ريـوف الشمري 📇

اجمل الغياب حينما تكون حبال الوصل قصيدة :

🎵🎵

تغيبون ' وِاْلّا ' ماتِغيبون ' وسْط البال عليكم طواري يا ' نظَر ' عينيِ بْتطري .. . . تمرْجح فُؤادي مثْل مـْ اْتمرجح السلسال بِـ عنْق الأَمل مِن حيث ' يدري وَلَا يدري ! ريوف ☕️🌸

انا دُموعي مدري شْفيها دُموعي ' دمّ عين ' ! . . كمَا : جِروح الحبّ وِطْعون المحبه نازفه . . بقىْ الْعتب بسْ للشعِر يالغايبين الحاضرين واْلّا لِساني شايم ، وِ نفسي ' كريمه ' عايفه مرّه أَسىٰ ، مرّه وجَع ، مرّه حزِن ، مرّه حنين ما أَكتب اْبياتي عبَث كلْ بيت يحكي سالفه ريوف ☕️🌸

توطئه : ' نص خيالي خالٍ من الخيال ' • • كلّ ما جيت اْحكيِ اللي داخلي شعْر وْ شعور ما أَشوف مْن الحروف الأَبجديّه / غير ' عين ' ! ريوف

إعلم بأن : " الرصاصة التي تُطلق لا تُسترد " **

يا ساعتي و العقارب .. ركبها بـ / إنهيار محتاجه اللي يساعدها .. يمدّ الوصل ! ريوف

@shajan_qqq وعليج .. بعض من جمالج 🙏🏻♥️

@Ruo0o0f89 الله الله الله كم أنت جميلة إحساس🌹

بين نوبات الهلع ، و الإكتئاب عالقه في هالحياه الاْ شْعره !! ريوف

مثل داري بـ / يومٍ جات مشتاقه و ممنونه بعد ظلم الغزو يوم فْرحت في شيخنا جابر ريوف

توطئه : ليست كل النصوص تحتاج لـ / توطئه .. !!!

نسيمك كلّ ماهبّت ذعاذيعه .. معاه اميل .. تخيّل الارض معْ هبّة نسيمك ما تجوّدني !! ريوف

يا حبيب المشاعر .. إعتزل هـ / النزاع وانته اكثر من احبّه و حبّك مميت .. ! الحسايف تودّينا : لـ / درب .. الوداع بعض الاحيان يقتل حلمها حسّ ليت ريوف ..

اللي عليك : عْتاب واجد ما يفيد واللي عليّ : دْموع في عنق الليال لذا عرفت انّ النسا ما هي تكيد أشدّ من كيد النسا كيد الرجال .. ! ريوف ..

يضيق الكون و ارجائه ، و نفسي بعثرتها ريح واشوف انّ الحياه بْكبرها توقف على : صدّه ! ريوف

الشّاعره صوتها .. / يشبه هديل الحمام باين على وجهها لوْ تخفي / احساسها ريوف ..

انا قصة كفاح ، و شاعره .. صفّق .. لهاْ الجمهور .. وانا طفله نست تكبر .. ، و عانقها .. جفن عيني .. ! ريوف

حبيبي انْ طرّوا لك ( الأحباب ) انت ( الوحيد ) اللي انا اْحبّه .. ريوف

لا تدوّر شيّ .. من خلف / السطور الكلام اللي معي يحتاج ' عين ' ! ريوف

ماتراني كلّ هـ / العالم سوى دمعات تجري !! ليت هـ / العالم مثل ما اكون بـ / عْيونك تراني .. ما تعبت ابكي لأنّ البكْي فيه اشياء ' تغري ' من حنين اللي كبر فاقد و يسأل عن ' حناني ' .. ريوف

أنا ' قمر ' لكنّ .. ادوّر عن سما .. و انا فضا ، لكنّي ابحث عن نسيم ! ! ريوف