل السويدي حينها عن رؤيته : " رأيت بالمنام اثنتين من الحور العين الاولى لم استطع رؤيتها بسبب نورها الساطع في عيني وهي ساكتة لاتتحدث اما الاخرى فكان نورها ساطعا للغاية وهو نور مختلف وغريب وكانت تريد محادثتي في ذات الغرفة (الحجز) ثم ابتسمت لي وقالت: (ايش صار وليه سويتو كذا) قلت لها: قدر الله وما شاء فعل وما ان اردت ان اسألها من هي حتى غادرت .. فيقول مشعل سألت شيخ وقال معناته انك بتخرج ههههههه اما طارق الدسوري فيقول : رأيت في المنام اني دخلت قصور داخلها رعد وامطار وخيرات ورأيت اللي قتلته عبدالعزيز الكوهجي جالس بملابس حسنه .. ويقول سألت الشيخ محمد العريفي حينها وش القصة ؟ فقال العريفي ان عبدالعزيز بالجنة وصار يدعي لك كل يوم هههههههه وهكذا دواليك بعد سنتين من السجن طلعوا السرابيت المجمعة المجرمين بسبب خرافات، جاهيات وبسبب ثقافة غريبة عندنا تجعلنا نتعاطف دايم مع المجرمين والقتلة !! ليه الناس عندنا يتعاطفون مع المجرم دايم ؟ ففي حالات القتل يجمعون الجاهية للقاتل ويقولون فيه اعذب القصائد، وفي حالات التحرش يلومون البنت المتحرش بها ولبسها وشكلها وغيره، وبكل الامور يميليون للتعاطف مع المجرم ؟ والله ما ادري .. يبي لها بحث نفسي طويل - الصورة الثانية : الولد اللي لابس شماغ وكأنها صورة هوية .. هذا المرحوم عبدالعزيز الكوهجي، الله يرحمه ويسكنه فسيح جناته. اللي توفى ولا جاه من التعاطف ولا 1% فحينها كان التعاطف الشعبي والتعاطف من قبل المسؤولية وعامة الشعب والصحف كلها فقط مع القتلة، يجمعون لهم جاهيات وفلوس. - الثورة الثالثة : ملعون الرقبة، نايف اليوسف بعد خروجه من السجن الامريكي قبل شهر - الصورة الرابعة : ملعون الرقبة، نايف اليوسف اول ماقبضوا عليه