ِِ

يا كامل الزين والأخلاق والدلّي يا لابسٍ تاج ترفات المزاييني❣️

من دعاني قلت له لبّيه لو مانيب أعرفه اللتوىّ لساني عليها من كثر ماقلتها لك

ما لعب فيني ولا وراني نجوم القوايل غير عذراً كنّ شمس الصبح تشرق من نحرها

أنتي من يومك أعجوبه . . ونسلك نسل حور ما تعدّوك العذارى — مشي ولا حبي

يا الوجه الأحلى بين سمّار القصايد والحروف ياجعل والله فدوتك كل القصيد اللي أنقصد

حتى لو إنك بعيد و مقفيه عادي الشمس بعد الظلام الدامس بتَشرق ذابحني الشوق يا « ريميّة الوادي » يا ويل حالي لو إن مشاهدك يسرق نوَّارة الروح .. طِلّي؛ والبدر بادي وحطي قصيدي قلادة من على المفرق أموت فالعود الأزرق واثرني — غادي ما مت فيك و على فستانك الأزرق

غنوج مايرضيها الدلع لآصار ماهُو أفراط لعوبٍ مايروضها أبتذال الشاعر الصابي

يانخبةً النخبه اللي تسحرين القلوب خفي وروفي على اللي من سببك اتعبو انتي على الغيّد ذنب من كبار الذنوب بـ الحسن والزين والمنسب وصيت الأبو

"يا صباح الخير يامنتهى السحر المباح يا نعيمٍ في حياتي قطوفه دانية رمش عينك خارج معاهدة نزع السلاح ما أعترف في حلف ناتو وحلف ألمانية وإلا أنا راضي لو أسقيتني سمٍ ذحاح يا رصيدي من حطام الحياة الفانية تصبح الدنيا وأهلها على شمس الصباح وأنت شوفك صبح ثاني، وشمسٍ ثانية"

حنين صوتك زرع في الصدر مخلابه يا ليتك أخطيت في رقمي ما دقيته

كيف أنسى و أنت ساكن وسط وجداني؟

جوخة ٍمن متن ابو زيد مخلوعه لو درت عنها السلاطين سرقتها ضامر سرجوفها كنه بـ جوعه ما تفرق بينه وبين رقبتها كنها ظبي ٍقبل ظله يروْعه باقيٍ فيه اللتفاته ما التفتها

درّةٍ فيها من الغطرسة شي عجيب الردى ماتقرب أرضه ولا تقرب سماه ماتجي في ذمة اللّاش لو إنه قريب لو تبيع الكون والناس وتبيع الحياه تفرق الطير المضرا من الطير الربيب السنافي تشعفه والردي تكشف رداه

اتعبتني فالدلع يا لعنبو جدك لا قلت يسعد مساك قلت يا لبى

يدري إنّي غنوج وعنقا ولساني عذوّب وأدري إن لسانه العذب من العذاب مايخلى شاعري اليوم أصبّح .. من عقب حبي طروب يكتب جزّال القصايد بـ حسني ويعلقها على جيدي المنتوق اللّي بأسبابه ضلوعه تذوب مثل مايذوب الحديد من النار بيدين جهلى

تميل الريشه اللي فوق راسك مع هبوب النود ليا جيتي ما بين الناس مغرورة ومختاله ملامح يوسفيّة زينها راهي و لا محدود اجمل من القمر واجمل من عشرة من أمثاله ليا قالوا لك انك فارقه قولي عليكم زود عليكم زود و أزينكم وجه مشروب فنجاله

يابو علي عينت مرعى الشياهين من ساحل الروشه ماهيب جبليه ام الخدود اللي تهاوش بها الزين وسحر الهوى بعيونها الساحرية خلت قلوب اهل الهوى بين نارين نار الخدود ونار حَمر الشفيه

تقول خل القوافي فوق صدري نقوش لبسني احلى القصايد مثل لبس ذهبي عطني من اللي يكننّه انظاف الدشوش يلين ترجف قلوب البيض رجف كعبي نظراتك احد من حدة عيون الوحوش ومعنقك . . لا تلفّـتي . . معنق ظبي ! لبيه يا وجه لامن سلهمت بـ الرموش وجهه بدويه على شامي على مغربي .