Hadeel Solila

كل شيء حولي كان يبدو لي كتصميم… حتى قبل أن أعرف ما هو التصميم. -منذ قبل الجامعة كنت أحب الرسم، والتصميم البسيط، وتصوير الفيديوهات وتعديلها. لم تكن مثالية، لكنها كانت البداية. رغم أن الحرب قطعت الطريق لفترة، الآن أعود للاستمرار في المجال الذي أحبه. #Design #GraphicDesign

@designerkhetam حبيبتنا ختام , فعلاً المقارنة شيء مش لطيف أبداً

"أنا ما بقبل مقارنة شغلي… حتى لو كان العرض مغري." في 2023 تطوّعت في شركة لأتعلم وأطوّر نفسي. كنت ملتزمة بإنجاز 4–5 تصاميم أسبوعيًا، وشغلي كان يعجبهم ويننشر. لكن مع الوقت بدأت المقارنات مع شخص ثاني ينجز أكثر. ردّي كان واضح: أنا ملتزمة بالاتفاق وبقدراتي، وفوق هذا أنا متطوّعة.

@DesignerMymona صحيح ميمونة , الأفكار القوية بدها تعب وتفكير عميق مش أول فكرة بتكون هي الفكرة القوية👏

أقسى مهارة عند المصمم.. إنه يتخلى عن فكرة تعب عليها. كثير من التصاميم القوية ما طلعت من أول فكرة، طلعت بعد ما حذفنا أفكار كثيرة قبلها. أحيانًا أفضل قرار هو تقول: هاي مش الأقوى… ونبدأ من جديد. مش كل مرة الحل Enter… أحيانًا الشجاعة الحقيقية هي Delete.

"وكأنك يا أبو زيد ما غزيت😏" بيقولوا إنه موهبتك بالتصميم ما إلها قيمة… إذا ما عرفت تقنع العميل فيها! لأنه أحياناً المصمم بيعطي فكرة قوية، لكن بيفشل في إيصال الفكرة وشرحها للعميل. مين أهم برأيك في سوق العمل اليوم ؟ قوة مهارة المصمم ولا قدرته في إقناع العميل فيها🤨؟ #مصمم

@mohammad_aljada جميل , أبدعت محمد

كيف صممت منصة نكسيرا الرقمية؟ رحلة من التعقيد إلى البساطة. خلينا نتفق على شغلة✋ اغلب المواقع التعليميةما بتفشل بسبب محتوى الحلو.. تفشل لأن تصميم ما بيوجّهك لشو بدك حتى تنجز هدفك. تبع معاي عالرحلة👇

@tasneem_Designe بشوف أهم عنصر بأي تصميم هو وضوح رسالته . التصميم ممكن يكون مستوفي حقه جمالياً , لكن إذا ما وصل الفكرة أو الهدف منه، بيصير مجرد شكل حلو بس .

كنت مفكرة إنو التصميم الناجح هو التصميم الجميل. بس مع الوقت فهمت إنو الجمال لحاله ما بكفي. التصميم القوي هو اللي خلال ثواني: يجذب الانتباه… ويوصل الفكرة بسرعة. باختصار: 🎨 جمال + 🧠 فكرة + ⚡ وضوح = تصميم ناجح شو أهم عنصر برأيكم؟ #تصميم #GraphicDesign #marketing

@DesignerMymona بالزبط كلامك ميمونة , التفاصيل لازم تكون قوة ما تقف عائق بتصميمك

كنت قاعدة أصمم مرة وشفت تفصيلة صغيرة مش مزبوطة و ضليت فترة مش قادرة أتقبلها. كم مرة صارت معك؟ المصممين عيونهم شايفة التفاصيل اللي غيرهم ما بيلاحظوها. صح الاهتمام بالتفاصيل بيخلي التصميم احترافي بس الهوس بالكمال بيضيع وقت. لهيك خلي التفاصيل قوة الك، مش عائق لشغلك...

صايرة ما أتونس إلا بلينكد ان💙 حرفياً هالفترة مستمتعة فيه جداً بجهز مشروب وحبة شوكلاتة وبقضي أجمل ساعات بيومي قرابة ثلاث ساعات متواصلة أقرأ بوستات وتعليقات والحلو إني بطلع منه بكمية معلومات رهيبة .. وخبرة من جميع المجالات .. في حد زيي هالفترة ؟👀 #linkedin #لينكد_ان

@ux_shahd ضل ساعة الا 10 د بنستناكي 😂

فايته تحدي مع نفسي انجز الي عليا قبل ال١٢ 🏃🏼‍♀️

@Moneergraphics طبعاً الفكرة , وما بعدها هيَن

القصة مش بس "تصميم حلو"، السر في الشعور اللي بيوصلك! ✨ ​كم مرة وقفت عند بوست وحسيت إنه "بيخاطبك" أنت بالذات؟ 🛑 ​هذا هو سحر القاعدة الذهبية في صناعة المحتوى. 🏆 ​الموضوع مش مجرد صف عناصر، هو بناء "تجربة" بتلمس قلب العميل قبل عينه. ❤️ ​سؤالي للمبدعين: شو أكثر شي بياخد منك وقت؟ 👇

@alaamo7taseb بالزبط ألاء , فهمه وتحليله للفكرة بيوصله للمسة تخلي التصميم حتى لو بسيط يكون جيد جداً 👌

@Hadeel_Solila طرح جميل للموضوع، المصمم بضيف لمسته الخاصة عن طريق تحليله الجيد وفهمه للفكرة الي بده يوصلها من خلال التصميم.

المشكلة مش في جوا الصندوق أو خارجه، المشكلة فيك👀 كتير من المصممين تصاميمهم متشابهة: نفس المفهوم، نفس الأسلوب، نفس النتيجة تقريباً. هنا بتبين أهمية لمسة المصمم الخاصة مش لازم تكون معقدة، أحياناً لمسة بسيطة أو زاوية تفكير مختلفة كافية . كمثال 👇 #تصميم #مصمم #ابداع #ترند

@MarahAshoor صحيح كلامك مرح , لمسة المصمم الخاصة فيه بتعطي حياة للتصميم وبتنقله نقلة تامة حتى لو نفس الفكرة المشكلة بالتكرار والتقليد الأعمى 👌

@Hadeel_Solila صح كلامك هديل، والموضوع فعلا مهم جدا المحتوى صار عند كثير ناس نسخ لصق، بدون ما يحط الواحد لمسته وطريقته الخاصة بالتصميم فالمشكلة مش بالفكرة نفسها، ولا بكونها استخدمت بأكثر من مجال، المشكلة لما تنعاد بنفس الأسلوب وبدون أي إضافة جديدة، هون بتفقد قيمتها وبتصير مجرد تكرار

@DesignerMymona تماماً 👌👌

@Hadeel_Solila لما تستخدم لمستك الخاصة إنتا بتعطي روح مميزة للتصميم تبعك .. إلي أول ما يشوفه أي شخص التصميم لحاله رح يحكي عنك 👌🏻✨..

@MarahAshoor شكراً لمشاركتك هاي المواقع معنا 👏

من الأشياء اللي تساعدك تواكب ترندات التصميم في 2026… ابدأ بالتغذية البصرية... وهاي مواقع أحب أرجع لها غير Behance •awwwards.com • kittl.com • muz.li •siteinspire.com لو عندكم مصادر ثانية شاركونا👀 #رمضان_مبارك #الكويت_الان

@MarahAshoor جميل جداً مرح , أبدعتِ للأمانة 👏

كل ما اشتغلت إنفو جرافيك أكثر، بتأكد إن الموضوع مش تجميع عناصر هو نظام بصري، مش حشو عناصر Visual Hierarchy يوجه العين Decluttering يخفف التشتيت Layering & Separation ينظم المعلومة Data Storytelling وكل عنصر ما بخدم الفكرة، وجوده زيادة قبل وبعد #تصميم

@Moneergraphics أبدعت منير 👏

الـ Brief ليلي والصورة بعز الظهر ​العميل طلب فخامة ليلية والصورة المتوفرة تحت الشمس وألوانها مش راكبة هل بتعتذر ولا بتصنع المعجزة؟ ​بـ نقطة تحول قررت أكون خالق مشهد: رسمت الظلال يدوياً وزعت انعكاسات باردة صبغت الهيكل بتدرجات الأزرق والبنفسجي ​​​كمصمم شو أصعب صورة عالجتها بالكامل؟

@designerkhetam استمري بالتوفيق ختام 👏

@Saleh_AbuRayya ما كنت هقدر أكمل و كان هيكون موقفي مشابه لموقفك , لأن الشغل أخد تعب ومجهود كبير . وبدون اتجاه واضح ما في وصول ولا نتيجة .

خلوني أحكيلكم قصة ثانية صارت بيني وبين عميل سابق و احكولي رايكم و تصرفكوا في هيك موقف العميل طلب تصميم شعار وقال إنه شاف نماذج كثيرة في منها عجبته وفي لا عندي في البريف خانة أساسية : نماذج عجبك ونماذج ما عجبك لانها بتساعدنا نطلع باشي مميز ومناسب و نفهم التوجه لكن العميل رفض يحط أي نماذج. و حكالي اشتغل على إبداعك أنا واثق فيك من أعمالك هالجملة فعليا كانت محفزة انه اكسر الاساسيات و ابدا شغل بدون ما اشوف ايش توجه العميل 😑 اشتغلت 3 نماذج وكل واحد فيهم أقوى من الثاني عرضتهم عليه وتفاجأت بالرد عاديين و مش مناسبين رديت عليه بانه خلينا نختصر الطريق وارسلي النماذج اللي عجبك عشان نفهم الاتجاه رفض مرة ثانية وطلب أشتغل 3 نماذج جديدة وقتها وقفت الشغل مش عشان العميل سيء ولا عشان انا مش قادر اطلع بنماذج تانية وقفت لانه فهمت انه الإبداع بدون اتجاه واضح بصير تخمين مش تصميم لو انت كنت مكاني بتكمل الشغل؟ ولا بتوقف لحد ما يوضح رؤيته؟

@MymonaBusiness تماماً👏

@Hadeel_Solila التصميم الناجح لازم نوازن فيه بين الجمالية و الهدف تبعو .. لازم التنين يكونو في تعادل و ما حدا فيهم يطغى على لتاني عشان نوصل ل تصميم جذاب و مدروس و فعال بنفس الوقت 👌🏻✨

الأقل هو الأكثر.. أكثر شيء تعلمته في التصميم: إنه مش مجرد شكل جمالي. أحيانًا العميل بيطلب تفاصيل أكثر.. لكن .. هل يخدم الفكرة؟ التصميم الجيد مش بجماله، بل بإيصال الفكرة. لهيك أحيانًا أفضل تصميم بيكون هو الأبسط. هل التصميم الناجح يُقاس بجماله أو بوضوحه! #GraphicDesign