Mir Kabeer Ahmed

ایسٹر کے پرمسرت موقع پر بلوچستان اور پاکستان سمیت دنیا بھر کی مسیحی برادری کو دلی مبارکباد پیش کرتا ہوں۔ ایسٹر کا تہوار تاریکی پر روشنی کی فتح اور امیدنو کی ایک گہری علامت ہے۔ مذہبی تہوار انسانی معاشرے میں امن، انصاف اور ہم آہنگی کے لیے ہماری مشترکہ خواہشات کی عکاسی کرتی ہیں۔ بلوچستان کے سماجی، تعلیمی، اور ثقافتی ڈھانچے میں مسیحی برادری کی شرکت اور خدمات قابل تحسین ہیں۔ نیشنل پارٹی تمام برادریوں کے حقوق، وقار اور مذہبی آزادی کے تحفظ اور سماجی انصاف قائم کرنے پر یقین رکھتی ہے۔ ہم سمجھتے ہیں کہ ایک منصفانہ اور شمولی معاشرہ اسی وقت تعمیر کیا جا سکتا ہے جب ہر شہری بلاتفریق ذات، نسل، مذہب، صنف و طبقہ خود کو محفوظ، باعزت اور بااختیار محسوس کرے۔

تربت میں نیشنل پارٹی ضلع کیچ کے فنانس سیکرٹری عارف سلیم بلوچ کے گھر پر گرنیڈ حملے کی شدید مذمت کرتے ہیں۔ نہتے سیاسی کارکنوں اور گھروں پر حملے نہایت بزدلانہ اور شرمناک عمل ہیں۔ حملے میں عارف سلیم اور نعیم بلوچ شدید زخمی ہوئے ہیں۔ امن و امان کی صورتحال اس قدر مخدوش ہے کہ لوگ اپنے گھروں میں بھی محفوظ نہیں ہیں۔ حکومت اور انتظامیہ اپنی ذمہ داریاں پوری کرتے ہوئے واقعہ میں ملوث ملزمان کے خلاف کاروائی کریں، زخمیوں کو بہترین طبی سہولیات فراہم کریں اور سیاسی کارکنان کا تحفظ یقینی بنانے کے لیے اقدامات لیں۔

On this joyous occasion of Christmas, I extend my heartfelt greetings to our Christian brothers and sisters. Christmas reminds us of the values of compassion, humility, and service to #humanity. May this blessed season bring peace, love, and prosperity to all. Wishing you a blessed #Christmas Christmas!

ولید صالح بلوچ کے بہیمانہ قتل کی شدید مذمت کرتے ہیں، حکومت تحفظ فراہم کرنے کی بنیادی ذمہ داری میں مسلسل ناکام ہے، نیشنل پارٹی حاجی صالح محمد بلوچ کے خاندان کے ساتھ غم میں شریک اور سوگوار ہے، میر کبیر محمدشہی نیشنل پارٹی کے مرکزی سیکرٹری جنرل میر کبیر احمد محمدشہی نے نیشنل پارٹی کے بزرگ رہنماء حاجی صالح محمد بلوچ کے فرزند، نیشنل پارٹی کے رکن صوبائی اسمبلی رحمت صالح بلوچ اور ڈسٹرکٹ چیئرمین پنجگور عبدالمالک صالح بلوچ کے بھائی ولید صالح بلوچ کے بہیمانہ قتل کی شدید مذمت کرتے ہوئے کہا ہے کہ بلوچستان میں جمہوری سیاسی عمل کو کچلنے کےلیے پرامن سیاسی کارکنان، رہنماوں اور ان کے خاندانوں کے خلاف پرتشدد حربے استعمال کیے جارہے ہیں۔ حاجی صالح محمد بلوچ کے گھرانے نے ہمیشہ پرامن، جمہوری، رواداری پر مبنی قوم و عوام دوست سیاست اور خدمت کی ہے۔ ایسے بزدلانہ ہتھکنڈوں سے نیشنل پارٹی اور شہید ولید کے خاندان کو جمہوری سیاسی جدوجہد اور عوامی خدمت سے دستبردار نہیں کرایا جاسکتا ہے۔ بلوچستان پر مسلط کردہ فارم 47 کی حکومت حالات کی سنگینی کا ادراک اور اپنی بنیادی ذمہ داریاں پوری کرتے ہوئے عوام کو تحفظ فراہم کرنے کی بجائے صرف دعووں تک محدود ہے۔ بلوچستان میں لاقانونیت، بدامنی اور عدم تحفظ میں روز بہ روز اضافہ ہورہا ہے۔ ولید صالح کی شہادت کے دلخراش واقعہ کی شفاف تحقیقات کرکے اس کے محرکات کو سامنے لایا جائے اور ملوث عناصر کو کیفرکردار تک پہنچایا جائے۔ اس مشکل وقت میں نیشنل پارٹی حاجی صالح محمد بلوچ کے خاندان کے ساتھ کھڑی ہے اور ان کے غم میں شریک اور سوگوار ہے۔ اللہ سے دعا ہے کہ وہ شہید ولید کی مغفرت فرمائے اور انہیں اپنے جوار رحمت میں جگہ عطاء کرے اور لواحقین کو صبر جمیل عطا کرے۔

Today’s work shop will mark another milestone to boost worker’s moral. #npworkshop

بلوچستان یونیورسٹی میں بلوچی، براہوئی اور پشتو زبانوں کے شعبہ جات کی بندش کا حکومتی حکم نامہ بلوچستان کی اقوام، ثقافت اور شناخت کے خلاف سازش اور علم دشمن اقدام ہے۔ قومی زبانیں اقوام کی قومی شناخت کا بنیادی جز ہیں۔ اسلام آباد اور اس کی کٹھ پتلیاں بلوچستان کی زبانوں کے تحفظ، ترقی اور ترویج کےلیے اقدامات لینے کے بجائے انہیں پیچھے دھکیلنے اور پسماندہ رکھنے کےلیے کوشاں ہیں۔ نیشنل پارٹی اس اقدام کو مسترد کرتی ہے اور ہم خیال قوتوں کے ساتھ مل کر ان سازشوں کو ناکام بنائیں گے۔

شہید میر عبدالخالق لانگو کی برسی کے موقع پر ان کو خراج عقیدت پیش کرتا ہوں۔ نیپ سے لے کر بلوچستان نیشنل موومنٹ تک انہوں نے بلوچ اور دیگر محکوم اقوام کے حقوق کےلیے بھرپور اور مسلسل جدوجہد کی۔ وہ ایک مخلص، سنجیدہ اور نظریاتی سیاسی رہنماء تھے۔ بلوچستان کے لیے ان کی خدمات اور قربانیاں قابل قدر ہیں۔ نیشنل پارٹی اپنے تمام اکابرین کی جدوجہد کو آگے بڑھاتے ہوئے ان کے مشن کو پایہ تکمیل تک پہنچائے گی۔

شہید ڈاکٹر نسیم جنگیان نے اپنی زندگی بلوچ قومی حقوق کی جدوجہد اور عوامی خدمت کےلیے وقف کر رکھی تھی۔ نیشنل پارٹی کی فکر و نظریہ، بلوچ حقوق کی جدوجہد اور قومی جمہوری سیاست سے ان کی وابستگی مثالی تھی۔ وہ نہ صرف نیشنل پارٹی بلکہ بلوچ حقوق کی جدوجہد اور بلوچستان میں قومی جمہوری سیاست کا اثاثہ تھے۔ نیشنل پارٹی کے کارکنوں نے استقامت کے ساتھ قومی فکر، پارٹی مشن سے اپنی وابستگی اور پرامن جمہوری جدوجہد جاری رکھ کر اپنے اکابرین اور شہید رہنماوں کا مشن جاری رکھا ہوا ہے اور ان کے مشن کو پایہ تکمیل تک پہنچائیں گے۔ شہید نسیم جنگیان کی برسی کے موقع پر ان کی خدمات، جدوجہد اور قربانیوں کو سلام پیش کرتا ہوں۔

I am thankful to Dr. Arif Muhammad Shahi, Dr. Mansoor Shah, Dr. Asmat Achakzai, Dr. Wasay Noorzai, Nayel Zakhail, and Muhammad Zubair for their warm welcome in London. Their hospitality was exemplary, and I appreciate their thoughtfulness, respect and consideration. I am also delighted to see the professional success and accomplishments of these talented young professionals, and I wish them continued growth and achievement in their future endeavors.

میر یوسف عزیز مگسی کی جدوجہد بلوچستان اور بلوچ قومی تحریک کا ایک ناقابل فراموش اور شاندار باب ہے۔ انہوں نے بلوچستان میں سیاسی شعور پھیلانے، قومی جذبہ ابھارنے، اور جدید طرز سیاست متعارف کرانے میں قائدانہ کردار ادا کیا۔ انکی سیاسی، سماجی، علمی و ادبی خدمات اور قربانیوں نے بلوچ سیاست کو مستحکم فکری بنیادیں فراہم کیں۔ انہوں نے ہر قسم کے ذاتی، خاندانی و قبائلی مفادات پر بلوچستان کے اجتماعی مفادات کو ترجیح دی اور اپنی تمام توانائیاں بلوچ قوم میں سیاسی بیداری کے لیے وقف کردیں۔ آج انکی برسی کے موقع پر ان کی عظیم جدوجہد کو خراج عقیدت پیش کرتا ہوں۔

آواران میں صحافی لطیف بلوچ کے بہیمانہ قتل کی شدید الفاظ میں مذمت کرتے ہیں۔ بلوچستان میں بدامنی، عدم تحفظ، وسائل اور سہولیات کی کمی سمیت ہر قسم کے نامسائد حالات کے باوجود مقامی صحافی اپنی ذمہ داریاں ادا کررہے ہیں۔ دوسری جانب عرصہ دراز سے مختلف طریقوں سے اظہار رائے کی آزادی اور آزاد و غیرجانبدار صحافت کا گلا گھونٹا جارہا ہے اور اب نوبت یہاں تک پہنچ چکی ہے کہ صحافی اپنے گھروں میں بھی محفوظ نہیں ہیں۔ بلوچستان میں تواتر سے صحافیوں کو نشانہ بنانے کے واقعات نہایت تشویشناک ہیں۔ ہم مطالبہ کرتے ہیں کہ لطیف بلوچ کے قتل کی شفاف اور غیرجانبدارانہ تحقیقات کرکے مجرموں کو کیفرکردار تک پہنچایا جائے۔

بی ایس او مستونگ زون کے آرگنائزر وقاص بلوچ اور ڈسٹرکٹ بار ایسوسی ایشن مستونگ کے جنرل سیکرٹری عطااللہ بلوچ ایڈوکیٹ سمیت دیگر نوجوانوں کی اغواء نما گرفتاری اور جبری گمشدگی بنیادی انسانی حقوق کی سنگین خلاف ورزی ہے۔ پرامن طلبہ سیاسی کارکنان اور آئین و قانون کی عملداری کی جدوجہد کرنے والے وکلاء کی جبری گمشدگی بلوچستان میں انسانی حقوق کی مخدوش صورتحال کی نشاندہی کرتا ہے۔ بلوچستان میں لاقانونیت کی بڑی وجہ خود قانون نافذ کرنے والوں کے ماورائے آئین و قانون اقدامات ہیں جس کے باعث بلوچ عوام اور ریاست کے درمیان خلیج میں اضافہ ہوتا جارہا ہے۔ ہم پرزور مطالبہ کرتے ہیں کہ وقاص بلوچ اور عطااللہ بلوچ سمیت تمام جبری گمشدہ افراد کو بازیاب کیا جائے اور بلوچستان میں دہائیوں سے جاری جبری گمشدگیوں کا سلسلہ بند کیا جائے۔

خضدار میں اسکول بس پر اندوہناک حملے کے نتیجے میں معصوم بچوں کی شہادت نہایت دلخراش اور غیرانسانی عمل ہے جس کی شدید الفاظ میں مذمت کرتے ہیں۔ ایسے واقعات بنیادی انسانی، اسلامی اور بلوچی اقدار اور روایت کے سراسر منافی ہیں۔ چند ماہ قبل ہی مستونگ میں ایک دھماکے میں پانچ بچے شہید ہوئے تھے اور اب مختصر عرصے میں دوسرے دردناک واقعہ کا رونما ہونا بلوچستان میں امن و امان کی مخدوش صورتحال اور بڑھتے عدم تحفظ کی عکاسی کرتا ہے جس کے باعث اب سکول جانے والے معصوم بچے بھی محفوظ نہیں۔ غم کی اس گھڑی میں ہم شہید بچوں کے لواحقین کے غم میں شریک اور زخمیوں کی جلد صحتیابی کےلیے دعاگو ہیں۔

یکم مئی کا تاریخی دن مزدوروں کے حقوق کی جدوجہد کے تجدید عہد کا دن ہے۔ اس دن کی مناسبت سے محنت کشوں کی خدمات، قربانیوں اور جدوجہد کو خراج تحسین پیش کرتا ہوں۔ بدقسمتی سے پاکستان میں ریاستی نظام پر اشرافیہ کا غلبہ ہے جس کے باعث محکوم اقوام اور محروم طبقات کو بدترین استحصال کا سامنا ہے۔ بلوچستان میں حکمرانوں کی استحصالی پالیسیوں کے سبب زراعت، ماہیگیری، کانکنی، سرحدی تجارت اور خدمات سمیت ہر شعبہ تباہی کے دہانے پر پہنچ چکا ہے۔ نیشنل پارٹی ہر قسم کے استحصال کے خاتمے اور سماجی انصاف کی علمبردار ہے اور ہم محنت کش اور پسماندہ طبقات کی فلاح و بہبود اور انہیں بااختیار بنانے کی جدوجہد جاری رکھیں گے۔

بلاشبہ گوادر صدیوں سے بلوچوں کے آباءواجداد کی ملکیت رہا ہے اور بلوچوں نے ہی پرتگیزی سمیت ہر سامراجی اور توسیع پسند طاقت کیخلاف مزاحمت کرکے اپنی ملکیت کا دفاع کیا ہے۔ گوادر جب عمان کے زیرانتظام تھا تب بھی بلوچوں کی ہی ملکیت تھا۔ 1958 میں حکومت پاکستان نے بھی بلوچوں کی ملکیت اور ریاست قلات کی حاکمیت کے تاریخی دعوے کی بنیاد پر ہی گوادر کو واپس حاصل کیا۔ لہذا اس حوالے سے کوئی ابہام نہیں ہونا چاہیئے کہ گوادر بلوچ قوم کی ملکیت اور میراث ہے۔ اسلام آباد میں بیٹھے ذمہ دار اور غیرذمہ دار حضرات سے عرض ہے کہ خوش قسمتی سے وہ گوادر کو سوئی کی گیس اور چاغی کے سونے و تانبے کی طرح نکال کر تو نہیں لے جاسکتے مگر پھر بھی سی پیک کی صورت میں گوادر کے نام پر بھرپور بیرونی سرمایہ تو بٹور ہی رہے ہیں۔ اس کے باوجود ایسی غیرذمہ دارانہ بیان بازی اور بیانیہ سازی سے زمینی حقائق تو تبدیل نہیں ہوں گے البتہ گوادر میں بلوچوں کے مستقبل اور اسلام آباد کی نیت سے متعلق بلوچستان میں پائے جانے والے خدشات میں اضافہ ضرور ہوگا۔

سینیٹر تاج حیدر کے انتقال کا سن کر دلی افسوس اور دکھ ہوا۔ وہ ایک بااصول، نظریاتی اور کہنہ مشق سیاسی رہنماء تھے۔ جمہوریت، آئین کی حکمرانی اور انسانی حقوق سے متعلق ان کا موقف غیرمتزلزل رہا اور انہوں نے ہمیشہ ملک بھر کے مظلوموں، محروموں اور محکوموں کی حمایت اور انکے حقوق کا دفاع کیا۔ وہ ذاتی طور پر بھی نہایت شفیق، ملنسار، مخلص اور شائستہ شخصیت کے حامل تھے۔ ان کا انتقال نہ صرف ان کی پارٹی اور سندھ بلکہ پورے ملک کے محکوموں و محروموں اور ترقی پسند و عوامی سیاست کرنے والے کارکنوں کا اجتماعی نقصان ہے۔ اللہ تعالیٰ ان کی مغفرت فرمائے اور ان کے اہلخانہ کو صبر عطا کرے۔

کوئٹہ میں لاپتہ افراد کےلواحقین کے احتجاج پر فائرنگ، شیلنگ، لاٹھی چارج اور اس کے نتیجے میں مظاہرین کے جاں بحق اور زخمی ہونے کی شدید مذمت کرتے ہیں۔ پرامن جمہوری احتجاج کو کچلنے کےلیے نہتے شہریوں پر بےدریغ تشدد بدترین فسطائیت ہے۔ بلوچستان کے طول و عرض میں جبری گمشدگیاں روز کا معمول بن گئی ہیں جس کے باعث متاثرہ خاندان احتجاج پر مجبور ہیں مگر حکمران لاپتہ افراد کی بازیابی کے بجائے لواحقین سے احتجاج کا آئینی و جمہوری حق بھی طاقت اور تشدد کے زور پر چھیننا چاہتے ہیں۔ ریاست کے کلیدی نمائندہ آئینی و جمہوری اداروں کو برائے فروخت کٹھ پتلیاں بنا کر عوام کو نظام سے مایوس کردیا گیا اور اب نہتے مظاہرین پر تشدد کے زریعے نوجوانوں کو پرامن جمہوری جدوجہد سے مایوس کرکے انتہا کی طرف دھکیلنے کی سازش کی جارہی ہے۔ حکمران مسلسل ایسے اقدامات کے زریعے جلتی پر تیل چھڑک کر خود بالواستہ طور پر تشدد اور شدت پسندی کی سہولت کاری کر رہے ہیں جو نہایت تشویشناک رجحان ہے۔ بلوچستان میں جبری گمشدگیوں سمیت دیگر دیرینہ مسائل کے حل کےلیے سنجیدہ اور مخلصانہ ڈائیلاگ کی ضرورت ہے مگر اس کے برعکس حکمران بنیادی حقوق کی پامالی، تشدد، فاصلوں اور نفرتوں میں اضافہ کرکے بلوچ عوام کو مزید بیگانگی کی طرف دھکیل رہے ہیں۔

نیشنل پارٹی کے رکن آصف کریم کھیتران کو لاپتہ کرنا اور کوئٹہ میں پارٹی کے سینئر رہنما کامریڈ غفار بلوچ کے گھر پر چھاپہ بلوچستان میں جاری جابرانہ پالیسیوں کا تسلسل ہے۔ آصف کھیتران کو مسلسل ہراساں کرنے کے بعد جبری طور پر لاپتہ کیا گیا ہے جبکہ غفار قمبرانی کو مختلف طریقوں سے ہراساں کرنے کی کوشش کی جارہی ہے۔ بلوچستان میں اختلاف رائے کو دبانے کے لیے سیاسی کارکنوں کو ہراسانی اور جبری گمشدگی کے ذریعے خاموش کرانے کی کوشش کی جارہی ہے۔ ان منفی پالیسیوں کے باعث نفرت اورتشدد میں مزید اضافہ ہو رہا ہے مگر حکمرانوں نے قانون کی عملداری کی بجائے ماورائے آئین اقدامات کا سلسلہ تیز کردیا ہے۔ آصف کھیتران سمیت تمام لاپتہ افراد کو بازیاب اور سیاسی کارکنوں کی ہراسانی کا سلسلہ بند کرکے قانون کی پاسداری یقینی بنانے کی ضرورت ہے اس کے بغیر قیام امن ممکن نہیں۔

متحرک صحافی اور نیشنل پارٹی کے رکن آصف کریم کھیتران کو مسلسل ہراساں کرنے کے بعد اب جبری طور پر لاپتہ کردیا گیا ہے۔ یہ اقدام بلوچستان میں دہائیوں سے جاری جابرانہ روش کی آئینہ دار ہے جس کے تحت اختلاف رکھنے والوں کی ہراسگی اور جبری گمشدگی کے زریعے زبان بندی کی کوشش کی جاتی ہے۔ اس پالیسی کے باعث نفرتوں اور تشدد میں سنگین اضافہ ہوا ہے مگر حکمرانوں نے قانون کی عملداری کے بجائے ماورائے آئین اقدامات کا سلسلہ جاری رکھا ہوا ہے۔ آصف کریم سمیت دیگر لاپتہ افراد کو فوری طور پر بازیاب کیا جائے۔

On this joyous occasion of Christmas, we extend our heartfelt greetings to our Christian brothers and sisters. May this season bring peace, love, and prosperity to all. Wishing you a blessed Christmas!.