Mihir

आगामी मान्सूनच्या पार्श्वभूमीवर मुसळधार पावसादरम्यान नागरिकांना अधिक सुरक्षित रस्ते, सुरळीत वाहतूक आणि जलद आपत्कालीन सुविधा उपलब्ध व्हावी यासाठी एमएमआरडीएने मेट्रो मार्ग आणि विविध पायाभूत सुविधा प्रकल्पांमध्ये व्यापक, बहुपातळी मान्सून पूर्वतयारी यंत्रणा सक्रिय केली आहे. मान्सून काळात अखंडित नागरी वाहतूक, बांधकाम सुरक्षा, जलनिस्सारण व्यवस्थापन आणि आपत्कालीन प्रतिसादाचे महत्त्व लक्षात घेऊन, एमएमआरडीएने कंत्राटदार, सल्लागार आणि अंमलबजावणी संस्थांवर कठोर कार्यात्मक जबाबदारी निश्चित केली आहे. यासाठी कडक मानक कार्यपद्धती (SOPs), साइट-स्तरीय निरीक्षण व्यवस्था आणि संरचित अनुपालन यंत्रणा लागू करण्यात आली आहे. याअंतर्गत मेट्रो आणि अभियांत्रिकी कामे करणाऱ्या सर्व कंत्राटदारांना निर्धारित वेळेनुसार अनिवार्य “साइट-विशिष्ट मान्सून पूर्वतयारी योजना” (SMPP) सादर करण्याचे निर्देश दिले आहेत. या योजनांमध्ये ड्रेनेज व्यवस्था अधिक सक्षम करणे, आपत्कालीन पथके तैनात करणे, कामगार सुरक्षा, प्रकल्प स्थळांवरील सुरक्षा वाढवणे आणि २४x७ देखरेख ठेवण्याचे निर्देश देण्यात आले आहेत. मान्सून पूर्वतयारीच्या दृष्टीने कडक कार्यपद्धती मानकांचे काटेकोर पालन अपेक्षित असून नियमांचे उल्लंघन करणाऱ्या कंत्राटदारांवर करारानुसार कठोर कारवाई करण्यात येईल. (१/२)