لطّامي الهوى

في عالم الإبل : المنقية الأعظم على مر العصور هي المنقية القاهرة #لطامات سطّرت التاريخ مع الأوائل السابقين.. وتزدان وتُجابه وتتغنَّى بإنجازاتها مع الحاليين المعاصرين.. وعَينها على المُستقبليِّين.. فأيّهم يُعادل إنجازاتها ويصل إلى ما وصلت إليه! لا أحد..

@majed_almhl رديت عليك سابقا وأعيد أقولها لك ترى 90% من اللي يشتكون يتعمدون استفزاز الناس في أشياء جدليه عشان يشتكون على أي تجاوز أو إساءة والهدف مادي مقابل تنازل وبحث عن التفاعل.. لازم الدوله تتخذ إجراء يوقف هذا التحايل على الأنظمة..

وش الله حادك على الإساءة؟ وتخلي الرجال "ينوخونك" ويجبرونك تعتذر، من البداية لاتحط نفسك بمثل هذي المواقف! صحيح إن الإعتذار من شيم الكبار وكل إنسان يخطي لكن أيضًا .. مانت مجبور على نقاشات ماتعنيك وتذكر دائمًا (الكلمة اللي تعتذر منها لاتقولها)

غاب ابن دغيثر عن ساحة الصفرا ثلاث سنوات و لكنه لم يغيب عن قلوب محبيه .. و خلال هذه السنوات وصلت الصفرا الى ادنى مستوياتها و في هذا العام عاد و عادت القوه الشرائيه في هذا اللون و بقوه لا مثيل لها .. و كأن أهل الصفر من قبله لا شئ .. المشترى الجديد لأهل الصفرا

رسميا: عبدالله بن دغيثر يُعلن مشاركة لطامات في النسخة القادمة.. عشر كلماتٍ سِمان لا بُدّ أن يأكُلن السنين العجاف وإن طالت.. وإنّا لمنتظرون.. #عبدالله_بن_دغيثر #لطامات

@v199e يبو عبدالله لطامات هي أيقونة عالم الإبل وأغلب المشاركين إمّا استلهموا اسمها أو كاريزما مالكها وتصاريحه والأمثلة كثيره جدا لا تحصى ولا تعد..

عندي نظرية خاصة فيني.. اللي يسمي إبله لطامات مثل اللي يقتبس بيت لـ #سعد_بن_جدلان ويحطه في قصيدته :) #لطامات اسم ماركة لعيال بن دغيثر

اللهُم أضرب الظالمين بالظالمين و أخرجنا من بينهم سالمين.. اللهُم آمنا في أوطاننا وأدم علينا الأمن والإستقرار في بلادنا وسائر بلاد المسلمين.. اللهم احفظ بلاد الحرمين قيادةً وشعبًا.. واحفظ اللهم أخواننا في الخليج العربي وسائر بلاد المسلمين.. #الرياض_الان

حقيقة أتمنى الدوله تراجع موضوع الجرائم الالكترونيه لأن كثير من ضعاف النفس يستفزون الناس في أمور جدليه وهدفهم رفع شكاوي والاستفادة ماديا ضد اللي يقع في الفخ ويرد عليهم.. كم سنه ويصير اغلب الشعب أصحاب سوابق والسبب استغلال نظام الجرائم الالكترونيه اللي وضع لحماية الحقوق لإلحاق الضرر بالناس..

يعلمني شخص عنده حساب كبير بمنصة X ويقول جاه محامي وعرض عليه يتتبع جميع الردود المسيئة بحسابه، ويرفع عليهم قضايا! قلت لايكون وافقت له؟ قال وافقت بعدين عجزت ارتاح ورفضت وش رايكم ياجماعة بالموضوع؟ هل تشوفون من حقه، والا المسامح كريم ومايستحق تكبير المواضيع، خصوصا بعضهم صغار سن!

ظهر الحق وزهق الباطل ولله الحمد.. والله يعز ولاة امرنا ويطول عمر أبو سلمان.. والله لو كل مالك إبل وهم كُثُر يطالب بحقوقه بالنظام ان ياخذ حقه.. أهم شي يتخذ الإجراءات القانونية الصحيحه ويبشر بالجهات اللي تنصفه وتعطيه حقه.. ألف مبروك للبطل محمد ناصر السلطه تحقيق نخبة السلطه لشلفا ولي العهد وضح.. ولا عزاء للمتلاعبين.. @MOHAMMED_alslth

انطلاقًا من التزام #نادي_الإبل بتعزيز مبادئ الحوكمة والشفافية، وترسيخ الرقابة الفاعلة، وتطبيق الأنظمة بكل حزم وعدالة؛ صدر قرار اللجنة القانونية رقم (185) لعام 1447هـ بشأن نتائج الفحص في شوط شلفا ولي العهد "الوضح" بـ #مهرجان_الملك_عبدالعزيز_للإبل10. ويؤكد النادي أن سيادة النظام ونزاهة المنافسة خط أحمر، وأنه سيواصل تطبيق اللوائح بكل حزم، حفاظًا على عدالة المسابقات ومصداقيتها ودعم ازدهار القطاع بكل الوسائل.

من مهيوبات بنت العشوا ناقة بن دغيثر .

@QCamelMC فوز مستحق وبجداره لمهيوبات ومالكها البطل الاستثنائي مشعل بن جدعان.. #مهيوبات

🏅🏅🏅 تستاهلون الناموس يا هل المغاتير نبارك للفائزين في شوط السيف جمل عدد 30 (الشعل - الصفر) #مهرجان_قطر_للإبل #جزيلات_العطا

@NasrYd76609 كفو يبو قعيد.. بطل ولد بطل ما يلحقكم شك ولا ريب.. والثعل اللي عادته الكذب والختاله ما أتوقع تشوفه في منافسة على وضح النقا..

حاضر بحاضر عدانا مانداينها ندعوك للمشاركة في مهرجان جزيلات العطا بفردياتك اللي حضرت في شوط الخمسين ولاتغيب بكار العاصي لأنها فرديات حسب وصفك والكذب انت من يستهدف كل مشارك بإدعاءات لايقبلها العقل ككلامك عن البطل سامي هديب العتيبي لاجديد وجود أمثالك وسلوكهم إساءة لشرف المنافسة وبنموت والصفرا ماانتهينا منها ورثنا وحاضرنا ومستقبلنا

@bin_mossleh أطيب منها لو إنك تسوي برنامج مثله وتستضيف أهل المزاين.. نبا أسئلتك اللي من واقع ساحة عالم الإبل ماهيب أسئلة كثيب وغيرها اللي تهرب من الحقيقه وتتكلم في خيال وأوهام..

كثيب لو يستضيفني ارثعت في اهل المزاين .

يا عبدالمجيد الله يمسيك بالخير.. بن غضيان أول من صرح من قيض هو والصحارين وكلٍّ منهم يقول الأول عندي.. الصحارين باعوا وبن غضيان حقق ثالث.. لا تاخذك العاطفه ولا تعترف ان حضور الحبردي أقل من المتوقع.. كلنا هاقين فيه يحقق الأول بناء على تصاريحه وقيمة مشترياته ولكن في الميدان حضر وحقق ثالث.. طالما إنك في السعه حلالك لك ولكن يوم تتحدى باسم قبيلتك وتهقويهم بالأول وجب عليك تحضر حضور يحقق لك الأول أو على الأقل تكون منافس قوي.. الوكيل عليه إنه يحضّر الحلال اللي عليه الكلام.. والمالك عليه يفتح الشيكات وما يتردد.. هذا اللي يبي يحقق الأول.. أمس بن جخدب حقق 17 شبك الاول مع النسق.. وبن غضيان اتوقع ما جاب إلا شبك واحد ثاني والباقي من الثالث وورى.. وهذا يسمى اكتساح ولا كانوا منافسين على الأول أصلا لا السلطه ولا الحبردي.. يكفي مجامله وتبرير أخطاء..

أسماء المتأهلين في فئة #شلفا_ولي_العهد_الوضح عددهم 5 مشاركين حلوين حلوين .. من حطك بالمجلس النادي وبمسمى ناقي 🤌🏻 ( طيب انقد عادي خذ راحتك ورأيك ولا احد تكلم عليك في الجزئية ذي ) .. الكلام واضح ذكرت أربعه مشاركين بـ ( أساميهم) افهمو ( أساميهم ) الخامس بينك وبينه عداوه اسمه خلف بن غضيان بن مخلد الحبردي اذكر أسم المنقيه وصاحبها بعدين انتقد محد قالك شي الكلام على تهميش الاسم افهمو وش الموضوع .✋🏻 #لفته:- الميدان للكبار الشجعان اللي يستلمون البيارق من اكبر مهرجان . #مهرجان_الملك_عبدالعزيز_للإبل_10

فخر وليست عنصريه👇🏻 شلفا العام محد تابعها وهالسنه ملايين المشاهدات والفرق السلطه بيرق الشعل مشاهداته تجاوزت حاجر ٩٠٠ الف والفرق ان المتنافسين عتبان شوط الشقح في الطايف مشاهداته ملايين والمتنافسين عتبان أكبر مخيم في الصياهد كان مخيم بن جدعان وكله كوم وجمهور لطامات كوم آخر .

الحقيقه اللي الكثير ما يعترف فيها.. ابن جخدب يفوز بفعل يمينه.. وبقوة نظره.. وبقوة إدارته وخبرته.. بدليل الحلال اللي شارك معه.. وبترقيمه لشبوكه.. وبتصاريحه وتوقيته إعلانه.. السلطه رغم دخوله المتأخر كانت مشاركته قويه ولكن كان عنده فجوه كبيره في الشبوك الأخيره.. بن غضيان الحبردي مدري من وين أبدا ووين أنتهي ولكن لو كان عنده قوة إداره بعد ما شاف حلال بن جخدب مفروض باع على السلطه.. وجود الأميره وخواتها مع السلطه يحلّل قيمة مشتراها المليوني الكبير ويحقق فوز معنوي أمام جماهيره.. وكان ورقه رابحه ترجح الكفه في أرض الميدان.. #شلفا_ولي_العهد_الوضح #نخبة_السلطه #مهرجان_الملك_عبدالعزيز_للإبل10

توقعت السلطه الأول وبن جخدب الخامس.. الخنابه واضحه في بكرة بن جخدب حتى وهي تمشي.. #شلفا_ولي_العهد_الوضح #مهرجان_الملك_عبدالعزيز_للإبل10

شبك 16 بن جخدب فرديته فيها خنابه اذا وقفت واضحه ومفروض تاخذ 5 #شلفا_ولي_العهد_الوضح #مهرجان_الملك_عبدالعزيز_للإبل10

بتقبس في المدرجات بعد شوي 😅😅 #شلفا_ولي_العهد_الوضح #مهرجان_الملك_عبدالعزيز_للإبل10