Mohamed Khalifa - Financial Modeling

Financial Model & Valuation لشركة Samsung الفيديو ده مش مجرد شرح تقييم شركة بالطريقة التقليدية اللي أغلبنا اتعلمها، لكنه موديل متكامل بيجمع أكتر من منهج تقييم علشان نوصل لرؤية أعمق وأقرب للواقع. الموديل شامل: • Monte Carlo Simulation • Dividend Discount Model (DDM) • Credit Analysis • DCF Valuation • Relative Valuation • Risk Analysis • SOTP Valuation • LBO Analysis • EVA Model الهدف من الفيديو إنك تشوف إزاي التفكير التحليلي الحقيقي بيتحول لموديل مالي احترافي، مش مجرد Template Excel بنغير أرقامه. youtube.com/watch?v=_A0iqW…

مساء الخير يا شباب ان شاء الله نبدأ روند FMVA يوم 1-5-2026 الحجز بالاولويه والعدد محدود مدة الدوره 4 شهور للحجز واتس اب +201009935403 وارسلي على خصم 40%

الـ EBITDA الخام نادراً ما بيمثل القوة الربحية الحقيقية. قبل أي تقييم أو صفقة، لازم تعمل Normalization. الـ 15 تعديل: تعديلات الإيرادات: 1. إيرادات غير متكررة مشروع لمرة واحدة أو تعويض تأميني 2. إيرادات Related Party بأسعار غير سوقية 3. تغيير في سياسة الاعتراف بالإيراد تعديلات المصاريف: 4. راتب المالك الزائد عن السوق (شائع جداً في الشركات العائلية العربية) 5. إيجار بسعر غير سوقي (لو العقار ملك المالك) 6. مصاريف قانونية غير متكررة 7. مصاريف إعادة الهيكلة 8. تكاليف التأسيس أو الإطلاق 9. تبرعات ومصاريف غير تشغيلية 10. Stock-Based Compensation 11. تغيير في سياسة الإهلاك تعديلات أخرى: 12. أرباح/خسائر بيع أصول 13. أرباح/خسائر عملة غير محققة 14. مخصصات زائدة (Over-provisioning) 15. أثر IFRS 16 على الـ Leases القاعدة الذهبية: كل تعديل لازم يكون موثق ومبرر. المشتري بيعدل عشان يقلل الـ EBITDA. البائع بيعدل عشان يزودها. المحلل المحترف بيعدل عشان يوصل للحقيقة.

سعيد جدا بالإعلان عن بداية تعاون بيني وبين International House Cairo خلال الفترة الجاية هكون المستشار المالي للشركة، وهنشتغل سوا على تطوير وتحسين منظومة المحاسبة والتحليل المالي بشكل كامل، بهدف بناء نظام مالي أدق، يساعد الإدارة على اتخاذ قرارات أقوى مبنية على بيانات حقيقية. التحليل المالي مش مجرد أرقام هو أداة بتحول الأرقام لرؤية، والرؤية لقرارات، والقرارات لنتائج. متحمس جدًا للتعاون ده، وواثق إننا هنحقق تأثير واضح وقيمة حقيقية على أرض الواقع

تعال اقولك علي إزاي تقيّم شركة Startup مفيهاش قوائم مالية؟ واحدة من أكبر الأخطاء اللي بشوفها إن الناس بتحاول تقيّم الـ Startups بنفس طريقة الشركات الكبيرة، وده بيطلع نتائج مضللة جدًا. الـ Startup مش تاريخ هي مستقبل. يعني إنت مش بتسأل الشركة عملت كام، إنت بتسأل ممكن تعمل كام قدام. طيب نشتغل إزاي؟ في كذا Approach المستثمرين بيستخدموه: أول حاجة Venture Capital Method الفكرة ببساطة إنك بتتوقع الشركة ممكن تتباع بكام في المستقبل، وبعدين بترجع الرقم ده للحاضر باستخدام معدل عائد عالي يعكس المخاطرة. تاني حاجة Comparables بتبص على شركات شبهها في نفس المجال، واتقيمت على أي أساس. ممكن تستخدم الإيرادات لو موجودة، أو عدد المستخدمين، أو حتى معدل النمو. تالت حاجة Scorecard Method ودي بتبقى مفيدة جدًا في المراحل الأولى. بتقيّم الشركة بناءً على عوامل زي الفريق، السوق، الفكرة، والمنافسة، وتقارنها بمتوسط السوق. وفي برضه Berkus Method ودي مناسبة جدًا لو الشركة لسه في بداياتها ومفيش أرقام تقريبًا، وبتدي قيمة لكل عنصر زي الفريق أو وجود منتج مبدئي. بس خلينا نتفق إن الطرق دي كلها أدوات، مش الحقيقة المطلقة. الأهم بكتير هو إيه اللي بيتقيم فعليًا: الفريق : هل عندهم القدرة ينفذوا؟ هل عندهم خبرة؟ السوق : هل السوق كبير ويستحمل النمو؟ ولا محدود؟ النمو: حتى لو الأرقام صغيرة، هل في زيادة مستمرة؟ المنتج: هل بيحل مشكلة حقيقية؟ ولا مجرد فكرة شكلها حلو؟ والـ traction : حتى لو بسيط، أي دليل إن في حد فعلًا بيستخدم المنتج في نقطة ناس كتير بتغفلها وهي الـ Cash Runway الـ Cash Runway هو ببساطة الشركة تقدر تكمل كام شهر بالفلوس اللي معاها قبل ما تحتاج تمويل جديد. ودي مش طريقة تقييم في حد ذاتها، لكنها بتأثر بشكل مباشر على التقييم. لو الشركة عندها سيولة تكفي 12 أو 18 شهر، عندها رفاهية التفاوض ومش مضطرة تقبل أي عرض. لكن لو فاضل 3 أو 4 شهور بس، الوضع بيبقى مختلف تمامًا، وغالبًا بتضطر تقبل تقييم أقل علشان تكمل. كمان لازم تبص على الـ Burn Rate هل الشركة بتحرق فلوس علشان تنمو؟ ولا بتحرق بدون نتيجة واضحة؟ فيه شركات بتقع في الفخ ده، ترفع فلوس كتير، لكن تستهلكها بسرعة بدون traction حقيقي، وفجأة تلاقي نفسها محتاجة تمويل جديد في وقت مش مناسب. وده بيضغط التقييم بشكل كبير. الخلاصة إن تقييم الـ Startup مش معادلة ثابتة. هو خليط بين أرقام محدودة، وفهم للسوق، وتقدير للمستقبل. ولو حاولت تطبق عليه نفس منطق الشركات الكبيرة، غالبًا هتغلط في التقييم.

من تحضيرات تحديث كورس FMVA ☕️ رابط الكورس mohamedkhalifa.pro/product/fmva/

لو عملت فيديو بالكلام الي هقوله دا هيجيب ريتش حلو جدا بس بصراحه مفيش وقت اعمل فيديو لكني عايز أفيد حضراتكم حتى لو مش هيحصل ريتش او انتشار حدث حقيقي ومعلومه مفيده جدا اقرأ الكلام دا كويس جدا لأنه مهم وهيفيدك كنت بتكلم مع عميل بعمله تقييم لشركة العميل : هو ازاي التقييم طالع قليل كدا مع ان الشركة فيها مخزون كبير واصول كبيره ؟ أنا : حضرتك ناوي تصفي الشركة ؟ العميل : لا بس محتاج اعرض على مستثمر انه يشتري جزء من الأسهم علشان محتاجين تمويل أنا : إذا الشركة مكمله في نشاطها ومش هيتم تصفيتها فدا معناه ان الي يهم المستثمر مش ان الشركة فيها مخزون بكام ولا أصول بكام السؤال الصح هو هل الشركة تقدر تدير اصولها ومخزونها بشكل كفئ وفعال بحيث تولد ايرادات ومبيعات جيده وبعدها تولد تدفق نقدي حر جيد ؟ ممكن يكون عندك أصول كتير لكنك مش عارف تديرها ودا بيظهر عندي وانا بكشف على الشركة بالتحليل المالي للأداء السابق فعلشان كدا التقييم طالع قليل 🤷‍♂️ خد قاعدة ذهبيه عندك لو عايز تفهم التقييم الي يهم المستثمر هو اداء الشركة وقدرتها على توليد النقد والتدفق النقدي الحر في المستقبل وليس الشركة فيها بكام مخزون وغيره . موفقين جميعا

سألتكم في فورم قبل كدا: إيه اللي اكتر حاجه بتواجهك وانت بتعلم تحليل مالي؟ واحدة من الإجابات اللي اتكررت: "المحتوي كبير وانها كلها بالانجليزي" وده بالنص كدا وده حقيقي. أغلب المحتوى المتقدم في النمذجة المالية — سواء كتب أو كورسات أو templates — بالإنجليزي. بس خليني أقولك حاجة مهمة: المصطلحات الإنجليزية مش عائق - دي أداة. في أي شغل مالي هتعمله — سواء في مصر أو السعودية أو الإمارات — المصطلحات هتكون بالإنجليزي: EBITDA, DCF, WACC, IRR, NPV. الحل؟ 1. اتعلم المصطلح بالإنجليزي + افهم معناه بالعربي 2. طبق على أمثلة عملية 3. مع الوقت، المصطلحات هتبقى طبيعية زي أي لغة تانية في الاول هتحس ان الموضوع تقيل هتترجم كتير وهتتعب بس بعد فترة هتلاقي نفسك بتفهم من غير ترجمة وبتستخدم المصطلحات عادي الخلاصة المشكلة مش في الانجليزي المشكلة انك وقفت بسببه ولو كملت هيبقى اسهل بكتير مما انت متخيل أنا هنا عشان أبسط لك المحتوى ده بالعربي — بس من غير ما أضيع المصطلحات الأصلية. ---------------------------------------------------- Mohamed Khalifa Financial Modeling®️ mohamedkhalifa.pro |13+ Years in Finance Empowering learners to build strong careers in finance through structured learning and global certifications PS: If you’re serious about building a strong career in finance, check the link in comments to book your 1:1 guidance session with me. To enroll in our certification programs — FMVA®️ | FMAA®️ | CMA®️ | CFA®️ — contact us on WhatsApp: wa.me/201009935403 Is This helpful? Follow me for more Mohammed Khalifa Financial Modeling #FinancialPlanning #financialfreedomlfreedom #FinancialPlanning #FinancialManagementodeling

لما بتعمل DCF، أنت بتخصم التدفقات النقدية لقيمتها الحالية. بس السؤال اللي ناس كتير مش بتسأله: **أنا بفترض إن الكاش بييجي إمتى بالظبط؟** لأن ببساطة قيمة الفلوس بتتأثر بالـ timing مش بس بالـ amount. الطريقة التقليدية (End-of-Year): بتفترض إن كل التدفقات بتيجي في آخر السنة. يعني السنة الأولى بتتخصم بعامل (1+WACC)^1. وده تبسيط مريح لكنه مش دايما واقعي. الـ Mid-Year Convention: بتفترض إن التدفقات بتيجي في نص السنة. يعني السنة الأولى بتتخصم بعامل (1+WACC)^0.5. وده أقرب لطبيعة شغل معظم الشركات. الأثر الرقمي (WACC = 10%): بدون Mid-Year: عامل الخصم للسنة 1 ≈ 0.909 مع Mid-Year: عامل الخصم للسنة 1 ≈ 0.953 الفرق ≈ 5% في القيمة. وده مش رقم بسيط على تقييم 500 مليون؟ إنت بتتكلم في حوالي 25 مليون فرق — من مجرد افتراض timing. إمتى تستخدمها: 1. لما التدفقات النقدية بتتولد بشكل منتظم خلال السنة 2. شركات شغالة بشكل مستقر (Going Concern) 3. لما الـ model هدفه يعكس الواقع التشغيلي مش مجرد تبسيط أكاديمي إمتى ما تستخدمهاش: 1. شركات موسمية (زي السياحة أو الحج) 2. مشاريع بتواريخ Cash Flow محددة (زي العقارات) 3. لما بتشتغل Monthly DCF 4. لما التدفقات غير منتظمة (Lumpy Cash Flows) الغلطة الشائعة: ناس كتير بتطبق Mid-Year على الـ FCF وتنسى الـ Terminal Value. وده بيعمل inconsistency في الموديل لأنك بتفترض timing مختلف لنفس التدفقات. الصح: الـ Terminal Value كمان لازم يتخصم باستخدام (n - 0.5)، مش n. الفورمولا: PV = FCF / (1+WACC)^(n - 0.5) التفصيلة دي هي الفرق بين: DCF شكله صح وDCF فعلاً بيعكس الواقع ولو مش واخد بالك منها ممكن تضيع ملايين في التقييم.

شرح مبسط لأشهر طرق تقييم الشركات: DCF (Discounted Cash Flow) الفكرة الأساسية إن قيمة الفلوس النهارده أكبر من قيمتها في المستقبل. يعني لو حد أخد منك 1000 جنيه النهارده ورجّعهم بعد سنة بنفس القيمة، غالبًا هتحس إنك خسرت فرصة استثمارهم خلال السنة. من هنا بتيجي فكرة DCF: كم تساوي الشركة اليوم بناءً على الفلوس اللي هتولدها في المستقبل؟ المحلل المالي بيبدأ يتوقع التدفقات النقدية لعدة سنوات (غالبًا 5–10)، وبعد كده بيحوّلها لقيمتها الحالية باستخدام Discount Rate غالبًا بيكون WACC لأنه يعكس تكلفة رأس المال والمخاطر. بعد حساب القيمة الحالية للتدفقات النقدية وإضافة Terminal Value، بنوصل لما يسمى Intrinsic Value. الرقم ده بيساعد المستثمر يعرف: هل الشركة أقل من قيمتها الحقيقية وفرصة استثمارية… ولا مبالغ في تسعيرها في السوق

لو بتبدأ مشروع وممعكش فلوس كفاية تاخد قرض ؟ ولا تخلي حد يستثمر معاك ؟ مقابل إنه ياخد جزء من المشروع؟ في الكاروسيل دا هتفهم بالظبط الفرق بين Equity و Debt

اليوم بدأنا في دورة اساسيات التحليل المالي والتقييم في الدوره وجدت زملاء لديهم شغف عالي للتعلم وسعيد جدا بوجودي معهم اسأل الله ان يعلمنا ما ينفعنا وينفعنا بما علمنا

اليوم خلصنا اول محاظره مع الاستاذ محمد خليفه ✅ الرجل مبدع وفاهم بشكل رائع

لو انت مبتدئ في النمذجة المالية وعايز تمشي علي خطوات صح اكتب كلمه خطوات في الكومنت وهبعتلك ملف شارح بالتفصيل تعمل ايه مستني اي ؟

اعمل بجهد اسعى بكل قوة دع عملك يتحدث عنك ركز على نفسك وطورها بشكل مستمر من ماتريال دورة التحليل المالي والتقييم