صعيدي دقه قديمة 🖤

البطولة هاتوها.. من أجل صبري 🇦🇹❤️

صباح الخير مرة ثانية وثالثة ورابعة.. أسهل حاجه اوقات الإخفاقات إنك ترفع رايه الاستسلام.. لكن الحقيقة لو بصيت ليها مفيش اي حاجه راحت اصلا شوية هدوء يا جماعة الزمالك الدور الأول مع نفس فرق المجموعة دي لا كسب الأهلي دي ولا كسب إنبي وفاز على بيراميدز والمصري وسموحة وسيراميكا كليوباترا الزمالك الدور الثاني مع نفس المجموعة دي لا كسب الأهلي ولا كسب إنبي وفاز على بيراميدز والمصري وفاضل ليه المنطقي يكسب سموحه وسيراميكا كليوباترا الزمالك أنهى الدور الأول متساوي في النقاط اصلا مع بيراميدز الزمالك حاليا متساوي في النقاط مع بيراميدز وفارق عنه مواجهات مباشرة - اه الزمالك مخدش حاجه تريحه ونفس الوقت مفقدش حاجه تضيع منه بطولة خالص - بل العكس اللي حصل ده دافع أنت مصيرك في ايدك ... مصيرك في ايدك .. من شهر محدش كان يتوقع انك اخر أمتار الموسم في نهائي الكونفدرالية ومتصدر الدوري.. - الدوري هو مسابقة تجميع نقاط من مين كسب مين ومين خسر من مين - كل ردود الفعل دي .. تبقى حافز ليك مش العكس .. - صحح أخطائك الفنية اللي حصلت اخر ماتشين.. اقفل على نفسك وفوق اللعيبه .. - ده لا وقت هجوم ولا تقطيع مع احترامي لكل وجهات النظر.. ده وقت هدوء هدوء فقط - ولازم الناس تفهم حتى لو هتخسر حاجه .. متخسرش كل حاجه.. حافظ على المكتسبات اللي في ايدك بلاش تهدها علشان ماتش أو جولة - اكسب الماتشين والطبيعي متبصش لأي حاجه حواليك ولا نتائج ولا غيره .. اعمل اللي عليك الأول - محدش يتعالى على الكرة علشان عمرها ما كانت ولا هتكون كده.. اللي بيحصل ده كله .. رساله أن الموسم ده محدش ليه فضل فيه غير الجمهور اللي ورا الفريق في المدرجات..