صفيه الحربي

خواطرنا وسَاع وهرجنا ذرْب ونبانا زين نحَشْم كبارنا ونقدّر اللي راح ( ونجلّه ) ابوي اللي مربينا على حب الادب و الدين زرع فينا من الخير العظيم اللي على الملّة

يارب .. وانت بكل ما فيني عليم سخّر لي أصحاب النفوس الصافيه لو شحّت ظروفي فلا غيرك كريم وان جارت ذنوبي عساها خافيه عن كل ذنب "استغفر الله العظيم" عن كل كسرة نفس "أجر وعافيه" .

كيف يْتبارك علينا الشهر من دونك ؟

مغرياتي بالسنين الأوَّله .. ماعاد تغري من بعد ماصارت الفرحة تزاورني شحيحة

@n____jd 🤍🤍

من واقعيّة شعوري قمت اداريني ! احضن يدين الحقيقة قبل ماأحلم ( الحّ ) بـ دعاي .. وآتمتم بـ آميني : يارب وحدك بما في خاطري تعلم لو زاد همي .. ولو جفّت بساتيني انت الوحيد الكريم القادر الأعظم @SF_009

لـ نفسي القديمة جدًا :

ودّي أخفي عن عيون النّاس ضعفي وانكساري

اللهم احفظ بلادنا وقادتنا وأمننا 💚💚💚

رقيت بصبري وماجبت لك سيرة مع الجلّاس لو ان اسلوبك اللي شان .. واسلوبي معك راقي

عن الفرص والتغاضي مسدلين الستار ماعاد باقي أمل ياحضرة الغايبين حياتنا بـ الشقا ..ماجات بالاختيار مردّها كل ماشانت علينا تزين ماتنزل دموع عيني من جفا وانكسار الدمع حيل الضعيف وتمتمات الحزين فيني من العز مايملا يدين الوقار ومن العقل ما تفاخر به كفوف اليقين وفيني وضوح النّوايا مثل وضح النهار اساير الوقت بطبوع ونقا الاوّلين استطعم اللقمة اللي لو تجيني قفار واقدّر الطيب لو ماكان من طيبين مَ انسى الجمايل لو ان اهل الجمايل كثار أرد دين الجميلة مرة ومرتين والناس ماهي على النّية ونفس المسار اطباعهم تختلف وقلوبهم ماتبِين حسبت كل الاوادم بالنوايا كبار واسهَبْت في طيب نياتي مع العالمين كانت نواياي بيْض وواضحه باختصار : أنا وذيك النوايا كلنا ( آآآسفين ) .

@A___h4545 حبيبتي أمثال🤍🤍

الكلام إن شحّ ماضاع السَّلام لو غصون الهم فيني وارقة من دواعي رفعتي والإحترام السلام اللي رفضني غارقه آتعالى بـ الرضا و الانسجام حول سفْح الغيم روحي شارقة كيف ما اجاورْك يا سفح الغمام ! وامي اللي قالت إنّي " فارقة ".

قسوة وعي ، ما ريّحت فكر النزيه حطّت على باب الشعور ومقصدي خلتني أضحك شي كنت أبكي عليه واصمت لو انّ الجرح فتّاك ونِدِي آسامح المخطي ، و اطوِّف للسفيه اكرم شعوري عنْه واصون اجْهَدِي من كثر ما شفت بحياتي من وجيه صرت اعرف الوجه الاصيل من الردي .

@N__MUTAIR حبيبتي يانوف 🤍

@SF_009 عوداً حميداً بك وبالشعر🩶

من وساعة بال ، ما لـ الخير في قلبي منافي مدلهمّات الليال الفايته ما تستهيضه كل ماشفته من اصحاب الرخا جعله عوافي وكل خير اقدمه للناس ماودّي تعيضه الرضا قدمي وكل اللي خسرته في خلافي والقناعة داخلي تبقى مناكبها عريضة والفراغ اللي يشوفونه من الاوجاع ضافي ياكبر فضله علي لو مسّني حرّه وقيضه راحة البال ونعيمه لا غفيت بقلب صافي والمنبّه مايدق الا ( على وقت الفريضة )

نطرد ورى الاحلام واحلامنا جرد ونداري الخاطر .. لو الحظ فاته ماشلت هم البرد ياخايف البرد اقسى من انسام الشتا : ذكرياته

أنا بعيونك أكثر بنت بالدنيا عظيمة شان وأنا ذيك الروايات العظيمة يوم ترويها 🤍

فيني من العزّ .. ما يملا يدين الوقار ومن العقل ما تفاخَر به كفوف اليقين

@mx20220 🤍🤍

@SF_009 يا. سلام صفيه مبدعه كعادتك. صح السانك 🤍

ماكنت لي بالرخا وشلون أعدّك زهاب خليتني لين أروح وضاق رحب الفضا !