Meshari

اللهم لك الحمد حمدًا طيبًا كثيرًا مباركًا فيه، بعد 3 سنوات من التطوير، أُعلن اليوم تأسيس الشركة رسميًا في القطاع الصناعي في وقت كثير يهرب منه ويتجه للتقنية، اخترنا الطريق الصعب… نصنع بدل ما نستورد. وشكر خاص للمحاسب @NdrAlGhamdi على نصايحه ودعمه الشخصي اللي ساعدني أثق بخطوتي الأولى 🙏🏻 والمرحلة الجاية؟ برامج، شراكات، ومستثمرين يؤمنون بالصناعة فعلاً. الكل يتكلم عن “التحول الرقمي”، بس وين “التحول الصناعي”؟ وش فايدة ألف تطبيق إذا كل منتج نستخدمه جاي من برّا؟ الصناعة ما تعطيك نتائج فورية، ولا لايكات، ولا تصدّر ترند. بس تعطيك شي أهم: استقلال، أمان اقتصادي، ومنتج تقدر تقول عنه “صنع هنا”. 🇸🇦 السوق الصناعي مو ناقص أفكار، ناقص ناس تصبر وتشتغل. اللي ينتظر “دعم” قبل ما يبدأ، عمره ما بيبدأ. واللي يبدأ فعلاً… الدعم هو اللي بيلحقه. الناس تتفاخر إنها تشتغل في شركات تقنية، بس قليل يتفاخر إنه “يبني مصانع”. مع إن اللي يصنع الأساس، هو اللي يتحكم بالباقي. الصناعة ما فيها وعود براقة ولا عروض انبهار. فيها تعب يومي، مراقبة دقيقة، وأرقام تكلفك أعصابك. بس النهاية؟ منتج يُمسك باليد، واسم يُحفر في السوق. ما نبي نصنع منتج وبس، نبي نصنع فكرة جديدة عن وش تعني “الصناعة” اليوم. وإذا كثير يراهنون على التطبيقات، حنا نراهن على العمل الحقيقي والإنتاج اللي يُلمس. 💥

@iam_Leen1 ههههههههههه تعتمد

بنيت AI Agent كمساعد شخصي لي، يذكرني بالمواعيد ، وإذا ما رديت عليه يدق علي ويقول لي قصيدة 🤣🫡

شوفة عينكم كل الي علي ارسله /run وصل الله وبارك حتى لو فيه سؤال يحتاج مني اكتب له اجابة يرسلي على الخاص يسألني وش الجواب ويحفظه عنده ولو ماجاوبته بحكم ان الي شغال Agent محترم (شغلي) راح يجاوب بناءًا على حسابك والcv حقك بنفسه

طبعًا الي قاعد اسويه بحياتي حاليًا برمجة ثم برمجة ثم برمجة وصلت لمرحلة خيالية في تطوير الـAi Agents كل شي صار عندي مؤتمت ومن اكثر الاشياء الي انصدمت من قوتها هي بوتات التيليقرام صرت اربط البوت الي ابرمجه بالسيرفر حقي واربطه على بوت واخلص كل اشغالي من هناك وصلت لمرحلة حتى تقديم وظائف على لينكد ان ما اسويها خير شر البوت والAi يسوونها عني وانا راقد

بعد استقالة دامت شهرين هذي بعض المزايا والعيوب الي عشتها: المزايا: تنام وتقوم وقت ماتبي وهذا بحد ذاته شعور ممتع (مؤقتًا) تشتغل على مشاريعك الخاصة بالوقت والمكان الي تبيه ترتاح من ضغوط العمل والمشاكل بالشركات العيوب: بعض الايام تمل من روتين انك تملك وقتك بالكامل ( اذا ماكان عندك مشروع تشتغل عليه) اوقات تشتاق لوجع الراس من الدوام والي فيه

انا رجعت اذا مهتمين يعني ✋🏻

ماشاءالله تبارك الرحمن! والله الي سوته @Cranlcom فخر اعتبروني عميلكم الاول ولا عزاء للأجانب,

قدمت استقالتي وضحيت بكامل حقوقي عندهم الي تقارب سنتين بسبب وعود كاذبة وعلى الرغم من انها شركة كبيرة شي غريب صراحة

عندي مشكلة بالوقت اشتغل حاليًا على مشروعين ومتجرين الكترونية و3 مشاريع مسويها عشان المرونة البرمجية والتطوير ماودي بعد ما ارجع الرياض اقعد اسبوع اتذكر كيف كنت اشتغل قبل 😅 ووصلت لحل الي هو: اسوي اوتوميشن للكاليندر مربوط بالذكاء الاصطناعي بحيث يرتبها اني اخلص اجزاء متساوية لكل مشروع ويراقب ادائي خلال الاسبوع ويسجل لي مهام اضافية بحيث مايكون فيه تعارض مع باقي الجدول يعتبر شي بسيط اخلصه بساعه ولا ساعتين وان شاءالله انضبط بس 😂

اعشق اداة @raycast على كثر ماتختصر علي

@ZyllHamood جميل ماشاءالله 👏🏻

لمحة سريعة على اخر 3 مواقع بورتفوليو (ملف اعمال) اشتغلت عليها 🔥

وانا شغال على برمجة منصة الالعاب، فكرت اسوي نفس @SeenJeemSA @mkhmkhsa الفكرة جدًا بسيطه لكن التعقيد كله في بنك الاسئلة 😂 صراحة اهنيهم على تجميع الاسئلة وترتيبها بالصعوبات وعلى فريقهم الي يختار الاسئلة فعلًا شي صعب وياخذ وقت لكن مين يدري؟ يمكن مع الوقت اسوي شي مقارب لهم..

@yousefrol صدقت، مع اني متعود عليها لكن صارلي فترة قاطعها وكانت رجعة جميله فيها ذكريات

@MshAlbogami دايم مبدع 🫡🤍 حلو انك تستكشف الـSDKs اللي عند المنصات مثل دسكورد وتلقرام... فعلًا مثيرة للاهتمام

مع سدحتي وفضاوة الوقت، صرت اتكي مع اخوياي بالدسكورد كثير ما ادري وش طرى الفكرة براسي، بس قلت خل اسوي موقع العاب خاص فينا ومربوط بالدسكورد تلقائي بدل الالعاب التافهه حقت البوتات روليت والطقه ماهو الشي الواو الي انزله لكم هنا لكن شي جميل اني ربطت اكثر من نظام وخلصت منصة العاب كامله بيومين فقط

@AmmarHumush الشر مايجيك، الله يسلمك

@MshAlbogami ما تشوف شر وتقوم بالسلامة.

قدر الله وماشاء فعل، صار لي حادث تسبب بكسر قدمي والحمدلله خلصت مراجعات المستشفى والامور بسيطه بحول الله خطة علاج خلال 4-6 اسابيع دائمًا وابدًا شوف الجانب المشرق بالمصائب حتى لو ما تشوفها فعليًا، من الساعة الاولى حمدت الله ان هذي المصيبة والالم راح تكفر عني ذنوب كثيره عند الله - كونك شخص مسلم هذا الشي يخليك تستشعر وجود واهتمام الله فيك مهما كانت الاقدار سواءًا تحبها او تكرها، انت مجرد انسان ماتعلم الغيب الله وحده سبحانه الي يعلم الخيره وين فالحمدلله دائمًا وأبدًا

@Sulimanmu_ الله يسلمك، اللهم آمين

@MshAlbogami الحمد لله ع سلامتك ، والله يقومك بالسلامه

@abdulrahmanway الله يسلمك، اللهم آمين

@MshAlbogami الحمد لله على سلامتك أخي مشاري لا بأس عليك عسى الله يجمع لك بين الأجر والعافية

@riyadxz الشر مايجيك والحمدلله راضين

@MshAlbogami الحمدلله على كل حال، ماتشوف الشر وتقوم بالسلامة

@SultanAlsafran الله يعافيك ❤️

@MshAlbogami قدامك العافية يا رب

@yousefrol الشر مايجيك يابعد قلبي يايوسف

@MshAlbogami ما تشوف شر، وقدامك العافية ما ينخاف عليك، من يومك أسد 🫡