الأوضاع هذي محطّ تأملات، تبعثر مبادئك وتعيد ترتيبها، تراجع حساباتك، أفكارك، حياتك وعالمك الخاص وكل مافيه..كان الأمر فقط يتطلّب انك تمتحن في الشيء عشان تحس بنعمته وتعطي كل أمر حجمه الحقيقي والمستحَّق.
غريب الاحساس العام، الأطفال يركضون لنا بأسئلتهم كل ما انطلقت صفارات الانذار..هذي متموجة ولا متقطعة؟ شكلها ممتدة.."متقطعة يعني قرب حدوث الخطر، اسكتوا بنتابع" نتابع جناية حب، المسلسل اللي عن الحب والحرب..مفارقة هزلية
١١ رمضان. حرب يقولون، لازلت أعاني في تنظيم جدول يومي في رمضان obviously، ترامب يهذر في الخلفية وأنا أفكر في لبس العيد ورواية عيناها اللي تخطر في بالي كلما جاء طاري إيران..may god bless you all يقول الهيس
الكاريزما تحدد كل شيء. اجتهادك لا يهم فعلاً، امتلاكك لشوية كاريزما تخلي المهتم وغير المهتم يسمع لك في أي موضوعٍ كان، وهذا ما يجعل فكرة المؤثّرين عبثية شوي..حرب الكلمة مقابل الشخصيّة محسومة
ما اعرف متى آخر مرة حسيت فيها بالملل، دايمًا يومي مليء بأشياء اما ودّي أسويها أو يتعين علي اني أسويها اما هذا اللقاء المرتبك مع الفراغ نسيت كيف أتعامل معاه..لا طاقة ولا رغبة
الحياة مهما تأهّبت لها ما تأمن من مفاجآتها، تجيك الأخبار السيئة في اللحظة اللي تتخلى فيها عن حذرك، في أكثر لحظة عشوائية في يومك بتخليك تتذكرها دايمًا وتربطها بهذا الخبر وتبغضها، طعم آيسكريم الشوكولاتة والاظافر المربعة الوردية، اشياء ما راح اشوفها بشكلها العادي بعد اليوم
فكرة الصحافة اللي ينتظرون الناس برا دور السينما ويسألونهم عن آراؤهم عن الفيلم أول ما يطلعون اعتبرها من أروع الأشياء اللي تجعلني أتمنى لو ولِدت في زمن أقدم من زمن الليتربوكسد هذا
بداية كل سنة شكلها موّحد، صحبة رائعة وغمرة مشاعر انتماء، رسالة في موقع future me ارسلها لروحي للسنة الجاية بعد ما أقرا أفكار روحي من العام..تكرار تستقر فيه روحي وتسكن
أجد نفسي في الباريستا اللي طلبت منه البنت بأسلوب أمر بطريقة نزِقة ومستفزة انها تبي كوب ورقي للمشروب البارد بدال البلاستيك وقال لها ما يصير وبعدها طلب منه شخص بأسلوب محترم ولطيف وعطاه كوب ورقي وهي تطالع مصدومة، فكرة بريڤلج الأخلاق مو مرّوج لها بما يكفي
الـAI ممتاز بشكل عام، حاجة تشبه الاشياء اللي كنا نتخيل المستقبل فيها. لكن! من المسؤول عن الـtrust issues اللي كلنا نمر فيها بسببه، كل شيء قابل للتشكيك بصحّته،
كل اللي في السوشال ميديا AI الى ان يثبت عكس ذلك
