MAGNIFICO

🚨🚨🚨⚠️ عــاجــل ورســمــيًــا ⚠️🚨🚨🚨 مانشستر يونايتد يعلن بأن دي ليخت قام بعملية جراحية ناجحة في الظهر.

أعتقد قصة المدرب أصبحت محسومة في مانشستر يونايتد كاريك سيحصل على عقد لمدة عامين حسب توقعي الشخصي

ما أعرف الموسم بينتهي على ايش بالضبط .. لكن في كلام بالخاطر لازم يطلع : الهلال هذا الموسم و ان انتهى فيه الموسم بالدوري و الكاس فهذا موسم لا يمُت للواقع بأي صِلة .. الهلال هذا الموسم فقد اسلوبه و هيبته و حضوره الطاغي ضد أي خصم كان ، كبير ولا صغير ، مباريات حسم ولا مباريات عادية .. مدرب قزّم الهلال بشكل مب طبيعي ، إدارة فيها كمية قرارات متخبطة و غير واضحة ولا معنى لها ، عناصر بعدها نست شيء اسمه كرة قدم ، محليين و اجانب نتكلم .. ينتهي الموسم بأي شكل من الأشكال ما يهمني ، الحمدلله ان الفريق طلع ببطولة هذا الموسم ؛ لكن ! الموسم القادم لابُد يبدأ من آخر جولة ضد الفيحاء ، تغيير المدرب ، تغيير أي شخص مايبي يشتغل ، جلب مدير رياضي يرتب الفوضى الي صايره ، قمع أي شخص في شروط في عقده انه يلعب دقائق معينه .. و غيرها من الأمور .. نادينا دائمًا كان يُدار كـمنظومة عمل كاملة مُكملة لبعضها ، مسألة لاعب لا يُمس و مدرب لا يُنتقد مافي بالهلال .. الهلال كبير فيكم و بدونكم ، الهلال ما عمره كان تحت رحمة شخص معين سواء كان لاعب او مدرب او حتى اداري .. رجعوا هلالنا الي نعرفه 💙.

ماراح أنكر أسطوريّتك في تاريخ الرياضة السعودية .. و تاريخ أعظم نادي فيها الهلال .. ولا راح أفكر في يوم إني أشوفك و أعبرك كـلاعب عابر في تاريخ الأزرق العظيم ، سالم الدوسري طلب بسيط جدًا .. بنهاية هذا الموسم ؟ ارحـل .. وقتك الحالي الي قاعد تقضيه في الهلال هو عبارة عن نهاية سوداوّية لمسيرة عظيمة مُرصّعه بالذهب و البطولات و ليالي الحسم العظيمة ! أشوفك أعظم لاعب سعودي في تاريخ الرياضة ، و أشوفك أسطورة الهلال محليًا ، لكن كفاية .. الى هنا و بس يا سالم .. والله ان ضررك صاير أكثر من نفعك .. و لمصلحتك عند جمهور الهلال ؟ بنهاية الموسم ؟ تكون نهاية مسيرتك مع الهلال 💙.