Rashad Ali

اپنا اور اپنے بچے کا مستقبل داؤ پر لگا کر میں نے پاکستان کے بچوں کے مستقبل کا انتخاب کیا ہے۔ ربِ کعبہ کی قسم میں نے جس عوام راج تحریک کے لیے اے آر وائی چھوڑا ہے اس تحریک میں یا اس کے نتیجے میں بننے والی حکومت میں کبھی کوئی عہدہ یا اختیار اپنے پاس نہیں رکھوں گا۔ اللہ کے پیارے حبیب صلی اللہ علیہ وسلم کو گواہ بنا کر کہتا ہوں کہ نہ آج اس تحریک سے میرا کوئی مفاد وابستہ ہے اور نہ آئیندہ ہو گا سوائے اس کے کہ اس کے نتیجے میں میرے وطن سے سیاسی اور فوجی اشرافیہ کے تسلط کا خاتمہ ہو۔ انشاء اللہ یہ تحریک میرٹ، قابلیت اور انٹرنل جمہوریت کی بنیاد پر پاکستان کے عام لوگوں اور مڈل کلاس کو اقتدار میں لائے گی، وڈیروں، جاگیرداروں، امیرزادوں اور فوجی اشرافیہ کے اٹھہتر سال کے اقتدار کا خاتمہ ہو گا۔ پاکستان زندہ باد عوام راج پائندہ باد

اور موصوف بڑے بڑے ائی ائی پی ایز جس کے اکثر مالکان یہ سیاسی حکمران خود ہیں یا ان کے بچے ہیں ان کا کیس اور دفاع پیش کریں گے۔ عوام کو سمجھائیں گے ان کی کھال اتار کر ان ائی پی پی ایز کو ادائیگیاں کرنی ہیں۔ جس ملک میں بجلی کی کھپت 26000 میگا واٹ تھی لیکن وہاں 41000 پیداوار کے بجلی گھر لگوا دیے گئے جن کے ساتھ معاہدے ہوں کہ بجلی پیدا کریں یا نہ کریں ہم خریدیں نہ خریدیں آپ کو ڈالروں میں ریٹ دے کر ہر ماہ اربوں ملتے رہیں گے وہاں آپ کیا توقع رکھتے ہیں کہ یہ ہمارے سگے ہیں؟ سولر ایج میں بھی یہ آئی پی پی ایز سفید ہاتھی پال رکھے ہیں کیونکہ ان سب کی چونچ گیلی ہورہی ہے۔ اس وقت چھیبس ہزار میں سے سرکاری طور پر بتایا گیا ہے سات ہزار میگا واٹ بجلی تو عوام خود سولرلگا کر پوری کررہی ہے جبکہ غیرسرکاری فگر پندرہ ہزار سے اوپر ہے۔ بہت جلد بیس ہزار میگا واٹ سولر سے کراس کر جائے گا۔ لیکن پوری کوشش ہورہی ہے یہ مہنگے سفید ہاتھی ہم پر مسلط رہیں اور عوام ان کا پیٹ بھرتی رہے۔ سولر کو discourage کررہے ہیں۔ اندازہ کریں کل چھیبس ہزار کھپت لیکن اکتالیس ہزار میگا واٹ بجلی پیدا کرنے کی صلاحیت کے کارخانے لگوا دیے اور ساتھ معاہدہ کر لیا تم سے بجلی نہ بھی خریدی تو بھی روکڑا ملتا رہے گا۔ بجلی خریدنی بھی نہیں تھی کیونکہ کھپت بہت کم تھی۔ یوں آج بھی ان بجلی گھروں کا سولہ سترہ ہزار میگا واٹ کا کوئی استمعال نہیں ہو رہا لیکن ادائیگی 41000 کی ہورہی ہے۔ عوام پوچھے گی پھر لوڈ شیڈنگ کیوں ہورہی ہے۔ وہی بتانے تو عزت ماب لغاری صاحب آپ کو چورن بیچیں گے۔ زرا دھیان سے سنیۓ گا۔ واہ رہے پاکستانی حکمرانو اور ان کے سرکاری زکوٹے جن۔ 😎