NDM Khyber Pakhtunkhwa

۱۹ اپریل ۲۰۱۰ ، ۱۸ویں آئینی ترمیم کی اتفاق راۓ سے منظوری کی وجہ سے تاریخی دن ہے ،لیکن پنجاب کی نوکرشاہی کی طرف سے اسکا ویٹو کیا جانا اور پنجابی سیاسی اشرافیہ کا اس پر عملدرآمد سے منکرہوجانا ممحکوم صوبوں کےعوام کے لئے سنجیدہ سوال کو جنم دیتا ہے ،کیا استحصالی کبھی آئین مانیں گے؟

نیشنل ڈیموکریٹک موومنٹ پختونخواہ کے ترجمان جمال داوڑ نے گاؤں حسوخیل کے مشران سے ملاقات کی۔ دریائے ٹوچی کے سیلاب سے عوامی املاک کے تحفظ کیلئے حفاظتی پشتوں کی تعمیر پر تبادلہ خیال ہوا۔ جمال داوڑ نے مکمل تعاون اور ساتھ دینے کی یقین دہانی کرائی، جبکہ مشران نے شکریہ ادا کیا۔ #NDM

کراچی: نوجوانانِ مہاجر کے وفد نے چیئرمین زوہیب اعظم اور جنرل سیکرٹری عمیر مقصودی کی قیادت میں چیئرمین اين ڈی ایم محسن داوڑ سے ملاقات کی۔ ملاقات میں این ڈی ایم سندھ کے چیئرمین محمد شیر، ابراہیم خان اور اعجاز اسلم، نصیر احمد، ایڈووکیٹ غفور اور ابرار محسود شامل بھی موجود تھے۔

کراچی: نیشنل ڈیموکریٹک موومنٹ کے مرکزی چیئرمین محسن داوڑ کی سربراہی میں ایک وفد نے شاہ زین بگٹی سے ان کے چچا جمیل بگٹی کے انتقال پر تعزیت کی اور فاتحہ خوانی کی۔ وفد میں این ڈی ایم سندھ کے چیئرمین محمد شیر، ابراہیم خان اعجاز اسلم نصیر احمد اور ایڈووکیٹ غفور شامل تھے۔

قبائلیت بلاشبہ ایک خطرناک رجحان ہے۔ لیکن 26 ویں اور 27 ویں آئینی ترامیم کی حمایت کرکے، جنہوں نے عدلیہ کو کمزور کیا اور وفاقیت کو نقصان پہنچایا، اور گہرے ہوتے مارشل لا کے خلاف مزاحمت نہ کرکے، سیاسی جماعتوں نے اپنی ساکھ کو خود ہی کمزور کیا ہے۔ اسی خلا نے اس رجحان کو فروغ دیا ہے۔

پی پی پی (جنوبی وزیرستان لوئر) کے جنرل سیکرٹری عمران مخلص وزیر کا وانا سے اغوا انتہائی تشویشناک اور انتہائی قابل مذمت ہے۔ اس طرح کے تشویش ناک واقعات ریاست کی رٹ کے مکمل خاتمے کی عکاسی کرتے ہیں۔ حکام کو عمران مخلص وزیر کی فوری اور محفوظ بازیابی کو یقینی بنانا چاہیے۔ محسن داوڑ

آج ندیم عسکر صوبائی جنرل سیکرٹری اور شمالی وزیرستان کے ضلعی ترجمان فرید اصغر بنوں ٹاؤن شپ میں احسو خیل قوم کے جرگہ میں شرکت کی۔ یہ جرگہ دریائے توچی سے ہونے والے نقصانات اور پروٹیکشن وال کی تعمیر کے حوالے سے منعقد کیا گیا تھا۔ ندیم عسکر صوبائی جنرل سیکرٹری @NDM_kp

شمالی وزیرستان سے تعلق رکھنے والے ہمارے ساتھی سلمان لیاقت کے والد لیاقت مسیح کی وفات کی خبر سن کر رنج اور دکھ ہوا۔ ہم سلمان مسیح اور انکے خاندان سے تعزیت کا اظہار کرتے ہیں۔ ہماری دعائیں انکے ساتھ ہیں۔ محسن داوڑ چیئرمین مرکزی آرگنآئزنگ کمیٹی نیشنل ڈیموکریٹک موومنٹ

جمیلہ گیلانی مرکزی سیکرٹری اطلاعات نیشنل ڈیموکریٹک موومنٹ

اعلامیہ نیشنل ڈیموکریٹک موومنٹ دیر کی آن لائن میٹنگ صوبائی جنرل سیکرٹری ندیم عسکر کی زیرصدارت منعقد ہوئی اجلاس میں ممبرشپ مہم تنظیمی ڈھانچےکی مضبوطی اور آئندہ سیاسی سرگرمیوں پر تبادلہ خیال کیاگیا شرکاء نےتنظیم کو مزید فعال بنانےاور عوام تک پارٹی پیغام پہنچانے کےعزم کا اظہار کیا

پشاور: نیشنل ڈیموکریٹک موومنٹ کے چیئرمین محسن داوڑ نے فرید طوفان کی زوجہ اور عوامی نیشنل پارٹی کے پختونخوا کے صوبائی جائنٹ سیکرٹری حامد طوفان کی والدہ کی فاتحہ خوانی کی اور انکی مغفرت کے لیے دعا کی۔

کوئٹہ میں دہشت گردوں کے ہاتھوں بے گناہ ہزارہ محنت کشوں کو نشانہ بنانا گھناؤنا جرم ہے۔ انصاف کے مفاد میں اور مستقبل میں ایسے جرائم کی روک تھام کے لیے مجرموں کو کیفرکردار تک پہنچانا بہت ضروری ہے۔ افراسیاب خٹک سینئر رہنما نیشنل ڈیموکریٹک موومنٹ

بنوں: نیشنل ڈیموکریٹک موومنٹ کے صوبائی جنرل سیکرٹری ندیم عسکر، عمران وزیر اور رستم خان وزیر نے ڈرون کاپٹر حملے میں زخمی ہونے والا شمالی وزیرستان، میرعلی قوم خوشحالی سے تعلق رکھنے والا وکیل خان کی عیادت کی اور انکی صحت یابی کیلیے دعا کی۔

اعلامیہ این ڈی ایم صوبائی آرگنائزنگ کمیٹی کا اجلاس بشریٰ گوہر کی زیرِ صدارت منعقد ہوا جس میں قیادت نے شرکت کی۔ اجلاس میں ممبرشپ مہم کو تیز کرنے اور تنظیمی ڈھانچے کو مضبوط بنانے کا فیصلہ کیا گیا۔ صوبائی کابینہ کا انتخاب 25 تاریخ کو ہوگا۔

اسلام آباد: نیشنل ڈیموکریٹک موومنٹ کے سینئر رہنما افراسیاب خٹک نے عوامی ورکرز پارٹی کے زیراہتمام حق رہائش کانفرنس میں شرکت کی اور اپنے خیالات کا اظہار کیا۔ کانفرنس میں اسلام آباد میں کچی آبادیوں کو غیر قانونی طور پر بلڈوز کرنے کے خلاف آواز اٹھائی گئی۔

جمال داوڑ سیکرٹری اطلاعات نیشنل ڈیموکریٹک موومنٹ پختونخواہ

حالیہ بارشوں سے وزیرستان اور بالخصوص ودی شوال کے راستے بند ہو چکے ہیں۔ ہم عوامی نمائندے اور متعلقہ محکموں سے درخواست کرتے ہیں کہ ان راستوں کو فل فور قابل سفر بنانے میں اپنا بھرپور کردار ادا کریں۔ گلبدین محسود ممبر صوبائی آرگنائزنگ کمیٹی پختونخوا نیشنل ڈیموکریٹک موومنٹ

ایوب خان کے گھر پر دہشت گردانہ حملے کی شدید مذمت کرتے ہیں۔ ایسے حملوں کے ذریعے دہشت گرد اپنے پشتون دشمن کردار کو بے نقاب کرتے ہیں۔ یہ پشتون محبِ وطنوں کے خلاف گزشتہ 45 برس سے جاری دہشت گردی کی مہم کا تسلسل ہے، جس کا مقصد ان کی زمین اور قدرتی وسائل پر قبضہ کرنا ہے۔ افراسياب خٹک

سوات میں گزشتہ رات اے این پی کے رہنما ایوب خان کے گھر پر حملہ انتہائی قابل مذمت ہے۔ شکر ہے حملے میں کوئی جانی نقصان نہیں ہوا۔ پختونخوا میں لاقانونیت تیزی سے بڑھ رہی ہے۔ دہشت گردی نے ہماری سرزمین کو لپیٹ میں لے رکھا ہے۔ محسن داوڑ چیئرمین نیشنل ڈیموکریٹک موومنٹ

پختونخوا میں سرکاری پالیسی کی عدم موجودگی میں پبلک ٹرانسپورٹ اور اسکول بسوں کے کرایوں میں من مانا اضافہ کر دیا گیا ہےجو بعض جگہوں پر 50% سے بھی تجاوز کر چکا ہے یہ کھلا عوامی استحصال ہے اور غریب عوام پر ظلم کے مترادف ہے گورنر کہاں ہے؟ وزیر اعلیٰ کہاں ہیں؟ کیا کوئی پوچھنے والا نہیں