LankaFiles தமிழ்

கிழக்கு மாகாணத்தில் பல்வேறு முறைகள் மூலம் ஒரு இலட்சத்திற்கும் மேற்பட்ட ஏக்கர் காணியை கையகப்படுத்திய இலங்கை அரசு அதனை சிங்களக் குடியேற்றத்திற்காகவும் பல்தேசிய நிறுவனங்களுக்கு வழங்குவதற்காகவும் பயன்படுத்தி வருவதாக குடிமக்கள் சமூக ஆர்வலரான அற்புதராஜன் டனுசன் குற்றம் சாட்டியுள்ளார்.

@TNAmediaoffice முன்னாள் எம்.பி., நடராஜ் ரவிராஜ் படுகொலை வழக்கில், பிரதிவாதிகளை விடுவிக்குமாறு மேல் நீதிமன்றம் விடுத்த உத்தரவை சவாலுக்குட்படுத்தி சட்டமா அதிபரால் தாக்கல் செய்யப்பட்ட மனுவை ஆராய்ந்த மேன்முறையீட்டு நீதிமன்றம் வழக்கை மீள் விசாரணை செய்யுமாறு உத்தரவிட்டுள்ளது.

யாழ்., மணல்காடு பகுதியில், சுற்றுலாப் பயணிகள் சிலரை காங்கேசன்துறை பொலிஸ் நிலையத்தின் குற்றத்தடுப்புப் பிரிவு அதிகாரிகள் மதுபோதையில் தாக்கியதாகக் குற்றம் சாட்டப்பட்டுள்ளது. தாக்குதலில் காயமடைந்த மூவர் வைத்தியசாலையில் அனுமதிக்கப்பட்டுள்ளனர். @HRCSriLanka விசாரணைகளை ஆரம்பித்துள்ளது.

மலையகத் தமிழர்கள் குறித் தொடர்ச்சியாக மிக மோசமான கருத்துக்களை வெளியிட்டு வரும் நாடாளுமன்ற உறுப்பினர் அர்ச்சுனா இராமநாதனுக்கு எதிராக ICCPR-இன் கீழ் சட்ட நடவடிக்கை எடுக்கப்பட வேண்டுமென கோரி, மலையகத்தின் சிவில் சமூக செயற்பாட்டாளர்கள் குற்றவியல் விசாரணைப் பிரிவில் முறையிட்டுள்ளனர்.

அம்பாறை, வளத்தாப்பிட்டி வில்லுக்குளம் பிரதேசத்தில் மக்கள் குடியிருப்பை அண்மித்து அமைந்துள்ள அறுவடை இடம்பெற்ற வயல் நிலங்களில் நூற்றுக்கணக்கான யானைகளை அன்றாடம் காணக்கிடைப்பதாக தெரிவிக்கும் மக்கள், குடியிருப்பு பிரதேசத்திற்குள்ளும் நுழையலாம் என்ற அச்சத்தையும் வெளிப்படுத்துகின்றனர்.

டித்வா பேரனர்த்தத்தின் பின்னர் மலையக தமிழ் மக்களின் வாழ்வை - காணி உரிமையுடனான தனி வீட்டை அமைப்பது உள்ளிட்ட - மீளக் கட்டியெழுப்புவதற்கான நடைமுறை சாத்தியமான 15 முன்மொழிவுகளை மலையக மீள்கட்டமைப்பிற்கான சிவில் சமூக கூட்டிணைவு ஜனாதிபதியிடம் முன்வைத்துள்ளது. 15 கோரிக்கைள் விரிவாக👇

களனி துலானா ஆராய்ச்சி மையத்தில் வைக்கப்பட்டுள்ள, புகழ்பெற்ற இயேசு சபை விடுதலை இறையியலாளரான, பேராசிரியர் அருட்தந்தை அலோசியஸ் பீரிஸின் எஸ். ஜே-இன் பூதவுடலுக்கு அருட்தந்தையர்கள் மதத் தலைவர்கள், கல்வியாளர்கள் மற்றும் சமூக ஆர்வலர்கள் அஞ்சலி செலுத்தினர்.

"சுயாதீன ஊடக சுதந்திரத்தின் மீது விடுக்கப்பட்ட அச்சுறுத்தலாகும்" கிளிநொச்சி சுயாதீன ஊடகவியலாளர் தர்மலிங்கம் பரமசிவனுக்கு கொலை அச்சுறுத்தல் விடுக்கப்பட்டமை குறித்து பொலிஸில் முறைப்பாடு செய்தும் இதுவரை நடவடிக்கை எடுக்காமை குறித்து கிளிநெச்சி ஊடக அமையம் அதிருப்தி வெளியிட்டுள்ளது.

உள்ளூர் மக்கள் மற்றும் சுற்றுச்சூழல் ஆர்வலர்களின் எதிர்ப்புகளை மீறி அமைக்கப்பட்ட காற்றாலைகளிலிருந்து மின்சாரத்தைக் கொண்டு செல்லும் உயர் அழுத்த மின் கம்பிகளால் கொல்லப்பட்ட மற்றும் காயமடைந்த பிளமிங்கோக்களை மன்னார் வங்காலை சரணாலயத்தில் வனவிலங்கு பாதுகாப்பு அதிகாரிகள் கண்டறிந்தனர்.

இலங்கை 'கோரிக்கை' விடுத்தால், எண்ணெய் மாத்திரமல்லாமல் இதர உதவிகளையும் வழங்க முடியுமென ஈரான் உறுதியளித்துள்ள நிலையில், நட்பு நாடுகளின் கப்பல் போக்குவரத்திற்கு ஹோர்முஸ் நீரிணை மூடப்படவில்லை என இலங்கைக்கான ஈரானிய தூதுவர் அலிரெசா டெல்கோஷ் கொழும்பில் தெரிவித்துள்ளார்.

இலங்கையின் தேசிய சுதந்திர நாளான பெப்ரவரி 4-ஐ, தமிழர்களின் கறுப்பு நாளாக அறிவித்து, கறுப்புக் கொடியை ஏற்றியமைக்காக, @uojofficial-இன் மூன்று மாணவர்களை யாழ்ப்பாண பொலிஸார் ஐந்து மணி நேரத்திற்கும் மேலாக விசாரித்ததைக் கண்டித்து பல்கலைக்கழக மாணவர்கள் போராட்டம் நடத்தினர்.

இலஞ்ச ஊழல் குற்றச்சாட்டுக்கு உள்ளான எரிசக்தி அமைச்சருக்கு, இலஞ்ச ஊழல் ஆணைக்குழு சிறப்புச் சலுகைகளை வழங்கி @sjbsrilanka எம்.பி., முஜிபுர் ரஹுமான் குற்றம் சாட்டியுள்ளார். "ஆணைக்குழுவிற்குள் நுழைய திசைக்காட்டியினருக்கு தனியாக VIP Entrance இருக்கிறது, ஏனையவர்களுக்கு அப்படியில்லை"

எந்தவொரு கடினமான சூழலிலும் அணிசேரா கொள்கையை கடைப்பிடிப்பதே இலங்கைக்கு பொருத்தமான தீர்மானமாக இருக்குமென ஜனாதிபதி அனுர குமார திசாநாயக்க, தெரிவு செய்யப்பட்ட சில ஊடகவியலாளர்களுடன், இரண்டாவது தடவையாக இடம்பெற்ற ஊடக சந்திப்பில் தெரிவித்துள்ளார்.

அமெரிக்காவும் மொசாடும் @mossad_career இணைந்து ஈரானிய தலைவர்களை சட்டவிராதமாக கொலை செய்வதை கண்டிக்க மறுக்கும் ஜனாதிபதி அனுர குமார திசாயக்க ஏற்பாடு செய்துள்ள இப்தார் நிகழ்வில் பங்கேற்க வேண்டாமென எதிர்க்கட்சி முஸ்லிம் எம்.பிகளுக்கு SLMC, எம்.பி நிசாம் காரியப்பர் கேட்டுக்கொண்டுள்ளார்.

அகழ்வுப் பணிகள் ஆரம்பிக்க தீர்மானிக்கப்பட்ட குருக்கள்மடத்தில் மனிதப் புதைகுழி இருப்பதாகக் கூறப்படும் இடத்தில் பௌதீக ரீதியான மாற்றங்கள் ஏற்பட்டுள்ளதா என்பதை ஆராய நீதவான் த. பிரதீபன் உள்ளிட்ட குழுவினர் அங்கு விஜயம் செய்தனர். "மாற்றங்கள் நிகழவில்லை என்பது உறுதி செய்யப்பட்டது"

விவசாயிகள், மீனவர்கள் உள்ளிட்டவர்களுக்கு நாளாந்தம் வழங்கப்படும் எரிபொருளின் (டீசல்) அளவை அதிகரிக்க வேண்டுமென இலங்கைத் தமிழ் அரசுக் கட்சியின் எம்.பி., க.கோடீஸ்வரன் அரசாங்கத்திடம் கோரிக்கை விடுத்துள்ளார். "உழவு இயந்திரங்களுக்கு நாளொன்றுக்கு 75-100 லீற்றர் டீசலை வழங்க வேண்டும்."

நாட்டில் தற்போது சாதாரண நுகர்வு மட்டத்தின் அடிப்படையில், கையிருப்பிலுள்ள எரிபொருள் போதுமானதாக இருக்கும் காலப்பகுதி குறித்து வலுசக்தி அமைச்சர் குமார ஜயகொடி வெளிப்படுத்தியுள்ளார். ⛽️சுபர் டீசல் - மே 10 ⛽️95 ரக பெற்றோல் - மே 10 ⛽️92 ரக பெற்றோல் - ஏப்ரல் 23 ⛽️டீசல் - ஏப்ரல் 12

தமிழ் மக்கள் நீதிக்கான போராட்டங்களை முன்னெடுக்கின்ற அதேவேளை அரசாங்கத்தின் புதிய சட்டங்கள் குறித்தும் மிகவும் அவதானத்துடனும் விழிப்புடனும் இருக்க வேண்டுமென, வடக்கு, கிழக்கு வலிந்து காணாமல் ஆக்கப்பட்டவர்களின் உறவினர்கள் சங்கத்தின் செயலாளர் சிவானந்தன் ஜெனிற்றா தெரிவிக்கின்றார்.

முல்லைத்தீவு, கொக்குத்தொடுவாய் பிரதேசத்தில் தமிழர்களின் காணிகளை சட்டவிரோதமாக ஆக்கிரமித்து தென்னிலங்கையைச் சேர்ந்த ஒரு தனியார் நிறுவனத்திற்கு உப்பளம் அமைக்கும் செயற்பாடுகள் மேற்கொள்ளப்படுவதை எதிர்த்து பிரதேச விவசாயிகள் மற்றும் மீனவர்கள் ஆர்ப்பாட்டம் நடத்தியுள்ளனர்.

மத்திய கிழக்கு ஏற்பட்டுள்ள மோதல்கள் காரணமாக எதிர்காலத்தில் ஏற்படக்கூடிய எரிபொருள் விநியோக சிக்கல்களை நிவர்த்தி செய்வதற்காக, வாரத்தின் ஒவ்வொரு புதன்கிழமையும் மறு அறிவிப்பு வரும் வரை சிறப்பு அரச விடுமுறையாக அறிவிக்கப்பட்டுள்ளதாக அத்தியாவசிய சேவைகள் ஆணையாளர் நாயகம் அறிவித்துள்ளார்.