Muhoozi

Wabaddewo n'okulambula omwoleso ogulaga ebimu ku byafaayo bya Ham Mukasa

Omusomo gw'okujjukira Owek. Ham Mukasa ku Makerere University. Kangaawo, Owek. Dr. Ronald Mulondo y'akiikiridde Katikkiro mu musomo ogutegekeddwa okujjukira Ham Mukasa, omusajja eyetooloorerwako ebyafaayo ebingi ddala. Ono yaliko Ssekiboobo (Omwami w'Essaza Kyaggwe), era yaliko Omuwandiisi wa Katikkiro Apollo Kaggwa. Owek. Mulondo ategeezeza nti enkulaakulana y'Ensi yonna, esinziira mu byafaayo by'abantu abaasookawo, naye ne Hamu nga bwe lyamukazibwako agwira ddala mu katiba k'Abazira ennyo abatusooka abayimbibwako mu Kitiibwa Kya Buganda. Owek. Mulondo agamba nti Ham Mukasa ajjukirwa nnyo nti bwe yakyalako e Bungereza ng'ali ne Mukama we Apollo Kaggwa, yegomba enkulaakulana gye yasanga eyo, era bwe yadda n'awandiika ekitabo kw'ebyo bye yalaba ate n'atandika n'okuwa ebirowoozo eby'enjawulo era ebyavaamu ebibala. "Ham Mukasa yateesa wazimbibwewo amasomero g'abaana abawala era ebiseera ebyo Gayaza Junior School n'etandikibwawo, kati eyitibwa Gayaza High School, ono n'ateesa wabeewo essomero eritendeka abaana ba Kabaka n'aba Abaami era kino kye kyavaamu King's College Budo" Owek. Mulondo. Owek. Mulondo era ategeezeza nti ono yali musaale mu kuddizibwawo kwa Lutikko y'e Namirembe bwe yakwata omuliro, ate newankubadde okusoma kwe tekumanyiddwa nnyo kiri awo, naye yawandiika ebitabo bingi ebyali byoleka Obuganda nti Nsi yali etambulira ku misinde gya waggulu ddala, kale nga n'abantu ba Buganda baalina okuzuukuka okubaako bye bakola okugenda mu maaso. Owek. Mulondo asinzidde wano n'akubiriza abantu okuwandiika ebitabo omuterekebwa amagezi agayamba ate emirembe egiddako okumanya ebyaliwo n'okwefumiitiriza ku biseera by'omumaaso eby'ensi. Ono yebazizza aba Ssettendekero y'e Makerere olw'enteekateeka y'okujjukira Hamu. Muzzukulu wa Hamu Mukasa, James Galabuzi Mukasa y'abadde omusomesa omukulu ku byafaayo bya Jjajja we. Ba ssaabayigisa, abayigisa n'abayizi ab'enjawulo wamu n'abantu abalala beetabye mu musomo guno.

I write in *Surrounded* that African intelligentsia & political elite – high on western liberal ideals – are presently in "political-intellectual quagmire." Those notions around which we imagined our futures – democracy, intl. law, sovereignty, human rights – have all been exposed as subjective tools of empire. Even the western liberal intellectual community – find themselves at a loss. We'll definitely need to look elsewhere.