غالي السلمي

@j1sjj @iabdllo @ABDULMAJEEDFUL استهدي بالله والله العظيم قاعد اقرى الكومنتات وانصدم وش القصه كلكم كفاءات كذا وغير موظفين؟

@iabdllo @ABDULMAJEEDFUL انا مهندس حاسب بمعدل عالي وعندي شهادات احترافية زي PMP و CCNA وSecurity+ ومقدم براءة اختراع وعندي خبرة مدير مشروع بوزارة الداخلية وعاطل لي فتره طويله ومابقيت مكان ماقدمت فيه نفس وضعك

@Mosescreates اشوفهم يتكلمون عن agents يسوي لك تحسين محركات بحث ومهام ثانيه مثل okara هل هو يسويها تلقائي ويرفع المقالات للويبسايت؟ هل يدعم العربي؟ هل هو دقيق ولا شغله اي كلام؟ هل يعتبر انتهاك لخصوصيتك موقعك

@Ghali146 شو رايك نعمل فيديو؟؟ اكتبلي 5 اسئلة محتاج تعرفها وابشر بالجواب اذا كنت اعرفه

اسوي شي مجنووووووووووون مع كلاود التفاصيل لاحقاً 🫡

@Z_MSS1 عندما علمت انني ساعيش مع مجتمعي على طريقته وليست طريقتي ابتعدت عنه للاسف الجاهل يغلب العالم في كثير من الأحيان لهذا يفضل العالم أن ينأى بنفسه ليجد ذاته في الإبداع ، التطور والإنجاز

قاعدة مهمة بالتجمعات: اذا نشأت في بيئة بدائية، بتفهم القاعدة بسرعة: كلما انخفض مستوى الوعي بمحيطك، زادت حاجتك لإظهار الحدة حتى تُحترم. وكلما ارتفع مستوى الوعي بمحيطك ، قلّ احتياجك لذلك… لأن القيمة تُفهم بدون ضجيج. الهيبة عند الجاهل تُنتزع، وعند الواعي تُمنح .. ..

نحمد الله سبحانه وتعالى أن أكرمنا بإتمام صيام شهر رمضان المبارك وقيامه، ونسأل الله أن يديم علينا أمننا واستقرارنا، وأن يحفظ أبطالنا البواسل على الثغور والحدود في مختلف القطاعات العسكرية والمدنية. وكل عام وأنتم بخير، وبلادنا في عز ورفعة.

@s3basuliman سعيد بسالك لو تشتغل مع شخص كمسوق وتحس ان تجارته صعب نجاحها السوق فيه تشبع نوعاً ما واغلب الشراء على ارض الواقع صعب اونلاين احد يشتري وسعره اغلى من السوق بفرق ماهو بسيط والمشكله تشعر ان رفع السعر لم يكن بسبب منتج اسطوري بل تكاليف اعتقد غير مدروسه لانه جديد داخل المجال وش السواه

قبل حوالي 3 سنوات، كنت شغال "دعم فني" ومصمم متاجر مع تاجر كبير في السن عمره تقريباً 51 سنة الرجال هذا علمني درس في التسويق ما تلاقيه في أكبر الكتب. كان دايم يدخل معي في تحدي يشرّ لي على بضاعة معينة ويقول: يا سعيد هذا المخزون بيخلص من تاريخ كذا إلى تاريخ كذا وكنت أقول في نفسي مستحيل لكن الصدمة إنه كان يسويها في كل مرة وفعلاً يخلص المخزون بالملّي. وش كان يسوي؟ الموضوع بسيط لكنه ذكي جداً الرجال عنده داتا مجمعها فوق 250 الف رقم مقسمهم تقسيم صح. ما كان يزعج الناس برسايل كل يوم كان يختار توقيت للاستهداف من كل شهر. السر في التوقيت والعرض: تعلمت منه إن الناس أول ما تنزل الرواتب (يوم 27) يكونون مضغوطين بالالتزامات والفواتير، فما يكون عندهم خلق للشراء. هو كان يستهدفهم يوم 1 من الشهر يعني بعد الرواتب بـ 4 أيام تقريباً وقتها تكون ميزانية الشخص ارتاحت شوي ومستعد يشتري. كان يرسل لهم رسالة وحدة فيها (عرض قوي + كود خصم مقنع) ويوصلها لهم "واتساب" بأسلوب محترم. نفس هذي الاستراتيجية بالضبط أخذتها وطبقتها مع أكثر من متجر اشتغلت معهم والنتائج كانت خيالية أحياناً السر مو في كثرة الداتا ولا في ميزانية الإعلانات السر كيف تختار "الوقت الصح" وتعرف متى ترسل "الرسالة الصح". الصورة لاحد المتاجر طبقت نفس الاستهداف معهم

@icii88 @ewdifh ممكن ترسل لي السي في حقك بشوفه

@Ghali146 @ewdifh اشتغلت في قطاع الخاص ٧ سنوات ، والنتيجه صفر الراتب نفس الشي ما زاد واللي هو اصلا يادوبه مصروف اما اشتغل سنه مجاني هذي ضحكتني ممكن انك جايبها من بودكاست ، لان ما ادري الصراحه كيف تبغاني اصرف من بنزين و وجبه وقت الدوام غير النت والالتزامات الثانية الحمدلله دايماً وابدا 🙏

(🔴) فتح التوظيف لدى (شركة معادن) لحملة (الثانوية فأعلى) في مختلف مناطق المملكة: ▪️ وظائف (فنية وميكانيكية). ▪️ وظائف (أمنية وإطفاء). ▪️ وظائف (هندسية وإدارية). ewdifh.com/jobs/84722

@icii88 @ewdifh لاتتعامل مع الحياه بالطريقه هذي تعامل معها بطريقة تطوير نفس تابع ناس فتويتر فنفس تخصصك اعرف شهادات مميزه فتخصصك ونادره اتقن التخصص احصل على هالشهادات دور شركه اشتغل فيها مجاني سنه فتخصصك طور السي في اقسم بالله لو بعدها ماتوظفت وصار عندك راتب عالي ماعرف شيء الله يرزقك يارب 🤍

@ewdifh والله تعبنا كله كذب في كذب عشر سنوات ماخليت شي ما قدمت عليه ، ابغى قبول مبدئي يفرحني لو اسبوع

@ecomkhalid صح انك استعرت المحتوى من شخص انقليزي لكن ولعت لمبه فراسي يمكن تضرب معااااي صح خصوصا اني متمكن في هالمجال

قابلت ولد بمساحة عمل مشتركة الثلاثاء اللي فات. عمره 20 سنة، ويطلع 11k ريال بالشهر من إدارة إعلانات جوجل لشركات أبواب الجراج. قلت له: ليه أبواب الجراج بالذات؟ قال: «قعدت أكتب خدمات عشوائية بقوقل مابس وأدور شركات مسوين إعلانات سيئة مره. شركات أبواب الجراج كانت أسوأ إعلانات شفتها بحياتي. وحدة منهم كانت تدفع 4,000 ريال بالشهر وتودّي الناس لصفحة رئيسية ما فيها حتى رقم جوال». رسل إيميل لـ 60 شركة. 9 ردّوا. قفل 4 بعقد 1,500 ريال/شهر وجاب لهم نتائج فعلية خلال أول 3 أسابيع. هذا قبل 7 شهور. الحين عنده 8 عملاء وتوّه وظّف أول متعاقد معه. الولد ما ينزل محتوى، وما عنده موقع. عنده Gmail وحساب Google Ads وبس، ويختار المجالات إنه يدور ناس أصلاً قاعدين يدفعون فلوس بس بطريقة مضروبة. الكل يبي يبيع لشركات التقنية “اللي شكلها كول”. هالولد قاعد يغتني من أبواب الجراج وهو مب قادر يوقف ابتسامة.

@bt1jj @Depression_A2 انا عشت وشفت واشتغلت تسويق مع اصحاب المطاعم والكافيهات والله ان وضعهم صعب وان اغلبهم مايكسب بس يحاول يدفدف الامور عشان مايقفل المحل المصاريف عليهم لو نحسبها مانخلص ايجار رواتب مشتريات غرامات تصليحات ميزانية تسويق

طريق الثراء السريع افتح كوفي يكلفك ٢٠٠ الف وتبيع ١٠٠٠٠ في اليوم تكلفة الكوب ٨٠ هللة والكيكة ٤ ريال وتبيعها ب ٢٢ ريال يعني صافي ١٩ ريال ارباح ٨٠٪ يعني الربح ٨٠٠٠ ريال في اليوم ٤٠ الف صافي شهري في السنة ٢ مليون ونص وبس

@siraj_1500 انا جاهز

🚨أغلب قروبات البزنس = كلام تحفيزي وانتهى .. لكن ماذا لو قدمتلك : • مجتمع يتكلم أرقام حقيقية مو تنظير • تبادل فرص وشراكات فعلية • نقاشات تسويق وتجارب واقعية يومية • دعم للفريلانسر ومقدمي الخدمات • تحديات تنفيذ .. مو استهلاك محتوى قررت أطلق مجتمع تفاعلي مجاني على الواتس أب والتليقرام للمهتمين بالأعمال، التسويق، تقديم الخدمات، والفريلانسينغ 👌 الفكرة بسيطة: نتعلم + نطبّق + نشارك نتائجنا .. إذا حاب تكون ضمن الدفعة الأولى اكتب في التعليقات: (أنا جاهز) وأرسل لك رابط الانضمام 🔥 المقاعد الأولى لأصحاب العقلية الجادة فقط .. فضلا ( رتويت ولايك ❤️ ) حتى تعم الفائدة 🔁

@Just_me1601 @111_u0 ادرس جامعه وتخصص وافهم تخصصك كويس بعد كذا تابع كل الناس الي يتكلمون عن تخصصك فتويتر بالذات موظفين الشركات وافهم منهم وش الشهادات الي ترفعك فالتخصص وابن علاقات معهم تواصل وبعضهم يوفر لك تدريب عندهم فالشركه الخطوات الي ذكرتها لك قويه جداً

وش رايكم نخلي هالتغريدة مرجع لكل شخص يبحث عن وظيفة؟ أي أحد ينزل الـ CV حقه هنا واللي عنده خبرة يساعد ويصحح الأخطاء أو ينبه على النواقص خلونا ندعم بعض يمكن سيرة وحدة تكون سبب وظيفة

@AskCFO لاتروح استمر وطور نفسك لانك واضح تتطور

— من الخاص 🎙️ انا الحين في شركة اجنبية تنفذ مشاريع طاقة شمسية وانا معهم براتب 10 الاف ريال ودخلت ماعرف انجليزي والحين تعلمت وصرت اتكلم و جاني قبول نهائي في البرية سلاح اشارة جندي اول المؤهل العلمي دبلوم الكترونيات ومحتار اروح او لا باقي على الدورة 29 يوم فقط #استمتع_بالرحلة

@Just_me1601 @111_u0 عايض وانا اخوك تبغى الخير؟ خذ خبره فمجالك لو تشتغل مجاني والله العظيم انها نصيحه بتغير حياتك + السي في خله بالانقليزي + استخدم شات جي بي تي اليوم قبل بكره لاتتاخر هو راح ينظم لك كل شيء السي في وغيره + اعرف وش الشهادات الي تقويك لو حابب اساعدك كلمني خاص والله مابي الا دعوه

@111_u0 اتوقع اقصر سيرة بتمر عليكم😂

@Nas_i0 تكفى ياناصر لاتقول كذا اقسم بالله اشتغلت مع اصحاب الكافيهات فالتسويق والله العظيم وضعهم يرثى له مو قادرين يلحقون انتبه الكلام ذا يحمس الناس الصح تبغى تدخل مشروع روع عيشه اشتغل فكوفي شوف الزباين شوف التشغيل كيف صعب اطلع على كل التفاصيل

طريق الثراء افتح كوفي يكلفك ١٠٠ الف وتبيع ٥٠٠٠ في اليوم تكلفة الكوب ٨٠ هللة والكيكة ريالين وتبيعها ب ٢٢ ريال يعني صافي ١٩ ريال ارباح ٨٠٪ يعني الربح ٤٠٠٠ ريال في اليوم ٢٠ الف صافي شهري في السنة مليون ونص وبس

@7Bi_KSA @Mr_WolfST على العكس مستثمر مصري قال لي الاجراءات كلها اونلاين سويتها وكانت تنرفض ثلاث اشهر واتصلت عليهم وقالو بسبب خطا انت تسويه لما ترفع الطلب وبقو معاه يكملون الاجراءات لين قدر يحصل على الرخصه والرجال مبسوط جداً هذا الي اعرفه

@Mr_WolfST المقومات قوية 👌 لكن العائق الحقيقي تعقيد وطول إجراءات وزارة الاستثمار ورحلة المستثمر. كثير من الأصدقاء المستثمرين يشتكوا ! المفترض تسهيلها وإنهاء التراخيص كاملة للمستثمر حتى ولو في مقره !

🔴 السعودية تقدر تخاطب عمالقة التقنية بكل ثقة: تعال افتح مركز بياناتك عندنا🇸🇦 ⚡️ طاقة وفيرة 🏗️ بنية تحتية على مستوى عالمي 🌍 موقع يربط ثلاث قارات نشغّلك ونشغّل توسعك القادم بدون قلق لا تخاف من نقص الطاقة ولا من انقطاعها دام أكبر شركة طاقة بالعالم أرامكو بجوارك👏🏻 بس من يسوّق !

@AskCFO لاتفتح محل خذ قرض واشتر شقه تحت الانشاء تستلها بعد ثلاث سنوات واول ماتخلص قرضك تزوج واسكن فيها وضمنت استقرار نوعاً ما التجاره صعبه ويبي لها تعب مايوصف

— من الخاص 🎙️ عندي راس مال 70 الف و انا عزابي بجده و اغلب وقتي فاضي ابي مشورتكم ودي افتح لي محل او احط لي مشروع اترزق منه و يشغل وقتي وش رايكم وش انسب شيء ؟ #استمتع_بالرحلة

@okoiil1 @TalkToNaif كلام عظيم من شخص عاقل ولكن حلو الطموح الى الحريه الماليه انك ماتشيل هم المال تسافر كل سنه خربت السياره بسيطه يكون عندك ملاءه ومافيه ضغط عليك شعور اجمل اكيد من وضع انك تدفدفها

@TalkToNaif عندي سؤال ايش الفقر بنسبة لنا ؟ هل هو انك ماقدرت تشتري مرسيدس مع انك مشتري سيارة… بيت بس ماهو قصر… يعني كذا تشوفون الفقر رغم انهم نفس الغرض بس السعر اختلف لكن بنهاية انت معاك ولا ان الفقر الصدقي ان مامعك حق الي تاكله اليوم ولا بيت تنام به ..ببالي فكرة بس ماعرفت اوصلها

عندي سؤال دايم يدور ببالي هل الفقر قدرك أو ذنبك ؟ هل هو بسبب انك انولدت بعائلة فقيرة أو انك ما اشتغلت على نفسك من تلوم في هذي الحالة

@TalkToNaif بسالك سوال ثاني لو استمريت فقير كذا و ولدك انولد في عايله فقيره هل هذا قدره ولا ذنبه؟ نعم الاهل يساعدون في مسالة المال لكن قمة الضعف انك تبي منهم فلوس اصلا كيف اتجرأ افكر ففلوس ابوي؟ ياكثر الي صنعو انفسهم في احلك الظروف صح الحياه صعبه بس خل صميدع ومكافح تجيب فلووس . .. ذنبك ..

@AskCFO حاب اقولك انت غلطان على نفسك لانك تعطي الناس عطاء قوي وانت منت في وضع الامان نصيحه راتبك ضعيف تجارتك اجمع منها وحط اصول قد ماتقدر دخلك من التجاره ممكن يختفي فاي لحظه امتلك عقارات تدر لك دخل هذي فرصتك تروح لبر الامان لان دخلك عالي قبل لاتعصف بك الدنيا

— من الخاص 🎙️ انا موظف حكومي وراتبي 9200 ريال وعندي عمل حر شهري مابين 30 الف الى 40 الف وغير متزوج وعمري 30 قسط الديون : 7000 ريال متبقي 250الف جمعيات : 7000 ريال الالتزامات شخصية وسكن وبنزين : 10الاف الاهل والاخوان : 10 الاف ريال متبقي تقريبا : 12 الف صافي شهري فيه طريقه استثمار ولا احطها باسهم؟ #استمتع_بالرحلة