x

كت تويت | Quote tweet حط أفتار أفضل مغرد بالنسبة لك

🚨🚨🚨🚨🚨 عاااااااااااااااااااااااااااااااااااااااجل: انتهى الأمر.. ❌ نوح درويش لن يمثل المنتخب العراقي 🇮🇶 في كأس العالم 2026، بسبب أرتباطه مع منتخب ألمانيا 🇩🇪 الأولمبي. والد اللاعب لعب دور حاسم بتعطيل المحادثات مع الأتحاد العراقي. .

ما دام المغتربين حول العالم قاعدين يقتبسون تغريدته اللي تحت ويقولون قصص من تغربهم، بشارك معكم احدى القصص اللي خلتني أحب اهل المغرب كلهم 🇲🇦 كنت ادرس على حسابي والحياة صعبة، أحيانًا القى شغلات بمقابل كاش واحيانًا لا انتقلت لسكن جديد انا وزميل دراسة والنيّة نطبخ سوا ونجتمع مع الأصدقاء وماشابه بدلًا من العيش مع العوائل الامريكية الشقة اللي لقيناها كانت صاحبتها بنت اصولها مغربية .. وكانت الشقة أساسًا لأم هذي البنت، لكن الام وهي كذلك مغربية توفيت قبل سنة من انتقالنا للسكن في شقتها قابلنا البنت واتفقنا نروح معها نشوف شقة امها ويوم وصلنا عند الباب رفضت البنت تدخل معنا .. قالت اخاف لو أدخل اشوف ذكريات امي وأبكي، بس ابيكم تاخذون اي شي تبونه من حاجياتها وترمون اللي ما يعجبكم دخلنا للشقة وكان فيها شوية غبار على الأرفف والأسطح والصور المعلقة، وكانت كل أغراض العجوز باقية بما فيها بقايا الاكل بالثلاجة والاثاث والفرش وغيره دخلت أنا وصاحبي ورتبنا كل شيء وشلنا اكلها اللي بالثلاجة ورميناه بالخارج، ولقيت من ضمن الأغراض صور لها وصور عائلية قديمة .. أذكر اني كنت اشعر بعدم إرتياح لوجود صور أموات وانا نايم، ولذلك رحت للمخزن الصغير وحطيت كل الصور فيه، واذكر اني قلبتهم وجعلت وجيههم على الأرض ما ادري ليه كل شي رتبناه الا حاجة وحده، وهالحاجة كانت قلما تجد مثلها في أمريكا وهي كيسين كبار من الطحين واحد ابيض وواحد اسمر، مثل الأخياش استغربت يوم شفت الطحين لأن مو من عادة الامريكان يتركون اكياس طحين ضخمة زي كذا، لكن هذي العجوز واضح اها قبل تموت كانت مرتبطة بثقافتها ما قدرت انا وصديقي نشيل الأكياس لأنها كانت ثقيله وحنا تعبانين من النقل وكسولين، ولذلك قررنا نتركها بمكانها بالمطبخ كانت فلوسي قليلة وأحاول بكل ما آتاني الله من قوة اني ما اطلب من احد شي، لأني من طلعت من السعودية كنت راسم خطة كاملة للهجرة وودي قدر المستطاع ما آخذ ريال من احد حتى الفلوس اللي طلعت لأمريكا فيها كانت من عرق جبيني، بعضها كانت من تجاربتي ببيع الخضار والفواكه والتمور عند المساجد وغيره، وبعضها من فلوس اقترضتها .. في أمريكا كان العمل ممنوع علي لأني طالب وإيجاد عمل يعطي كاش بالساعة من تحت الطاولة صعب، أحيانا ألقى عمل من هالنوع وأحيانًا لا وبكل الاحوال الوضع مهو مستدام .. ولذلك فلوسي بدت تقل شيئًا فشيئًا وانا باقي ما التحقت بالبعثة صديقي اللي سكنت معه كنت انا وياه نقط او نجمع فلوسنا عشان نشتري مقاضي وانا اطبخ لان الطبخ هوايتي، ويوم يجتمعون أصدقائنا ياكلون معنا اذا زارونا .. جلسنا كذا فترة لين بدت تقضي فلوسي وما عدت اقدر اقط معه بالمقاضي، ولعلي لاحظت انه بدأ ياكل برى البيت ويطلع خفيةً بدون ما يقول لي هالشي كسر خاطري وانا انسان مافيه شي اكرهه بهذي الحياة اكثر من الخذلان وإنكسار الكرامة .. هالحاجتين اكرههم كره الموت بديت اطفر واجوع ولا ودي اصرف الفلوس القليلة اللي معي لأنها قيمة المعهد اللي يطلب مني شهريًا 350 دولار .. ولا ودي بعد كل هالشقاء والتعب استسلم وارجع وتموت احلامي فجأة تذكرت الطحين ! كنت ناسي سالفة الطحين ولا خطر ببالي لكن بمجرد ما طرى ببالي رحت ولقيت الاكياس موجودة بالطبخ وشعوري وقتها كأني حصلت على كنز عظيم تواصلت مع صديق طفولتي وسألته: "هل الطحين ينتهي تاريخه؟ انا انتقلت لسكن وفيه طحين له سنه او سنتين وكذا وكذا، تتوقع عادي اقدر آكل منه؟" قال لي لا ما ينتهي بس اهم شي تأكد ان ما فيه حشرات او فطريات او ما شابه، وشيكت عليه ولقيت الوضع تمام صرت يوميًا آخذ من هذا الطحين واخلطه بماء البزبوز بدون حتى فلتر، واسوي منه عجين بدون لا خميرة ولا سكر ولا يحزنون ثم احطه بالفرن وأول ما يطلع آكله .. كان عندي بودرة بروتين شاريها يوم الاحوال زينه، صرت اخلطها مع الطحين واحطها داخل العجين عشان العب على بطني يقال لي اني اكلت لحم 😂 لاحقًا حل موعد الايجار وجت البنت "بنت العجوز المتوفاة" ومعها ولدها من زوجها الامريكي شرحت لها الموضوع وكانت بالبداية رافضه بشكل قاطع وتبي الفلوس او الخروج، لكن لعلها فجأة هدأت وسألتني عن حياتي وكيف قاعد أعيش وشرحت لها كل شيء شرحت لها اني كنت آكل من طحين امها اللي تركته قبل تموت واني اشرب من ماء البزبوز وما ان انتهيت من الكلام الا لقيتها انهارت باكية وطلبت من ولدها الصغير انه يروح للسيارة كنت مصدوم وش فيها قاعده تصيح؟ انا حرفيًا متعود على حياة الشقاء سألتها ليه تبكين؟ قالت لي ان هذي الايام اللي انت تمر فيها تشبه القصص اللي كانت امي تقولها لنا عن حالها اول ما انتقلت الى امريكا، وكونك تاكل من طحين امي عشان تنجو خلاني اتأثر .. سولفنا انا وهي لوقت طويل حتى تعبت من الوقوف بالبلكونه، وعرفت هي من السوالف تفاصيل كثيرة عن حياتي وتجاربي لان السوالف جرت بعض، لين فجأة قالت: انا عفوت عنك في الايجار للشهرين المقبلين لين تزين امورك. شعوري حينها مقدر اوصفه، شعرت بتنميل في كل انحاء جسمي وفي عمودي الفقري كنت اخشى ان حلمي اللي اسعى له بيتدمر، وأنا ما اقدر اتخيل اي مسار للحياة غير اللي رسمته لنفسي، ولا انوي اني ارجع لنقطة الصفر .. سمعتها يوم عفت عني بالإيجار وشعرت انها أنقذت حلمي، وحمل كبير فوق عاتقي طاح لدرجة اني نسيت الجوع ونسيت بطني اللي نشف من الطحين وشعرت بسعادة غامرة لا توصف .. ودعتني البنت وراحت ثم دخلت أنا دخلت للشقة وبيني وبين نفسي اقول ما بقى لي مشكلة الا الأكل والاكل بسيط .. ما بين هالطحين والتمشية في كوسكو وتجربة الأكل حق العروض والتذوّق، لأني كنت احيانا اروح لعروض التذوّق واسوي نفسي بتذوق قبل اشتري ما يدرون ان نيتي آكل هههههه بعد تقريبًا ساعة من خروج البنت، طق باب الشقة وفتحت .. لقيت البنت جاية هي وولدها محملين معهم كروتنين عصائر وبساكيت ودجاج واكل من كل ما لذ وطاب .. قالت هذي هدية مني لك ولولا انها انسانه طاهرة ونظيفة وقلبها خالي من المن والأذى لما قبلت، ولكن طيبتها وحاجتي خلوني اقبل فترة قصيرة ثم زانت الامور وتعدلت ولله الحمد لين التحقت بالبعثة ثم كملت اللغة والبكالوريوس وتخرجت وعملت 3 سنوات في امريكا كمهندس ثم انتقلت الى كندا وعملت كمهندس أيضًا والان اكمل الماجستير بمجالي البحثي .. وما بين هذي الفترات قصص كثيرة بعضها يروى وبعضها لا يروى، بس الاكيد ان هذي الحياة مليانه ملائكة أطهار يخلون حياتنا أسهل .. وهذي المغربية لا شك عندي انها من هالملائكة الطيبين الله يكثرهم، وببقى ممنون لها لين اموت