Dina👾
696 posts
كيف تشرح عدم ارتباط الmorality بالدين لشخص متشدد دينيًا
الدكتورة دي صحبتي. مش هي تحديدًا، بس بتفكرني بـ صحبتي.. صحاب من وهي لسا في الكلية، كانت عسولة فشخ وبتحب الحياة والحياة بتحبها. بعد التخرج اشتغلت في مستشفى حكومي.. شيفتات ١٨-٢٠ ساعة، أوض النبطشية أوسخ من زنزانة، مبتنامش فيها دقيقة لحد ما قلبت زومبي. البنوتة اللي كانت عسولة دي بتعيطلي انها كل يوم غصب عنها بتخسر جزء من أخلاقها عشان تتعامل مع الأشكال بنت المتخلفة زي اللي في الفيديو دي. الفاظها اتغيرت.. بقت عصبية فشخ.. إنسانيتها بتندثر.. وعمرها بيضيع في الهوا بدون مقابل.. ومرتبها بتصرفه كله على أكلها والمواصلات. الدكتورة في الفيديو مش هي خالص اللي المفروض تتحول للتحقيق. هي وغيرها ضحايا سيستم غبي بيحول ولاد ناس متربين لشوارعية عشان يقدروا يتعاملوا مع شعب قليل الأدب بيستقوي على الضعيف. اللي المفروض يتحول للتحقيق هو اللي سايبهم في وش المدفع يدافعوا عن نفسهم لوحدهم ضد بلطجة الشعب الهمجي دا.. مع افراد أمن اشبه بخيال المآتة.
