Hamad Aldhaeefi

@MuzunAlonezi الموضوع يا اخت مزون مو موضوع تكذيب ولكن استنكار ، لما نتكلم عن اخر احصائية للتامينات الاجتماعية بالعدد، اليوم عندنا 1,196,000 سعودي رواتبهم اقل من 5000 ريال ، طبيعي الاستنكار والهجوم ، الكل وده راتبه يكون زين لكن في اشخاص عاش طول عمرة بين شركات راتبه ماتعدا 5 طبيعي الي يصير .

خبرتي ٧ سنوات بالتوظيف على مستوى الشرق الاوسط وافريقيا ومطلعة على الرواتب بسوق العمل للشركات الكبيرة والمتوسطة والجهات الشبه حكومية وكل سنة انزل لكم دليل الرواتب بالسعودية من شركات استشارية مع ذلك القى تكذيب وهجوم ترى مالي مصلحة اكذب او ابيع وهم كل الي قاعدة احاول اسويه اوعي الناس ان السوق فيه رواتب عالية ولا ما كان تغربوا الاجانب عندنا والي يقول الرواتب بس للاجانب مو للسعوديين قاعد يكذب على نفسه او جاهل لو فعلا الرواتب كلها ٥ و٧ الاف ما كان شفتوني اقمع هالشركات وارفض اعلاناتهم موضوعنا واحد الي هو التوطين والتمكين ركزوا عليهم وبطلوا اتهامات تراي اساعد الناس بدون اي مقابل مادي

@roore50 أود التأكيد على نقطة وهي استقطاب الكفاءات يجب أن يكون هدفه نقل المعرفة وتوطينها، من الضروري وجود برامج واضحة لخلافة المناصب. في النهاية الأوطان تبنى بسواعد أبنائها، وتجربة كوريا الجنوبية خير مثال. الانفتاح على الخبرات العالمية مهم، لكن الاستدامة تتطلب تطوير العقول عبر خطط مدروسة.

بتكلم عن نقطة مهمة وبكون شوي محايدة 🇸🇦 ‼️ الوظائف وتوطينها .. والحسابات الي جالسه تكتب بدون وعي ولمجرد الهبد فقط عندنا سعوديين وسعوديات واسماء كبيرة وكثيرة ماهي مشهورة اعلاميا ماسكين مناصب عالية جدا خارج السعودية عندك طموح وحلم تجري وراه راح تحققه بكائك ونحيبك عالوظايف ماراح يجي لشخص يفضفض طول الوقت ويتحلطم ترى سعوديين كثير ماسكين مناصب بشركات عالمية ماانشوف شعوب هذيك الدول قامت تصايح عليهم لا جالسه تستفيد من خبراتهم وتكافئهم وجود اجانب بشركات سعودية كبيرة شي عادي جدا احنا دولة تفكر للمدى البعيد لازم من التوازن بالهيكل الوظيفي مايصير عشان بس نرضي الشعب اتهور واطلع كل الموظفين الاجانب بدون مااخلق لهذا المواطن سلم وظيفي يحفظ نظام العمل ومايتسبب بخساير لشركة ورؤيتها والخدمة الي تقدمها توطين الوظايف مستمر وكل سنة يزيد بنسبه مدروسه ولكن الانجراف مع حسابات والضغط على دولة كامله بوقت نحتاج فيه الاجتماع اكثر من التفرقة لا والف لا .. وهذي نماذج على سعودية بالخارج محد حاربهم ورجعهم السعودية 👇🏻

@nuclci @ABDULMAJEEDFUL ترا على فكرة الشي الي صاير طبيعي ومن حقهم يخافون من الاشخاص الي كذا ، حتى الوظائف الحكومية لما يقبلونك يرسلون لك نموذج تحط فيه كل حساباتك بالسوشال ميديا وتروح للمسح الامني يفصفصون حساباتك كلها واول تتعين وتباشر يعطونك نموذج عدم نشر المعلومات

@ABDULMAJEEDFUL وش فيه يقصدنا الولد ؟ الان بسحب التوصيه 😡 يمه الله لا يوليهم على حد وحمدلله ان الرزق بيد الله

طيب انا نصحتك ان عندك مشكلة سلوكية لكن بوضح لك مو مشكلة.. - الصورة الاولى كلموك ورفضت تجي للرياض - الصورة الثانية حولناها لشركة في عرعر وانت لاعطيتنا فرصة نخدمك ولاتبي تصبر، بس تبي تسوي دراما وانا فاهمك تماماً

@AbuDhari_8 @ABDULMAJEEDFUL @3lm_a1 الرجال ماتكلم من عقلية HR ,الرجال يتكلم من واقع السوق اليوم الرواتب الزينه تتطلب خبرة وهذا الشي معروف بكل مكان مو بس عندنا ، والحد الادنى عندك ٣٦٠٠ ، نفكر شوي بمنطق والشركات الي تعطي راتب زين لحديث التخرج تنعد على الاصابع . هذا واقع اما التنظير سهل ودنا كل حديثي التخرج يبدون ب ١٠

@ABDULMAJEEDFUL @3lm_a1 "كلنا بدينا ب4 الاف" بالضبط هاذي هي عقلية حقين الHR امكانياتك ممتازة معاك لغة وماجستير؟! ما يهم المهم انا عانيت انت تعاني ، انا تعبت انت تتعب لحظة لحظة معاك خبرة 15 سنة؟ بزيدك الفين وانقلك في منطقة نائيه اهم شي تعاني وتتعب وتشحد اللقمه

لك أن تتخيل، عبدالمجيد يشوف واحد عمره فوق الـ30، اسمه عبداللطيف، "غير جاد" بس لأنه رفض وظيفة بـ6 آلاف في الدمام بدون أي مزايا! طيب طبيعي يرفض.. تبي الرجال ينزل من عرعر للدمام عشان راتب يتلاشى بين سكن ومواصلات وأكل؟ وش بيبقى له بالنهاية؟ المشكلة مو في الجدية، المشكلة في الطرح نفسه. اللهم لا تحوجنا لأحد يشوف بهالعقلية زي عبدالمجيد.

@NoMK_10 @Kityilife @7hrdl القدية يطلبون منك background check يعني مو بس وين كنت تشتغلين ، يرسلون ملفك لشركة بريطانية اسمها Cadence, موظفينها نفس ذاك شمام النمل يدخلون بماضيك كله ويبحثون عن خبراتك وشهاداتك كلها عشان يتاكدون ان كلها صحيحة .

@Kityilife @7hrdl كلموني حق وظيفة خدمة عملاء وطلبو شهادة خبره كيف عاد لا صارت وظيفة بالقدية 🤣

شفتوا كيف فيصل نفضهم لدرجه حذفوا الخبرات و اخفوا انهم موظفين في هالمكان 😂 ؟ اللي يقولكم صوتكم مايوصل والله انه يوصل و ينفضهم و مايخليهم مرتاحين لو تشوفون غلط لا تسكتون عنه تكلموا هذا واجب علينا كلنا اما الجُبناء ما اقول غير الله حسيبهم ..

@abukhalil966 @QioHub ماله علاقة الموارد البشرية الله يعافيك هذي تخصصها ادارة مشاريع وتتكلم عن موظف معها في ادارة المشاريع ، الله يعين الموارد البشريه بس

@QioHub والله حقين التوظيف والموارد البشرية ان صدق من قال عليهم يهود

كوتش فاطمة: استغنيت عن موظف لأنه بس تجي الساعة 5 ما ألاقيه.

@ABDULMAJEEDFUL شهادة البكالريوس دورها بس تفتح لك باب المقابلات وما تتعدى هالنقطة لكن موضوع انك ما تروح بعيد يعتمد عليك انت طموحك هو اللي يحدد وين بتوصل ومعاه عزيمتك على تطوير نفسك ومهاراتك اللي ترفعك وتوصلك للي تبي اما الشهادة بحد ذاتها فعلا ما بتوديك بعيد

لن تذهب بعيداً بدون شهادة البكالوريوس.

@justfeelsays @ABDULMAJEEDFUL لا طبعا مايطلع لا اشتراكاتك السابقة ولا وش كانت وظيفتك السابقة ، لكن اغلب الشركات تطلب شهادة مدد واجور في بداية مرحلة التوظيف للتحقق من خبراتك السابقة والشهادة هاذي هي النسخة الوحيدة الي توضح خبراتك السابقة عدا كذا موظف الموارد البشريه مابيعرف اي شي عن مصداقية الخبرات

@ABDULMAJEEDFUL هل موظف الأتش ار اذا جاء بيسجل اسمي وهويتي بالتامينات عشان التوظيف يطلع له اشتراكاتي السابقة ووظيفتي؟

@Media_Pr27 @Bader_38_Hr التخصصات الحساسة مثل المحاسب المسؤول عن اموال الشركة لابد من ان يتوفر لدية شهادة تخصصية بالمجال والمهندسيين لمدى اهمية التخصص لابد ايضا من توفر شهادة اعتماد ، الا الموارد البشرية رغم انه مسؤول عن عصب حساس بالشركة الا وهو الموظف ، بالتالي لابد لموظف الموارد البشرية ان يعامل بالمثل

لما يجيك شخص فاهم، واضح وصريح .. ما يتملق ولا يجامل عشان يحقق مصلحته، تلقائيًا يصير كلامه واقعي ويصيب الهدف. المستشار في الموارد البشرية أ. بدر العنزي تكلم بأسلوب صادق، بعيد كل البعد عن التلميع والتمجيد، ووضح الفرق بين الـ HR الحقيقي وبين "إتش عار" .. والفرق فعلًا بينهم مثل الفرق بين السماء والأرض. تسليط الضوء على المتلاعبين في هالمجال يفتح باب كبير من التساؤلات، هل لما يتم وضع حد أدنى لرواتب السعوديين فقط لتحقيق مصلحة رب عمل طماع، ما يُعتبر هذا تلاعب بالأنظمة والقوانين؟ وغيرها من أسئلة كثير، ما لها نهاية لكن بالنهاية، ما نقول إلا: الله يجعل نزاهة تتولاكم.

@Barjasbh اخ برجس لو طرحت السؤال هذا وانت جالس تنتظر رحتلك المتجهة من مطار جدة الى لوس انجلوس ومدة الرحلة ١٥ ساعه ،وفي احد المقاعد امامك كان في طيار جالس،وعندما سمع سؤالك قال اممم ، هل تعلم ان البارحة عرضو علي هذه الوظيفة وانا اليوم هنا سوف اقلع برحلة من جدة الى لوس انجلوس ،هل تتغير نظرتك!

إذا عرض عليك وظيفة كبيرة وبراتب عالي، ولديك القناعة التامة بأنك لا تستطيع القيام بها، ولا تملك الكفاءة ولا القدرة لهذه الوظيفة هل تعتذر عنها؟ أم تطير بها؟ 😀

@nawwaf_72 @i_mo03 @golden2794 الموارد البشرية يحدد احتياج الوظيفة مع المدير، وبعدها يفرز السير الذاتية حسب المتطلبات وثقافة الشركة. الموضوع مو بس مهام الوظيفة، فيه تركيز على هل الشخص يناسب توجه الشركة أو لا، مثل الاستقرار أو حب التطوير.الهدف توظيف شخص مناسب للوظيفة ويقدر يندمج ويستمر ويضيف قيمة حقيقية ومستمرة

@i_mo03 @golden2794 وش يعرف الاتش ار اني مناسب واغير مناسب عشان يرفضني اذا انا مطابق لمتطلبات الوظيفة

مو شغلك ياليت تركز على وظيفتك الرئيسية: ترتيب الاجتماع و التأكد من نظافة المكان و وجود قهوة و مويه

@3izez_ الموضوع مو موضوع ٢٥ سنة بحد ذاته، المشكلة لما تاخذ مبلغ أكبر من قدرتك ويأثر عليك بشكل واضح. لكن لو أخذت قرض على ٢٥ سنة والقسط مريح لك وما يضغط على حياتك، ما أشوف فيها مشكلة. المشكلة فعلاً على اللي ياخذ أكثر من طاقته، هنا تبدأ المعاناة والهم والنكد

عندي استفهام بسيط ممكن أحد يجاوبني عليه ؟ شخص يستقطعون من راتبه النصف أو أكثر لـ 25 سنة ويعيش في ضنك العيش هو وعائلته ويحرم نفسه من أحلا ملذات الحياة عشان يمتلك منزل ليورثه لمن بعده ! هل هذا منطقي وعقلاني يامتعلمين ؟؟

@mahmooud_1 الوظيفة هي تعتبر اتفاقية واضحة بين الطرفين والتزام من الطرفين لتقديم خدمة مقابل مبلغ مالي وفيه قيود تمنع صاحب العمل من انتهاك حقوق الموظف ولو بكلمة ، اما العبودية شي ثاني مختلف تماما وببساطة مالك اي حقوق نهائيا، دورك فقط تشتغل بدون صوت .

ياسر بهجت : الوظيفة مخالفة للفطرة تماما ، وهي بديلة للعبودية!

الله أكبر الله أكبر، الله أكبر لا إله إلا الله، الله أكبر الله أكبر، ولله الحمد. الله أكبر كبيرًا، والحمد لله كثيرًا، وسبحان الله بكرةً وأصيلًا

@Alaa_AlGhanem صحيح كلامك، للأسف بعض الشركات تتهاون بوظيفة خدمة العملاء رغم إنها تمثل واجهة وسمعة الشركة، وصدقيني لو المكالمة مسجلة وعليها تقييم كان الوضع بيكون مختلف بكثير �

عبارة اليوم .. اتصلت على مطعم اجهز لعزيمة العايلة اول يوم العيد .. فقلت للموظفة من فضلك يبدو ان قائمة المنيو غير معروضة كاملة في تطبيق التوصيل .. ف ردت: "انتي لو دورتي زي النااااس حتلاقيه" .. قلت عفواً هل في خيار الانسان يدور غير مثل الناس !! للأسف هنالك بشر حرام يتم توظيفهم في خدمة عملاء لا أسلوب ولا أدب . #أعمال #مطاعم

@HRM001122 @s7s818 @sahazeem112 @ABDULMAJEEDFUL انا ضربت مثال بس للتوضيح، واكيد الدولة ما تعطي فرصة في التزوير لانها جريمة، ونفس الشي ينطبق على الشركات، كل شركة لها انظمتها وسياساتها التي تتبع لقانون العمل ، والتزوير يعتبر مخالفة كبيرة ويستوجب اجراء مباشر حسب النظام ومنها المادة ٨٠

@HAldhaeefi @s7s818 @sahazeem112 @ABDULMAJEEDFUL التزوير قضية جنائيه وغير صحيح ما ذكرت ان الدوله تعطي فرصه في التزوير

احذر من السكاليف الوهمية، وقفت كثير على فصل موظفين بسببها، بل والموضوع يتعدا الفصل يُحال الى الجهات المختصة.

@r1ndr @HRM001122 @ABDULMAJEEDFUL نفس لما تجي وتقولي" كفو قطعت رزق عائلة وسجنته عشان مزور ١٠٠ ريال " .

@HRM001122 @ABDULMAJEEDFUL كفو يعني قطعت رزق عائلة كامله بيدك عشان اجازه وهميه

@s7s818 @sahazeem112 @HRM001122 @ABDULMAJEEDFUL لازم نؤمن ان الشركات لها انظمتها مثلها مثل الدولة ، اليوم الدولة لما تزور فيها بيعطونك فرصة ثانيه ، يسامحونك لانها اول مره ويطلعونك ولا يطبقون عليك النظام ، الشركات لديها انظمة وملزومة فيها، قانون العمل وضح للشركات بما معناه ( في حالات التزوير الفصل على المادة ٨٠).

@sahazeem112 @HRM001122 @ABDULMAJEEDFUL من المره الاول المفروض يحاسب ولا يرجع ل عمله بس من الافضل اقالته وليس فصله زي م افادوني ان الاستقاله تفرق عن الفصل

@lpssf2 @ABDULMAJEEDFUL اول شي لازم تحدد توجهك بالموارد البشرية ، لان التخصص يندرج تحتة مجموعة من التخصصات. الفرعيه ، عمليات ، توظيف واستقطاب، تدريب وتطوير ، إدارة الاداء وغيره ، اذا حابب تبدا المجال توجة اولا للعمليات ، خذ دورة بالمنصات الحكومية وثقف نفسك بقانون العمل وفي ايضا دورات بهذا المجال

@ABDULMAJEEDFUL ابغا اتأسس وافهم مجال الموارد البشرية من الالف الى الياء وين افضل مكان اتوجه له دورة او مقاطع او شي تنصح فيه

اللي عنده سؤال في الموارد البشرية ، استفسار عمالي ، تطوير مهني يكتبه تحت 👇🏽✅

@ROOOS49 @ABDULMAJEEDFUL اذا طلبت انهاء العقد قبل نهايتة والتزمت بفترة الاشعار ، تستحق المكافأة كاملة لكن اذا العقد ساري ورفعت استقالة تستحق ثلث المكافأة

@ABDULMAJEEDFUL انا موظف ثلاث سنوات في منشاه اذ انهيت عقدي وجلست حسب مده الاشعار ٣٠ يوم هل يحرمني ذا من نهايه الخدمه؟