Samson Haile

ማዕረ ማዕረ'ቲ ናይ "fb ፐይጅ" ኣብዚ X እውን ብንጥፈት ክዋሳእ እጅምር ኣለኹ። ዕላማ'ዚ "ፐይጅ" ብቐንዱ ኤርትራዊ ሃገራዊ መንነት ምዕቃብን ምዂላዕን'ዩ። ስፖርታዊ፡ ስነ-ጥበባዊ፡ ባህላዊ፡ ማሕበራውን ፖሊቲካውን ትሕዝቶታት ድማ ክጠቓለል ክፍተን'ዩ።

ስጳኛ - ናትናኤል ተስፋጽዮን ደረጃ ዎርልድ ቱር ኣብ ዘለዎ ዙር ባስክ 3ይ ኣብ ዝኣተወሉ ህሞት! - ካልኣይ ናይ ዎርልድ ቱር ሽልማቱ እዩ። ኣብ 2024 ኣብ ኣውስትራልያ ብደረጃ ዎርልድ ቱር 2ይ ኣትዩ ነይሩ። - ኣብ ታሪኽ ቅ/ብሽክለታ ኤርትራ ኣገዳሲ እዩ።

ስጳኛ - ተቐዳዳማይ ሙቪስታር ኤርትራዊ ናትናኤል ተ/ጽዮን ሕጂ ኣብ ዝተዛዘመ ሳልሳይ መድርኽ ዙር ዞባ ባስክ 3ይ ኣትዩ። ናትናኤል ኣብ ናይ ዎርልድ ቱር ቅድድም ሎሚ ንካልኣይ ግዜኡ መዳልያ ይሽለም ኣሎ። ቅድሚ ሎሚ ኣብ ካድል ኢቫንስ 2ይ ወጺኡ ነይሩ።

ተቐዳዳማይ ኣስቤኮ ሴም እዮብ'ዩ - ዕዉት ዙር ዞባ ማእከል። "ሴም እዮብ" ትብል ስም ከኣ ኣብዚ ቅንያት ደሚቓ ቀንያ ነይራ - ኣብ ታሪኻዊ ዓወት ኹዕሶ እግሪ ሬድሲ ካመልስ። ተቐዳዳማይ ሴም ድማ ንኤርትራ ኣብ ካልእ ድስፕሊን ከዐውታ ነቒሉ - ኣብ ቅድድም።

600 ዓመታት ዝገበረት፡ 40 ኪሎ ዝኽብደታ ጥንታዊት መጽሓፍ ቅዱስ ኣብ ገዳም ደብረቢዘን። ክልተ ወይ ኣርባዕተ ሰብ ኴንካ ኢኻ ተንቀሳቕሳ። ደብረቢዘን ብ1360 ዓ.ም ማለት ኣብ መበል 14 ክፍለ-ዘመን ብኣቡነ ፍሊጶስ ተመስሪቱ።

ኤርትራ ኣብ ኣፍሪቃ ጀማሪት ቅድድም መኪና ምዃና ዝገልጽ መርትዖ እንሀ። ብ1937 ዘተኣታተወት ደቡብ ኣፍሪቃ ፈላሚት ምዃና ይንገረላ። ኤርትራ ግና ቅድሚ 1937 ቅድድም ተካዪድ ነይራ (ስእሊ ርአ)። ገና እቲ ብ1937/8 ዝተሰርሐ ቺነማ ኢምፔሮ ከይተሰረተ!!

ኣብ ዶጋሊ ብ1997 ዝተረኽበ 27 ሚልዮን ዓመታት ዝገበረ ጥንታዊ ዓሌት ሓርማዝ ብስም'ቲ ፈለማ ዝረኸቦ መልኣከ ገብረክርስቶስ ዝተባህለ ኤርትራዊ ሓረስታይ "Eretreum melakeghebrekrstosi" ተባሂሉ ይጽዋዕ ኣሎ።

ህዝባዊ ግንባር ኣብ 1980 እዩ ረፈረንደም ኣዊጁ! ማለት፥ - ተጋድሎ ሓርነት ካብ መሬት ኤርትራ ተጸሪጋ ከይወጽአት - 6ይ ወራር፡ ሰላሕታ፡ ወፍሪ ባሕረነጋሽ ከይተኻየዱ - ውቃው እዝን ናደው እዝን ከይተደምሰሱ - ሰራዊት ኢትዮጵያ ብፈንቅል ከይተፈንቀለ።

ሻምፕዮን ኤርትራ 2025 ሞናሊዛ ኣርኣያ ሎሚ 1.1 ኣብ ዝደረጃኡ ክላሲክስ Mouscron ምስ ጋንታኣ ጋንዮን ክትስለፍያ። እዚ 125 ኪ.ሜትሮ ዝሽፍን ካብ ዎርልድ ቱር ብሓደ ደረጃ ጥራይ ዝትሕት ውድድር ንሞናሊዛ ፋልማይ ዝዓበየ ናይ ፕሮፌሽናል ጸወታኣ'ዩ።

ሎሚ እንግሊዛዊት ክለብ ሺፊልድ ዩናይትድ ንዓወት ሴም እዮብን ሃገራዊት ጋንታ ኤርትራን ብዝምልከት ዝዘርግሓቶ ጽሑፍ።

ርእሰ-ተኣማንነት ብዙሕነት ሃገራውነትን ትግሃትን ዝንጸባረቓ ቅላዕ ስእሊ!

ሓዲኦም ንኤርትራ ሓዲኦም ንኣመሪካ ወኪሎም ዝወዳደሩ ደቂ ጓሉ ንገዲም ተጻዋታይ በዂረጽዮን ገብረሂወት'ዮም። 1. ጸጋመይቲ - ሊሊ ዮውሃንስ(ሃ/ጋንታ ኣመሪካ) 2. የማናይ - ኤታን ዮውሃንስ ( ሃ/ጋንታ ኤርትራ) 3. ማእከላይ'ውን ሓዎም'ዩ።

ኣብ ሱፐር ዲቪዝዮን ሽወደን ምስ ሃማርቢ ዝስለፍ ኣጥቃዓይ ጳውሎስ ኣብርሃም ኣብ ናይ ሎሚ ጸወታ ሃትሪክ ሰሪሑ። እቲ ንተስፋልደት ተኪኤ ወዲ ጋንታኡ ዝኾነ ጳውሎስ ምስ ሃ/ጋንታ ሽወደን ኣይተሰለፈን ብምህላዉ ምስ ኤርትራ ክጽንበር ተኽእሎ ኣለዎ።

እዛ ምጭውቲ እንስሳ-ዘገዳም'ዚኣ ፈለማ ብ1830 ዓ.ም ኣብ ኤርትራ ስለዝተዳህሰሰት "ኤርትራዊት ኢራብ (The Eritrean Gazzelle)" ዝብል ስም ተዋሂቡዋ። ንኤርትራዊት ኢራብ ካብተን ካልኦት ዓይነታት ኢራብ ዝፈልያ፡ ኣብ ጎና ዘሎ ጸሊም ሕንጣጥ እዩ።

ተኸላኻላይ ሃገራዊት ጋንታ ኤርትራ ጀማል ዓሊን ሓላው ልዳት ዮናታን ሱልጣንን ናብ ሎሚ ኣብዘውግሐ ለይቲ ናብ ኣውስትሬልያ ተመሊሶም ኣለዉ።

ሃብቶም ሳሚኤል ኣብ ኣመሪካ ኣብ ዝተገብረ ውድድር ትራክ ኣብ 10,000 ሜትሮ 1ይ ኣትዩ። ኣብ ዞባ ዓንሰባ ዝዓበየን ዝተመልመለን ሃብቶም ንሃገራዊት ጋንታ ኤርትራ ወኪሉ ኣብ ዝተፈላለየ ኣህጉራዊ ውድድራት ንኡድ ውጽኢት የመዝግብ ከምዝነበረ ይዝከር።

@SirakBahlbi @HABENA እወ ሲራክ። ኣብ ምክልኻል ዝተሰለፈ ንፉዕ ተጻዋታይ ነይሩ ሓደ።

@SHaile894 @HABENA ሰናይ ብርሃነ ዝተባህለ ተጻዋታይ ምስ ሄኖክ ንኤርትራ ወኪሉ ተጻዊቱ ኔሩ፡፡

ኣብ ሽወደን፡ ኢጣልያን ስጳኛን ኣብ ዝለዓለ ሊጋት ዝተጻወተ ሄኖክ ጎይትኦም፡ ንሬድሲ ካመልስ ዝወከለ በዂሪ ዕባይ ድያስፖራ እዩ። ሄኖክ ኣብ ጋንታ Degerfors IF ዘሰልጥኖ ዘሎ ናሆም ነታባይ'ውን ኣሰሩ ሒዙ ኣሎ።

ሃገራዊት ጋንታ "ሬድሲ ካመልስ" ዝተሰምየት ኣብ 2004 ኣብ ዝተኻየደ በዂሪ ሃገራዊ ስፖርታዊ ዋዕላ'ዩ። ብእንግሊዝኛ ክኸውን'ውን ዋዕለኛታት ዓብላሊ ድምጾም ሂቦም። ሰፊሕ ክርክር ካብ ዝተኻየደለን ኣስማት 1. ሬድሲ ዶልፊንስ 2. ሬድሲ ካመልስ ነይረን።

ዓሊ ሱለይማን ኣብ ኣህጉራዊ ውድድር ፈለማ ሃትሪክ ዘመዝገበ ኣብ ሴካፋ 2021 እዩ። ኤርትራን ኢትዮጵያን ኣብ ባህርዳር ኣብ ዘካየዳኦ ግጥም ሰለስተ ሸቶታት ኣመዝጊቡ።

ገና 18 ዓመት ከይመልአ ንዓለም ፕሮፌሽናልነት ዝጽንበሮ ዘሎ ኣጥቃዓይ ሬድሲ ካመልስን ሺፊልድ ዩናይትድ ትሕቲ 18 ዓመትን - ሴም እዮብ ኣብርሃ ቦታኡ ተመሊሱ ኣሎ። ወላዲቱ ምስ ብርክት ዝበሉ መቕርብ ተቐቢላቶ።