مـساعـد بن خـالد

مرساك صدري لو تضيق المراسي قلب عطاك الحب من غير منّه

من لذّة الطعنة عرفت ايدك وانا ماشفتها

ليت مافي العمر تلويحه كفوف لا فراق ولا وداع ولا سفر وليت ما يعوق الوصل اية ظروف لا مسافة ولا اختلاف ولا عذر

سرى ليلي ياعادل الميل ولا بقى من لذيذ النوم لي باقي

تمهل بالسوالف شوفني عقب صوتك زنت تجمل وأردف الموضوع الأول واحدٍ ثاني وش أزين من حديثك مَابه أزين منه إلا أنت تجمعتوا على قلبٍ خلي وصار ملياني

كثر ما سرح قلبي بحلمٍ ماهو مكتوب كثر ما تعدته الليالي وهو ناطر ماعاد احتمل زلة رفيق وخطا محبوب ولا افرح لغيم ولا اتشفّق على ماطر

المواصل شي عادي والمفارق عادي كل ماودّعت غالي .. جاني اغلى منه

ماعاد يرضيني وفا ولا يزعلني جفا متساوي في خاطري ظلم العرب وانصافها

ليت القدر لا جمّع الناس بالناس يجمع قلوب الناس كلٍ وطبعه ما يستوي الألماس في جنبه نحاس ولا يروي الصافي سوى عذب نبعه

أنت وصالكّ ذنب و مفارقك مـوت وأنا مابين الذنب... والموت واقف

لا تحزن على اللي لا سكت ما خذا له وقت مير أحزن على اللي لا سكت طوّل سكاته

عطـيته شمـس ماتغـرب ولا بيّـن بعـينه النـور

أنا من وين ما أوجّه تصادف خطوتي طرياك ولا أدري ليه ما فادت مع أفكاري معاذيري على كثر الدروب اللي تودي لك عجزت ألقاك تعبت اتبع سرابك لين ملّتني مشاويري

إتـفقنا بالمـواجع وإخـتلفنا بالمـصير

من يحبّ المطر يشتاق شوف السحاب وانت وصلك سحاب وشوف وجهَك مطر

والله ان القلب باقي على العهد القديم من وفاه .يحسب كل المخاليق أوفيا قد خذيت من الليالي جروح فالصميم كثر ما اخذت من يدينى حبايب واخويا

انا عبدك اللي يحتويه الرجا والخوف يقصر ويستغفر اليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره

الى متى ياجرح ياقلبي بتوجع  الى متى والصبر ماله معك حد الى متى ما للخطا عذر مقنع الى متى هالاسئله مالها رد

كل ما بغيت أسامحك ينتخي بي جرحٍ .... يلوذ في وجه الكرامة و أعيي