Nazile

یەکجار گرینگ و پڕبایەخە ک ژنەیل لە ئەزموونەیل خوەیان بنویسن دیارە ک بڕێگ لە پیاوەیل فرەتر وە وتن یه ک «ئیمە ڕەبتمان وە پێوە نییە و یە مژارێگ تایبەت و شەخسییە»، هەوڵ دەن دەنگ و «گێڕانەوەی»ژنەیل کپ بکەن و سەرکۆتی بکەن.وەلێ یە تەنیا ژیان یەک ژن نییە،یە ئەزموون ژیاێ گشت ئێمەی ژنەیلە

بۆ کاک دکتۆر ئاسۆ حەسەنزادە وەڵامی جەنابتان بۆ رەخنەکانی من و د. کەمال سلێمانی، دەرفەتێکمان بۆ دەرەخسێنێ تا نە تەنیا دەربارەی ڕێبوارییەکی سیاسی، بەلکو سەبارەت قەیرانی واتا لە سیاسەتی ئەمرۆی رۆژهەڵات‌دا گفتوگۆ بکەین. ڕێگەم پێ بدەن کە دوور لە تەعاروفاتی دیپلۆماتیک و بە پشت‌بەستن بە فاکتی سلبی و شیکاری وێژمانی لەسەر ئەوەی لە لەندەن روودا، لایە بە لایەی ئیدیعاکانی جەنابت هەندێک ئالینگار بکەم. چونکە ناکۆکی لە نێوان "ئاسۆی تێئۆریسیەن" (نووسەری وتاری سەروەریخوازی) و "ئاسۆی تەوجیه‌گەر" (دەقی خوارەوەی ئێوە) ئەوەندە قوولە کە ئێمە ئەستەم بتوانین بە ساکاری لە تەنیشتی را تێپەر بینەوە. بۆیە بە زەعمی جنابت منیش لە چەند بەند‌دا، بە پشت بەستن بە راستییەکانی "شورای هماهنگی" و وێژمانی زاڵ بەسەر کۆنگرەکەدا شیکردنەوەی خۆم پێشکەش دەکەم: ١. موغالیتەی "میوان" و کەتواری "میعمار": شوورای هەماهەنگی و بەرپرسیاریی ساختاری ئێوە لە بەندی سێیەمی نوسراوەکەتان‌دا فەرمووتانە " وه‌ك میوان ئێمه ده‌سه‌ڵاتی ئه‌وه‌مان نیه پێتان بڵێین چۆن ماڵی خۆتان بڕازێننه‌وه". بەداخەوە ئەمە یەکێک لە گەورەترین و مەترسیدارترین موغالیتەکانی دەقی ئێوەیە، چونکە ئێوە لێرە فاکتێک دەشارنەوە. ئێوە چۆن خۆتان وەکوو "میوان" پێناسە دەکەن، لە کاتێک‌دا خالیدی عەزیزی (وتەبێژی حزبی ئێوە) و ناهید بەهمەنی (ئەندامی دەفتەرسیاسی کۆمەڵە) نە وەکوو گوێگر، بەلکوو وەکوو ئەندامی ئەسلی "شوورای هەماهەنگیی" ئەم کۆنگرەیە موعەریفی کراون؟ کەسێک کە ئەندامی شوورای هەماهەنگی بێت، میعمار و رێکخەرە، نەک عابر و میوان. ئێوە ناتوانن لە ژووری هزری و بەڕێوەبردنی پرۆژەیەکەدا دانیشن کە بەلگە بنەرەتییەکانی، سووژەی سیاسیەکان نە وەکوو نەتەوەکان بەلکوو وەکوو ئاکتۆری ئێرانی (کنشگر ایرانی) پێناسە بکات و پاشان ئیدیعا بکەن کە لە هەڵبژاردنی هێماکان (سروودی "ای ایران" و ئالای شیروخورشید) یان دارشتنی وێژمانێکی ئێرانی‌میحوەردا دەورێکتان نەبووە. ئەندامەتی لەم شوورایەدا واتە قبوولی پێشاوپێشی گشت رێساکانی یارییەکە. وتەبێژی حزبەکەتان و ناهید بەهمەنی ئیعتباری مێژوویی حزبی دێموکرات و کۆمەڵەیان بۆ رازاندنەوەی خاونوویەک خەرجیان کرد کە بناغەکەی لەسەر نەفیی ئیرادەی نەتەوەیی کورد دامەزرابوو. ٢. زەبحی سوژەی خاوەن‌بڕیار لە پێشدەم بەرژەوەندیی حزبایەتی ئێوە لە وتارە بەنرخەکەتان‌دا، "سەروەری‌خوازی"تان وەکوو تەنیا رێگای نەجات و رزگاری لە "نالێکی" لە دروشمی ستراتێژیک‌دا مەترەح کردووە و کوردتان وەکوو سوژەیەکی خاوەن‌بریار ناوزەد کردووە. بەڵام لێرە‌دا پارادۆکسێک دێتە ئارا: سووژەی خاوەن بڕیار/سووژەی سەروەر واتە کەسێک کە سەرچاوەی مەشرووعیەتە. بەڵام ئێمە لە لەندەن شاهیدی سووژەی داواکار بووین. سەرەرایی ٨٠ ساڵ خەبات لە پێناو سەروەری و سەرەرایی ئەوەی کە ئیوە بە دروستی و رێکوپێکی بنەماکانی سەروەریی نەتەوەییتان لە بڵاوکراوەکانی حزبی‌دا تێئۆریزەکردووە، بۆ دەبێ ئەو مێژووە هیچ دەورێکی بۆ رێنمێنی وتەبێژی حزبەکەتان نەبێ؟ باشە ئەو وتارە بێ جگە لە ڤیترینی ئاکادێمیک چ کەلکی هەبوو؟ ئامادەبوون لە کۆنگرەیەک کە بە فەرمی دان بە کورد وەکوو نەتەوەی دامەزرێنەر نەنێت، واتە پاشەکشە لە گشت دەسکەوتانەی ئەم چەند دەهەیە و وێژمانی سەروەریخوازی حزبەکەتان. بەو ئامادەبوونە لەو کۆنگرەیەدا، بە باوەری من، سەروەری‌خوازی دابەزیوە بۆ سەدەقەبگیری سیاسی. لە خوارەوە نموونەی بەرجەستەکەی باس دەکەم. ٣. لە سەروەریەوە بۆ سوالکردنی روحم؛ شیکاری وتاری ناهید بەهمەنی فەرمووتانە گوێ لە قسەکانی وتراو لە کۆنگرە‌دا بگرین. زۆرمان گوێ گرت، بەڵام یەکێ لە گرنگترین قسەکان وتارەکەی ناهید بەهمەنی (ئەندامی شورای هەمانهەنگی کۆنگرە و رێبەرایەتی کۆمەڵە) بوو. ئەوەی لە لەندەن بیسرا، دەنگی نەتەویەکی خاوەن ماف نەبوو، بەلکوو ئیستیدعای رەققەت‌ئامێزی روحم بوو. کاتێ رێبەرێکی سیاسی کورد لە جیاتی دامەزراندنی ئیرادە، بە زمانی پاڕانەوە بۆ دەرکی "پەراوێز" (کورد) و سایکۆلۆژی قوربانی‌ لەگەڵ ناوەند قسە بکات، واتە سیاسەتی ئێمە بەرەو ئەو کۆلۆمێنتالیزمە (زەینی کۆلۆنیال) نوقم بووەتەوە. ئەمە رێک ئەو دەروونی‌کردنی ناوەندە؛ واتە قبوولی ئەم هەستە کە ئێمە فەرعی/لایەکین و دەبێ بۆ بینران لە لایەن ناوەندەوە، بە زمانی ئەوان و بە پاڕانەوە قسە بکەین. کاک دکتۆر ئەم ویژمانە کەی لەگەڵ "وتاری باوەر بەخۆ" کە لە مەقالەکەدا وەعدەتان دابوو یەک دەگرن؟ ٤. نمایشی تەرکی سالۆن و کەتواری تەمکینی ساختاری دەفەرمن کە لە کاتی پەخشی سروودی "ای ایران" دا سالۆنتان تەرک کرد. ئەم کاردانەوە ئینفیعالیە بۆ خۆراکی نێوخۆیی و تەناکردنی جەستەی حزب لەوانەیە موفید بێت. بەڵام، کەسێک کە ئەندامی شوورای هەماهەنگی بێت، پێشوەختە دەزانێ چ سروودێک پەخش دەبێت. بۆیە ناکرێ هەم رێکخەری سیرکێکی سیاسی بین، هەمیش لە کاتی پیشاندانی پەردەی ئەسلی نمایشەکە، بە نیشانەی ئێعتراز لە چادرەکە بچینە دەر. ئێوە لە ئاستی کەلان و ستراتێژیك‌دا، مەشرووعییەتی ئەو فەزایەتان بە دانیشتن لە تەنیشت ناوەندگەراکانی کوردۆفۆب قبوول کردووە. تەرکی چەند چرکەیی سالۆن، حەقیقەتی ئیدغامی وێژمانی ئێوە لە پرۆژەیەک کە ئایندەی ئێران بەبێ وەزعی مافی سەروەریی کورد پێناسە بکات، ناگۆڕێت. لە سیاسەت‌دا فۆرم هەمان ناوەڕۆکە، و فۆرمی ئامادەبوونی ئێوە لە لەندەن، فۆرمی کەمینەیەکی هاوکار بوو نە نەتەوەیەکی دامەزرێنەر. ئێوە لە شیکردنەوەکانتان‌دا مانەوە لە پەڕاوێزدا بە ناوی دیپلۆماسی بۆ ئێمە پێشکەش دەکەن. بەڵام راستییەکە ئەمەیە کە ئامادەبوونی لە لەندەن، نە کرانەوەی دەرگایەکی نوێ، بەلکو داخستنی ئاسۆی سووژەگیی کورد بوو. ئێوە بەم کارەتان بە ناوەندگەراکان پەیامتان دا کە: "کوردها تافتەی جدابافتە از ایران نیستند و در نهایت، بە جایگاه مهمان در خانەی ایران رضایت می‌دهند." کاکی من، ئێمە پێویستیمان بە سەروەریخوازی لە مەیدانی عەمەل‌دا هەیە، نە تەوجیهی تابعییەت لە مەرکەز. کاتەکەش هاتووە کە دێموکرات و کۆمەڵە تەکلیفی خۆیان رۆشن بکەن، یان دەبێ بنیاتنەری نەزمێکی نوێ بن، یانیش ببن به پەیمانکاری گوزارێک کە ناوەند بۆ ئێمە خەیال کردووە. و لە بیرمان نەچێ، سیاسەتی پارانەوەی روحم هیچ کاتێک بە سەروەری کۆتایی نایەت.