משרד החוץ

İsrail Dövlətinin Azərbaycan Respublikasındakı Səfirliyi bu gün Bakıda keçirilmiş xüsusi tədbir haqqında paylaşım etməkdən qürur hissi duyur. Tədbir çərçivəsində Səfirlik tərəfindən İsrailin Beynəlxalq İnkişaf Əməkdaşlığı Agentliyi – MASHAV vasitəsilə bağışlanan, uşaqlar üçün xüsusi dizayn edilmiş 60 ədəd təkərli oturacaq Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyi və Nar telekommunikasiya şirkəti ilə əməkdaşlıq çərçivəsində uşaqlara təqdim olunub. Bu təkərli oturacaqlar Səfirlik tərəfindən israilli qeyri-hökumət təşkilatı Ümid Oturacağı (Wheelchairs of Hope) təşəbbüsündən əldə olunub. Bu təşəbbüs uşaqlara hərəkət imkanı, təhsilə çıxış, daha böyük müstəqillik və özünə inam qazandırmağa həsr olunub. Bu təkərli oturacaqlar məhz uşaqlar nəzərə alınaraq hazırlanıb. Onlar yüngül, davamlı, rəngarəng və rahatdır. Məqsədi uşaqların gündəlik hərəkətini dəstəkləmək, onların məktəb və ictimai həyatda daha fəal iştirakını təmin etmək, gündəlik həyatlarında rahatlıq, özünə inam və ümid hissini gücləndirməkdir. Bu, Ümid Oturacağı (Wheelchairs of Hope) layihəsinin xüsusi uşaq təkərli oturacaqlarının Azərbaycana gətirildiyi ilk haldır. Səfirlik üçün bu təşəbbüs sadə bir ideya ilə başlayıb: sosial təsirə malik İsrail layihəsini Azərbaycana gətirmək və bundan faydalana biləcək uşaqlar və ailələrlə bölüşmək. Biz bütün tərəfdaşlarımıza bu proses boyunca göstərdikləri peşəkarlıq, diqqət və sədaqətə görə səmimi təşəkkürümüzü bildiririk. Onların dəyərli dəstəyi və əməyi bu təşəbbüsün düzgün yerli çərçivə ilə əlaqələndirilməsinə və uğurla həyata keçirilməsinə imkan yaradıb. Bu layihə İsrail və Azərbaycan arasında etimada, qarşılıqlı hörmətə və səmərəli əməkdaşlığa əsaslanan yaxın dostluğu əks etdirir. Səfirlik bu əlaqələri daha da gücləndirməyə və Azərbaycandakı icmaların rifahına töhfə verməyə sadiq qalır.

נשיא אוקראינה זלנסקי מבקש מישראל: אל תעלימו עין מרכישת חיטה אוקראינית גזולה