Majed

DEBATE | Is Michael Jackson the most famous person of all time?

لحظة مايكل جاكسون وليزا ماري بريسلي كان مايكل مغرماً بها للغاية سعيداً جداً إنه يتصرف كبطل مسلسل كوري.

Michael 2026 ليش قلت هالفيلم موجهه لجيل مايكل أكثر من جيلنا وليش أنا بصف النقاد اللي ماعجبهم الفيلم، كجيل ما عاصر حياة مايكل، ولا أعرف عنه إلا أغانيه ورقصته المشهورة، كنت داخلة الفيلم وأنا أبي سيرة ذاتية صادقة، مو ملمّعة ولا سطحية، وتتكلم عن حياته بشكل أعمق وتفصيلي، خصوصًا تبعات الشهرة اللي وصل لها، واللي إلى اليوم محد قدر يوصل لمستواها، لكن لما أشوف الفيلم من الزاوية اللي هو اختارها، أشوفه مليان أغاني واستعراضات وتوثيق للحظات أيقونية، أكثر من كونه سيرة، واضح إنه يخاطب جمهور جيله، يلعب على النوستالجيا ويرجع لهم مشاعرهم القديمة مع فنان كانوا وما زالوا يشوفونه الأعظم، إذا أنت من هذا الجيل، الفيلم بيعطيك تجربة عاطفية قوية، كأنك ترجع تعيش لحظات كنت تتمنى ترجعها، ترجع إحساسك أول مرة شفت له حفلة أو تعبت عشان تحصل شريط له، السينما هنا قدرت تعيشك التفاصيل بحذافيرها، لدرجة إنك ممكن تطلع من القاعة وقلبك باقي هناك، من هالناحية الفيلم ناجح جدًا، ويخليك تطلع منبهر ومشبع بالنوستالجيا. بس هنا يجي الجانب اللي بالنسبة لي كان مزعج، النعومة الزايدة في الطرح كانت مستفزة، الفيلم ركز بشكل كبير على الأغاني والاستعراضات، وأهمل الجانب الدرامي الحقيقي من حياة مايكل، مع إن الكل يعرف إن رحلته ما كانت سهلة، وإن وصوله لهالمستوى كان وراه معاناة وضغط أكبر بكثير من اللي شفناه. المفروض فيلم سيرة لشخص بهالحجم يكون أكثر واقعية، مو بهالتلميع الواضح و أقول تلميع لأن الفيلم قدّم صورة ناعمة جدًا للعائلة، وركز على جانب واحد من المعاناة، وكأن كل شيء كان مختصر في شيطنة الابو فقط وهذا تبسيط مخل وما يعكس الصورة الكاملة، كمشاهد، ما كنت محتاج كل هالاستعراضات ولا إعادة تقديم الأغاني اللي أقدر أشوفها بأي وقت، ولا كنت مهتم أشوف تفاصيل إنتاج الحفلات أو جوانب ثانوية، اللي كنت أبيه فعلًا هو غوص أعمق في حياة إنسان بدأ من عمر 5 سنوات، وشاف من الشهرة والضغط أشياء ما يمر فيها أحد طبيعي، والسؤال هنا اذا الجزء الأول ما قدّم العمق الدرامي الكافي هل المفروض ننتظر جزء ثاني عشان يبدأ يتكلم بجدية؟ عن نفسي ما عندي رغبة أشوف تكملة إذا الأسلوب بيكون بنفس هالنعومة والتلميع، خصوصًا إن جانب الأغاني ما يحتاج فيلم يعيده، لكن هالشيء ما ينكر إن هالفيلم من أكثر الأفلام اللي بتستمتع فيها بحياتك، في النهاية، الفيلم حلو، ينشاف، وتجربته في السينما خصوصًا آيماكس ممتعة جدًا، لكن يظل من نوعية الأفلام اللي تدخلها عشان تستمتع وتنبهر بصريًا وعاطفيًا، أكثر من إنك تطلع منها بفهم أعمق لحياة الشخصية.