Info DevbhumiDwarka GOG

સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં અનેકવિધ વિકાસકાર્યો થકી નાગરિકોના જીવનને વધુ સરળ અને સુવિધાસભર બનાવવા પ્રતિબદ્ધ ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભુપેન્દ્રભાઈ પટેલે રાજ્યના અંબાજીથી ઉમરગામ સુધીના સમગ્ર આદિજાતિ વિસ્તારોના સર્વાંગી વિકાસને પ્રાથમિકતા આપતાં, ગામડાઓ સુધી પાયાની સુવિધાઓને વધુ સુલભ બનાવવા માટેનો એક મહત્વપૂર્ણ નિર્ણય કર્યો છે. મુખ્યમંત્રીશ્રીએ આ સંદર્ભમાં આદિજાતિ વિસ્તારોના ગામોની શાળાઓ અને પ્રાથમિક આરોગ્ય કેન્દ્રોને પાકા રસ્તાઓથી જોડવા માટે 325.81 કિ.મી. લંબાઈના કામો તેમજ સ્ટ્રકચર નિર્માણના કામો મળીને 293 કામો માટે કુલ ₹362.57 કરોડ મંજૂર કર્યા છે. માનનીય વડાપ્રધાન શ્રી નરેન્દ્રભાઇ મોદીની પ્રેરણાથી શરૂ થયેલી વનબંધુ કલ્યાણ યોજના અંતર્ગત આદિજાતિ સમુદાયોને શિક્ષણ અને આરોગ્ય જેવી મૂળભૂત સેવાઓ સરળ અને સમયસર પહોંચે તે સુનિશ્ચિત કરવાના હેતુસર મંજૂર કરવામાં આવેલ આ કામોના પરિણામે આદિજાતિ વિસ્તારોમાં નવા રસ્તાઓનું નિર્માણ થવાથી વિદ્યાર્થીઓને શાળાએ પહોંચવામાં સરળતા થશે તેમજ આકસ્મિક પરિસ્થિતિમાં દર્દીઓને નજીકના આરોગ્ય કેન્દ્ર સુધી ઝડપથી પહોંચાડી શકાશે. મુખ્યમંત્રીશ્રીની આ પહેલથી આદિજાતિ વિસ્તારોમાં વિકાસના નવા દ્વાર ખુલતાં ‘સબકા સાથ, સબકા વિકાસ’નો ધ્યેય પણ સાકાર થશે.

મુખ્યમંત્રી શ્રી ભૂપેન્દ્રભાઈ પટેલે આદિવાસી વિસ્તારો માટે અંદાજિત ₹1600 કરોડની ઉકાઈ જળાશય આધારિત સોનગઢ, ઉચ્છલ, નિઝર ઉદવહન સિંચાઈ યોજના અને બોરીસાવર યોજનાનું આજે ગાંધીનગર ખાતેથી વર્ચ્યુઅલ માધ્યમથી ઇ-લોકાર્પણ અને ઇ-ખાતમુહૂર્ત કર્યુ હતું. મુખ્યમંત્રીશ્રી દ્વારા આ બહુમૂલ્ય યોજનાઓ અંતર્ગત તાપીના 136 ગામો માટે ₹962 કરોડની ઉદવહન સિંચાઈ યોજનાનું ઇ-લોકાર્પણ કરવામાં આવ્યું, જેનો 28 હજાર હેક્ટર જમીન લાભ મળશે. આ ઉપરાંત, ₹651 કરોડની બોરીસાવર યોજનાના કરવામાં આવેલ ઇ-ખાતમુહૂર્તથી સોનગઢ-વ્યારાના 29 ગામોના 8 હજાર હેક્ટર જમીન સિંચાઈની સુવિધાથી લાભાન્વિત થશે. મુખ્યમંત્રીશ્રીએ આ અવસરે જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીએ હંમેશા સેચ્યુરેશન એપ્રોચ પર ભાર મુક્યો છે. તેમણે પાણીને વિકાસનો મુખ્ય આધાર ગણાવતાં ઉમેર્યુ હતું કે, આજે ઇજનેરી કૌશલ્યથી આપણે ઉકાઈ ડેમનું પાણી ડુંગરાળ વિસ્તારોમાં પહોંચાડી રહ્યા છીએ. સોનગઢ, ઉચ્છલ અને નિઝર ઉદ્વહન સિંચાઈ અને બોરીસાવર ઉદ્વહન સિંચાઈ યોજનાથી હજારો ખેડૂતોને બારેમાસ પાણી મળશે અને તેમની ખેતી સમૃદ્ધ થશે.

મુખ્યમંત્રી શ્રી ભૂપેન્દ્રભાઈ પટેલે રાજ્યના અંબાજીથી ઉમરગામ સુધીના સમગ્ર આદિજાતિ વિસ્તારોના સર્વાંગી વિકાસને પ્રાથમિકતા આપતા, ગામડાઓ સુધી પાયાની સુવિધાઓને વધુ સુલભ બનાવવાનો મહત્ત્વપૂર્ણ નિર્ણય કર્યો; આદિજાતિ વિસ્તારોના ગામોની શાળાઓ અને પ્રાથમિક આરોગ્ય કેન્દ્રોને પાકા રસ્તાઓથી જોડવા માટે 325.81 કિ.મી. લંબાઈના કામો તેમજ સ્ટ્રક્ચર નિર્માણના કામો મળીને 293 કામો માટે કુલ રૂપિયા 362.57 કરોડ મંજૂર કર્યાં... #GujaratGovernment

માન. વડાપ્રધાન શ્રી નરેન્દ્રભાઈ મોદી તા. 31 માર્ચના રોજ ગુજરાતની મુલાકાતે; વાવ-થરાદ ખાતેથી ભારત સરકાર અને ગુજરાત સરકારના મળીને કુલ ₹19,806.9 કરોડના વિકાસકાર્યોનું લોકાર્પણ અને ખાતમુહૂર્ત કરશે... 🔹 ભારત સરકારના ઊર્જા, માર્ગ-પરિવહન અને હાઇવે તેમજ રેલવે મંત્રાલયના ₹10,900 કરોડથી વધુના વિકાસકાર્યોનું લોકાર્પણ અને ખાતમુહૂર્ત 🔹 ગુજરાત સરકારના શહેરી વિકાસ વિભાગ હેઠળ ₹5200 કરોડથી વધુના વિકાસકાર્યોનું લોકાર્પણ અને ખાતમુહૂર્ત કરાશે 🔹 પ્રધાનમંત્રી આવાસ યોજના (ગ્રામીણ) અંતર્ગત માન. વડાપ્રધાનશ્રી ગુજરાતના 34 જિલ્લાઓમાં 38,949 આવાસોમાં નાગરિકોનો ગૃહપ્રવેશ કરાવશે વાવ-થરાદ ખાતે આયોજિત આ કાર્યક્રમમાં ગુજરાતના મુખ્યમંત્રી શ્રી ભૂપેન્દ્રભાઈ પટેલ અને નાયબ મુખ્યમંત્રી શ્રી હર્ષભાઈ સંઘવી સહિત ભારત અને ગુજરાત સરકારના વરિષ્ઠ અધિકારીઓ ઉપસ્થિત રહેશે... #GujaratGovernment

ડિજિટલ માળખાગત સુવિધાઓમાં ગુજરાત દેશભરમાં અગ્રેસર બન્યું… 🔹રાજ્યના 13 વિભાગોની 200થી વધુ DBT યોજનાઓમાં આધાર પ્રમાણીકરણ સેવાઓનો ઉપયોગ 🔹ગત નાણાકીય વર્ષમાં 56 કરોડથી વધુ આધાર પ્રમાણીકરણ ટ્રાન્ઝેક્શન 🔹GSWAN દ્વારા રાજ્યની આશરે 6 હજાર સરકારી કચેરીઓ ઇન્ટ્રાનેટના માધ્યમથી જોડાઇ 🔹ફરિયાદ નિવારણ પ્રોજેક્ટ ‘સ્વાગત’ સહિત વર્ષ દરમિયાન આશરે 4 હજાર વીડિયો કોન્ફરન્સ અને 13થી વધુ વેબકાસ્ટ ઇવેન્ટ યોજાઇ #GujaratGovernment #GSWAN @CMOGuj @Bhupendrapbjp @sanghaviharsh

ધોરણ-12 વિજ્ઞાન પ્રવાહના મુખ્ય વિષયો (ગણિત, રસાયણવિજ્ઞાન, ભૌતિકવિજ્ઞાન અને જીવવિજ્ઞાન)ની પ્રોવિઝનલ આન્સર-કી બોર્ડની વેબસાઈટ gseb.org પર જાહેર... 04/04/2026 (શનિવાર) સાંજે 6:00 વાગ્યા સુધીમાં નિયત ફી સાથે વાંધો કે રજૂઆત gshsebsciencekey@gmail.com પર મોકલી શકાશે... #GSEB #GujaratGovernment

માધવપુર ઘેડના મેળામાં રચાયો અનોખો સાંસ્કૃતિક સંગમ; ભારતના ઉત્તરપૂર્વીય રાજ્યોના 258 કલાકારો દ્વારા એકસાથે 50 મિનિટની મનમોહક પ્રસ્તુતિ... આસામના અંકિયા ભાઓના લોકનૃત્ય દ્વારા દેવી રુક્મિણીજીના હરણની સમગ્ર ગાથાને વણી લેવાઈ, ઉપરાંત અષ્ટલક્ષ્મીના પ્રતીક રૂપ ઉત્તર પૂર્વીય રાજ્યોના લોકનૃત્યો રજૂ કરાયા; તેમજ ઉત્તરપૂર્વીય સંગીત નૃત્ય સાથે ગુજરાતના આગવા લોકનૃત્યોનો સંગમ થયો... ભગવાન શ્રીકૃષ્ણ અને દેવી રુક્મિણીજીના લગ્ન પ્રસંગે યોજાતો માધવપુર ઘેડનો સાંસ્કૃતિક મહાકુંભ બનવાની સાથે 'એક ભારત, શ્રેષ્ઠ ભારત'ની નેમને ચરિતાર્થ કરે છે... #Madhavpurghed #GujaratGovernment #MadhavpurMela

LIVE: માનનીય મુખ્યમંત્રી શ્રી ભૂપેન્દ્રભાઈ પટેલ દ્વારા તાપી જિલ્લાના વિવિધ વિકાસના કામોનું વિડીયો કોન્ફરન્સના માધ્યમથી લોકાર્પણ અને ખાતમુહૂર્ત. x.com/i/broadcasts/1…

મને એ જોઈને ગર્વ થાય છે કે આપણા યુવાનો પોતાની આસપાસની સ્વચ્છતા માટે ખૂબ જ સજાગ છે. આપણે પર્યાવરણ સંરક્ષણ અને સ્વચ્છતા માટે વ્યક્તિગત રીતે કે પછી ટીમની રીતે પોતાના પ્રયાસો વધારવા પડશે, ત્યારે આપણાં શહેરો વધુ સારાં બનશે. -માનનીય પ્રધાનમંત્રી શ્રી નરેન્દ્રભાઈ મોદી #MotivationalMonday #MahitiMorning #MannKiBaat

વિકસિત ગુજરાતથી વિકસિત ભારતનો સંકલ્પ... માનનીય વડાપ્રધાન શ્રી નરેન્દ્રભાઈ મોદી તા. 31 માર્ચ, 2026ના રોજ વાવ-થરાદ જિલ્લાની ઐતિહાસિક મુલાકાતે... તા. 31 માર્ચ, 2026 સ્થળ : નાણી, વાવ-થરાદ #GujaratGovernment

30-03-2026ના અખબારી અહેવાલોના કેટલાક ક્લિપિંગ્સ… #News #NewsUpdate #GujaratiNews @CMOGuj @Bhupendrapbjp

સાદગી, સંવેદનશીલતા અને ગ્રામ્ય જીવન પ્રત્યેની લાગણી... માનનીય રાજ્યપાલ શ્રી આચાર્ય દેવવ્રતજી ભાવનગર જિલ્લાની મુલાકાત દરમિયાન આજે વહેલી સવારે રાજપરા-2 ગામમાં પ્રાકૃતિક ખેતી કરતા મહેશભાઈ કાળુભાઈ ધામેલીયાના ફાર્મમાં પહોંચ્યા હતા જ્યાં તેમણે ખેડૂતો, કૃષિ સખીઓ તથા માસ્ટર ટ્રેનરો સાથે આત્મીય સંવાદ સાધી પ્રાકૃતિક કૃષિ અપનાવવા પ્રેરણા આપી હતી... પ્રાકૃતિક કૃષિ માત્ર ખેતી પદ્ધતિ નહીં પરંતુ આવનારી પેઢીઓના સ્વાસ્થ્યને સુરક્ષિત રાખવાનો અને માનવતાની સેવા કરવાનો એક ઈશ્વરીય માર્ગ છે : માન. રાજ્યપાલશ્રી #GujaratGovernment #organicfarming #naturalfarming #bhavnagar

माननीय प्रधानमंत्री श्री नरेंद्रभाई मोदी का गुजरात के नवनिर्मित वाव-थराद जिले में आगमन... ₹19,800 करोड़ से अधिक की विभिन्न विकास परियोजनाओं का लोकार्पण और शिलान्यास... दिनांक: 31 मार्च, 2026 स्थान: नाणी, वाव-थराद #AgresarGujarat @narendramodi @CMOGuj @Bhupendrapbjp @sanghaviharsh

LIVE: માનનીય મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે વિડિયો કોન્ફરન્સના માધ્યમથી અરવલ્લી જિલ્લાના વિવિધ વિકાસ કામોનું લોકાર્પણ અને ખાતમુહૂર્ત. x.com/i/broadcasts/1…

મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે વીડિયો કોન્ફરન્સના માધ્યમથી અરવલ્લી જિલ્લાના માલપુર, મેઘરજ તથા મોડાસા તાલુકાના તળાવો ભરી સિંચાઇની સુવિધા પૂરી પાડવાના સુગમ હેતુસર ₹161.59 કરોડના ખર્ચે વાત્રક જળાશય આધારિત ઉદવહન સિંચાઈ યોજનાનું લોકાર્પણ કરવામાં આવ્યું હતું. અત્રે ઉલ્લેખનીય છે કે, આ યોજના અંતર્ગત પાણીનું ઉદવહન કરી, અરવલ્લી જિલ્લાના 73 તળાવો ભરવાનું કાર્ય પૂર્ણ કરવામાં આવ્યું છે તેમજ આ આયોજનથી આશરે 2200 હેક્ટર વિસ્તારમાં સિંચાઈની સુવિધા સુનિશ્ચિત થશે, જે આ વિસ્તારના ખેડૂતોના જીવનમાં ખુશહાલી લાવવા સાથે નવી આશા અને પ્રગતિના દ્વાર ખોલશે. મુખ્યમંત્રીશ્રીએ આ અવસરે જણાવ્યું હતું કે, માનનીય વડાપ્રધાન શ્રી નરેન્દ્રભાઈ મોદીએ પાણીની સાથોસાથ વીજળી, શિક્ષણ, આરોગ્ય સુવિધા તેમજ કનેક્ટિવિટી જેવી પાયાની સગવડો છેક છેવાડાના ગામો સુધી પહોંચે તેવું સુદ્રઢ આયોજન કર્યું છે, તેમણે આજે લોકાર્પણ થયેલ યોજનાથી અરવલ્લી જિલ્લાને થનાર લાભો વિશે તેમજ રાજ્યના આદિવાસી વિસ્તારમાં થયેલ સિંચાઈના કામો વિશે સૌને માહિતગાર કરી, આદિવાસી વિસ્તારના સર્વાંગી વિકાસથી વિકસિત ભારત માટે વિકસિત ગુજરાત બનાવવાનો વિશ્વાસ વ્યક્ત કર્યો હતો.

LIVE: માનનીય મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે અમદાવાદ મ્યુનિસિપલ કોર્પોરેશન અને AUDA ના વિવિધ વિકાસ પ્રકલ્પોનું લોકાર્પણ અને ખાતમુહૂર્ત. #AUDA x.com/i/broadcasts/1…

સુરત મેટ્રો રેલ પ્રોજેક્ટ… સુરતના ડ્રીમ સિટીથી અલથાણ ટેનામેન્ટ સ્ટેશન વચ્ચેના 8.5 કિ.મી. લાંબા વાયડક્ટનું કામ સફળતાપૂર્વક પૂર્ણ… ગુજરાત મેટ્રો રેલ કોર્પોરેશનના જણાવ્યા અનુસાર નિર્ધારિત રૂટ પર મેટ્રો ટ્રેનનું ટ્રાયલ રન આજથી શરૂ; આ રૂટ પર આવતા કુલ 7 સ્ટેશન બિલ્ડિંગનું સ્ટ્રક્ચરનું કામ પણ પૂર્ણ… સુરત મેટ્રોની આ પ્રગતિથી શહેરની ટ્રાફિક સમસ્યામાં ઘટાડો થશે તેમજ શહેરીજનોને ઝડપી, સુરક્ષિત અને પ્રદૂષણમુક્ત પરિવહનની સુવિધા પ્રાપ્ત થશે. #Surat #GujaratMetro @CMOGuj @Bhupendrapbjp @sanghaviharsh @InfoSuratGOG

'અવિરત ગુજરાત, વિકસિત ગુજરાત'... પ્રધાનમંત્રી આવાસ યોજના (ગ્રામીણ) હેઠળ રાજ્યના લાખો પરિવારોનું 'પોતાના ઘરનું સ્વપ્ન' થયું સાકાર... માન. વડાપ્રધાન શ્રી નરેન્દ્રભાઈ મોદીના હસ્તે આગામી તા. 31 માર્ચ, 2026ના રોજ રાજ્યના વિવિધ જિલ્લાઓમાં નવનિર્મિત કુલ 38,949 આવાસોનું રાજ્યવ્યાપી લોકાર્પણ કરાશે; અંદાજે ₹651 કરોડના ખર્ચે તૈયાર થયેલા આ આવાસો ગરીબ પરિવારોના જીવનમાં સુખ અને સમૃદ્ધિનો નવો સૂરજ લાવશે... PMAY-G હેઠળ કેન્દ્ર અને રાજ્ય સરકારના 60:40ના હિસ્સા સાથે લાભાર્થીને કુલ ₹1.20 લાખની તબક્કાવાર સહાય આપવામાં આવે છે. ઉપરાંત, રાજ્ય સરકારે વિશેષ જોગવાઈઓ કરી છે જેમાં રૂફ-કાસ્ટ લેવલે 100 ટકા રાજ્ય ફાળા હેઠળ ₹50 હજારની વધારાની સહાય આપવામાં આવે છે... #GujaratGovernment @CMOGuj @Bhupendrapbjp @sanghaviharsh

માધવપુર ઘેડના મેળામાં મોટી સંખ્યામાં લોકો ઉમટ્યા; તા. 30 માર્ચના રોજ ભગવાન શ્રીકૃષ્ણ અને રુક્મિણીજીના માધવપુરના મધુવનમાં લગ્ન, જાન પ્રસ્થાન પૂર્વે મંદિર આગળ પોલીસ ગાર્ડ ઓફ ઓનર આપશે... માન. વડાપ્રધાન શ્રી નરેન્દ્રભાઈ મોદીએ આજે માધવપુર ઘેડના મેળા અંગે સૌને શુભકામના પાઠવી અને જણાવ્યું કે આ જીવંત તહેવાર આપણી ભવ્ય સંસ્કૃતિને ઉજાગર કરે છે અને ગુજરાત અને પૂર્વોત્તર વચ્ચેના શાશ્વત સાંસ્કૃતિક બંધનને પણ મજબૂત બનાવે છે... સ્થાનિક તંત્રના સંકલનમાં સાંસ્કૃતિક વિભાગ અને યાત્રાધામ બોર્ડ દ્વારા તા. 31મી માર્ચના રોજ દ્વારકામાં રુક્મિણી સત્કાર સમારોહ યોજાશે... #Madhavpur #MadhavpurMela