The Phenomenal Returns
3.8K posts
@FrancisNarrow
Hello World!! I’m back in action! society won’t silence me!!!!!Empathy is underrated and drink water.
The Boys The Final Season : Ep 3 😂😂😂 احس الكثير بيختلف معي حول رأيي في هالحلقة ، بس فعلياً الحلقة هذي بالنسبة لي بالليفل حق حلقات الموسم الرابع الميد كتابياً ، و داونقريد واضح عن الحلقتين الاولى الممتازة . الكتابة بالذات الحلقة هذي جلطتني ، حوارات تبن و مجرد exposition و شرح ممل جداً للاحداث و القصة ، مع ان الافكار بحد ذاتها مثيرة للاهتمام نفس موضوع الڤي ون و كذلك الدراما اللي تم تقديمها بس لما تجي تشوف المشاهد الحوارية مستحيل تشوف اشخاص بيتكلموا كذا في الحياة الواقعية ، هم بس بيتكلموا كذا عشان تفهم يا مشاهد و يلقموك بالملعقة مرة و اثنين و ثلاثة موضوع الڤي ون و يا ريتنا استفدنا .زي ما قلت الحوارات كانت تبن لدرجة حتى الجانب الدرامي للشخصيات اللي مدحته في الحلقتين السابقة انفصلت عنه و صار مستفز جداً الحلقة هذي . فرينشي و كيميكو باقي لك بس تطلع و تقولنا انك حتقتلهم في الحلقتين الاخيرة لان مستحيل السكرين تايم اللي بياخذوه عالفاضي "يا ريت كيميكو ظلت ساكتة".هيوي و ستارلايت قصتهم الدرامية نايمة عالاخر و لا حسيت فيها ، الوحيد اللي قادر احس معه بارتباط و عاجبتني مشاهده هو MM له مشهد حلو مع ستان ادغار و بوتشر شوي غير كذا زي ما قلت الحلقة حسيت فيها بانفصال درامي كبير عن اغلب الشخصيات . رايان كنت مستغرب اننا ما شفنا مشاهد له اول حلقتين بعد الحلقة هذي اتمنى ما يرجع اصلاً ، تكرار ممل جداً في شخصيته اربع مواسم و هو قاعد بيدور في نفس الدائرة و مع الحوارات الزبالة و التحولات الغريبة اللي بتصير في شخصيته "شوي بيكره بوتشر شوي بيحب بوتشر شوي لا هوملاندر ابوي شوي لا هوملاندر شرير"صرت مو فاهم شوضعه و لا يهمني .الحلقة ككل حاولوا يقدموا فيها افكار و دراما عالورق جيدة لكن الحوارات المعمولة بالذكاء الاصطناعي و التحولات و المشاهد الغريبة بين الشخصيات مرررة فصلتني .حتى احداث الحلقة نفسها احنا قعدنا بنمطط في ام الحلقة اربعين دقيقة و كبينا الاحداث كب في اخر عشرين دقيقة بشكل متكركب : اجل سيندي تموت كذا خلص بعد ما اشغلتوا امنا بقد ايش هي قوية و تسووا فيها ان هيوي مات و احنا كلنا عارفين انه بيعيش ؟ المشهد حق هوملاندر و رايان في النهاية حلو بس على الهايب اللي كان في التريلر كنت متوقع بيكون مشهد قوي طلع مشهد جيد بس ، و معليش يعني لما تقارنه بالمشهد الايقوني حق اومني مان اللي سرقوا منه المشهد حتلاقي فرررق شاسع ، و هذا عامةً شي ملاحظه في الموسم انهم واخذين شغلات من اعمال سوبرهيروز معروفة بس هالمرة بدل ما تطلع حلوة و كوول و بستايل مميز نفس المواسم السابقة صار شكلها تبن و محاولة رخيصة لتقليد مشاهد ايقونية في التصنيف . حسنة الحلقة الاكبر يمكن هو هوملاندر و سولدجر كالعادة يعني مشاهدهم ممتعة ، خصوصا ً هوملاندر اللي انتوني ستار بيقدم من خلاله اداء جيد ، و لو اني خلاااص طفشت من ابو المحاولة المتكررة انهم يهزأوه و يطلعوه بصورة كوميدية غريبة سايكوباثية ضعيفة ، تحس بس اللي همهم يلاااا نبغى نسوي اكبر عدد من الميمز لهوملاندر يلا عشان جماعة تويتر يلاقوا محتوى يلاااا ليتسسسقو اهم شي الميمز 😍. بيركزوا على جانب الضعف من شخصيته بشكل كبير لدرجة افقدته الهيبة و عامل الخوف اللي كان بيصدره لي كمشاهد "ارجعوا لاول موسمين و حتشوفوا كيف هوملاندر كان شخصية مميزة و كان في وزنية حلوة بين انك تشوف ضعفه و كذلك هيبته و استراتيجيته" ، هنا طالع غبي فعلياً و قراراته اغبى و مو قاعد يعطيني 0.1% خطر ، هوملاندر موجود مو موجود يسوي ايش ما بيهمني مافي هيبة ، ادري انك تبغى تخلي شخصيته الداخلية ضعيفة انا عارف و فاهم هالشي من لما اي تراين قالها له ، ضروري تعيدها كل شوي و باغرب الطرق عشان جماعة تويتر يلاقوا محتوى ؟ ايش اللي بيخلي هوملاندر حالياً فيلن قادر اني اخاف منه و احس بهيبته في كل مرة بيظهر ؟ مافي "على الاقل هالحلقة" ، عكس سولدجر هذا رهيب بستمتع بمشاهده و علاقته بهوملاندر رهيبة ، كذلك الجوانب اللي لها علاقة بتقديمه الاعلامي رهيبة "نفس صورته مع بوتين 😂😂😂😂😂". بشكل عام حلقة ميد ، ما انكر اني استمتعت بكم شغلة بالذات اللي لها علاقة بهوملاندر و سولدجر و كذلك اخر عشرين دقيقة على قد المزبلة الكتابية اللي قدموها بس لما تقفل مخك و تتابع في متعة ، غير كذا عشوائية في الرتم في الاحداث في كتابة الشخصيات التبن في الحوارات الاتبن . لو الحلقة هذي على قولة النقاد من افضل حلقات الموسم فشكله موسم تبن زي اللي قبله .لعلكم بتحسوني قاسي عالحلقة بس معليش لما يا دوبك تتابع حلقتين تحف تلفازية لديرديفل و انفنسيبل و تجي تشوف المستوى هذا طبيعي بنتقد .حنى بمقياس الموسم هذا الحلقة كتابياً ضعيفة . #TheBoys
