𝑚𝑎𝑟𝑐

أي حد زعلان عشان فريقه لدرجة الهم، خليك فاكر انه كل لاعب الان طالع أحلى سهرة ومع شلة بنات وعايش حياته بالطول والعرض ويقبض ملايين، وانه صباحك وصحتك ودراستك وشغلك ومستقبلك وعيلتك أولى وأهم بصحتك النفسية والجسدية الزعل في كرة القدم شيء طبيعي بس لو وصلت مرحلة مش عارف تنام ومخنوق ومهموم، اضرب ستوب يا صاحبي وعيد حساباتك في الدنيا، لأنك هنا دخلت في علاقة سامة عامل كرة القدم بأنانية مفرطة وخلي علاقتك معها مبنية على أساس المصلحة وبس، يعني يوم تفوز انبسط ونعنش وارقص كمان، بس يوم تخسر اقفل الباب وتزعلش.. هاي أنانية صحية. التحلي بمهارة السيطرة على المشاعر رح تاخدك نقلة كبيرة في حياتك رح تكسب مستوى بعيد من النضج والاستثمار الناجح أعرف إنه فيه ناس الآن تسأل شو الحل؟ كيف أتخطى؟ ممكن نجاوب ونحكي كلام كثير لكن بعطيك سؤال وحلفتك جاوب نفسك بصدق.. عمرك شفت حد شغله تطور أو علاقته مع زوجته صارت قوية أو صار بار بوالديه أو نجح في امتحان لأنه فريقه فاز أو خسر؟ الحل خليك أناني مع الكورة خذ منها الفيتامينات والدوبامين لحظة الفوز.. أما وقت الخسارة قفل الملف بسرعة.. لما كنت مع ابو أصيل في الرياض يوم اياب الكأس برشلونة وأتلتيكو.. كان يفرح وينبسط مع الهدف ولما الفريق طلع من البطولة ولا كأنه صار شي.. مشان هيك هو ناجح.. لأنه عامل كنترول