Loay Alkhteeb

معلش سؤال بس، هي ايه المشكلة إننا نحتفل بمنتخبنا؟ ومين اللي بيحدد النقطة اللي الموضوع بيتحول بعدها لأفورة؟ ومين اللي قرر إن لأ كده هما مش هيركزوا؟ ده على أساس إن كاس أفريقيا بكرة وكاس العالم في آخر الشهر وهما سايبين المعسكر! اليابان والراس الأخضر وجنوب أفريقيا والنرويج "اللي في الفيديو" وغيرهم احتفلوا بمنتخباتهم عادي، ومفيش حد فيهم واخد الكاس لكن تقديرا للجهود وللتمثيل المشرف "اللي بجد".. ايه المشكلة لما نستضيفهم في البرامج؟ ايه المشكلة لما نحتفل بيهم ونفرحهم ونفرح الناس اللي عايزة تشوفهم سواء في الاستاد أو في البرامج اللي حققت مشاهدات بالملايين؟ مين اللي بيقرر فجأة إن لأ ده مش صح وأفورة؟ طيب ليه فنان بيظهر عادي في البرامج زعلان إن حد تاني يظهر؟ ولا هما ماتصلوش بيك في برنامج معين فقفشت ولا ايه؟ مش لازم كل حاجة حلوة نبوظها وننظر عليها، ممكن نتفرج وبس..

"مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم" #مما_تعلمت

ماكنتش متخيل إن نشر الفيديو الكامل وضرب ترند السجادة هيحقق مستويات قياسية من الشياط عند العيال المطاريد بالشكل ده.. واضح إن الضربة جت في حتة حساسة.. الموضوع وصل لدرجة إنهم ردوا ببوست على موقع اسمه "وطن" بيديره عيل كبير سنا تافه مقاما اسمه نظام المهداوي، بيقول لك ايه بقى؟ إن الفيديو متفبرك بالذكاء الاصطناعي، والدليل إن في نسرين على العلم 😂😂 الفيديو اللي نشرته القنوات كلها Ai؟ الأهم، إن اللي كتب الكلام ده واضح إن جاله التكليف بسرعة يعمل أي حاجة في مواجهة الفيديو، فاستعجل لدرجة انه مافكرش يتأكد من شكل علم الرئاسة، أو حتى يبص على الصور الرسمية اللي اتنشرت من أول يوم للاعيبة وهما بيتكرموا والعلم نفسه موجود! سامي كمال الدين كمان دخل على الخط وشكلهم جابوه قبل ما يغسل وشه الصبح وهبد نفس الهبدة بتاعة الـAi والناس حفلت عليه.. بصوا، هي محاولة، بس محاولة فاشلة وماجابتش نتيجة، لكن أثبتت إن الضربة جت فعلا في حتة حساسة.. يالا بالشفا 😂❤️

ذكاء اصطناعي اه 😂😂 لأ ده البوست ده نموذج للغباء اللي مش طبيعي.. لأ والنباهة إن دليل الفبركة شكل النسر اللي على العلم، يعني الجاهل اللي كاتب الكلام عمره ما شاف علم الرئاسة قبل كده؟ هو فين الواد نظام المهداوي من اللي بيعمله صبيانه؟ أنا عايز الواد نظام.. هاتوا لي الواد نظام @NezamMahdawi

قيادة ايه يا عينيا؟

استمرار التنظيم الإرهابي الحاكم في إيران أصبح خطر كبير على المنطقة، استهداف السفن المدنية والهجوم على دول الخليج، وشرعنة تحصيل الرسوم من المياه الدولية "وده اللي خلى ترامب يعلن تحصيل ٢٠٪ من قيمة الشحنات"، كل ده بيخلي الاستمرار خطير فعلا.. لكن السؤال المهم: كيف ومتى ستكون النهاية؟ وبأي تكلفة؟ كمان ترجيح ترامب مقتل مجتبى خامنئي لأول مرة، هو تصريح لافت وربما يكون له ما بعده.. ربنا يستر..

فيديو الريس وهو بيتصور مع اللاعيبة صدمهم لدرجة إنهم قرروا ينكروا ويقولوا Ai 😂😂 طيب القنوات هتذيع فيديو Ai ازاي يا جماعة؟ معلش الصدمة وحشة بس مالهاش حل، شوفوا هبدة تانية..

أكتر تعليقات ضحكتني فعلا هي بتاعة الـAI دي 😂😂 القنوات هتذيع فيديو متفبرك؟ youtube.com/watch?v=3Ffux4…

ايه ده ثانية واحدة.. يعني ماتنبهش عليهم إنهم مايلمسوش السجادة زي أعبط مطاريد الأرض ما قالوا؟

حقيقي شيئ يضحك جدا لما كل برامج المطاريد على كل قنواتهم، يقولوا نفس السكربت عن السجادة اللي الرئيس السيسي كان بيستقبل اللاعيبة وهو واقف عليها.. شيئ يضحك لإن السكربت الموحد بقى تافه لدرجة مرعبة، وشيئ يضحك لإن اللي كاتبه يا إما جاهل يا إما بيستعبط اللي بيتابعوا القنوات دي.. في أي مكان في الدنيا المناسبات اللي زي دي بيبقى فيها ترتيب لمكان الوقوف وأحيانا علامات بتحدد كل شخص هيقف فين.. ده مش تعالي يا أجهل من دابة، لإن ده بيحصل لما اتنين رؤساء بيقابلوا بعض عادي، أو في مؤتمرات زي الـG7 لما بياخدوا الصورة الجماعية.. تحديد نقاط معينة للوقوف هو جزء من إخراج الصورة، علشان زوايا التصوير والإضاءة يبقوا مظبوطين والمنتج البصري مايبقاش عشوائي.. ده رئيس الجمهورية وبيكرم المنتخب، عايز حدث زي ده يطلع بالبركة وزي ما تيجي تيجي؟

العلاقة بين الرئيس السيسي والشيخ محمد بن زايد اتولدت في ظروف صعبة جدا وتحديدا مرحلة ما بعد ٣٠ يونيو.. ومن يومها وبريق العلاقة كل يوم بيزيد أكتر وأكتر..

يوم الاتنين بالليل احتفالية كبرى في استاد القاهرة لتكريم أبطال المنتخب ❤️🇪🇬

"مفيش تكريم أحسن من ده" دقيقة واحدة تفسر لك سبب الحملات اللي بتتعمل ضد محمد صلاح.. حاولوا يضموه ليهم كتير ورفض وطالع كمان يقول كلام زي ده قدام الريس.. ازاي ماتتعملش ضده حملات؟

مصر الحلوة الناجحة المنورة ❤️🇪🇬

كأس الفخر والاعتزاز ❤️🇪🇬

دقيقة مايقولهاش غير اللي شايف المصريين كبار وموهوبين وقادرين سواء كلاعبين أو مدربين

الحقيقة إن أسوأ حاجة اتقالت خلال الساعات اللي فاتت هي الإفيه السخيف بتاع "اتغيرت يا مصري وبقيت مصري"، وطبعا المقصود محمد صلاح، لإن صلاح طول عمره مصري، لما كان في المقاولين ولما بدأ رحلة الاحتراف برا على الدكة، ولما راح ليفربول وبقى نجم عالمي.. عمره ما عمل حاجة تقول انه مش مصري.. صلاح المصري ده هو اللي كان بيعيط في الملعب في ٢٠١٨ علشان الناس تشجع.. وهو اللي عمره ما اتأخر عن بلده، سواء بلده الكبيرة أو بلده نجريج.. بيحسب كل كلمة أو تصرف؟ أكيد، علشان نجح يبقى مؤسسة "مصرية" عالمية لازم تتصرف بانضباط وحساب.. وتبقى مصيبة كبيرة لو هو ده سبب الإفيه السخيف، لإن ده معناه انك شايف النسخة المنضبطة الراسية دي مش ماشية مع انه "مصري"، فحضرتك ضمنيا شايف إن "مصري" مرادف للعشوائية والفهلوة.. ودي مصيبة! الحقيقة بردو إن المشاهد اللي صلاح بيحتفل فيها وبيغني وبيهزر، مش نسخة عشوائية خالص، هي نفس النسخة المصرية الأصيلة المؤسسية اللي اتعلمت إن كل حاجة ليها وقتها ولازم تبقى محسوبة.. علشان كده هو نجم مصري عالمي.. وبعدين الراجل طلع عينه في الملعب وبرا الملعب بقاله أسابيع علشان يعمل حاجة لبلده، فنقوم نستقبله بإننا نقول له انت ماكنتش مصري السنين اللي فاتت؟ هو في ايه يا جماعة؟

سيبك انت.. العلمين الجديدة اللي بنتكلم عنها دي كانت من كام سنة بس صحراء جرداء وحقل ألغام، دلوقتي بقت مدينة سياحية كل يوم بتتطور عن اللي قبله: فنادق وأبراج ومناطق ترفيهية.. ده غير مطار دولي عظيم.. الأحلام بتبقى حلوة لما بتتحقق.. والحمد لله على فضله وكرمه 🇪🇬🇪🇬

أي متخذ قرار قدامه مدينة زحمة زي القاهرة، ومدينة ساحلية بيسوق لها عالميا وفيها مطار دولي عظيم زي العلمين، الطبيعي انه مش هيعطل القاهرة بزحمة رهيبة زي دي ممكن تخلي اللاعيبة يقعدوا ٥ أو ٦ ساعات في الشارع، وهيختار العلمين.. الكلام سهل جدا واحنا بنتخيل المشاهد الإيجابية في الموقف، لكن لو انت متخذ قرار هتفكر في كل حاجة، علشان هتتحمل مسؤولية أي حاجة هتحصل مش الاحتفال الشعبي وبس..

اللي مالحقش استقبال المطار، يلحق بكرة الصبح قدام أبراج العلمين 😉😉 #شكرا_منتخب_مصر 🇪🇬