دار الشعر

" ياملغية كِل ماضي عِشق بكّاااني "

عليك اتوجد وانت وسط الحشا مستور لو انك مازلت الساطي الآمر الناهي تربعت في عرشك وتبدي علي الشور انا معك متواجد ومع رمشك الساهي يفز الشعور وموعدك من ثلاث شهور يطرا علي الظهر " وانا اشرب الشاهي"

يامنبع الثلج كيف تصب لي جمـره وأنت السحايب بكفك والضما فيني

اهديتها قلبي وروحي والاعيان واهدتني اغلى خصلةً من شعرها -

قبالك ينسيني ضحاح الليال السود عساني فدا جادلك والمبسم الناهي ولا تشتكين من الزمن دام "انا موجود" تذري وراي ، وسولفي ، واشربي شاهي . تركي بن دبلان

هلا .. يـأغلى مراسيل الهوى يـ مقتل الغاوين هلابك عد ماطال الطريق وطاح قنديله ماعدت اللي تخبره داله وسالي مع السالين اهيم بكل وادي دون تكبيره وتهليله انا والليل وحكاية غرامك "بعد عام الفين" خلقنا لجل تقرانا العيون " وتسهر الليله"

من مضارب دارها اللي ورا سبع البحور وردوها من غلاها على ظهر الجمل فاتنً ذعذع صباها على كل الحضور كنها شامة هنوفً حلاها مكتمل افخري ياباشة السمر ماحولك قصور تستحقين الخلافه ..ماهي شيخة شمل

حبِّك سما / وظروفنا كومة غبار والوصل دايم في سمانا سحابه أي والله أحبك ، واداريك ، واغار وصوتي كسر فيه الغياب وعثى به

تضيق الأوقات ماضاقت هقاوينا ولا ملذّات هالدنيا .. تسيِّرنا ! من فضل رب السما تبقى خطاوينا واللي تغيَّر علينا .. ما يغيِّرنا

هاتي وداعك مابقى حي ماضاق الحب هذا هو .. لـمَّه وفرقا . والله لو تدرين عن حال الأعماق مهدوم ! وعيوني من الدمع غرقا

لجلك تعبت وشلت همِّك وعافرت الوقت ؛ وظروف الزمان وخريفي لو هي على كيفي خذيتك وسافرت لكن قسم بالله ماهي بكيفي .

الصبح صديق الحياة .

حاول اذا ضاق المكان وتضايقت تقول من قلب الحدث / ماعلينا ماهو صحيح ان البلا سبَّة الوقت اكثر بلاوينا تجي من يدينا !

شفني بعد ماغبت ابشِّرك مرتاح عرفت اعيش الوضع هادي وعادي وسامحت من قلبي على كل ماراح وأخذت من كيف الليالي مرادي

العام كان سياجك ضلوع وأهداب" واليوم ..طيفك مرنِّي ماعرفته !"

1/1/2024 يامرحبا يا عام " أربعه وعشرين " دام الجروح ان جيت بتصير ماضي كنت اجهل شلون اتغاضى و هالحين صرت اعرف .. وشلون فن التغاضي وان راح عامٍ فيه ما حنا براضين يالله بـ عامٍ منه الكل راضي

ياكم عطينا ناس بس وش خذينا اللي شبع من طيبنا عقبها صد ٰ مو شرط من يضحك معانا يبينا ياكثر من يضحك وهو داخله حقد

كان آخر اخبارك .. تجي في زياره ياليت تدري يوم موعدك وش جبت َ اذكررك قلت السبت وطال انتظاره مرّت علي سنين .. ما مرني سبت

نوم الهنا .. يا منوة المشتاق بس الرِّضاء .. لا ينقطع وصله الشمس ترفض قبلك الإشراق إصحي وكل شي يرجع لأصله اجمل صباحاتي على الإطلاق صباح اشوفك فيه متصله : )

طقّ المطر في عز ماكنت محتاج شيٍ يغسل اللي بقى لك بصدري