مُحَمد حَسن 🇵🇸🇵🇸

عشان حرامي😀 ومات وهو عنده ٢١ طن من الذهب الخالص على أقل تقدير، جمعهم خلال ولايته الأولى والثانية على مصر؟ جمعهم من خراج المصريين وجزيتهم، من الناس اللي كان جاي قال ايه "يحررهم"، وقبل ما نبدأ نقول: "دي روايات شيعية" أو "مفيش دليل، وفص المخ الأمامي يشغل ميكانيزم الدفاع المقدس اللي بيحاول يحمي أي شخصية اتحطت في دايرة القداسة من النقد، فانا النهاردة جايبلك صفحات الكتب اللي مكتوب فيها الكلام ده، المصادر دي سنية، ومكتوبة قبل أي صراع مذهبي بالشكل اللي النهاردة نعرفه، مكتوب في كتاب فتوح مصر وأخبارها لابن عبد الحكم، صفحة ٢٩ من طبعة لجنة التأليف والترجمة والنشر: «وخلف عمرو بن العاص عند وفاته سبعين بهارًا من الذهب، سوى ما كان له من ضياع بمصر والشام» كلمة "بهار" كانت وحدة وزن وقتها أصلها فارسي ومعناها “حمولة الجمل الكامل”، والمصادر الفقهية والتجارية القديمة بتقدّر البهار بحوالي ٣٠٠ إلى ٥٠٠ كيلوجرام حسب نوع الحمولة، يعني حتى بأقل تقدير ٧٠ × ٣٠٠ كجم = ٢١ ألف كيلوجرام ذهب، يعني ٢١ طن من الذهب الخالص. تخيل بقى إن الـ٢١ طن ذهب دول كانوا بس مجرد الكمية اللي قدر عمرو بن العاص يخنصرها من ورا الخليفة؟ ودول بسعر النهاردة حوالي ٣مليار دولار ده طبعًا غير باقي الممتلكات. ابن عبد الحكم بيحكي في نفس الكتاب (من صفحة ١٠٧ لصفحة ١١٠): إن عمر بن الخطاب كتب له يسأله عن الخراج، وقال له بالنص: «قد بلغني أنك تأخذ خراج مصر فتقسمه، فابعث إليّ بما عندك من المال» الكلام ده معناه ببساطة إن عمر بن الخطاب نفسه كان بيشك إن عمرو محتفظ بجزء كبير من المال، بس ما قدرش يثبت عليه حاجة وبعدها لما عمرو بن العاص انعزل ومسك عبد الله بن سعد مكانه، ابن سعد لقى بيت عمرو مليون ذهب، وده اللي خلى المؤرخين يكتبوا بعدها عن عمرو بن العاص “مات كثير المال، واسع الضياع، عظيم الثراء”. وفي نفس الكتاب صفحة ٢٩١: «لما مات عمرو بن العاص وجد في بيته مال كثير، وعدة صناديق فيها ملايين الدراهم، سوى الذهب والضياع التي كانت بمصر والشام» في الوقت ده كانت الدراهم فضة خالصة، يعني ثروة حقيقية، يعني الراجل ما اكتفاش بالـ٧٠ بهار ذهب (أكثر من ٢١ طن)، ده كمان كان عنده صناديق مليانة فضة، غير القصور والأراضي اللي امتلكها من ضواحي الفسطاط لحد الشام. وده يفسر ليه عمر بن الخطاب كان بيشك فيه، ويسأله دايمًا عن الخراج، لدرجة إنه قاله في أحد رسائله: «لقد بلغني عنك أنك جمعت مالًا عظيمًا» عمرو طبعًا حاول يبرر، وقال له إنه مال حلال من رزق وضياع، لكن الحقيقة واضحة في كلام المؤرخين: ثروته جاية من الخراج اللي كان بيتحصل من المصريين، ولما يكون ده ممتلكات فرد واحد بس، بيسرق ويخبّي جزء من خراج المصريين لنفسه، فلك إنك تتخيل الكمية الأصلية اللي خرجت من مصر كانت قد إيه يعني لو الراجل ده لوحده أخد لنفسه أكثر من ٢١ طن ذهب وملايين الدراهم، يبقى البلد دي كان بيطلع منها قد إيه؟ كم ألف طن خرجوا من أرضها وعرق فلاحيها علشان تمول دولة الخلافة في المدينة والشام، والمصريين نفسهم لسه بيدفعوا الجزية ويشتغلوا تحت سلطة الولاة العرب بعد الفتح. مصر من أول يوم بعد الفتح ما كانتش "دار إسلام"، كانت دار ضرائب، كل والي ييجي يكمل شغل اللي قبله، يجمع شقاء وتعب المصريين يبعتّه على المدينة أو الشام… ويخلي نصيبه محفوظ، زي ما حصل مع عمرو بن العاص بالضبط. وده مثبت في أكثر من مصدر من كبار المؤرخين، ومش ابن عبد الحكم لوحده اللي قال كده، الطبري في تاريخ الرسل والملوك (الجزء الرابع، صفحة ٢٠) بيقول بالنص: «عمرو بن العاص كان مكثرًا من المال والضياع حين مات» ابن سعد في الطبقات الكبرى (الجزء الثالث، صفحة ٢٦٣) كتب إنه: «ترك مالًا كثيرًا وضياعًا بمصر والشام» والمقريزي في الخطط، كان أوضح من الجميع، وقال إن: «ثروات الولاة من قريش، وخاصة عمرو، كانت ضخمة بسبب الجبايات والخراج المصري»

شوفت حاجه جميلة اوي على فيسبوك بس حزينة جدًا

"نفسي ألاقي شغل بعيد عن الشارع".. طفلة بمتلازمة داون تبيع المناديل وتخطف قلوب المارة #تليجراف_مصر