شِعرْ

إبتهالات شعرية : يارب لو جاد عمري بالسنين وكبرت ذكّرني باللي أحبّ ، لو أفقد الذاكره @mna5aat

قررت أكون .. السالي النسّاي تعبت أسير ومالي ... أراضي ! ابترك الماضي مع اللي : جاي الجاي ماله ذنـب .. فـ الماضي ! @n_algrn

أنا النسَّاي يا أقسى جروح البال أنا النسَّاي ولكنّ الحنين أكبر من النسيان .. والصدَّة @Nu__3w

بعد ما هب صوتك لين مال الظل أنا عندي كلام وما عرفت احكيه أخاف إن قلت أحبّك صرت مثل الكل خذي هذا الشعور براحتك سمّيه 💙 @alkeyadi

خايف .. إني أنخذل بآخر طريقي وخايف إن العمر لوعات وحسايف وخايف إني أفقد القلب الحقيقي وخايف إني ما أعيش بيوم خايف @maleka_14

عرفت الحين من خوفك وامانك شلون الحب له بالناس قيمه ؟ وهم كل السوالف في لسانك ندم .. كل العلاقات القديمه @azizalaiban

يدبّ الضما غصنٍ تحرّى دلو ساقيه! مثل ما تحرّى -سور قلبي- : معازيبه تبعت السراب، وقلت ما ينتظرني ليه؟ وأثر ما ينسّيني -العشم- كثرة الخيبه @9alehAlhawal

ذخرته للتفاصيل الصغيره و أكبر الآمال طفولة فرحتي ، زهرة شبابي ، عمري الآتي وخلاني حبيسةْ ذكريات و صوره بْـ جوال عليها يا كبر وجدي .. و يا مكثر تلفّاتي عطاني جرح للذكرى ، تزول الروح ما ينزال عطاني جرح ما يطري على بال انكساراتي @ashwa8al5lefa

فـَ الهروب المستمر عنّك .. معاك ! راح تفقد قلب /ما تفقد شريك و راح تدرك لو خذاك اللي خذاك . إن : أنا فرصة عمر راحت عليك @ashwa8al5lefa

لا تبدي اسرار قلبك عند هذا وذاك لوكان بين الضلوع العوج نار ولهب متى ما بيّنت سرك للاوادم تراك سلّمت نفسك لهم(على طبق من ذهب) @S__break

عليه اللوم ودموع الهقاوي والسلام الحار كثر ماكان في صدري حكي قاسي ولا قلته @i_yafe3h

بعد سنين من الوهم يقول : كنت واقع كثر ما كنت وهم وخيال يا رهين الضلوع .. اللي نفذ صبرها "كسرة الخاطر" اللي ما عليها جدال طيف ذكراك ، ما يقدر على جبرها !! @Alsraheed

تبرا قساك من المعاذير .. وانت ارتحت عسى راسك من الهم يبطي وهو خالي وانا لا بغت عيني تشيلك عقب ماطحت طرى لي خطاك .. اللي من العام يبرا لي عدا كل مشهد من مشاهد غلاك البَحت ماعاد ابتسم ، حتى لطيفك على بالي @azizalablan

يا تراحيب الحيا "يا صوتك المتغيّر" ♥️ كم مرة قد نصحتك من قبل هالمرّه ؟ في الليالي الباردة لا تلبسين قصيّر وأنتي أفتن قدّ، وأفتن وجه، وأفتن حُرّه ! @Nmnaa7y

يا سيّد الهجر: ضحكة انتصارك "وهم" متعوّد العمر وحداني ولا به جديد . ماعاد بعدك مخيف ولا حضورك مهم :) أنا وحيد فـ غيابك ، وفحضورك : وحيد ! @SaaD_yh

ماشي يساوي راحة البال لو تنشرى بندفع فلوس احيان لو في ايديك الأموال ما ترد عنك يرحة الموس @obaidalkabi

لنفسي : ياعمري اللي مضى ، آسف على احلامي عشّمتك بخير لكن .. وش يدرّيني ؟! يحييني الحلم .. لين يموت قدامي ولامات قدّامي .. ألقى حلم يحييني !! @sbinbtlaa

أحاول أنساك محتاجك تساعدني شف كيف حتى وأنا بنساك محتاجك لا صرت بغيب عنك ولا أنت فاقدني آسف على حبي ، وآسف على ازعاجك @sbinbtlaa

رحلة الأسف في الشعر: آسف لأنّي عطيتك فوق ما أعطي وآسف لأنّي عشقت أكثر من اللازم @i3baaadi

ياربّي أعتقني من الضيقه اللي لا جاتني ضاقت علي الوسيعه @Sh96F

لو يعتريني الخوف لحظة تطمنت بـ اسمك اذا نادت عليه المساجد فيك انت خاصمت وتوكلت وامنت اجعلي بالفُردوس الأعلى تواجد انا لو اني اعلم الغيب ما كنت اضيّع "ايامي" على اشياء واجد @Thrwat_Sh3r

إبتهالات شعرية : يارب لو جاد عمري بالسنين وكبرت ذكّرني باللي أحبّ ، لو أفقد الذاكره @mna5aat

الى ربحت رضاك يارب عني ماهمني بدار الفنا ماخسرته ودي اسامح كل من هو خذلني مادامني عـلى الوفا ماجبرته @hamad_albraidi