Pakistan Peoples Party - PPP

لائیو: پاکستان پیپلزپارٹی کے چیئرمین بلاول بھٹو زرداری، گورنر خیبرپختونخوا فیصل کریم کنڈی کے ہمراہ پریس کانفرنس کررہے ہیں۔ twitter.com/i/broadcasts/1…

گورنر پنجاب سردار سلیم حیدر خان ضلع اٹک کے علاقہ جنڈ کے گاؤں منکور پہنچ گئے۔ گورنر پنجاب کا شہید لیاقت کے آبائی گھر جا کر اہلِ خانہ سے اظہارِ تعزیت۔ گورنر پنجاب کی شہید لیاقت کے درجاتِ بلندی اور اہلِ خانہ کے لیے خصوصی دعا۔ شہید لیاقت نے وطن کے دفاع میں اپنی جان کا نذرانہ پیش کیا۔ شہید لیاقت ایک سادہ کسان تھے جو بکریاں چرا رہے تھے۔ شہید لیاقت نے اپنی جان قربان کر کے کئی لوگوں کی زندگیاں بچائیں۔ گورنر پنجاب کا شہید لیاقت کی عظیم قربانی کو خراجِ تحسین۔ صدرِ پاکستان آصف علی زرداری سے شہید لیاقت کے لیے اعلیٰ ترین اعزاز منظوراعزاز شہید لیاقت کی والدہ نے وصول کیا۔ گورنر پنجاب نے شہید کے بیٹے کے تعلیمی اخراجات اپنی ذمہ داری پر لے لیے۔ پروفیسر طاہر نعیم ملک کا حسن کی نمل یونیورسٹی میں اعلیٰ تعلیم کے تمام اخراجات برداشت کرنے کا اعلان۔ جامعہ کے ریکٹر جنرل شاہد کیانی کی جانب سے بھی نیک تمناؤں کا اظہار۔ اہلِ علاقہ نے اقدام کو شہید کے خاندان کے لیے حوصلہ افزا قرار دے دیا۔ قوم اپنے بہادر سپوتوں کی قربانیوں کو کبھی فراموش نہیں کرے گی،سردار سلیم حیدر اس علاقے کے لوگ پہلے بھی اپنی دھرتی پر قربان ہوۓ، سردار سلیم حیدر آئندہ بھی جب بھی اس سر زمین کو ضرورت ہوئی اس علاقے کے لوگ کسی قسم کی قربانی سے دریغ نہیں کر یں گے، سردار سلیم حیدر یہ علاقہ اپنی دلیری اور محب الوطنی میں اپنی خاص شناخت رکھتا ہے، سردار سلیم حیدر گورنر پنجاب کے ہمراہ پروفیسر طاہر نعیم ملک، سردار فیضان اور سردار علی بھی موجود تھے۔ @SaleemHaiderPPP

اعزازات ہمیشہ میرٹ اور کارکردگی کی بنیاد پر دیے جاتے ہیں اور اس کا فیصلہ ایک آزاد اور خودمختار بورڈ کرتا ہے۔ آئی جی سندھ اور وزیر داخلہ کو ملنے والا اعزاز دراصل کچے کے علاقوں میں کیے گئے مؤثر اور کامیاب آپریشنز کا نتیجہ ہے، جہاں بڑی تعداد میں ڈاکوؤں کے نیٹ ورکس کو بے اثر کیا گیا اور غیر قانونی اسلحے کی برآمدگی ممکن ہوئی۔ یہ کارکردگی کسی بھی صوبے اور کسی بھی فورس کے لیے ایک بڑی کامیابی اور قابلِ فخر پیش رفت ہے۔ لہٰذا اس کامیابی کو کسی اور زاویے سے جوڑ کر جواز بنانا نہ تو مناسب ہے اور نہ ہی منصفانہ۔ ترجمان حکومت سندھ مصطفیٰ بلوچ @MustafaBaloch_

منشیات کے خلاف سندھ حکومت کی کارروائیوں میں اہم پیشرفت سامنے آئی ہے۔ مرکزی ملزمہ طویل عرصے سے قانون نافذ کرنے والے اداروں کی نگرانی میں تھی اور گرفتاری سے بچنے کے لیے مختلف شہروں میں منتقل ہو کر اپنا نیٹ ورک چلا رہی تھی، حتیٰ کہ آخری کریک ڈاؤن کے بعد وہ لاہور منتقل ہو گئی جہاں سے بھی وہ سرگرم رہی۔ یہ نیٹ ورک کراچی سمیت پورے پاکستان کے تعلیمی اداروں میں نوجوانوں کے مستقبل کے لیے خطرہ بن رہا تھا۔ وزارت داخلہ کی قائمہ کمیٹی سندھ اسمبلی کے اجلاس کی صدارت کرتے ہوئے محترمہ فریال تالپور نے منشیات کے خلاف زیرو ٹالرنس پالیسی کا اعادہ کیا اور پولیس کو ہدایت دی کہ بارڈرز پر نگرانی مزید سخت کی جائے کیونکہ منشیات کی بڑی ترسیل سرحدی راستوں سے ہوتی ہے۔ ترجمان حکومت سندھ سیدہ تحسین عابدی @TehsinAbidi

چیئرمین پاکستان پیپلزپارٹی بلاول بھٹو زرداری کی جانب سے ملتان کے پارلیمنٹیرینز کو 1.5 ارب روپے جو منصوبوں کیلئے فراہم کیے گئے ہیں اس سے ایک جدید ٹیکنالوجی پارک بنانے جارہے ہیں جو کہ صوبے اور بلخصوص جنوبی پنجاب کیلئے بہت بڑا تحفہ ہوگا۔ ملتان چونکہ جنوبی پنجاب کا مرکز ہے، اس منصوبے سے عوام کو روزگار، جدید سہولیات اور ترقی کے نئے مواقع میسر آئیں گے۔ رکن قومی اسمبلی قاسم رضا گیلانی @KasimGillani

پاکستان پیپلز پارٹی کے مرکزی رہنماؤں سید نیئر حسین بخاری، قمر زمان کائرہ، ندیم افضل چن، مرتضٰی ستی اور دیگر قائدین نے سکردو میں مشترکہ پریس کانفرنس سے خطاب کرتے ہوئے کہا ہے کہ وزیراعظم پاکستان اور وفاقی حکومتی عہدیداروں کے حالیہ دورۂ گلگت بلتستان نے صاف شفاف اور غیر جانبدار انتخابات پر سوالیہ نشان کھڑا کر دیا ہے۔ رہنماؤں نے کہا کہ انتخابی دنوں میں وزیراعظم اور وفاقی وزراء کے دورے انتخابی عمل پر اثر انداز ہو سکتے ہیں، اس لیے الیکشن کمیشن کو چاہیے کہ وہ ضابطہ اخلاق پر سختی سے عملدرآمد یقینی بنائے اور حکومتی شخصیات کے سیاسی نوعیت کے دوروں کا نوٹس لے۔ انہوں نے کہا کہ وزیراعظم کے دورے کے دوران متعدد ترقیاتی منصوبوں کے اعلانات کیے گئے جو انتخابی ماحول پر براہ راست اثر ڈال سکتے ہیں۔ پاکستان پیپلز پارٹی شفاف، آزاد اور غیر جانبدار انتخابات پر یقین رکھتی ہے اور ہر قسم کی انتخابی مداخلت کی مخالفت کرتی ہے۔ قمر زمان کائرہ نے کہا کہ پاکستان پیپلز پارٹی عوامی طاقت سے حکومت بنانے جا رہی ہے۔ انہوں نے کہا کہ ہم کبھی بھی اداروں کے سہارے الیکشن میں نہیں گئے بلکہ ہمیشہ عوام کی عدالت میں سرخرو ہوئے ہیں۔ انہوں نے مزید کہا کہ گلگت بلتستان کے آئینی حقوق کا مسئلہ پاکستان پیپلز پارٹی ہی حل کرے گی اور جس دن ہماری حکومت قائم ہوئی ہم اس دیرینہ مسئلے کا مستقل حل نکالیں گے۔ پیپلز پارٹی رہنماؤں نے اس عزم کا اظہار کیا کہ انتخابی عمل میں کسی قسم کی مداخلت برداشت نہیں کی جائے گی اور عوام کے ووٹ کے تقدس کا ہر صورت دفاع کیا جائے گا۔ @NadeemAfzalChan @QamarKairaPPP

ترجمان حکومت سندھ سیدہ تحسین عابدی نے آج چیف منسٹر پبلک کمپلینٹ سیل میں اپنی ڈیوٹی کے دوران شہریوں کی جانب سے موصول ہونے والی شکایات اور مسائل کا تفصیلی جائزہ لیا۔ اس موقع پر عوام نے 919 سمیت مختلف ہیلپ لائن نمبرز 021-99202044، 021-99207568، 021-99207349 اور 0800-91915 پر رابطہ کر کے اپنے مسائل اور شکایات درج کروائیں۔ سیدہ تحسین عابدی نے متعلقہ افسران کو ہدایت جاری کرتے ہوئے کہا کہ عوامی شکایات کے ازالے میں کسی قسم کی غفلت برداشت نہیں کی جائے گی اور تمام موصول ہونے والی شکایات کو ترجیحی بنیادوں پر فوری حل کیا جائے۔ انہوں نے کہا کہ چیئرمین پاکستان پیپلز پارٹی بلاول بھٹو زرداری کے عوامی وژن اور وزیراعلیٰ سندھ سید مراد علی شاہ کی ہدایات کے مطابق حکومت سندھ عوام کو بروقت ریلیف کی فراہمی کے لیے عملی اقدامات کر رہی ہے۔ انہوں نے مزید کہا کہ چیف منسٹر پبلک کمپلینٹ سیل عوام اور حکومت کے درمیان ایک مؤثر رابطے کا ذریعہ ہے، جہاں شہریوں کے مسائل سن کر فوری کارروائی عمل میں لائی جا رہی ہے تاکہ عوام کو زیادہ سے زیادہ سہولت فراہم کی جاسکے۔ @TehsinAbidi

کوئی بھی معاشرہ تعلیم کے بغیر ترقی نہیں کر سکتا، کیونکہ تعلیم ہی روشن مستقبل اور مضبوط قوم کی بنیاد ہے، نوجوان ہمارے ملک کا حقیقی سرمایہ اور مستقبل ہیں، اس لیے انہیں میرٹ کی بنیاد پر مساوی مواقع فراہم کرنا ہماری اولین ترجیح ہونی چاہیے،ایک باصلاحیت، بااعتماد اور تعلیم یافتہ نوجوان نسل ہی پاکستان کو ترقی، استحکام اور خوشحالی کی نئی منزلوں تک لے جا سکتی ہے۔ گورنر پنجاب سردار سلیم حیدر @SaleemHaiderPPP

President @AAliZardari on Wednesday conferred Pakistan's civil awards on various personalities including the Pakistani nationals and foreigners in recognition of their outstanding services in various fields. tribune.com.pk/story/2608004/…

Muhammad Liaqat, a railway employee who thwarted a suicide attack in Attock, was among several Pakistani nationals and foreigners who were conferred civil awards by President @AAliZardari on Wed in recognition of outstanding services in various fields. dawn.com/news/2000059

سندھ واحد صوبہ ہے جہاں منشیات کے خلاف قرارداد اسمبلی میں پیش ہوئی، بحث ہوئی اور عملی اقدامات بھی شروع کیے گئے۔ محترمہ فریال تالپور کی سربراہی میں ہوم اسٹینڈنگ کمیٹی گزشتہ دو سال سے اس ناسور کے خلاف مسلسل مؤثر کردار ادا کر رہی ہے۔ سندھ حکومت اور پیپلز پارٹی قیادت نے منشیات کے خلاف زیرو ٹالرنس پالیسی اپناتے ہوئے واضح کر دیا ہے کہ سہولت کار ہوں یا مرکزی کردار، کسی کو رعایت نہیں دی جائے گی۔ جے آئی ٹی کی تشکیل، تحقیقات اور سخت کارروائیاں اس بات کا ثبوت ہیں کہ اب منشیات فروشوں کے لیے کوئی محفوظ راستہ نہیں۔ ترجمان حکومت سندھ سعدیہ جاوید @Sadiajavedppp

سندھ حکومت نے منشیات کے خلاف زیرو ٹالرنس پالیسی اختیار کرتے ہوئے واضح کردیا ہے کہ اس ناسور میں ملوث کسی بھی شخص کو رعایت نہیں دی جائے گی۔ یہ صرف ایک قانونی مسئلہ نہیں بلکہ ہماری نوجوان نسل اور ہر گھر کے مستقبل کا سوال ہے، اسی لیے سندھ سمیت ملک بھر میں منشیات کے نیٹ ورکس کے خلاف سخت کارروائیاں جاری ہیں۔ صدر آصف علی زرداری اور محترمہ فریال تالپور کی خصوصی ہدایات پر تحقیقات اور گرفتاریاں تیز کر دی گئی ہیں تاکہ معاشرے کو اس وبا سے پاک کیا جا سکے۔ صوبائی وزیر بلدیات سندھ سید ناصر حسین شاہ @SyedNasirHShah

گزشتہ ہفتے سندھ اسمبلی کی وزارتِ داخلہ کی اسٹینڈنگ کمیٹی کے اجلاس میں محترمہ فریال تالپور نے واضح ہدایت دی کہ اس گھناونے عمل میں جو بھی ملوث ہو، چاہے اپنی جماعت سے ہی کیوں نہ ہو، قانون اس کے خلاف ضرور حرکت کرے۔ یہ ناسور ہمارے معاشرے میں وبا کی طرح پھیل رہا ہے، اس کی روک تھام میں کسی قسم کی کوتاہی برداشت نہیں ہوگی۔ اسی سخت مؤقف کے بعد ملزمان کی گرفتاریاں ثابت کرتی ہیں کہ سندھ پولیس نے منظم نیٹ ورک کے خلاف مؤثر کارروائی کی ہے۔ ترجمان حکومت سندھ نادر گبول @NadirGabol

پاکستان پیپلز پارٹی کے مرکزی سیکریٹری جنرل محمد ہمایوں خان کی گلگت بلتستان انتخابات میں کارکنان کو انتخابی مہم تیز کرنے کی ہدایت۔ پاکستان پیپلز پارٹی گلت بلتستان کے انتخابات میں عوامی طاقت سے تاریخی کامیابی حاصل کرے گی، ہمایوں خان چیئرمین بلاول بھٹو زرداری کی قیادت میں پارٹی ملک بھر کی طرح گلت بلتستان میں بھی امید، ترقی اور عوامی خدمت کی علامت بن چکی ہے، ہمایوں خان پیپلز پارٹی کی تمام تنظیمیں، ونگز، عہدیداران اور کارکنان اپنی تمام تر صلاحیتیں بروئے کار لاتے ہوئے پارٹی امیدواروں کی انتخابی مہم کو گھر گھر پہنچائیں، ہمایوں خان پاکستان پیپلز پارٹی ہی وہ واحد جماعت ہے جس نے ہمیشہ غریب عوام، نوجوانوں، خواتین اور محروم طبقات کے حقوق کی آواز بلند کی، ہمایوں خان گلت بلتستان کے عوام باشعور ہیں اور وہ نفرت، تقسیم اور جھوٹ کی سیاست کو مسترد کر کے تیر کے نشان پر اعتماد کا اظہار کریں گے، ہمایوں خان انشاءاللہ پیپلز پارٹی روزگار، سیاحت، انفراسٹرکچر، تعلیم اور صحت کے شعبوں میں حقیقی ترقی کا نیا باب رقم کرے گی، ہمایوں خان پارٹی کارکنان اتحاد، نظم و ضبط اور بھرپور عوامی رابطہ مہم کے ذریعے انتخابی میدان میں متحرک کردار ادا کریں، ہمایوں خان یہ الیکشن صرف نشستوں کا نہیں بلکہ عوام کے حقوق، خوشحالی اور جمہوری مستقبل کی جنگ ہے، ہمایوں خان @MHamayunKhan

گلگت/اسلام آباد: انصاف اسٹوڈنٹس فیڈریشن گلگت بلتستان کے سابق صدر عبدالرحمان داریلو اپنے سینکڑوں ساتھیوں سمیت پاکستان پیپلزپارٹی میں شامل ہوگئے، عبدالرحمان داریلو نے صدر پی پی پی گلگت بلتستان امجد ایڈووکیٹ اور حلقہ دو میں پی پی پی امیدوار جمیل احمد کی موجودگی میں پاکستان پیپلزپارٹی میں شمولیت کا اعلان کیا، اس موقع پر پاکستان پیپلزپارٹی سندھ کے رہنما عاجز دھامرا بھی موجود تھے، عبدالرحمان داریلو نے اس موقع پر کہا کہ پی ٹی آئی کو نوجوانوں کی جماعت سمجھا جاتا ہے مگر اس پارٹی میں نوجوان مکمل طور پر نظر انداز ہیں اور پی ٹی آئی پیراشوٹرز اور بلیک میلرز کی پارٹی بن چکی ہے، انہوں نے اپنے ویڈیو پیغام میں کہا کہ پاکستان پیپلزپارٹی کے چیئرمین بلاول بھٹو زرداری ایک نوجوان لیڈر ہیں اور نوجوان ہونے کی حیثیت میں ایک نوجوان لیڈر کی سربراہی میں پیپلزپارٹی کا حصہ بننا ان کے لئے ایک اہم سنگ میل ہے، عبدالرحمان داریلو نے یہ بھی کہا کہ شہید ذوالفقار علی بھٹو کے گلگت بلتستان پر بہت احسانات ہیں اور ہمارے بڑے ہمیشہ پی پی پی کے ساتھ کھڑے رہے ہیں اور اب ہم اس روایت کو آگے بڑھاتے ہوئے بھٹو ازم کے ساتھ وفادار ہونے کا عہد کرتے ہیں، عبدالرحمان داریلو نے اس موقع پر حلقہ دو میں جیالے امیدوار جمیل احمد کی حمایت کا بھی اعلان کیا۔

صرف پنکی انمول کا کیس نہیں، سندھ حکومت کافی عرصے سے منشیات کے نیٹ ورک کے خلاف سخت کارروائیاں کر رہی ہے، جن کے مثبت نتائج سامنے آ رہے ہیں۔ کئی بڑے منشیاتی گروہوں اور ان کے نیٹ ورکس کو بے نقاب کیا گیا، جبکہ بارڈر علاقوں سے اربوں روپے مالیت کی منشیات بھی برآمد ہوئی ہیں۔ سندھ حکومت اس لعنت کے خاتمے کے لیے بھرپور اقدامات کر رہی ہے۔ جہاں تک آج کے عدالتی معاملے کا تعلق ہے، عدالت میں نظم و ضبط برقرار رکھنا متعلقہ کورٹ آفیسر کی ذمہ داری ہے۔ تاہم اگر پولیس کے کسی اہلکار کی جانب سے ملزم کی سہولت کاری ثابت ہوئی تو حکومت کارروائی کرے گی۔

قانون کی فوری حرکت ہی کے باعث ملزمہ کی گرفتاری ممکن ہوئی، جبکہ عدالتی پیشی میں غفلت برتنے والوں کو صوبائی وزیر داخلہ ضیاء الحسن لنجار کی ہدایت پر معطل کر کے واضح پیغام دیا گیا کہ لاپروائی کسی صورت برداشت نہیں ہوگی۔ آئی جی سندھ نے بھی معاملے کا سخت نوٹس لیا ہے۔ سندھ اسمبلی میں محترمہ فریال تالپور کی سربراہی میں منعقدہ اجلاس میں واضح ہدایات دی جاچکی ہیں کہ منشیات جیسے ناسور کو جڑ سے ختم کرنا ہے۔ یہی کارروائیاں اسی عزم کا تسلسل ہیں، جبکہ بارڈر کے راستے آنے والی اس لعنت کے خاتمے کے لیے وفاق سے مؤثر تعاون ناگزیر ہے۔ ترجمان حکومت سندھ سیدہ تحسین عابدی @TehsinAbidi

کل آپ کے چینل پر یہ یقین دہانی کرائی گئی تھی کہ ذمہ داران کے خلاف سخت کارروائی ہوگی، اور ملوث افسران کی معطلی نے ثابت کر دیا کہ یہ وعدہ محض الفاظ نہیں تھا بلکہ عملی اقدام تھا۔ صوبائی وزیر داخلہ ضیاء الحسن لنجار نے واضح کیا کہ ملزمہ کو کسی قسم کی رعایت نہیں دی جائے گی، ضمانت کی راہ بھی روکی جائے گی، جبکہ اس کے نیٹ ورک میں شامل ہر سہولت کار اور معاون کو قانون کے کٹہرے میں لانے کے لیے بھرپور کارروائی جاری ہے۔ ترجمان حکومت سندھ سعدیہ جاوید @Sadiajavedppp

نائب صدر پیپلز پارٹی سینیٹر شیری رحمان نے دونوں ایوانوں سے کتابوں پر پلاسٹک کورز پر پابندی کا بل منظور ہونا اسلام آباد کیلئے ایک تاریخی ماحولیاتی کامیابی قرار دیا۔ اسلام آباد کیپٹل ٹیریٹری پروہیبیشن آف پلاسٹک بک کورز بل 2026 فوری نافذ ہوگیا، یہ سنگل یوز پلاسٹک اور زہریلے “فاریور کیمیکلز” کے خلاف فیصلہ کن قدم ہے، شیری رحمان پلاسٹک کو ختم ہونے میں ایک ہزار سال تک لگ سکتے ہیں اور یہ دریاؤں، نالوں، لینڈ فلز، ساحلی علاقوں اور ماحول میں مستقل آلودگی پھیلا رہا ہے، شیری رحمان دنیا بھر میں 40 کروڑ ٹن سے زائد پلاسٹک فضلہ پیدا ہو چکا ہے جبکہ صرف 9 فیصد ری سائیکل ہوا، پاکستان میں سالانہ تقریباً 3 ملین ٹن پلاسٹک کچرا پیدا ہوتا ہے، شیری رحمان پاکستان میں صرف تقریباً 3 فیصد پلاسٹک ری سائیکل ہوتا ہے جو زیادہ تر غیر رسمی شعبے میں ہوتا ہے، یہ صورتحال سنگین ماحولیاتی چیلنج کو ظاہر کرتی ہے، شیری رحمان قانون کے تحت پہلی خلاف ورزی پر 50 ہزار روپے سے زائد جرمانہ عائد ہوگا،شیری رحمان شہریوں سے اپیل ہے کہ وہ خلاف ورزی کرنے والے عناصر کے خلاف شکایات درج کرائیں، شیری رحمان اب بڑے ریٹیلرز کی بھی چیکنگ کی جائے گی تاکہ پلاسٹک کورز کے مکمل خاتمے کو یقینی بنایا جا سکے، شیری رحمان بڑے ریٹیلرز کو پہلے ہی وارننگز دی گئی ہے کہ وہ پلاسٹک کورز سمیت تمام غیر ضروری پلاسٹک مواد کا استعمال ختم کریں، شیری رحمان دنیا بھر میں سنگل یوز پلاسٹک کے استعمال میں تیزی سے کمی آ رہی ہے اور پاکستان کو بھی اسی سمت میں عملی اقدامات کرنا ہوں گے، شیری رحمان اسلام آباد کے سبز علاقے پہلے ہی شہری تعمیرات کے دباؤ کا شکار ہیں اور مزید پلاسٹک آلودگی ناقابل قبول ہے، شیری رحمان** یہ قانون عوامی صحت، ماحولیاتی تحفظ اور آنے والی نسلوں کے محفوظ مستقبل کیلئے ایک اہم قدم ہے، شیری رحمان @sherryrehman

انمول عرف پنکی کیس میں مشترکہ تحقیقاتی ٹیم (JIT) تشکیل دینے کا فیصلہ کیا گیا ہے تاکہ معاملے کے ہر پہلو کو شفاف انداز میں جانچا جا سکے۔ ایڈیشنل آئی جی، سینئر انٹیلیجنس افسر اور اعلیٰ بیوروکریٹ تحقیقات کا حصہ ہوں گے جبکہ پولیس کی غفلت اور عدالتی کارروائی کے تمام پہلوؤں کا بھی جائزہ لیا جائے گا۔ واضح کیا گیا ہے کہ ذمہ داروں کے خلاف سخت کارروائی ہوگی اور گرفتاریاں عمل میں لائی جائیں گی۔ منشیات کے اس سنگین نیٹ ورک میں ملوث عناصر کو قانون کے مطابق سخت انجام تک پہنچایا جائے گا،اور میں آپ کو اس بات کی یقین دہانی کراتا ہوں کہ یہ ملزمہ جیل سے باہر نہیں آسکے گی اور ان کیخلاف سخت سے سخت کارروائی عمل میں لائی جائے گی صوبائی وزیر داخلہ سندھ ضیاء الحسن لنجار @ZiaLanjar

پاکستان پیپلز پارٹی 18ویں ترمیم کی اصل بانی جماعت ہے اور اس پر ہمارا مؤقف ہمیشہ سے واضح اور دوٹوک رہا ہے، جسے چیئرمین بلاول بھٹو زرداری قومی اسمبلی میں بھی کھل کر بیان کرچکے ہیں۔ سیاست میں حکومتی بینچوں سے اپوزیشن بینچوں تک جانا ایک معمول کی جمہوری روایت ہے۔ ہم اس وقت حکومت کے اتحادی ضرور ہیں، لیکن کئی اہم معاملات پر اپنے تحفظات بھی رکھتے ہیں اور عوامی مفاد پر کبھی سمجھوتہ نہیں کرتے۔ سینیٹربیرسٹرضمیر گھمرو @zamirghumro