PML-N Gujranwla Division

Gujrat in last 30 years had 1 CM Punjab 1 Speaker 1 Deputy Prime Minister 1 Senior most minister 4 Federal ministers Since 1993, only one family has won this city - who in turn have enjoyed power for over 25 years. Sun kar Mashallah keh den.

دریائے سوات کی بے رحم موجوں نے ایک ہنستے بستے خاندان کے بارہ افراد کو نگل لیا، سوچیں! وہ والدین جنہوں نے اپنے جگر گوشوں کو کھو دیا، وہ بچے جو یتیم ہو گئے، وہ بہن بھائی جو ایک پل میں بچھڑ گئے... یہ دکھ، یہ صدمہ کتنا گہرا ہوگا؟ اس واقعے نے پورے پاکستان کو سوگوار کر دیا ہے ہر آنکھ اشکبار ہے اور ہر دل غم سے نڈھال ہے۔ اس سانحے میں حکمرانوں کی بے حسی اور غفلت ناقابل برداشت ہے افسوس کہ ہمارے حکمران اس سانحے پر بھی خاموش تماشائی بنے رہے جبکہ ان کی ذمہ داری تھی کہ وہ فوری طور پر امدادی کارروائیاں شروع کرتے اور متاثرہ خاندان کی جان بچانے کی ہر ممکن کوشس کرتے ایسی صورتحال ہمارے حکمرانوں کی ترجیحات پر سوال اٹھاتی ہے کیا عوام کی جان و مال کی حفاظت ان کی ذمہ داری نہیں؟ کیا ایسے مشکل وقت میں شہریوں کو اکیلا چھوڑ دینا انصاف ہے؟ یہ بے حسی قابل مذمت ہے۔ ہم اس دکھ کی گھڑی میں متاثرہ خاندان کے ساتھ مکمل ہمدردی کا اظہار کرتے ہیں۔ اللہ تعالیٰ مرحومین کو جنت الفردوس میں اعلیٰ مقام عطا فرمائے اور لواحقین کو یہ ناقابلِ تلافی نقصان برداشت کرنے کا حوصلہ دے۔ (آمین) دعا ہے کہ اللہ تعالیٰ آئندہ ایسے سانحات سے بچائے اور ہمارے پیاروں کو ہمیشہ اپنی حفظ و امان میں رکھے اور حکمرانوں کو بھی اللہ تعالیٰ ہدایت دے کہ وہ اپنی ذمہ داریوں کو سمجھیں تا کہ عوام کے جان و مال کے تحفظ کیلئے عملی اقدامات کریں۔

سرائے عالمگیر ہسپتال میں انتظامی نا اہلی کے باعث 20 سالہ بیٹی کے انتقال پر دل بہت رنجیدہ ہے، پنجاب حکومت صحت کے شعبہ خاطر خواہ تبدیلیاں لانے کی کوشش کر رہی ہے لیکن گجرات پر مسلط نا اہل ٹولے کی قابلیت محض فوٹو سیشن تک محدود ہے، اس معصوم بیٹی کا خون ضلع گجرات پر مسلط شدہ گروہ اور محکمہ صحت گجرات کے سربراہان کے سر ہے، گجرات ہیلتھ ڈیپارٹمنٹ میں بے ضابطگیاں تو زبان زدِ عام ہیں لیکن انتظامی معاملات میں انکی غفلت اب گجرات کے باسیوں پر قہر بن کر ٹوٹ رہی ہے، پنجاب حکومت کو اس کا فوری نوٹس لیتے ہوئے ضلع گجرات محکمہ صحت کے سربراہ کی نشست پر فیلڈ ورک کے تجربہ کے حامل آفیسر کی تعیناتی کرنی چاہیے جو دفتر میں بیٹھ کر محض رپورٹس بھیجنے کی بجائے ہسپتالوں کا دورہ کر کے بہتری لانے کیلئے اقدامات کرے اور اس افسوسناک واقعہ میں جان کی بازی ہارنے والی معصوم بیٹی کے لواحقین سے اظہار ہمدری کیلئے غفلت کے مرتکب افراد کے خلاف انکوائری کر کے قرار واقعی سزا دینی چاہیے۔