Mohamad Ghamlouch (The Original)

عم بشرب قهوة مع ستي، وستي بتقول انو اسرائيل ىثىرموطة.. وستي ما بتقول شي غلط.

لم أكترث يوماً بمساحة الـ10,452 كيلومتراً مربعاً، بل كان همّي دوماً، ولا يزال، الحفاظ على نمط عيشي ضمن المساحة التي أعيش فيها. موقف شخصي...

واضح الدولة متحالفة مع إسرائيل لقتل أهل الجنوب. وبعدين؟

الجيش الاسرائيلي واصل عمليات الهدم والتخريب في بلدة دبل الحدودية حيث اقدم على جرف الواح الطاقات الشمسية التي تغذي البلدة بالكهرباء ومحطة المياه اضافة إلى بعض المنازل والطرقات وأشجار الزيتون

صار من الضروري تفكيك سرديات الممانعة الكاذبة عند كل حدث، بهدف الهروب من مسؤوليتها كل مرة وتحويل النقمة عالدولة. بموضوع الصحفية أمل الخليل يلي حمّلت الممانعة وزرها للدولة اللبنانية على قاعدة انو الدولة بقيت ٧ ساعات مش قادرة تطلعها من تحت الأنقاض... - اولاً، المسؤولية بتوقع ع جريدة الأخبار يلي قبلت انو صحافية تروح بعد الخط الأصفر، بمنطقة تحت التهديد الإسرائيلي. - تانياً، ما حدا يتذرع بوقف إطلاق النار لإن إسرائيل موضحة انو في خط اصفر ممنوع تجاوزه. وما حدا غير الممانعة اشاد بالاتفاق ع قاعدة انو السفير الإيراني جابو. موفقين فعلاً بإيران وبالسفير وبالإتفاق. - تالتاً، وين حزب الله يلي هو المفروض مسيطر عالجنوب ومش قبلان بالجيش ونازل قتل بل UNIFIL يأمن انو الناس ما تروح ع هيك مناطق خطرة؟ إسرائيل عدو مش شغلتها تحمي اللبنانيين. انتو يلي المفروض تحموهم. - رابعاً، في تنين شباب لحزب الله ما حدا عم يحكي فيهم كانوا مع أمل وزميلتها وكانوا اول هدف عند الإسرائيلي وتوفّوا بعد اول غارة. - خامساً، اخدت أمل إذن من الجيش او من أي جهاز بالدولة قبل ما تروح على هالمنطقة، كرمال الدولة تكون مسؤولة عنها؟ - سادساً، عملياً شو كان مطلوب من الدولة تعمل؟ تبعت الدفاع المدني أو الصليب الأحمر غصباً عنن عالمنطقة يروحوا يموتوا متل ما ماتوا يلي قبلن؟! شو من كون استفدنا؟ - سابعاً، الدولة عملت المطلوب منها وتواصلت مع الميكانيزم يلي هو الآلية المعتمدة بموافقة حزب الله بعد اتفاق وقف إطلاق النار سنة 2024. وبعدو لليوم نبيه بري بقول ما بدنا اي تنسيق مع إسرائيل إلا من خلال الميكانيزم. - ثامناً، يلي مش عاجبو انو الدولة نطرت موافقة إسرائيل ينزل هو وما ينطر. ليه ما خاطروا شباب الحزب بحياتن ت يخلصوا أمل؟ خصوصاً انو هي ما نصابت غير فداهم. - تاسعاً، بقي هاشم صفي الدين تحت الركام مش 7 ساعات، بقي 3 جماع، يعني 500 ساعة. ومش بالجنوب، بنص دين الضاحية. ومع ذلك ما استرجى حدا يقرب قبل ما إسرائيل سمحت. عن جد إلكُن عين تحكوا؟! - عاشراً، كل هالشحار والتعتير ما صار غير من ورا حروبكم الغبية لمصلحة ايران يلي الدولة أصلاً مش موافقة عليها. وجايين اليوم عم تنتقدوا الدولة وتلبسوها وفاة أمل الخليل من كل عقلكم؟! ع كل حال الله يرحم أمل وغيرها من جنونكم ومغامراتكم. أنا كنت تابعها مع اني ضد مواقفها بالسياسة لإن كانت تحب الحيوانات وتعطف عليهم وين ما تكون بالجنوب. 🙏

الرئيس جوزاف عون يلتقي في هذه الأثناء الرئيس الفرنسي ايمانويل ماكرون قبيل افتتاح القمة الأوروبية غير الرسمية في نيقوسيا