KMC Kolhapur

कोल्हापूर महानगरपालिकेच्या आजच्या स्थायी समिती सभेत कोल्हापूरकरांच्या आरोग्य, नागरी सुविधा आणि शहर विकासासाठी महत्त्वपूर्ण निर्णय घेण्यात आले.

कालच्या 'जनता दरबारात' के.एस.बी.पी. पार्क परिसरातील अतिक्रमणाबाबत आलेल्या अर्जाची दखल घेत, महापौर मा. सौ. रुपाराणी निकम यांच्या आदेशानुसार आज ९ एप्रिल २०२६ रोजी राजारामपुरी विभागीय कार्यालय क्र. ३ आणि अतिक्रमण निर्मूलन पथकाने संयुक्तीक मोहीम राबवून हा परिसर मोकळा केला.

कोल्हापूर महानगरपालिकेचे नूतन आयुक्त मा. डॉ. राजेंद्र भारुड यांनी शहराच्या सौंदर्यीकरणाला आणि सुविधांना गती देण्यासाठी आज शहरातील १५ प्रमुख बँकांच्या प्रतिनिधींची बैठक घेतली.

कोल्हापूर महानगरपालिकेच्या सावित्रीबाई फुले रुग्णालयातील नवजात बालकांचा अतिदक्षता विभाग (S.N.C.U.) निर्जंतुकीकरणाच्या कामासाठी दि. ११ एप्रिल ते १६ एप्रिल २०२६ या कालावधीत सहा दिवस बंद राहणार आहे.

शहरातील मंगळवार पेठ येथे उभारण्यात येणाऱ्या 'दिव्यांग भवन' इमारतीचे कामकाज लवकरात लवकर पूर्ण करण्यासाठी आज महापौर मा. सौ. रुपाराणी निकम यांनी आपल्या कार्यालयात विशेष आढावा बैठक घेतली.

भारतीय जनता पक्षाचे लोकप्रिय आमदार मा. अमल महाडिक यांच्या वाढदिवसाचे औचित्य साधून नगरसेवक मा. विजयसिंह खाडे-पाटील यांच्या वतीने एक अत्यंत स्तुत्य आणि विधायक उपक्रम राबवण्यात आला.

कोल्हापूर महानगरपालिकेचे नूतन आयुक्त मा. डॉ. राजेंद्र भारुड यांच्या फोटोचा गैरवापर करून काही अज्ञात व्यक्तींकडून बनावट (Fake) व्हॉट्सॲप अकाउंटद्वारे मेसेज पाठवले जात असल्याचे निदर्शनास आले आहे.

महापौर मा. सौ. रुपाराणी निकम यांच्या अध्यक्षतेखाली आज छत्रपती ताराराणी सभागृहात 'सीएसआर' सुशोभीकरण मोहिमेची तिसरी महत्त्वाची बैठक संपन्न झाली. 'माझं शहर, माझी जबाबदारी' या मोहिमेअंतर्गत शहरातील मुख्य चौक, फुटपाथ, दुभाजक आणि उद्याने विकसित करण्यासाठी विविध संस्थांनी सादर केली.

कोल्हापूर महानगरपालिकेचा पदभार स्वीकारल्यानंतर नूतन आयुक्त मा. डॉ. राजेंद्र भारुड यांनी आज सकाळी ८ वाजल्यापासूनच शहरातील विविध महत्त्वाच्या प्रकल्पांची पाहणी केली. केवळ पाहणीच नव्हे, तर प्रत्येक कामाची कालमर्यादा निश्चित करून अधिकाऱ्यांना कडक सूचना दिल्या आहेत.

कोल्हापूरच्या महापौर सौ. रुपाराणी निकम यांनी आज सुर्वे नगर परिसरातील सांडपाण्याच्या तक्रारीवर प्रत्यक्ष जागेवर जाऊन तोडगा काढण्याचे आदेश दिले. प्रशासकीय कामात तत्परता दाखवतानाच त्यांनी 'अवयवदान' करून सामाजिक ऋणाचीही जाणीव ठेवली आहे.

कोल्हापूरच्या महापौर सौ. रुपाराणी निकम यांनी आज सुर्वे नगर परिसरातील सांडपाण्याच्या तक्रारीवर प्रत्यक्ष जागेवर जाऊन तोडगा काढण्याचे आदेश दिले. प्रशासकीय कामात तत्परता दाखवतानाच, त्यांनी 'अवयवदान' करून सामाजिक ऋणाचीही जाणीव ठेवली आहे.

नूतन आयुक्त डॉ. राजेंद्र भारूड यांचे कोल्हापुरात सहर्ष स्वागत! आज ७ एप्रिल रोजी डॉ. राजेंद्र भारूड यांनी कोल्हापूर महानगरपालिकेच्या आयुक्त पदाचा पदभार स्वीकारला. अंबाबाई चरणी नतमस्तक होऊन त्यांनी आपल्या नवीन कार्यकाळाची सुरुवात केली.

कोल्हापूर महानगरपालिकेच्या आयुक्तपदी डॉ. राजेंद्र भारूड साहेब यांनी आज पदभार स्वीकारला. यावेळी त्यांनी कोल्हापूरकरांशी संवाद साधताना शहराच्या प्रलंबित प्रश्नांवर जसे की पाणी, स्वच्छता आणि अतिक्रमण यांवर तातडीने काम करण्याची ग्वाही दिली आहे.

आज ६ एप्रिल रोजी आयोजित 'जनता दरबारात' ७१ तक्रारी प्राप्त झाल्या. रंकाळा परिसरातील अतिक्रमणांबाबत महापौरांनी कडक इशारा दिला असून, पुढील १५ दिवसांत कारवाईचे आदेश दिले आहेत. मागील १०२ तक्रारी निकाली निघाल्याने प्रशासकीय कामात गती दिसून येत आहे. #JantaDarbar #KMCKolhapur

कोल्हापूर महानगरपालिकेचे नूतन आयुक्त डॉ. राजेंद्र भारूड यांनी पदभार स्वीकारल्याबद्दल, आज महापालिकेचे स्थायी समिती सभापती मा. विशाल शिराळे यांनी त्यांची सदिच्छा भेट घेतली.

कोल्हापूर महानगरपालिकेच्या आयुक्त मा. के. मंजूलक्ष्मी यांची पुणे (PMRDA) येथे पदोन्नती झाल्याबद्दल आज निरोप समारंभ पार पडला. ५०७ कर्मचाऱ्यांचे प्रलंबित प्रश्न आणि शहराच्या विकासासाठी त्यांनी दिलेले योगदान कोल्हापूरकर सदैव स्मरणात ठेवतील.

कोल्हापूर महानगरपालिकेच्या नूतन आयुक्तपदाची धुरा आज मा. डॉ. राजेंद्र भारुड यांनी अधिकृतपणे स्वीकारली आहे. दुपारी कोल्हापुरात आगमन होताच सर्वप्रथम करवीर निवासिनी श्री अंबाबाईचे दर्शन घेतले आणि त्यानंतर सायंकाळी ४ वाजता माजी आयुक्त मा. के. मंजूलक्ष्मी यांच्याकडून पदभार स्वीकारला.

काल पार पडलेल्या 'जनता दरबारात' बागल चौक परिसरातील अतिक्रमणांबाबत नागरिकांनी तक्रार मांडली होती. या तक्रारीची गंभीर दखल घेत महापौर मा सौ. रुपाराणी निकम यांच्या आदेशानुसार आज ७ एप्रिल २०२६ रोजी महापालिकेच्या अतिक्रमण निर्मूलन पथकाने बागल चौक ते बी.टी. कॉलेज परिसरात धडक कारवाई केली

काल झालेल्या 'जनता दरबारात' युवराज पांडुरंग पाटील यांनी घरासमोरील सांडपाण्याच्या समस्येबाबत तक्रार मांडली होती. या तक्रारीची गंभीर दखल घेत आज सकाळी महापौर मा. सौ. रुपाराणी निकम यांनी सुर्वे नगर आणि विद्या-वसंत पार्क परिसरात प्रत्यक्ष पाहणी केली.

कोल्हापूर महानगरपालिकेच्या आयुक्त मा. के. मंजूलक्ष्मी यांची पुणे येथे 'अतिरिक्त आयुक्त' (PMRDA) पदी नियुक्ती झाल्याबद्दल आज छत्रपती शाहू सभागृहात त्यांचा कृतज्ञतापूर्वक निरोप समारंभ पार पडला. मान्यवरांच्या भावना: महापौर मा. सौ. रुपाराणी निकम यांनी आयुक्तांच्या संयमी आणि प्रभावी प्रशासकीय शैलीचे कौतुक करत, त्यांनी कोल्हापूरच्या उच्च अपेक्षांना न्याय दिल्याचे नमूद केले. नगरसेवक प्रा. जयंत पाटील यांनी ५०७ कर्मचाऱ्यांचे प्रश्न मार्गी लावल्याबद्दल आणि केशवराव भोसले नाट्यगृहाच्या कामाबद्दल आयुक्तांचे आभार मानले. आयुक्तांचे निरोपपर उद्गार: "कोल्हापुरात काम करणे म्हणजे अंबाबाईची सेवा करण्यासारखा अनुभव होता. करवीर निवासिनीच्या चरणी सेवा करण्याची संधी मिळाली हे माझे भाग्य आहे. शेंडा पार्क येथे निश्चित केलेल्या जागेत महापालिकेची भव्य वास्तू उभी राहावी, हीच सदिच्छा!" अशा भावना आयुक्त के. मंजूलक्ष्मी यांनी यावेळी व्यक्त केल्या. याप्रसंगी उपस्थित: उपमहापौर मा. अक्षय जरग, स्थायी समिती सभापती मा. विशाल शिराळे, विरोधी पक्षनेते मा. राजेश लाटकर, सभागृह नेते मा. मुरलीधर जाधव, गटनेते मा. शारंगधर देशमुख, मा. इंद्रजित बोंद्रे आणि महापालिकेचे सर्व अधिकारी व कर्मचारी. आदरणीय आयुक्त मॅडम, आपल्या पुढील यशस्वी वाटचालीस कोल्हापूरकरांच्या वतीने मनःपूर्वक शुभेच्छा! #Farewell #KMCCommissioner #KMCKolhapur #PublicService #Leadership