صندوق برتقال

@nallr34 من زمان العمل في القطاع الخاص لازم تعرف انه لا يوجد راحة فيه حتى اجازة مرضيه لا توجد و بنسبة للراتب لا تسال متى راح ينزل برضو عند الانتهاء من دوامك لا تستبعد انهم يطلبوا منك دوام إضافي بدون اي مقابل هذا هو القطاع الخاص راس مالي بحت يبي طاقتك بدون مقابل ولا شكرا لك

@ibrahim27985385 @luckysoso369 هذا في الحلم هههههه تدري حتى الإجازات الأعياد ما تاخذها في القطاع الخاص وفوقها راتبك يتاخذ إلى ٤٠ يوم وانت تقول زيادة و تأمين طبي

@luckysoso369 ياحظ القطاع الخاص تأمين طبي وبدل سكن وحوافز بونص، ويجيك عقد بزيادة 50٪ واوقات ضعف الراتب ولا فيه نهاية عندهم بالرواتب عادي يوصل 50 و 100 الف ﷼ اللهم لاحسد بس المهم اشتغل صح الحكومي اشتغلت ولا بزوطت نفس وضعك😂😂

موظفين القطاع الحكومي المحظوظين دوام صباحي أمان وظيفي زيادة كل سنة مع الراتب ترقيات اجازة جمعة وسبت اللهم لا حسد لهم الله القطاع الخاص

@iAl3eez هذا المبلغ يعتبر راتب كيف ما يكفيك

كيف تكفي هذي لآخر الشهر غششوني الطريقة

@m_0ao انا تكفيني 400 الف ريال تبني بيت تشتري سيارة تزوجني اسس مشروع

كم المبلغ اللي لو جاك اليوم… يحل كل أزمتك الحالية؟

@az118r الراتب كله على بعضه مايوصل ٤ الالف ريال من وين احد يقدر يجمع

كيف تشتري شقه دون قرض اجمع من راتبك ١٢٥٠٠ شهريا مده سنه يصير معك ١٥٠ الف حطها في اسهم تجيب ١٥٪ وكرر العمليه بعد سنتين معك ١٧٢٥٠٠ من ال١٥٠ الف بالاضافة ل ١٥٠ الف اللي جمعتها الاخرى المجموع ٣٢٢٥٠٠ الف خلال سنتين اشتر فيها شقه جنوب الرياض واجرها ب٢٥٠٠ بالشهر كذا يبدا المنظر باقتاعك

@heemo_91 @itwillbetruth اذا عندكم و ظائف مستعد انقل بكرى

@itwillbetruth إذا جيت الإمارات اهي بلادك و بين اخوانك و إذا الدوام يعطيك بدل سكن و مواصلات معناته امورك طيبة بخصوص اللي يقولك غالية و ما تسوى اذا متردد عشان الاعلان رسمي او نصب خبرني اي جهة و الشخص اللي تواصل معاك و انا مستعد اسال لك و اشوف و أخبرك اهم شي استخير و ربك يسهل امورك

والله العظيم قمة الاحراج وصلني عرض وظيفي في ابو ظبي براتب 9 الاف بالإضافة الى بدل سكن وبدل مواصلات و فوقها تأمين لي وللوالدين و بنفس المسمى في السعودية بيعطوني 5 الاف !!!!! محدثكم بدأ يفكر في العرض بجدية #القابضة_تستبدل_السعودي_بالاجنبي

@redwan811 هههههه ي حرام ما انت مصدق ان فيه العكس

بعض اعلانات الوظائف مضحكة!! لما تقرأ من مزايا الوظيفة ( تأمين طبي - تسجيل في التأمينات - راتب تنافسي ) انحاااااااش هذي حقوق الموظف وليست مزايا يعني الشركة ما عندها اي ميزة والافضل ما تذكر هذه الأمور في الاعلان الوظائف، طريقة اعلانك للوظيفة تراه جزء من التسويق لشركتك والبيئة الي فيها ، احرصوا أن يكون الاعلان تسويقي بحت ويحقق عدة أهداف في وقت واحد اعلان وظيفي مصمم بشكل جذاب - تسويق للمنظمة - رسالة مباشرة للفئة المستهدفة. وبس والله 👋

@MemesOficiial بحكم انك تعمل في قطاع خاص الوقت كامل لهم يتصرفون مثل ما يبون لو تفكر تعارضهم راح يوقعونك في مشاكل وراح تفصل مثل شخص كنت اعمله معه اخذت إجازة العيد وكانوا مايبونه ياخذها ولكن بطريقة ما فصلوه هذي هي الحياة في عالمهم

فصلوا واحد من فريقنا لأنه طفى جهازه الكمبيوتر. حرفيًا. كانت الساعة 6:01 م. دوامنا ينتهي الساعة 6. كلنا كنا نشتغل لأن المدير لسه متصل. الزميل هذا قال بهدوء: “يا شباب، راح أمشي. عندي موعد طبي.” قفّل اللابتوب وودّعنا. بكرة، المدير استدعى له المكتب. قال له: “أقلقني تصرّفك.” الزميل رد: “عشان أمشي وقت ما ينتهي دوامي؟” المدير: “القادة يبقون لين يخلص الشغل.” الزميل قال: “بس أنا مو قائد. أنا اشتغل محلل.” صمت. بعد يومين، الموارد البشرية استدعوه. السبب الرسمي: “عدم التوافق مع ثقافة الفريق.” هل تشوف تصرفهم في فصله صحيح أم بالغوا في الحكم عليه !!'

@Na330l @fys3l عشانك تعمل في أماكن مثل هذي وهو جايك بيشتري منك خلاص انت صرت عبد عنده وله كامل الصلاحيات في اهانتك و دعسك

@Na330l @fys3l معليش بعض الزباين يهينك و يهين كرامتك بحجده انه جايك بخشم الريال انا ضد هذا الموقف ولكن بعض المواقف تفقد فيها صوابك بسبب تصرف بعض الزباين بغض النظر عن العمر و الجنسية البعض منهم(يشوفك بنسبه له شخص عديم قيمة حياتك ولاشي بنسبه له) يطلب فوق الخدمة الموكلة للموظف أشياء يهينك فيها

رجال كبر ابوك تستقوي عليه💔

@soutaljazeera لو اليوم فيه 60 ساعة ممكن الشخص يعمل في عملين مختلفين بنفس اليوم عدد ساعات العمل اقل شي اذا دوام كامل 9 ساعات لو تحسب الذهاب و العودة توصل إلى 11 ساعة ضيف عليها باقي اليوم من نوم و غيرها راح اليوم كيف الواحد يدوام مرتين في اليوم اذا كان عدد الساعات في الدوام الكامل فوق 8 ساعات

#الموارد_البشرية : يُسمح للموظف السعودي بالعمل لدى أكثر من صاحب عمل في الوقت نفسه، على ألا يتجاوز إجمالي الأجر المسجل سقف 45 ألف ريال شهريًا.

@wemadeinchina الشاي بريال واشوفه غالي

طريق الثراء: افتح محل شاهي يكلفك ١٠٠ ألف كوب الشاهي بـ ٤ ريال تبيع ١٢٠٠ كوب في اليوم الدخل ٤٨٠٠ يوميًا تكلفة التشغيل ١٥٠٠ الصافي ٣٣٠٠ يوميًا ٩٩ ألف شهريًا فوق ١.١٨ مليون بالسنة وبس 🔥

@kahlid07 عزيزي علي ديون لو اشتكيت راح افصل مين راح يتحمل تكاليف الديون؟

الدولة في نظام وبتأخذ حقك اذا اشتكيت

@kahlid07 يشهد علي الله اني لم اخذ اي إجازة اكثر من 5 سنوات سوا كانت سنوية ولا رسمية ولا اي اجازة مين يطبق النظام؟

📍يستحق الموظف التعويض عن رصيد الإجازات السنوية غير المستخدمة عند انتهاء العلاقة العمالية، وذلك في جميع الحالات، مثل: •خلال فترة التجربة •عند انتهاء العقد •في حال الاستقالة •أو حتى في حالة الفصل وفق المادة 80 ⚖️ ليش؟ لأن رصيد الإجازة يُعد من الحقوق الأساسية للعامل، ولا يجوز التنازل عنه أو إسقاطه لأي سبب. وبحسب المادة 111 من نظام العمل، يجب على صاحب العمل تعويض الموظف عن رصيد إجازاته المتبقي عند نهاية خدمته. 💡 الخلاصة: مهما كان سبب إنهاء العلاقة التعاقدية، يظل حق الإجازة قائم، ويجب صرف مستحقاته بالكامل

@LuckySY_11 على حسب خبرتي القطاع الخاص رأس مالي يهمه التوفير سبب توظيف الاجنبي اولا الاجنبي راتبه 1200 ريال دوامه يوصل إلى 17 ساعة يتحمل تكاليف السفر و تجديد الإقامة ويقدر يفعل معاه العجب لانهم محتاجين الوظيفة ما عندهم مكافأة نهاية خدمة بينما ابن البلد راتبه عالي دوامه 12 ساعة او 9

يامسلمين انا مافهمت التوظيف عندنا ليه تروح تجيب اجنبي من است دولته وتوظفه عندك وتعطيه سكن او بدل سكن ومواصلات وولد وطنك عندك محتاج بس وظيفة براتب اساسي؟ ليييييه تمتر العالم عشان تجيب غريب يشغل منصب وظيفي يقدر يشغله الف سعودي؟ لييه ليييييييه؟

@forx_88 @AskCFO عزيزي والله اني موظف براتب اقل من ماتتصور وابحث عن وظيفة أعلى وازيدك من الشعر بيت و والله ان اعرف ناس متزوجين وهم ليسوا على راس عمل رواتبهم ضمان الاجتماعي و حساب مواطن فقط

@Orange0box @AskCFO الصدق على كلامك اشك انك موظف لأن مافي شخص جرب الراتب والوظيفه ويقول الكلام ذا اذا جاك الراتب بتعرف ان مايمديك تدخر اكثر من 20-30٪ بالكثير غيرها كلام فاضي

— من الخاص 🎙️ راتبي 16500 دون التزامات حاليا لدي نية زواج ما هي الخيارات المتاحة لي لدعم الدولة اعزها الله سواء قروض ميسرة للزواج او دعم سكني او غيره #استمتع_بالرحلة

@forx_88 @AskCFO خلاص 1000 ريال شهري يقول ماعليه إلتزامات يعني اكل شارب ساكن برضو راح يصفي له نفس المبلغ

@Orange0box @AskCFO مين اللي يصرف 500 ريال شهري ؟ هذي يادوبك تعبي بنزين ولو تزيد عليها فاتورة الجوال وصلت 800 الا اذا تقصد انه يحرم نفسه ومايصرف اكيد عنده اهل يعطيهم فلوس عنده مصاريف شخصيه التزامات اغراض اشتراك نادي اشياء اغلب الناس يسوونها ولا على كذا حتى اللي راتبه 5 الاف بيقدر يجمع اعلى مبلغ

@forx_88 @AskCFO معليش أقرأ الراتب زين يقولك 16 الف خليه يصرف 500 ريال شهري راح يبقى له 15500 ريال خلال شهرين بيكون في حسابه اكثر من 30 الف ريال خلال سنة بيكون ​186,000 ريال بيشتري مثلا سيارة 30 الف ريال بيبقى معاه ​156,000 ريال يرتب اموره الباقيه بدون ديون و قروض وخرابيط

@Orange0box @AskCFO الكلام سهل الواقع مختلف بالذات انك ماتعرف عن ظروفه والتزاماته واللي مدبرين اعمارهم باقل من 4 الاف مو معناته انهم عايشين حياه ممتازه يختلف الموضوع تماما هو من ناحية يقدر يدبر وضعه يقدر اكيد بس المقصد يبي حياه مثاليه الى حد ما وذا من حقه

@Am_87 غريبة مسموح لكم بالاكل في العمل!!!!

توظفت

@Shahadandi الموظف ينقل عنك أخبار حتى لو هي مزيفه عنك حتى يظهر للمدير انه الرجل الأمين العامل يحطك شماعة له في المواقف الصعبه حط هذا الشي في بالك اذا بتعمل بالقطاع الخاص لا تثق في احد وسجل كل خطوة بسر لانهم من بداية دخولك راح يكيدون لك

@Shahadandi بإختصار شديد بما انك تعمل في قطاع خاص لا تثق في اي احد خبره اكثر من 15 سنة اختصر عليكم لا تثق في اي احد في بيئة العمل (القطاع الخاص) لامدير ولا موظف ولا عامل لانها بيئة مبينه على الرأس ماليه كل شخص يهمه جيبه المدير يبي منك عمل بقدر المستطاع باقل اجر ممكن الموظف ينقل أخبار عنك...

اخطاء في بيئة العمل تأثيرها كبير مع الوقت: ١- لا تتعامل مع كل الزملاء على أنهم دائرة قريبة العلاقة المهنية شي، والصداقات شيء ثاني ٢- مو كل شي عن حياتك لازم ينقال بعض الخصوصية تحميك أكثر مما تتوقع ٣- مو كل رأي أو اعتراض لازم يشارك مع الجميع فيه أشياء مكانها الصحيح يكون بطريقة رسمية أو مع الشخص المناسب ٤- لا تفترض حسن النية دائمًا في كل موقف تعامل بوعي، مو باندفاع في النهاية، الذكاء في بيئة العمل مو بس في شغلك لكن حتى في طريقة تعاملك مع الناس وحدودك معهم