L N O 🕊️ retweetledi
قبل ايام توقفت عند محطة في القصيم، ونزلت للسوبر ماركت، وعندي خروجي التقيت برجل عمره بالأربعينات تقريباً. رث الثياب حافي القدمين ويرتدي ملابس شتوية.
الحقيقة أنه لم يكلمني او يطلب من شئ، ولكن نظراته توحي بذلك، رجعت وأخذت له بعض الأغراض. خرجت وسلمت عليه، قلت كيف حالك، وش اخبارك، رد علي بلسان لطيف جداً، لا يوحي بأنه يعاني من مرض نفسي.!
قال: الحمدلله طيب، انت وش اخبارك واخبار الاهل والجماعة عساهم طيبين؟
قلت: الحمدلله، أنت من اهل الحي؟
قال: لا انا جاي ازور حمدي بالمزرعة، اتغدا معه وأرجع
كنت ناوي اعطيه ٥ ريال بعد ماسمعت كلامة استحيت واعطيته ٥٠ ريال.
قلت: اشتر دجاج واغراض وأعزم حمدي اليوم.
قال: والله انك رجال كفو… أنت تعرفني؟
قلت لا والله ليش؟
قال اعطيتني فلوس وماء وعصير وسولفت معي، والله انك رجال…
قلت: تستاهل كل خير…
قال: الناس يتعاملون معي كأني مجنون، وأنا مريض اخذ حبوب نفساني، وهي اللي متعبتني، كله من (ساره وأمها) وبدأ يهمهم في كلام لم افهمه،
قلت: من هي سارة؟
نظر الي بإبتسامة ثم دخل البقالة وتركني…!!!
الرجل يبدو أنه يحتاج علاج بسيط لأنه يتحدث معك جيداً، ثم تأتي لحظة ويذهب في الكلام.
العربية
